ຈຳນວນຜູ້ໂດຍສານເດີນທາງໄປຍີ່ປຸ່ນໂດຍສາຍການບິນເຈຈູແອ ເກີນ 4 ລ້ານຄົນ

ຂ່າວຕ່າງປະເທດລາຍງານ ໃນວັນທີ 12 ມັງກອນ ຜ່ານມາວ່າ: ທ່ານ ຊຸລກິຟລີ ຮາຊັນ ລັດຖະມົນຕີກະຊວງປະສານງານດ້ານອາຫານຂອງອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍກໍາລັງກະກຽມທີ່ຈະຈັດຕັ້ງປະຕິບັດນະໂຍບາຍເຂົ້າລາຄາດຽວທົ່ວປະເທດພາຍໃນປີ 2026 ເພື່ອຫຼຸດຜ່ອນຄວາມແຕກຕ່າງຂອງລາຄາໃນທົ່ວພາກພື້ນ.

ຂ່າວຕ່າງປະເທດລາຍງານ ໃນວັນທີ 12 ມັງກອນ ຜ່ານມາວ່າ: ສະຫະພັນເຂົ້າມຽນມາ (MRF) ໄດ້ເປີດເຜີຍວ່າ, ມຽນມາໄດ້ສົ່ງອອກເຂົ້າສານ ແລະ ເຂົ້າຫັກປະລິມານຫຼາຍກວ່າ 2.1 ລ້ານໂຕນ ໃນໄລຍະ 9 ເດືອນທຳອິດ (ເມສາ - ທັນວາ) ຂອງປີງົບປະມານ 2025-2026.

ຂ່າວສານຊີອາໄອລາຍງານວ່າ: ໃນວັນທີ 12 ມັງກອນ ຜ່ານມາ, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນ ໄດ້ກ່າວຄຳປາໄສໃນກອງປະຊຸມຄົບຄະນະຄັ້ງທີ 5 ຂອງຄະນະກວດກາສູນກາງພັກກອມມູນິດຈີນສະໄໝທີ 20, ທ່ານເນັ້ນໜັກວ່າ: ຕ້ອງຢຶດໝັ້ນ ແລະ ເພີ່ມທະວີການນຳພາຮອບດ້ານຂອງພັກ, ຊຸກຍູ້ການຄຸ້ມຄອງພັກຢ່າງຮອບດ້ານ ແລະ ເຂັ້ມງວດດ້ວຍມາດຕະຖານທີ່ສູງກວ່າເກົ່າ ແລະ ມາດຕະການແທ້ຈິງກວ່າເກົ່າ, ເອົາອຳນາດຂັງໄວ້ໃນຄອກແຫ່ງລະບຽບການຢ່າງມີວິທະຍາສາດ ແລະ ມີປະສິດທິຜົນກວ່າເກົ່າ, ຊຸກຍູ້ການຕໍ່ສູ້ຕ້ານການສໍ້ລາດບັງຫຼວງຢ່າງມີສະຕິ ແລະ ເດັດຂາດກວ່າເກົ່າ, ສະໜອງການຮັບປະກັນທີ່ເຂັ້ມແຂງເພື່ອບັນລຸໜ້າທີ່ເປົ້າໝາຍໃນໄລຍະ “ແຜນພັດທະນາ 5 ປີຄັ້ງທີ XV ”.

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 12 ມັງກອນ ຜ່ານມາ, ທ່ານ ຟ້າມມິງຈິງ ນາຍົກລັດຖະມົນຕີ ຫົວໜ້າຄະນະຊີ້ນຳແຫ່ງຊາດກ່ຽວກັບຂໍ້ມູນ ໄດ້ເປັນປະທານກອງປະຊຸມຄັ້ງທີ 1 ຂອງຄະນະຊີ້ນຳ. ກອງປະຊຸມໄດ້ຈັດຂຶ້ນແບບເຊິ່ງໜ້າຢູ່ສຳນັກງານລັດຖະບານຫວຽດນາມ ທີ່ນະຄອນຫຼວງຮ່າໂນ້ຍ ແລະ ເຊື່ອມຕໍ່ກັບສະຖານທີ່ເຊື່ອມຕໍ່ 34 ແຂວງ, ນະຄອນໃນທົ່ວປະເທດ.

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຄະນະກຳມະການລາດຊະວົງອັລອູລາ ຂອງຊາອຸດິດ ອາຣັບບີ ໄດ້ປະກາດການຄົ້ນພົບຟອດຊິວແມງດາທະເລໃນເຂດສະຫງວນທຳມະຊາດ Al-Gharamil ໃນເມືອງອັລອູລາ. ໂດຍຟອດຊິວດັ່ງກ່າວມາຈາກຍຸກອໍໂດວິຊຽນ ຊຶ່ງຄາດຄະເນວ່າມີອາຍຸປະມານ 444 ຫາ 485 ລ້ານປີ, ກາຍເປັນໜຶ່ງໃນຟອດຊິວແມງດາທີ່ເກົ່າແກ່ທີ່ສຸດທີ່ເຄີຍຄົ້ນພົບໃນທົ່ວໂລກ.

ຂ່າວຕ່າງປະເທດລາຍງານ ໃນວັນທີ 11 ມັງກອນ ຜ່ານມາວ່າ: ກະຊວງການສື່ສານ ແລະ ກິດຈະການດີຈີຕອນຂອງອິນໂດເນເຊຍ ໄດ້ໂຈະການເຂົ້າເຖິງ chatbot AI ຂອງ xAI ຊື່ວ່າ "Grok" ຊົ່ວຄາວ, ໂດຍອ້າງເຖິງຄວາມກັງວົນກ່ຽວກັບການສ້າງ ແລະ ການເຜີຍແຜ່ຮູບພາບລາມົກ ລວມທັງປອມແປງເນື້ອຫາ (deepfake) ທີ່ສ້າງຂຶ້ນໂດຍບໍ່ໄດ້ຮັບການຍິນຍອມ.

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການສະຫະປະຊາຊາດ (UN) ໄດ້ເຜີຍແຜ່ບົດລາຍງານສະຖານະການ ແລະ ທ່າອ່ຽງເສດຖະກິດໂລກປີ 2026ຊຶ່ງລະບຸວ່າ, ຜົນຜະລິດທາງເສດຖະກິດທົ່ວໂລກຄາດວ່າຈະເຕີບໂຕ2.7% ໃນປີ 2026 ຊຶ່ງຕໍ່າກວ່າໂຕເລກການຄາດຄະເນ 2.8% ຂອງປີ 2025 ແລະຕໍ່າກວ່າອັດຕາສະເລ່ຍກ່ອນການລະບາດທີ່ 3.2%.

ຂ່າວສານຊີອາໄອລາຍງານວ່າ: ໃນວັນ​ທີ 11 ມັງ​ກອນ ຜ່ານມາ, 100 ຕາ​ແສງ ແລະ ​ເມືອງ​ໃນຫຼາຍ​ແຂວງ​ ແລະ​​ ລັດຂອງມຽນ​ມາ ຄື: ນະ​ຄອນ​ຢາງ​ກຸງ, ນະ​ຄອນ​ຫຼວງ​ເນ​ປີ​ດໍ ແລະ ນະ​ຄອນ​ມານ​ດາ​​ເລ ເປັນ​ຕົ້ນ ​ໄດ້​​ຈັດ​ກາ​ນ​ລົງ​ຄະ​ແນນ​ສຽງ​​ໄລ​ຍະ​ທີ 2 ຂອງ​ການ​ເລືອ​ກ​ຕັ້ງ​​​ທົ່ວ​ປະ​ເທດ. ​ການ​ລົງ​ຄະ​ແນນ​ສຽງ​ນັບ​ແຕ່ເວ​ລາ 6:00 ໂມງ​ຈົນ​ຮອດ 16:00 ໂມງ.

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 11 ມັງກອນ ຜ່ານມາ ຢູ່ສຳນັກງານລັດຖະບານ ທີ່ນະຄອນຫຼວງຮ່າໂນ້ຍ, ອົງຄະນະພັກລັດຖະບານຫວຽດນາມ ໄດ້ຈັດກອງປະຊຸມສະຫຼຸບວຽກງານປີ 2025 ແລະ ຜັນຂະຫຍາຍທິດທາງ, ໜ້າທີ່ປີ 2026. ໂດຍການເປັນປະທານຂອງທ່ານ ຟ້າມມິງຈິງ ນາຍົກລັດຖະມົນຕີ ເລຂາອົງຄະນະພັກ.

ຂ່າວຕ່າງປະເທດລາຍງານ ໃນວັນທີ 8 ທັນວາ ຜ່ານມາວ່າ: ທ່ານ ຍໍ ຮັນກູ ລັດຖະມົນຕີກະຊວງການຄ້າ, ອຸດສາຫະກຳ ແລະ ຊັບພະຍາກອນຂອງ ສ ເກົາຫຼີ ໄດ້ໃຫ້ຄຳໝັ້ນສັນຍາວ່າຈະພະຍາຍາມທຸກວິທີທາງເພື່ອຮັກສາການສົ່ງອອກປະຈຳປີຂອງ ສ ເກົາຫຼີ ໃຫ້ສູງກວ່າ 700 ຕື້ໂດລາເປັນປີທີສອງຕິດຕໍ່ກັນໃນປີ 2026, ເຖິງວ່າຈະມີຄວາມບໍ່ແນ່ນອນດ້ານການຄ້າທົ່ວໂລກກໍຕາມ.