ຈະຈັດງານແຂ່ງຂັນກິລາເປຕັງທົ່ວປະເທດ ຄັ້ງທີ I ໃນກາງເດືອນຕຸລານີ້

15:59 07/10/2023

ສູນກາງແນວລາວສ້າງຊາດ (ສນຊ) ຮ່ວມກັບສະຫະພັນກິລາເປຕັງແຫ່ງຊາດລາວ ຈະໄດ້ຈັດງານ ແຂ່ງຂັນກິລາເປຕັງທົ່ວປະເທດ ຄັ້ງທີ I ຂຶ້ນໃນລະຫວ່າງວັນທີ 13-15 ຕຸລາ ນີ້ ທີ່ສະໜາມກິລາເປຕັງແຫ່ງຊາດ (ດົງໂດກ) ນະຄອນຫຼວງວຽງຈັນ. ປັດຈຸບັນມີຄວາມພ້ອມ 100%.
ທ່ານ ຄຳຫຼ້າ ວິນໄລທອງ ຮອງຫົວໜ້າຄະນະທີ່ປຶກສາວຽກງານຊົນເຜົ່າ ທັງເປັນຜູ້ປະຈຳການສະຫະພັນກິລາເປຕັງແຫ່ງຊາດລາວ ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບການກະກຽມຄວາມພ້ອມໃນການຈັດງານແຂ່ງຂັນກິລາດັ່ງກ່າວ ໃນວັນທີ 6 ຕຸລາ ນີ້ ທີ່ ສນຊ ວ່າ: ງານແຂ່ງຂັນກິລາເປຕັງທົ່ວປະເທດ ຄັ້ງທີ I ຈະຈັດຂຶ້ນໃນລະຫວ່າງວັນທີ 13-15 ຕຸລາ 2023 ນີ້. ເພື່ອຊີງຂັນລາງວັນຂອງທ່ານປະທານ ສນຊ ເພື່ອສ້າງຂະບວນການສະເຫຼີມສະຫຼອງວັນປະກາດເອກະລາດ ຄົບຮອບ 78 ປີ (12 ຕຸລາ 1945-12 ຕຸລາ 2023) ໃຫ້ມີຂະບວນການຟົດຟື້ນ, ທັງເປັນການຄັດເລືອກເອົານັກກິລາເປຕັງທີມຊາດລາວ ເພື່ອເຂົ້າຮ່ວມການແຂ່ງຂັນກິລາເປຕັງໃນລະດັບອະນຸພາກພື້ນ ແລະ ສາກົນເຊັ່ນ: ເຂົ້າຮ່ວມການແຂ່ງຂັນກິລາເປຕັງຊີງແຊັມໂລກທີ່ປະເທດໄທໃນທ້າຍປີ 2023 ນີ້, ງານມະຫະກຳກິລາອິນດໍເກມທີ່ປະເທດໄທຕົ້ນປີ 2024 ແລະ ງານມະຫະກຳກິລາມະຫາວິທະຍາໄລອາຊຽນ AUG ທີ່ປະເທດອິນໂດເນເຊຍປີ 2024.
ການແຂ່ງຂັນກິລາເປຕັງໃນຄັ້ງນີ້ປະກອບມີ 4 ລາຍການ ແລະ ໄດ້ຮັບລາງວັນມີດັ່ງນີ້: ດ່ຽວຍິງ ທີ 1 ໄດ້ຮັບຂັນລາງວັນ 1 ໝ່ວຍ ພ້ອມເງິນສົດ 3.000.000 ກີບ, ທີ 2 ໄດ້ຮັບຂັນລາງວັນ 1 ໜ່ວຍ ພ້ອມເງິນສົດ 1.500.000 ກີບ, ທີ 3 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 1.000.000 ກີບ; ດ່ຽວຊາຍ ທີ 1 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 5.000.000 ກີບ, ທີ 2 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 2.500.000 ກີບ, ທີ 3 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 1.000.000 ກີບ; ທີມຄູ່ທົ່ວໄປ ທີ 1 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 7.000.000 ກີບ, ທີ 2 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 3.500.000 ກີບ, ທີ 3 ໄດ້ຮັບຂັນລາງວັນ 1 ໜ່ວຍພ້ອມເງິນສົດ 2.000.000 ກີບ. ສ່ວນທີມຄູ່ VIP ຮຸ່ນອາຍຸ 50 ປີຂຶ້ນໄປແມ່ນໄດ້ຮັບລາງວັນທີ 1, ທີ 2, ທີ 3 ມີມູນຄ່າຄືກັບດ່ຽວຍິງ.
ທ່ານ ຄຳຫຼ້າ ວິນໄລທອງ ກ່າວຕື່ມວ່າ: ປັດຈຸບັນວຽກງານການກະກຽມດ້ານໆ, ສະຖານທີ່ ແລະ ອື່ນໆມີຄວາມພ້ອມ 100% ແລ້ວ. ສະນັ້ນ, ຂໍເຊີນບັນດາຄະນະນຳ, ຄູຝຶກ ແລະ ນັກກິລາເປຕັງແຕ່ລະແຂວງທົ່ວປະເທດ, ນະຄອນຫຼວງວຽງຈັນ, ບັນດາກະຊວງ, ອົງການທຽບເທົ່າ ແລະ ສະໂມສອນກິລາເປຕັງໃນທົ່ວປະເທດພ້ອມກັນມາເຂົ້າຮ່ວມໃນການແຂ່ງຂັນກິລາເປຕັງໃນຄັ້ງນີ້. ສາມາດສອບຖາມລາຍລະອຽດການລົງທະບຽນໄດ້ຕາມໃບແຈ້ງການທີ່ສະຫະພັນກິລາເປຕັງແຫ່ງຊາດລາວແຈ້ງອອກ ແລະ ສາມາດເຂົ້າຕິດຕາມໄດ້ຜ່ານເພສຂ່າວສານຂອງ ສນຊ, ຂ່າວສານສະຫະພັນກິລາເປຕັງແຫ່ງຊາດລາວ. ພ້ອມນີ້ ເຊີນ ຊວນບັນດາສື່ມວນຊົນຄົນລາວ ແລະ ຄົນຕ່າງປະເທດເຂົ້າມາເຊຍ, ຊົມການແຂ່ງຂັນກິລາເປຕັງໃນຄັ້ງນີ້ ເພື່ອໃຫ້ມີບັນຍາກາດເບີກບານມ່ວນຊື່ນ ແລະ ເປັນຂະບວນຟົດຟື້ນ.
(ຂ່າວ-ພາບ: ວັນເພັງ)

ຄໍາເຫັນ

ຂ່າວວັດທະນະທຳ-ສັງຄົມ

ສານປະຊາຊົນສູງສຸດ ປາຖະກະຖາວັນສ້າງຕັ້ງພັກ ຄົບຮອບ 71 ປີ

27/03/2026 13:04

ສານປະຊາຊົນສູງສຸດໄດ້ຈັດປາຖະກະຖາ ວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 71 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອດ 80 ປີ ຂຶ້ນໃນວັນທີ 27 ມີນານີ້ ທີ່ກະຊວງດັ່ງກ່າວ, ໂດຍການປາຖະກະຖາຂອງ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸກດ, ມີບັນດາຄະນະພັກ,ສະມາຊິກພັກ ແລະ ພະນັກງານວິຊາການພາຍໃນກະຊວງເຂົ້າຮ່ວມ.

ກອງປະຊຸມຄົ້ນຄວ້າແກ້ໄຂຜົນກະທົບ ຜູ້ປະສົບໄພພິບັດ

27/03/2026 12:56

ກອງປະຊຸມຄົ້ນຄວ້າແກ້ໄຂຜົນກະທົບຕໍ່ຄອບຄົວຜູ້ປະສົບໄພພິບັດ ໃນ 17 ບ້ານຂອງສອງເມືອງ (ເມືອງສີໂຄດຕະບອງ ແລະ ເມືອງນາຊາຍທອງ) ໄດ້ຈັດຂຶ້ນຫວ່າງມໍ່ໆມານີ້ ທີ່ຫ້ອງວ່າການນະຄອອນຫຼວງວຽງຈັນ, ໂດຍການເຂົ້າຮ່ວມເປັນປະທານ ຂອງທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ມີບັນດາຄະນະກຳມະການຄຸ້ມຄອງໄພພິບັດຂັ້ນນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມ.

ສະຫະພັນກຳມະບານເມືອງບໍ່ແຕນ ຈັດກອງປະຊຸມຄົບຄະນະບໍລິຫານງານ ຄັງທີ 2 ສະໄໝທີ VII

27/03/2026 09:23

ກອງປະຊຸມຄົບຄະນະບໍລິຫານງານສະຫະພັນກຳມະບານເມືອງບໍ່ແຕນ ແຂວງໄຊຍະບູລີ ຄັ້ງທີ 2 ສະໄໝທີ VII ໄດ້ໄຂຂຶ້ນໃນວັນທີ 26 ມີນານີ, ໂດຍເປັນປະທານຂອງ ສະຫາຍ ນາງ ເສີຍ ວິໄລທອງ ກຳມະການພັກເມືອງ ຄະນະບໍລິຫານງານສະພັນກຳມະນານແຂວງ ປະທານສະຫະພັນກຳມະບານເມືອງ, ໂດຍເປັນກຽດເຂົ້າຮ່ວມຂອງສະຫາຍ ຄຳພັນ ພັນທະວົງ ຮອງເລຂາພັກເມືອງ ປະທານກວດກາພັກເມືອງ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງ ໃນທົ່ວເມືອງເຂົ້າຮ່ວມ.

ຄກສພ-ອກຫລ ປະກາດການຍົກຍ້າຍ ແລະ ອອກພັກການ-ຮັບອຸດ ໜູນບໍານານ

26/03/2026 20:43

ໃນວັນທີ 26 ມີນາ ນີ້ ຄະນະກວດກາສູນກາງພັກ ແລະ ອົງການກວດກາແຫ່ງລັດ (ຄກສພ-ອກຫລ ) ໄດ້ຈັດພິທີປະກາດການຍົກຍ້າຍ ແລະ ອອກພັກການ-ຮັບອຸດໜູນບໍານານຂອງພະນັກງານນຳພາ-ຄຸ້ມຄອງ ໂດຍການເປັນປະທານຂອງ ສະຫາຍ ວັນໄຊ ພອງສະຫວັນ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງສູນກາງ, ມີບັນດາສະຫາຍຮອງປະທານຄະນະກວດກາສູນກາງພັກ, ຮອງປະທານອົງການກວດກາແຫ່ງລັດ ແລະ ຮອງຫົວໜ້າອົງການຕ້ານການສໍ້ລາດບັງຫຼວງ; ຜູ້ຕາງໜ້າຈາກຄະນະຈັດຕັ້ງສູນກາງພັກ, ຫົວໜ້າຫ້ອງການ, ຮອງຫົວໜ້າຫ້ອງການ, ບັນດາຫົວໜ້າກົມ, ຮອງຫົວໜ້າກົມ ຕະຫຼອດຮອດພະນັກງານ-ລັດຖະກອນທົ່ວອົງການເຂົ້າຮ່ວມ.

ກະຊວງການຕ່າງປະເທດ ເຊື່ອມຊຶມ ແລະ ຜັນຂະຫຍາຍ ມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກ

26/03/2026 16:08

ໃນວັນທີ 25 ມີນາ ນີ້, ກະຊວງການຕ່າງປະເທດ ໄດ້ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກ; ມະຕິຂອງລັດຖະບານ ວ່າດ້ວຍ ການແບ່ງຄວາມຮັບຜິດຊອບ ໃນການຈັດຕັ້ງປະຕິບັດ ມະຕິ ວ່າດ້ວຍ ການສ້າງເສດຖະກິດເອກະລາດ ເປັນເຈົ້າຕົນເອງ ໃນໄລຍະໃໝ່ ສະບັບເລກທີ 04/ກມສພ, ລົງວັນທີ 11 ເມສາ 2024 ພ້ອມຫວນຄືນມູນເຊື້ອ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ; ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 80 ປີ ແລະ ມູນເຊື້ອການກຳເນີດ ແລະ ຂະຫຍາຍຕົວຂອງສະຫະພັນກຳມະບານລາວ ຄົບຮອບ 70 ປີ

ກອງກອງຮ້ອຍທະຫານຊາຍແດນ 159 ອົບຮົມ ຫັດແອບການທະຫານປະຈຳປີ 2026

26/03/2026 16:07

ກອງຮ້ອຍທະຫານຊາຍແດນ 159 ເມືອງບໍ່ແຕນ ແຂວງໄຊຍະບູລີ ໄດ້ຈັດຊຸດອົບຮົມຫັດແອນການທະຫານ, ການເມືອງ, ພາລາທິການ-ເຕັກນິກ ແລະ ວິຊາສະເພາະຄຸ້ມຄອງປ້ອງກັນຊາຍແດນປະຈຳປີ 2026 ຂຶ້ນຢູ່ທີ່ກອງຮ້ອຍດັ່ງກ່າວ ໃນວັນທີ 25 ມີນານີ້, ໂດຍການເປັນປະທານ ຂອງສະຫາຍ ຮອ ພຸດທະສັກ ທ່ຽງສານໄຊ ຫົວໜ້າການທະຫານກອງຮ້ອຍທະຫານຊາຍແດນ 159, ມີຄະນະພັກ, ຄະນະບັນຊາ, ນາຍ ແລະ ພົນທະຫານພາຍໃນກົມກອງ ເຂົ້າຮ່ວມ.

ການນຳ ສຊປລ ມອບເຄື່ອງໃຫ້ກອງພັນໃຫຍ່ ຈໍ 11 ແລະ ຄອບຄົວທີ່ໄດ້ຮັບຜົນກະທົບຈາກພາຍຸໝາກເຫັບ

26/03/2026 16:06

ວັນທີ 25 ມີນາ ນີ້ ທີ່ສະໂມສອນໃຫຍ່ ກອງພັນໃຫຍ່ ຈໍ 11, ທ່ານ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ (ສຊປລ) ພ້ອມຄະນະ ໄດ້ລົງພື້ນທີ່ມອບເຄື່ອງຊ່ວຍເຫຼືອໃຫ້ກອງພັນໃຫຍ່ ຈໍ 11 ໃຫ້ກຽດຕ້ອນຮັບໂດຍ ທ່ານ ພັນເອກ ຄຳສາຍ ມຸນດວງສິງ ເລຂາຄະນະພັກ ຫົວໜ້າການເມືອງກອງພັນໃຫຍ່ ຈໍ 11 ພ້ອມຄະນະຕ້ອນຮັບ.

ມອບ-ຮັບ ເງິນລາງວັນໃຫ້ຜູ້ໂຊກດີ ຖືກລາງວັນທີ 1

26/03/2026 16:04

ມອບ-ຮັບລາງວັນໃຫ້ແກ່ຜູ້ໂຊກດີ ທີ່ຖືກລາງວັນທີ 1 ກັບ ບໍລິສັດລາວໂລໂຕ ຈຳກັດ (ຫວຍແຮັບປີ້ໂລໂຕ 5/45) ຊຶ່ງໄດ້ຈຳໜ່າຍເລີ່ມແຕ່ວັນທີ 12 ກຸມພາ 2022 ແລະ ຮອດປັດຈຸບັນແມ່ນ ອອກລາງວັນງວດທີ 32, ອອກຄັ້ງວັນທີ 18 ມີນາ 2026 ຜ່ານມານີ້ ຊຶ່ງຜູ້ໂຊກດີຖືກລາງວັນມູນຄ່າ 1,360,483,575 ກີບ. ຜູ້ໂຊກດີທີ່ຖືກລາງວັນດັ່ງກ່າວແມ່ນ ທ່ານ ນາງ ທິດາວັນ ລາດສະຄຳ ອາຍຸ 33 ປີ ບ້ານສະຫວ່າງ ເມືອງຈັນທະບູລີ ນະຄອນຫຼວງວຽງຈັນ. ມອບລາງວັນໂດຍ ທ່ານ ພຸດທະສັກ ພົມມະຈັກ ຮອງຜູ້ອຳນວຍການ ບໍລິສັດລັດວິສາຫະກິດຫວຍພັດທະນາ, ພ້ອມດ້ວຍສັກຂີພິຍານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ ຊຶ່ງພິທີໄດ້ຈັດຂຶ້ນໃນວັນທີ 25 ມີນານີ້ ທີ່ບໍລິສັດລັດວິສາຫະກິດຫວຍພັດທະນາ.

ກະຊວງຍຸຕິທຳ ປາຖະກະຖາ ສຳຄັນຂອງຊາດ

26/03/2026 16:01

ກະຊວງຍຸຕິທຳ ໄດ້ຈັດປາຖະກະຖາ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອດ 80 ປີ ຂຶ້ນໃນວັນທີ 25 ມີນານີ້ ທີ່ກະຊວງດັ່ງກ່າວ, ໂດຍການປາຖະກະຖາຂອງ ທ່ານ ຄຳພັນ ພົມມະທັດ ກຳມະການກົມການເມືອງສູນການພັກ ຮອງນາຍົກລັດຖະມົນຕີ ລັດຖະມົນຕີກະຊວງຍຸຕິທຳ, ມີບັນດາຄະນະພັກ, ສະມາຊິກພັກ ແລະ ພະນັກງານວິຊາການພາຍໃນກະຊວງເຂົ້າຮ່ວມ.

ກອງປະຊຸມຄັ້ງທີ I ຄະນະກໍາມະການຄຸ້ມຄອງນໍ້າແຫ່ງຊາດ

26/03/2026 16:00

ກອງປະຊຸມຄັ້ງທີ I ຂອງຄະນະກຳມະການຄຸ້ມຄອງນໍ້າແຫ່ງຊາດ ໄດ້ຈັດຂຶ້ນໃນວັນທີ 25 ມີນາ ນີ້ ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC) ພາຍໃຕ້ການເປັນປະທານຂອງ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດ ແລະ ການພົວພັນຮ່ວມມືກັບຕ່າງປະເທດ ປະທານຄະນະກຳມະການຄຸ້ມຄອງນ້ຳແຫ່ງຊາດ ມີບັນດາທ່ານລັດຖະມົນຕີ ແລະ ຮອງລັດຖະມົນຕີ, ສະມາຊິກຂອງຄະນະກຳມະການຄຸ້ມຄອງນໍ້າແຫ່ງຊາດ, ບັນດາທ່ານຜູ້ຕາງໜ້າຂັ້ນແຂວງທີ່ຢູ່ໃນຫ້ອງປະຊຸມ ແລະ ຜ່ານລະບົບທາງໄກ ເຂົ້າຮ່ວມ.

ເພີ່ມເຕີມ