 |
ພິທີມອບ-ຮັບຈັດຂຶ້ນໃນວັນທີ 4 ພຶດສະພາຜ່ານມາ ທີ່ຫ້ອງວ່າການແຂວງ ໂດຍການກ່າວມອບຂອງ ທ່ານ ວິດທະຍາ ບໍລິວົງ ຕາງໜ້າບໍລິສັດ ວັງຕັດມາຍນິງກຣຸບ ຈຳກັດ ແລະ ໃຫ້ກຽດກ່າວຮັບຂອງ ທ່ານ ຂັນຕີ ສີລະວົງສາ ປະທານຄະນະກຳມະການປົກຄອງແຂວງ, ມີພາກສ່ວນກ່ຽວຂ້ອງທັງສອງຝ່າຍເຂົ້າ ເຂົ້າຮ່ວມ.
ໃນໂອກາດນີ້, ທ່ານ ຂັນຕີ ສີລະວົງສາ ໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍ ບໍລິສັດ ວັງຕັດມາຍນິງກຣຸບ ຈຳກັດ ທີ່ຍາມໃດກໍໄດ້ໃຫ້ການສະໜັບສະໜູນປະກອບສ່ວນຊຸກຍູ້ເຂົ້າໃນວຽກງານການພັດທະນາຂອງພັກ-ລັດ ໂດຍສະເພາະແມ່ນແຂວງເຊກອງ. ພ້ອມນີ້, ທ່ານປະທານຄະນະກຳມະການປົກຄອງແຂວງ ຍັງໄດ້ສັນຍາວ່າຈະນຳເອົາເຄື່ອງດັ່ງກ່າວນີ້ ໄປມອບໃຫ້ຕາແສງພາຍໃນແຂວງເຊກອງຢ່າງທົ່ວເຖິງ ເພື່ອນຳໃຊ້ເຂົ້າໃນວຽກງານຕາມຈຸດປະສົງທີ່ວາງໄວ້ໃຫ້ເກີດປະໂຫຍດສູງສຸດ.
(ຂ່າວ: ອັດສະວິນ)
ຄໍາເຫັນ