ເຈົ້າແຂວງສະຫວັນນະເຂດ ຕິດຕາມການພັດທະນາເສດຖະກິດ-ສັງຄົມຢູ່ເມືອງສອງຄອນ

ເຈົ້າແຂວງສະຫວັນນະເຂດ ຕິດຕາມການພັດທະນາເສດຖະກິດ-ສັງຄົມຢູ່ເມືອງສອງຄອນ
ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ ພ້ອມຄະນະນຳຂອງແຂວງຈຳນວນໜຶ່ງ ໄດ້ລົງເຄື່ອນໄຫວຕິດຕາມການພັດທະນາເສດຖະກິດ-ສັງຄົມຮອບດ້ານໃນຂອບເຂດເມືອງສອງຄອນ ເມື່ອບໍ່ດົນມານີ້.
ໃນໂອກາດນີ້, ທ່ານ ລຳຄູນ ວໍລະວົງ ເຈົ້າເມືອງສອງຄອນ ໄດ້ລາຍງານຕໍ່ທ່ານເຈົ້າແຂວງ ແລະ ຄະນະນຳຂອງແຂວງ ໂດຍຫຍໍ້ວ່າ: ເມືອງສອງຄອນ ປະກອບມີ 10 ກຸ່ມບ້ານ ແລະ ມີ 13 ບ້ານເອກະລາດທີ່ຂຶ້ນກັບເມືອງ, ມີ 20.014 ຫຼັງຄາເຮືອນ, 17.586 ຄົວເຮືອນ, 19.223 ຄອບຄົວ, ມີພົນລະເມືອງທັງ             ໝົດ 106.766 ຄົນ ຍິງ 54.348 ຄົນ. ຈາກຜົນຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ ໃຫ້ຮູ້ເຖິງສິ່ງພົ້ນເດັ່ນກວ່າໝູ່ ນັ້ນກໍແມ່ນການລົງຊຸກຍູ້ນຳພາປະຊາຊົນເຮັດການຜະລິດລະດູແລ້ງ, ລະດູຝົນ ແລະ ຊຸກຍູ້ສົ່ງເສີມປະຊາຊົນຈັດຕັ້ງກຸ່ມຜະລິດ ໄດ້ 32 ກຸ່ມ, ມີ 410 ຄອບຄົວ, ສ້າງເປັນຄອບຄົວຕົວແບບໄດ້ 180 ຄອບຄົວ, ເດັ່ນກວ່າໝູ່ແມ່ນຄອບຄົວຕົວແບບໃນການລ້ຽງໝູມີ 112 ຄອບຄົວ ແລະ ຮອງລົງມາແມ່ນຄອບຄົວຕົວແບບໃນການລ້ຽງແບ້ ມີ 38 ຄອບຄົວ, ທົ່ວເມືອງມີຟາມລ້ຽງສັດ 9 ຟາມ, ມີ 35 ໂຄງການ ,ລວມມູນຄ່າ 7 ຕື້  581 ລ້ານກວ່າກີບ, ໃນນັ້ນເປັນທຶນຂອງລັດ 4 ໂຄງການ, ມູນຄ່າ 2 ຕື້ 361 ລ້ານກວ່າກີບ, ທຶນປະຊາຊົນ 29 ໂຄງການ, ມູນຄ່າ 4 ຕື້ 324 ລ້ານກວ່າກີບ ແລະ ທຶນຊ່ວຍເຫຼືອ + ກູ້ຢືມ 2 ໂຄງການ, ມູນຄ່າ 895 ລ້ານກວ່າກີບ. ປັດຈຸບັນເມືອງສອງຄອນມີຄອບຄົວພົ້ນທຸກແລ້ວ 17.404 ຄອບຄົວ ເທົ່າກັບ 97,97% ຂອງຄອບຄົວທັງໝົດ, ທົ່ວເມືອງມີຄອບຄົວພັດທະນາ 17.147 ຄອບຄົວ ເທົ່າກັບ 96,53% ຂອງຄອບຄົວທັງໝົດ, ມີບ້ານພົ້ນທຸກແລ້ວ ກວມ 95 ບ້ານ, ເທົ່າກັບ 96.93%, ໃນໂອກາດນີ້, ທ່ານເຈົ້າແຂວງ ກໍໄດ້ເປີດໂອກາດໃຫ້ຕົວແທນຂອງກຸ່ມຕໍ່າແຜ່ນແພ ຍ້ອມສີທຳມະຊາດ ຫຼື ຜະລິດຕະພັນໂອດັອບຂອງເມືອງໄດ້ສະເໜີລາຍງານສະພາບຂອງກຸ່ມຕົນ ພ້ອມທັງມີຂໍ້ສະເໜີຕໍ່ທ່ານເຈົ້າແຂວງໃຫ້ຊ່ວຍເຫຼືອແກ້ໄຂບັນຫາໃນບາງດ້ານທີ່ເປັນບັນຫາຂອງກຸ່ມ, ນອກນັ້ນ ທ່ານເຈົ້າແຂວງຍັງໄດ້ຮັບຟັງການລາຍງານຈາກຕົວແທນຂອງກຸ່ມລ້ຽງສັດ ແລະ ກຸ່ມໂຮງສີເຂົ້າຂອງເມືອງ, ຕໍ່ຈາກນັ້ນ ທ່ານ ເຈົ້າແຂວງກໍມີຄຳເຫັນຕໍ່ກອງປະຊຸມ. ເວລາຕໍ່ມາ, ທ່ານເຈົ້າແຂວງ ແລະ ຄະນະກໍໄດ້ລົງເບິ່ງການຜະລິດຝ້າຍລາວຍ້ອມສີທຳມະຊາດຂອງກຸ່ມຕໍ່າແຜ່ນແພຂອງປະຊາຊົນບ້ານລະຫານໍ້າ, ລົງຕິດຕາມໂຄງການກໍ່ ສ້າງເສັ້ນທາງເບຕົງ (ພາຍໃນບ້ານ) ຂອງບ້ານເຊບັ້ງຫຽງ ຊຶ່ງເປັນການປະກອບສ່ວນທຶນຮອນໃນການກໍ່ສ້າງທັງໝົດຈາກປະຊາຊົນພາຍໃນບ້ານ 100%, ພ້ອມນີ້ ທ່ານເຈົ້າແຂວງ ແລະ ຄະນະກໍໄດ້ມອບເຄື່ອງປະສົມຊີມັງ(ເຄື່ອງໂມ້) ໃຫ້ບ້ານເຊບັ້ງຫຽງຈຳນວນ 11 ເຄື່ອງ ເພື່ອນຳໃຊ້ເຂົ້າໃນການເທຊີມັງໃນການກໍ່ສ້າງເສັ້ນທາງ ໂດຍໃນນີ້ ທ່ານເຈົ້າແຂວງມອບ 3 ເຄື່ອງ, ທະນາຄານພັດທະນາລາວສາຂາແຂວງສະຫວັນນະເຂດມອບ 3 ເຄື່ອງ, ພະແນກອຸດສາຫະກຳ ແລະ ການຄ້າແຂວງມອບ 1 ເຄື່ອງ, ພະແນກການເງິນແຂວງມອບ 1 ເຄື່ອງ, ພະແນກແຜນການ ແລະ ການລົງທຶນແຂວງ ມອບ 1 ເຄື່ອງ, ການນຳເມືອງສອງຄອນມອບ 2 ເຄື່ອງ.
ຕໍ່ມາ, ທ່ານເຈົ້າແຂວງ ແລະ ຄະນະກໍໄດ້ລົງເບິ່ງສະພາບຕົວຈິງຂອງໂຮງຮຽນ ມ.ສ ເຊບັ້ງຫຽງ ຊຶ່ງໂຮງຮຽນແຫ່ງນີ້ຮັບນັກຮຽນມາຈາກຫຼາຍເຂດ (ທັງເຂດຫ່າງໄກສອກຫຼີກຂອງເມືອງສອງຄອນ  ແລະ ສ່ວນໜຶ່ງຂອງເມືອງທ່າປາງທອງ), ນັກຮຽນມີບັນຫາດ້ານການເດີນທາງໄກໂພດ ດັ່ງນັ້ນ ເຮັດໃຫ້ນັກຮຽນອອກໂຮງຮຽນຈຳນວນໜຶ່ງ, ສະນັ້ນທາງຄະນະອຳນວຍການຈຶ່ງສະເໜີທາງການນຳແຂວງຊ່ວຍໃນການສ້າງຫໍພັກກິນນອນໃຫ້ນັກຮຽນຜູ້ທີ່ບ້ານຢູ່ໄກ, ທັງນີ້ກໍເພື່ອເຮັດໃຫ້ມີຄວາມສະດວກສະບາຍແກ່ນັກຮຽ ໃຫ້ຫຼຸດຜ່ອນການເດີນທາງໄກໃນມື້ເຂົ້າໂຮງຮຽນ. ໃນໂອກາດນີ້, ທ່ານເຈົ້າແຂວງກໍມອບເງິນຈຳນວນໜຶ່ງໃຫ້ທາງໂຮງຮຽນຕື່ມອີກ. 
(ຂ່າວ: ສະຫວັນນະເຂດ)

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ