ບົດລາຍງານຊີ້ໃຫ້ເຫັນວ່າ: ເສດຖີຫຼາຍຄົນກຳລັງເດີນທາງອອກຈາກອັງກິດຍ້ອນຫຼາຍປັດໄຈເຊັ່ນ: ອັດຕາພາສີທີ່ສູງໃນປັດຈຸບັນ, ທ່າອ່ຽງຂອງການເພີ່ມພາສີຕື່ມອີກ (ລວມທັງພາສີຄວາມຮັ່ງມີ), ການຍົກເລີກຜົນປະໂຫຍດດ້ານພາສີສຳລັບບຸກຄົນຕ່າງປະເທດທີ່ຮັ່ງມີ ແລະ ສະພາບແວດລ້ອມທາງສັງຄົມທີ່ບໍ່ເອື້ອອຳນວຍຕໍ່ຜູ້ສ້າງຄວາມຮັ່ງມີ.
ທ່ານ ມິດເຊວ ພາມເມີ ນັກເສດຖະສາດຂອງສະຖາບັນ Adam Smith ກ່າວວ່າ: ການຫຼຸດລົງຂອງຈຳນວນເສດຖີຄວນຖືກເບິ່ງວ່າເປັນ "ສັນຍານເຕືອນໄພ" ທີ່ສຳຄັນ, ຍ້ອນວ່າບຸກຄົນທີ່ຮັ່ງມີທີ່ຍ້າຍອອກໄປໝາຍເຖິງທຶນສຳລັບຂະແໜງທຸລະກິດຂອງອັງກິດ, ການເຊື່ອມຕໍ່ສາກົນຫຼຸດລົງ ແລະ ຈິດວິນຍານການເປັນຜູ້ປະກອບການໃນລະບົບເສດຖະກິດທີ່ອ່ອນແອລົງ.
ທ່ານ ພາມເມີ ໄດ້ເຕືອນວ່າ: ຂໍ້ສະເໜີທີ່ຈະຂຶ້ນພາສີ ເຊັ່ນ: ພາສີຄວາມຮັ່ງມີ ຫຼື ການເກັບພາສີກຳໄລຈາກການລົງທຶນໃຫ້ສອດຄ່ອງກັບອັດຕາພາສີລາຍໄດ້ ຈະຊ່ວຍເລັ່ງການໄຫຼອອກຂອງຄວາມຮັ່ງມີອອກຈາກປະເທດໄວຂຶ້ນ, ທ່ານໄດ້ຮຽກຮ້ອງໃຫ້ມີການປ່ຽນແປງນະໂຍບາຍທີ່ຊຸກຍູ້ ແລະ ກະຕຸ້ນກຸ່ມຄົນເຫຼົ່ານີ້ໃຫ້ສ້າງ ແລະ ຮັກສາຄວາມຮັ່ງມີໃນອັງກິດ.
ຄໍາເຫັນ