ພິທີເປີດໂຮງງານປຸງແຕ່ງຜະລິດຕະພັນກະສິກໍາທອງມີໄຊ ບໍລິສັດພັດທະນາເຂດພູດອຍ ຈໍາກັດຜູ້ດຽວ-ໂກເອໂກ ໄດ້ຈັດຂຶ້ນໃນວັນທີ 7 ທັນວານີ້ ທີ່ບ້ານທອງມີໄຊ ເມືອງວຽງທອງ ໃຫ້ກຽດເຂົ້າຮ່ວມໂດຍ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ ແລະ ທ່ານ ຟ້າມຮຸ່ງຖັງ ປະທານກຸ່ມບໍລິສັດຮ່ວມມືເສດຖະກິດໂກເອໂກ ມີການນໍາແຂວງ, ເມືອງ ແລະ ບ້ານ ຂອງແຂວງບໍລິຄໍາໄຊ ແລະ ແຂວງຊຽງແຂວງ ຕະຫຼອດຮອດຄະນະອຳນວຍການ, ພະນັກງານ ໂຮງງານປຸງແຕ່ງຜະລິດຕະພັນກະສິກໍາທອງມີໄຊ ແລະ ພາກສ່ວນກ່ຽດຂ້ອງ ເຂົ້າຮ່ວມ.
ທ່ານ ຖາຍຫງອກເຖະ ອຳນວຍການບໍລິສັດພັດທະນາເຂດພູດອຍ ໄດ້ລາຍງານຫຍໍ້ວ່າ:ໂຮງງານປຸງແຕ່ງຜະລິດຕະພັນກະສິກໍາທອງມີໄຊ ມີເນື້ອທີ່ 1,26 ເຮັກຕາ ຊຶ່ງເນື້ອທີ່ດັ່ງກ່າວໄດ້ຮັບອະນຸຍາດເຊົ່າ ແລະ ສຳປະທານດິນລັດ ຂອງເມືອງວຽງທອງ, ໄດ້ຈັດພິທີວາງສີລາລືກ ແລະ ລົງມືກໍ່ສ້າງໃນກາງເດືອນທັນວາ 2022 ໂດຍໄດ້ປະກອບລະບົບເຄື່ອງຈັກຜະລິດທາດແປ້ງມັນສາຄູ ດ້ວຍເຕັກໂນໂລຊີທີ່ທັນສະໄໝ ແລະ ກໍ່ສ້າງສຳເລັດໃນເດືອນພະຈິກ 2023, ສະມັດຖະພາບໃນການຜະລິດແປ້ງມັນສາຄູໄດ້ 5 ພັນໂຕນຫົວມັນສາຄູຕໍ່ປີ, ມູນຄ່າການລົງທຶນ 20 ຕື້ກີບ, ປັດຈຸບັນມີປະຊາຊົນເມືອງວຽງທອງ ປູກມັນສາຄູສະໜອງວັດຖຸດິບປ້ອນເຂົ້າໂຮງງານ 100 ກວ່າຄອບຄົວ, ຄາດຄະເນລາຍຮັບຈະບັນລຸ 50 ລ້ານກີບ ຕໍ່ເຮັກຕາ.
ໂອກາດນີ້, ທ່ານ ກອງແກ້ວ ໄຊສົງຄາມ ໄດ້ຕາງໜ້າໃຫ້ການນໍາແຂວງບໍລິຄຳໄຊ ແລະ ແຂວງຊຽງຂວາງ ໃຫ້ກຽດຂຶ້ນມີຄຳເຫັນ ໂດຍທ່ານໄດ້ຕີລາຄາສູງ ແລະ ສະແດງຄວາມຍ້ອງຍໍຊົມເຊີຍ ບໍລິສັດພັດທະນາເຂດພູດອຍ ກໍຄືກຸ່ມບໍລິສັດຮ່ວມມືເສດຖະກິດໂກເອໂກ ທີ່ໄດ້ມີຄວາມພະຍາຍາມ ແລະ ຕັ້ງໃຈ ໃນການສ້າງຕັ້ງໂຮງງານປຸງແຕ່ງຜະລິດຕະພັນກະສິກໍາທອງມີໄຊຂຶ້ນ ຊຶ່ງມັນຈະເປັນການປະກອບສ່ວນອັນສຳຄັນໃນຈັດຕັ້ງປະຕິບັດແຜນການພັດທະນາເສດຖະກິດ-ສັງຄົມຂອງເມືອງ ກໍຄືຂອງແຂວງ, ຊ່ວຍສ້າງອາຊີບ ແລະ ລາຍຮັບ ໃຫ້ພໍ່ແມ່ປະຊາຊົນໃຫ້ຫຼາຍຂຶ້ນຊຶ່ງເປັນສິ່ງສຳຄັນໃນແກ້ໄຂຄວາມທຸກຍາກຂອງປະຊາຊົນ, ພ້ອມນັ້ນຍັງໄດ້ສະແດງເຖິງນ້ຳໃຈໄມຕີຈິດມິດຕະພາບອັນດູດດື່ມ, ສະໜິດສະໜົມ, ຄວາມສາມັກຄີແບບພິເສດ ແລະ ການພົວພັນຮ່ວມມືຮອບດ້ານ ລະຫວ່າງ ລາວ-ຫວຽດນາມ ທີ່ນັບມື້ນັບມີຄວາມໜັກແໜ້ນໝັ້ນຄົງ ຍືນຍົງຂະໜົງແກ່ນ ຍິ່ງໆຂຶ້ນໄປ.
ຈາກນັ້ນ, ທ່ານ ກອງແກ້ວ ໄຊສົງຄາມ, ທ່ານ ບຸນຈັນ ສີວົງພັນ ແລະ ທ່ານ ຟ້າມຮຸ່ງຖັງ ໄດ້ເຂົ້າຮ່ວມພິທີຕັດແຖບຜ້າ ເພື່ອສະແດງເຖິງການເປີດໂຮງງານປຸງແຕ່ງຜະລິດຕະພັນກະສິກໍາທອງມີໄຊ ຢ່າງເປັນທາງການ. ຫຼັງຈາກນັ້ນບັນດາທ່ານ ຍັງໄດ້ໄປຢ້ຽມຊົມເບິ່ງຂັ້ນຕອນຜະລິດຂອງໂຮງງານ ເປັນຕົ້ນແມ່ນການເຮັດຄວາມສະອາດ, ການບົດມັນສາຄູ, ການແຍກແຕ່ລະພາກສ່ວນ ຈົນເຖິ່ງຂັ້ນຕອນສຳເລັດ ແລະ ໄດ້ແປ້ງມັນສາຄູທີ່ມີຄຸນນະພາບສູງ.
(ຂ່າວ-ພາບ: ສີປະເສີດ)
ທ່ານ ຖາຍຫງອກເຖະ ອຳນວຍການບໍລິສັດພັດທະນາເຂດພູດອຍ ໄດ້ລາຍງານຫຍໍ້ວ່າ:ໂຮງງານປຸງແຕ່ງຜະລິດຕະພັນກະສິກໍາທອງມີໄຊ ມີເນື້ອທີ່ 1,26 ເຮັກຕາ ຊຶ່ງເນື້ອທີ່ດັ່ງກ່າວໄດ້ຮັບອະນຸຍາດເຊົ່າ ແລະ ສຳປະທານດິນລັດ ຂອງເມືອງວຽງທອງ, ໄດ້ຈັດພິທີວາງສີລາລືກ ແລະ ລົງມືກໍ່ສ້າງໃນກາງເດືອນທັນວາ 2022 ໂດຍໄດ້ປະກອບລະບົບເຄື່ອງຈັກຜະລິດທາດແປ້ງມັນສາຄູ ດ້ວຍເຕັກໂນໂລຊີທີ່ທັນສະໄໝ ແລະ ກໍ່ສ້າງສຳເລັດໃນເດືອນພະຈິກ 2023, ສະມັດຖະພາບໃນການຜະລິດແປ້ງມັນສາຄູໄດ້ 5 ພັນໂຕນຫົວມັນສາຄູຕໍ່ປີ, ມູນຄ່າການລົງທຶນ 20 ຕື້ກີບ, ປັດຈຸບັນມີປະຊາຊົນເມືອງວຽງທອງ ປູກມັນສາຄູສະໜອງວັດຖຸດິບປ້ອນເຂົ້າໂຮງງານ 100 ກວ່າຄອບຄົວ, ຄາດຄະເນລາຍຮັບຈະບັນລຸ 50 ລ້ານກີບ ຕໍ່ເຮັກຕາ.
ໂອກາດນີ້, ທ່ານ ກອງແກ້ວ ໄຊສົງຄາມ ໄດ້ຕາງໜ້າໃຫ້ການນໍາແຂວງບໍລິຄຳໄຊ ແລະ ແຂວງຊຽງຂວາງ ໃຫ້ກຽດຂຶ້ນມີຄຳເຫັນ ໂດຍທ່ານໄດ້ຕີລາຄາສູງ ແລະ ສະແດງຄວາມຍ້ອງຍໍຊົມເຊີຍ ບໍລິສັດພັດທະນາເຂດພູດອຍ ກໍຄືກຸ່ມບໍລິສັດຮ່ວມມືເສດຖະກິດໂກເອໂກ ທີ່ໄດ້ມີຄວາມພະຍາຍາມ ແລະ ຕັ້ງໃຈ ໃນການສ້າງຕັ້ງໂຮງງານປຸງແຕ່ງຜະລິດຕະພັນກະສິກໍາທອງມີໄຊຂຶ້ນ ຊຶ່ງມັນຈະເປັນການປະກອບສ່ວນອັນສຳຄັນໃນຈັດຕັ້ງປະຕິບັດແຜນການພັດທະນາເສດຖະກິດ-ສັງຄົມຂອງເມືອງ ກໍຄືຂອງແຂວງ, ຊ່ວຍສ້າງອາຊີບ ແລະ ລາຍຮັບ ໃຫ້ພໍ່ແມ່ປະຊາຊົນໃຫ້ຫຼາຍຂຶ້ນຊຶ່ງເປັນສິ່ງສຳຄັນໃນແກ້ໄຂຄວາມທຸກຍາກຂອງປະຊາຊົນ, ພ້ອມນັ້ນຍັງໄດ້ສະແດງເຖິງນ້ຳໃຈໄມຕີຈິດມິດຕະພາບອັນດູດດື່ມ, ສະໜິດສະໜົມ, ຄວາມສາມັກຄີແບບພິເສດ ແລະ ການພົວພັນຮ່ວມມືຮອບດ້ານ ລະຫວ່າງ ລາວ-ຫວຽດນາມ ທີ່ນັບມື້ນັບມີຄວາມໜັກແໜ້ນໝັ້ນຄົງ ຍືນຍົງຂະໜົງແກ່ນ ຍິ່ງໆຂຶ້ນໄປ.
ຈາກນັ້ນ, ທ່ານ ກອງແກ້ວ ໄຊສົງຄາມ, ທ່ານ ບຸນຈັນ ສີວົງພັນ ແລະ ທ່ານ ຟ້າມຮຸ່ງຖັງ ໄດ້ເຂົ້າຮ່ວມພິທີຕັດແຖບຜ້າ ເພື່ອສະແດງເຖິງການເປີດໂຮງງານປຸງແຕ່ງຜະລິດຕະພັນກະສິກໍາທອງມີໄຊ ຢ່າງເປັນທາງການ. ຫຼັງຈາກນັ້ນບັນດາທ່ານ ຍັງໄດ້ໄປຢ້ຽມຊົມເບິ່ງຂັ້ນຕອນຜະລິດຂອງໂຮງງານ ເປັນຕົ້ນແມ່ນການເຮັດຄວາມສະອາດ, ການບົດມັນສາຄູ, ການແຍກແຕ່ລະພາກສ່ວນ ຈົນເຖິ່ງຂັ້ນຕອນສຳເລັດ ແລະ ໄດ້ແປ້ງມັນສາຄູທີ່ມີຄຸນນະພາບສູງ.
(ຂ່າວ-ພາບ: ສີປະເສີດ)
ຄໍາເຫັນ