ກໍແມ່ນໜຶ່ງໃນ 15 ບໍລິສັດທ່ອງທ່ຽວຈາກ ສປປ ລາວ ທີ່ໄດ້ເຂົ້າຮ່ວມງານດັ່ງກ່າວ. ທ່ານນາງ ມຸກດາວັນ ດວງມະນີ ເຈົ້າຂອງບໍລິສັດມຸກດາທ່ອງທ່ຽວຈຳກັດຜູ້ດຽວຕັ້ງຢູ່ບ້ານໂຊກໃຫຍ່ ເມືອງໄຊເສດຖາ ນະຄອນຫຼວງວຽງຈັນໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນເມື່ອບໍ່ດົນມານີ້ວ່າ: ຕົນເອງຮູ້ສຶກດີໃຈຫຼາຍທີ່ໄດ້ຮັບໂອກາດຈາກອົງການທ່ອງທ່ຽວມາເລເຊຍປະຈຳລາວມາຮ່ວມງານໃນຄັ້ງນີ້ ຊຶ່ງເປັນເທື່ອທຳອິດທີ່ໄດ້ມີໂອກາດເຂົ້າໄປເຈລະຈາການຮ່ວມທຸລະກິດທ່ອງທ່ຽວເພື່ອຂະຫຍາຍໂອກາດໃນການຮ່ວມມືດ້ານທຸລະກິດການທ່ອງທ່ຽວໃຫ້ກວ້າງຂວາງຍິ່ງຂຶ້ນ.
ທ່ານກ່າວໃຫ້ຮູ້ຕື່ມອີກວ່າ: ຄາດວ່າພາຍຫຼັງມາຮ່ວມງານຄັ້ງນີ້ຈະສາມາດເປີດຕະຫຼາດການທ່ອງທ່ຽວຮ່ວມກັນລະຫວ່າງບໍລິສັດມຸກດາທ່ອງທ່ຽວກັບບໍລິສັດທ່ອງທ່ຽວທີ່ປະເທດມາເລເຊຍ ໂດຍຈະເປັນການເປີດຕະຫຼາດໃໝ່ຂອງບໍລິສັດ ເພື່ອເພີ່ມຊ່ອງທາງຕະຫຼາດໃໝ່. ສຳລັບບໍລິສັດມຸກດາທ່ອງທ່ຽວສ້າງຕັ້ງມາໄດ້ 1 ປີກວ່າ ໂດຍໄດ້ບໍລິການນຳພາລູກຄ້າທ່ອງທ່ຽວຕ່າງປະເທດເຊັ່ນ: ສສ ຫວຽດນາມ, ໄທ, ກຳປູເຈຍ, ສປ ຈີນ ນອກຈາກນັ້ນ, ບໍລິສັດຍັງໃຫ້ບໍລິການລູກຄ້ານຳລູກຄ້າຕ່າງປະເທດເຂົ້າມາທ່ຽວ ສປປ ລາວ ຊຶ່ງບໍລິສັດໄດ້ເນັ້ນການບໍລິການທີ່ດີໃຫ້ລູກຄ້າໄດ້ຮັບຄວາມປະທັບໃຈ ແລະ ເຊື່ອໝັ້ນໄດ້ວ່າບໍລິສັດຂອງພວກເຮົາເປັນບໍລິສັດທີ່ເຊື່ອໝັ້ນໄດ້ ແລະ ໄວ້ວາງໃຈໄດ້ໃຫ້ການບໍລິການທ່ອງທ່ຽວໃຫ້ມີຄວາມສຸກ ແລະ ຄວາມປະທັບໃຈ. ຈາກຄວາມຕັ້ງໃຈ ແລະ ໃສ່ໃຈໃນການບໍລິການລູກຄ້າເຮັດໃຫ້ບໍລິສັດມຸກດາທ່ອງທ່ຽວໄດ້ຮັບຄວາມໄວ້ວາງໃຈຈາກນັກທ່ອງທ່ຽວທີ່ມາໃຊ້ບໍລິການ ໂດຍການບອກຕໍ່ຈາກຜູ້ທີ່ໄດ້ມາສໍາຜັດກັບການບໍລິການ ແລ້ວແນະນໍາໃຫ້ມວນຊົນໄດ້ຮູ້ຈັກບໍລິສັດມຸກດາທ່ອງທ່ຽວຫຼາຍຂຶ້ນ.
ຂ່າວ-ພາບ: ຍຸພິນທອງ
ຄໍາເຫັນ