ບໍລິສັດຜະລິດໄຟຟ້ານໍ້າອູສົ່ງເສີມການສຶກສາໂຮງຮຽນບ້ານຫາດຄີບ

ພິທີມອບ-ຮັບເຄື່ອງດັ່ງກ່າວ ໄດ້ຈັດຂຶ້ນ ໃນວັນທີ 18 ທັນວາຜ່ານມານີ້ ທີ່ໂຮງຮຽນດັ່ງກ່າວ,ໂດຍແມ່ນທ່ານ ສຸຍ ຊິ່ງ ຢວນ ຮອງເລຂາພັກ,ປະທານກຳມະບານ ບໍລິສັດ PowerChinaເປັນຜູ້ມອບ ແລະ ທ່ານວັນຄຳທອງທິບຈິດຕະວິໄລຜົນ ຜູ້ອຳນວຍການໂຮງຮຽນປະຖົມບ້ານຫາດຄີບເປັນຜູ້ຮັບ ມີພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ຜູ້ອຳນວຍການໂຮງຮຽນປະຖົມສົມບູນບ້ານຫາດຄີບໃຫ້ຮູ້ວ່າ: ພາຍຫຼັງທີ່ໄດ້ມີການພັດທະນາໂຄງການສ້າງເຂື່ອນໄຟຟ້ານໍ້ອູ 2 ຊຶ່ງໄດ້ມີການຈັດສັນຍົກຍ້າຍ ໂຮງຮຽນປະຖົມຫຼັງເກົ່າ ແລະ ມາພັດ ທະນາສ້າງໂຮງຮຽນປະຖົມຫຼັງໃໝ່ໃຫ້ຢູ່ບ້ານຈັດສັນ ຊຶ່ງໄດ້ເຮັດໃຫ້ບັນດານ້ອງນັກຮຽນໄດ້ມີຄວາມຫ້າວ ຫັນໃນການມາໂຮງຮຽນເປັນປົກກະຕິ,ເຮັດໃຫ້ສະພາບການຮຽນແລະ ການສອນພາຍໃນໂຮງຮຽນນັບມື້ດີຂຶ້ນເລື້ອຍໆ, ໃນນັ້ນທາງໂຄງການຍັງໄດ້ໃຫ້ທຶນການສຶກສາ ເປັນຕົ້ນອຸປະກອນການຮຽນແລະ ການສອນ ແລະ ເຄື່ອງຮັບໃຊ້ຫ້ອງການໃຫ້ແກ່ຄູ,ອາຈານພາຍໃນໂຮງຮຽນພວກເຮົາ, ສະນັ້ນເມື່ອທຽບໃສ່ກັບໂຮງຮຽນຫຼັງເກົ່າໃນເມື່ອກ່ອນເຫັນວ່າລະບົບການສຶກສາມີຄວາມຄືບໜ້າຂຶ້ນກວ່າເກົ່າຫຼາຍ,ພ້ອມນີ້ທາງໂຄງການຍັງໄດ້ສະໜອງເຄື່ອງກອງນໍ້າສະອາດທີ່ສາມາດກິນໄດ້ເລີຍ, ເພື່ອໃຫ້ນ້ອງນັກຮຽນໄດ້ກິນນໍ້າຢູ່ໂຮງຮຽນ ຊຶ່ງໄດ້ສ້າງຄວາມສະດວກໃຫ້ນັກຮຽນເວລາຢາກນໍ້າໂດຍບໍ່ໄດ້ເມືອກິນຢູ່ບ້ານຊຶ່ງໄດ້ເຮັດໃຫ້ນັກຮຽນມາຮຽນເປັນປົກກະຕິ ແລະ ບໍ່ຂາດໂຮງຮຽນ,ປັດຈຸບັນມີນັກຮຽນປະຖົມ ປໍ1ຮອດປໍ 5 ທັງໝົດ 111 ຄົນ,ໂຄງການດັ່ງກາາວໄດ້ເຂົ້າມາຊ່ວຍພັດທະນາ ແລະ ໃຫ້ການສະໜັບສະໜູນຊ່່ວຍເຫຼືອໂຮງຮຽນແມ່ນເລີ່ມໃນປີ 2023ເປັນຕົ້ມາ.

ທ່ານກ່າວຕື່ມວ່າ:ເມື່ອອີງໃສ່ກັບຄວາມຮຽກຮ້ອງຕ້ອງການໃນການພັດທະນາໂຮງຮຽນແມ່ນຍັງມີຫຼາຍຢ່າງທີ່ຍັງມີຄວາມຕ້ອງການ,ອັນຫຼັກໆທາງໂຮງຮຽນແມ່ນຢາກສ້າງຮົ້ວອ້ອມໂຮງຮຽນ,ຕາມແຜນແມ່ນຢາກເຮັດຮົ້ວທີ່ມີຄວາມແໜ້ນໜາຖາວອນເພື່ອຈະໄດ້ຮັກສານ້ອງນັກໄດ້ເປັນຢ່າງດີ,ໃນນັ້ນຢາກໄດ້ຈັກປິນເຕີຕື່ມເພື່ອມາປ່ຽນແທນໂຕເກົ່າທີ່ເປ່ເພແລະໃນໂອກາດດັ່ງກ່າວນີ້,ຂໍສະແດງຄວາມຂອບໃຈ ຕໍ່ທາງໂຄງການເຂື່ອນໄຟຟ້ານໍ້ອູ 2 ທີ່ໄດ້ໃຫ້ການສະໜັບສະໜູນຊ່ວຍເຫຼືອທາງໂຮງຮຽນພວກເຮົາດ້ວຍດີຕະຫຼອດມາແລະ ຫວັງຢ່າງຍິງວ່າໃນຕໍ່ໜ້າຈະໄດ້ຮັບການຊ່ວຍເຫຼືອຕື່ມອີກ.(ຂ່າວ-ພາບ:ສຳນານ)