ເຈົ້າແຂວງສາລະວັນ ຕ້ອນຮັບກົງສູນໃຫຍ່ແຫ່ງ ຣາຊະອານາຈັກໄທ ປະຈຳ ແຂວງສະຫວັນນະເຂດ

 ປະຈຳແຂວງສະຫວັນນະເຂດ ພ້ອມດ້ວຍຄະນະ ເຂົ້າຢ້ຽມຂ່ຳນັບ ເນື່ອງໃນໂອກາດທີ່ໄດ້ຮັບຕຳແໜ່ງເປັນກົງສູນໃຫຍ່ ແຫ່ງ ຣາຊະອານາຈັກໄທ ປະຈຳ ແຂວງສະຫວັນນະເຂດ ສປປ ລາວ.

ໂອກາດນີ້, ທ່ານ ເຈົ້າແຂວງສາລະວັນ ໄດ້ສະແດງການຕ້ອນຮັບ ແລະ ຊົມເຊີຍທີ່ທ່ານ ປັດ ປັດທະທຳມະຈິດ ໄດ້ມາຮັບຕຳແໜ່ງ ເປັນກົງສູນໃຫຍ່ ແຫ່ງ ຣາຊະອານາຈັກໄທ ປະຈຳ ແຂວງສະຫວັນນະເຂດ, ທັງໄດ້ກ່າວເຖິງການພົວພັນຮ່ວມມືກັນລະຫວ່າງສອງຊາດ ລາວ-ໄທ ເວົ້າສະເພາະກໍຄືແຂວງສາລະວັນ ກັບ ຈັງຫວັດອຸບົນຣາຊະທານີ ທີ່ມີສາຍພົວພັນມິດຕະພາບ ແລະ ການຮ່ວມມືອັນດີງາມ, ເປັນບ້ານໃກ້ເຮືອນຄຽງ ມາແຕ່ດົນນານ, ທັງໄດ້ມີການແລກປ່ຽນວຽກງານຫຼາຍດ້ານ ເປັນຕົ້ນ: ດ້ານວິຊາການຕ່າງໆ, ການຄ້າ, ວັດທະນະທຳ-ສັງຄົມ ໂດຍສະເພາະແມ່ນການເຂົ້າຮ່ວມງານວາງສະແດງສິນຄ້າ, ເຈລະຈາຈັບຄູ່ທຸລະກິດ ແລະ ການເຂົ້າຮ່ວມງານບຸນປະເພນີຕ່າງໆ ທີ່ເມືອງ-ອຳເພີ ຈັດຂຶ້ນ.

ທ່ານ ປັດ ປັດທະມະຈິດ ໄດ້ກ່າວວ່າ: ຈະສືບຕໍ່ປະຕິບັດນະໂຍບາຍການພົວພັນຮ່ວມມື ໃຫ້ນັບມື້ນັບແໜ້ນແຟ້ນຍິ່ງຂຶ້ນ, ຮ່ວມມືດ້ານການຜັກດັນເສດຖະກິດ ລະຫວ່າງ ແຂວງສາລະວັນ ກັບ ຈັງຫວັດອຸບົນຣາຊະທານີ ແລະ ບັນດາຈັງຫວັດທີ່ໃກ້ຄຽງ ກ່ຽວກັບການສົ່ງເສີມການຂົນສົ່ງ, ການເຊື່ອມໂຍງ, ເຊື່ອມຈອດ ລະຫວ່າງປະເທດ, ພາກໃຕ້ ເພື່ອການຊຸກຍູ້ການຄ້າ-ການລົງທຶນ ແລະ ການຮ່ວມມື. ການສົ່ງເສີມການຄຸ້ມຄອງດ່ານ, ການຄ້າຊາຍແດນ ແລະ ການຊຸກຍູ້ສົ່ງເສີມທ່ອງທ່ຽວ ພ້ອມທັງຈະຊ່ວຍຊຸກຍູ້ໃຫ້ຈັງຫວັດອຸບົນຣາຊະທານີ ແລະ ໜ່ວຍງານທີ່ກ່ຽວຂ້ອງ ສ້າງເງື່ອນໄຂໃນດ້ານຕ່າງໆ ເພື່ອອຳນວຍຄວາມສະດວກໃນການໄປມາຫາສູ່ ຜ່ານດ່ານຖາວອນປາກແຊງ ແລະ ດ່ານສາກົນປາກຕາພານ ເພື່ອຮອງຮັບ ແລະ ເປັນເງື່ອນໄຂໃຫ້ແກ່ການກໍ່ສ້າງຂົວມິດຕະພາບ ແຫ່ງທີ 6 ລະຫວ່າງຈັງຫວັດອຸບົນຣາຊະທານີ ແລະ ແຂວງສາລະວັນ ໃນຕໍ່ໜ້ານີ້.

(ຂ່າວ-ພາບ: ວິໄລວອນ ສິດທິໄຊ)