 |
ສະຫາຍ ພັທ ດາວສະເດັດ ຈັນລະພາເທບ ຮອງເລຂາໜ່ວຍພັກ ຮອງຫົວໜ້າຫ້ອງການເມືອງ ວຕຊ ເລກ II ໄດ້ລາຍງານການຈັດຕັ້ງປະຕິບັດ ການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໃຫ້ຮູ້ວ່າ: ຄະນະພັກຮາກຖານ ວຕຊ ເລກ II ປະກອບມີ 4 ສະຫາຍ; ມີ 9 ໜ່ວຍພັກຮາກຖານຂຶ້ນກັບ, ມີສະມາຊິກພັກທັງໝົດ 174 ສະຫາຍ ຍິງ 25 ສະຫາຍ; ພະນັກງານ 95 ສະຫາຍ ຍິງ 17 ສະຫາຍ; ນັກສຶກສາ 79 ສະ ຫາຍ ຍິງ 8 ສະຫາຍ. ໄລຍະຜ່ານມາ, ຄະນະພັກ-ຄະນະວິທະຍາໄລ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ, ການຈັດຕັ້ງ ແລະ ແບບແຜນນຳພາ ໂດຍຍຶດຖື 5 ຫຼັກການ 3 ທິດນຳ, ເຮັດໃຫ້ປີ 2025 ສາມາດຮັບຮອງເປັນໜ່ວຍພັກປອດໃສ ເຂັ້ມແຂງ ໜັກແໜ້ນໄດ້ 2 ໜ່ວຍພັກ. ໃນຕໍ່ໜ້າ, ຈະສູ້ຊົນສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ເພີ່ມຂຶ້ນຫຼາຍກ່ວາເກົ່າ.
ຈາກນັ້ນ, ຄະນະຮັບຜິດຊອບທັງສອງຝ່າຍ ໄດ້ແລກປ່ຽນຄຳຄິດຄຳເຫັນ ຖອດຖອນບົດຮຽນຊຶ່ງກັນ ແລະ ກັນ ໃນການປະເມີນຜົນການສ້າງໜ່ວຍພັກຢ່າງກົງໄປ-ກົງມາ ມີວິທະຍາສາດ.
ໂອກາດນີ້, ສະຫາຍ ພັອ ວີຄຳ ຂຸນສຳນານ ໄດ້ຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນ ຍົກສູງຄວາມຮັບຜິດຊອບໃນການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ນາຍ ແລະ ພົນຕຳຫຼວດຢ່າງຕໍ່ເນື່ອງ, ປະຕິບັດຫຼັກການລວມສູນປະຊາທິປະໄຕ ກໍຄືແບບແຜນນຳພາຢ່າງເຄັ່ງຄັດ, ກ້າຕຳນິ-ສົ່ງຂ່າວຊຶ່ງກັນ ແລະ ກັນຢ່າງຈິງໃຈ, ເອົາໃຈໃສ່ກວດກາ, ຕິດຕາມ, ປະເມີນໃຫ້ຖືກຕ້ອງຕາມຄວາມເປັນຈິງ ແນໃສ່ເຮັດໃຫ້ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນບັນລຸຕາມຄາດໝາຍ ແລະ ມີຄຸນນະພາບສູງຂຶ້ນ. ຂ່າວ: ປກສ
ຄໍາເຫັນ