ເຈົ້າແຂວງຄຳມ່ວນ ລົງຕິດຕາມຄວາມຄືບໜ້າການກໍ່ສ້າງເສັ້ນທາງຢູ່ສອງເມືອງ

ການລົງເຄື່ອນໄຫວຄັ້ງນີ້, ໄດ້ລົງຕິດຕາມໂຄງການປັບປຸງຍົກລະດັບທາງປູຢາງ 2 ຊັ້ນ ທາງເລກ 5512 ແຕ່ແຍກທາງ 11 ບ້ານດົງຂວາງ ຫາ ຫ້ວຍຫວາຍ ເມືອງໜອງບົກ (ຊ່ວງທີ 1) ມີຄວາມຍາວ 11,9 ກິໂລແມັດ, ກວ້າງ 7 ແມັດ, ປູຢາງຊັ້ນ 2 ກວ້າງ 6 ແມັດ, ຮັບເໝົາໂດຍ ບໍລິສັດ ພິນທອງ ກໍ່ສ້າງຂົວ-ທາງ ເຄຫາ ແລະ ຊົນລະປະທານຈໍາກັດຜູ້ດຽວ, ມູນຄ່າ 19 ຕື້ກວ່າກີບ, ເລີ່ມລົງມືກໍ່ສ້າງແຕ່ທ້າຍເດືອນ ທັນວາ 2024 ມີຄວາມຄືບໜ້າປະມານ 7%; ໂຄງການປັບປຸງຍົກລະດັບທາງປູຢາງ 2 ຊັ້ນ ທາງເລກ 5512 ແຕ່ ຫ້ວຍຫວາຍ ເມືອງໜອງບົກ ຫາ ທາງ13ໃຕ້ ເມືອງເຊບັ້ງໄຟ (ຊ່ວງທີ 2) ມີຄວາມຍາວ 11,45 ກິໂລແມັດ, ປູຢາງຊັ້ນ 1 ກວ້າງ 7 ແມັດ, ຊັ້ນ 2 ກວ້າງ 6 ແມັດ, ໂດຍແມ່ນບໍລິສັດ ເອັສເອັສ ສໍາຫຼວດອອກແບບກໍ່ສ້າງຂົວ-ທາງ ແລະ ຊົນລະປະທານຈໍາກັດ ເປັນຜູ້ຮັບເໝົາ, ມູນຄ່າ 18 ຕື້ກວ່າກີບ, ເລີ່ມຈັດຕັ້ງປະຕິບັດແຕ່ເດືອນ ທັນວາ 2024ຮອດປັດຈຸບັນປະຕິບັດໄດ້ 30%; ຄາດຄະເນວ່າທັງສອງໂຄງການຈະສໍາເລັດພາຍໃນເດືອນ ມີຖຸນາ ປີ2025.

(ຂ່າວ: ມະນີວັນ)