ພ້ອມຄະນະນໍາຈາກພະແນກການອ້ອມຂ້າງແຂວງ, ໄປຢ້ຽມຢາມຕິດຕາມເບິ່ງການພັດທະນາບ້ານໃຫຍ່ຄຳປ່າແໜ ເມືອງຊົນນະບູລີ ແຂວງສະຫວັນນະເຂດ. ໃນນັ້ນ, ໄດ້ໄປເບິ່ງອ່າງເກັບນ້ຳເພື່ອເກັບກັກນ້ຳໃຫ້ປະຊາຊົນໄດ້ຊົມໃຊ້, ຫົດເນື້ອທີ່ການປູກພືດລະດູແລ້ງ ແລະ ໃຫ້ສັດລ້ຽງ; ຢ້ຽມຢາມຄອບຄົວຕົວແບບໃນການປູກຢາສູບ, ປູກເຂົ້ານາແຊງ, ປູກໝາກເຜັດ, ພືດຜັກລະດູແລ້ງ, ເພື່ອຂາຍເປັນສິນຄ້າແກ້ໄຂຊີວິດການເປັນຢູ່ຂອງປະຊາຊົນ.
ທ່ານຜູ້ຕາງໜ້າຄະນະນໍາເມືອງຊົນນະບູລີ ໄດ້ລາຍງານໃຫ້ຮູ້ວ່າ: ບ້ານຄໍາປ່າແໜມີທັງໝົດ 159 ຫຼັງຄາ, 151 ຄອບຄົວ, ມີ 1,015 ຄົນ, ມີຄອບຄົວທຸກຍາກ 65 ຄອບຄົວ, ຄອບຄົວຂໍທານຍັງ 42 ຄອບຄົວ; ດ້ານພື້ນຖານໂຄງລ່າງບ້ານຄໍາປ່າແໜ ມີເສັ້ນທາງຄົມມະນາຄົມເຊື່ອມຈອດກັບເທສະບານເມືອງຊົນນະບູລີ ແລະ ບ້ານໃກ້ຄຽງທຽວໄດ້ຕະຫຼອດປີ, ມີຕາຂ່າຍໄຟຟ້າໃນລະບົບ, ມີໂຮງໝໍນ້ອຍພາຍໃນບ້ານ, ມີໂຮງຮຽນປະຖົມ ແລະ ອະນຸບານ, ມີສັນຍານໂທລະສັບ (ແຕ່ບໍ່ທັນສະດວກ) ແລະ ມີນໍ້າສະອາດໃຊ້ ແຕ່ບໍ່ພຽງພໍ.
ໄລຍະປີ 2021-2024 ໄດ້ສໍາເລັດການກໍສ້າງຊົນລະປະທານອ່າງເກັບນໍ້າຫ້ວຍຫີນລາດ 90%, ກໍ່ສ້າງສະຖານີບໍລິການກະສິກຳ ແລະ ປ່າໄມ້ໄດ້ 50%, ສໍາເລັດການກໍ່ສ້າງຕາຂ່າຍໄຟຟ້າເຂົ້າຫາສະຖານີບໍລິການກະສິກຳ ແລະ ປ່າໄມ້, ກໍ່ສ້າງທາງປູຢາງແຕ່ສາມແຍກບ້ານຄໍາປ່າແໜ ຫາ ສີ່ແຍກບ້ານຕາແຫຼວເມືອງຈໍາພອນໄດ້ 50%, ແຕ່ງຕັ້ງຄະນະພັກຮາກຖານບ້ານໃຫຍ່ຄໍາປ່າແໜຈໍານວນ 7 ສະຫາຍ, ໄດ້ສໍາເລັດການປັບປຸງອົງການປົກຄອງບ້ານ, ມີກໍາລັງກອງປະຕິບັດງານ 2024 ຈາກກອງບັນຊາການທະຫານແຂວງ ແລະ ເຈົ້າໜ້າທີ່ຈາກກອງບັນຊາການ ປກສ ແຂວງ ແລະ ແຕ່ງຕັ້ງພະນັກງານວິຊາການຈາກຫ້ອງການຕ່າງໆທີ່ກ່ຽວຂ້ອງລົງປະຈໍາຢູ່ບ້ານຄໍາປ່າແໜ, ໄດ້ດໍາເນີນວຽກງານປຸກລະດົມທາງດ້ານແນວຄິດ, ໂຄສະນາເຜີຍແຜ່ລະບຽບກົດໝາຍ, ຊຸກຍູ້ຕິດຕາມ ແລະ ນໍາພາທໍາການຜະລິດ ໃນການຜະລິດນາປີ, ນາແຊງ, ລ້ຽງສັດ ແລະ ປູກພືດຜັກ.
ໂອກາດນີ້, ທ່ານເຈົ້າແຂວງສະຫວັນນະເຂດ ແລະ ຄະນະ ໄດ້ຊື້ຜົນຜະລິດກະສິກຳຂອງປະຊາຊົນ, ພ້ອມນັ້ນ ກໍໄດ້ແນະນຳໃຫ້ອຳນາດການປົກຄອງເມືອງຊົນນະບູລີ, ຄະນະພະແນກການທີ່ກ່ຽວຂ້ອງ ເພື່ອແບ່ງຄວາມຮັບຜິດຊອບໃນການຊົມໃຊ້ນ້ຳ, ຊອກຫາໂຄງການ ເອົາບໍລິສັດ ແລະ ແນະນຳໃຫ້ປະຊາຊົນປູກຢາສູບ, ກ້ວຍ, ໝາກເຜັດ ແລະ ພືດຜັກເພື່ອເປັນສິນຄ້າສ້າງລາຍຮັບໃຫ້ແກ່ຄອບຄົວ; ກະສິກຳເມືອງຕ້ອງລົງໄປຫາປະຊາຊົນ, ເບີ່ງເນື້ອທີ່ດິນເປົ່າວ່າງ ແລະ ບຸກເບີກໃຫ້ເຂົາເຈົ້າ,ນຳພາເຮັດ, ນຳພາເຂົ້າເຈົ້າປ່ຽນແປງເພື່ອລຶບລ້າງການຂໍທານໃຫ້ໄດ້, ໃຫ້ປະຊາຊົນຮູ້ຈັກທໍາການຜະລິດ ແລະ ຂາຍຜົນຜະລິດສ້າງລາຍຮັບດ້ວຍຕົນເອງກຸ້ມຕົນເອງ.
ສຳລັບກອງກໍ່ສ້າງຮາກຖານ ປກສ ແຂວງທີ່ປະຈຳຢູ່ຫ້ອງການບ້ານໃຫຍ່ຄຳປ່າແໜ ກໍໃຫ້ນຳພາປະຊາຊົນປູກ ເພື່ອເຮັດເປັນແບບຢ່າງ, ພ້ອມນັ້ນ ກໍສຸມໃສ່ແກ້ໄຂປະກົດການຫຍໍ້ທໍ້ຕ່າງໆ ພ້ອມກັນປະຕິບັດເຮັດແທ້ທຳຈິງ, ເພື່ອປ່ຽນວິຖີຊີວິດ ແລະ ພັດທະນາບ້ານໃຫຍ່ຄຳປ່າແໜໃຫ້ໄດ້ຕາມຄາດໝາຍ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ