ເຈົ້າແຂວງໄຊຍະບູລີ ຊຸກຍູ້ການສົ່ງອອກຜົນຜະລິດກະສິກໍາຢູ່ເມືອງບໍ່ແຕນ-ແກ່ນທ້າວ

ເຈົ້າແຂວງໄຊຍະບູລີ ຊຸກຍູ້ການສົ່ງອອກຜົນຜະລິດກະສິກໍາຢູ່ເມືອງບໍ່ແຕນ-ແກ່ນທ້າວ
ເພື່ອເປັນການກະຕຸກຊຸກຍູ້ຜູ້ປະກອບການຢູ່ເມືອງບໍ່ແຕນ ແລະ ເມືອງແກ່ນທ້າວ ແຂວງໄຊຍະບູລີ ໃນການເກັບຊື້ຜົນຜະລິດກະສິກໍາລະດູປີຂອງປະຊາຊົນຢູ່ 2 ເມືອງ ເປັນຕົ້ນແມ່ນ: ເກັບຊື້ໝາກສາລີຫົວອາຫານສັດ ເພື່ອສີ, ອົບແຫ້ງ ແລະ ເກັບມ້ຽນໄວ້ເພື່ອສົ່ງອອກໄປຣາຊະອານາຈັກໄທ ຊຶ່ງປັດຈຸບັນຜູ້ປະກອບການທາງຝ່າຍ ຣາຊະອານາຈັກໄທ ແມ່ນບໍ່ຮັບຊື້ຜົນຜະລິດກະສິກໍາຈາກບັນດາເມືອງຂອງແຂວງ ໄຊຍະບູລີ.
ໃນວັນທີ 18 ຕຸລາ ນີ້ ທ່ານ ພົງສະຫວັນ ສິດທະວົງ ພ້ອມພາກສ່ວນກ່ຽວຂ້ອງຂອງແຂວງ ໄດ້ລົງຕິດຕາມ ແລະ ຊຸກຍູ້ຜູ້ປະກອບການຢູ່ເມືອງບໍ່ແຕນ ແລະ ເມືອງແກ່ນທ້າວ, ໂດຍມີ ທ່ານ ສົມສະນຸກ ໄຊອຸດົມ ເຈົ້າເມືອງບໍ່ແຕນ ແລະ ທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ, ມີການນໍາຂອງທັງ 2 ເມືອງ, ມີຫົວໜ້າດ່ານພາສີສາກົນ ນໍ້າເຫືອງ ແລະ ດ່ານປະເພນີເຂົ້າຮ່ວມ. ໂອກາດດັ່ງກ່າວ, ທີມງານຂອງທ່ານເຈົ້າແຂວງແມ່ນໄດ້ຮັບຟັງການລາຍງານຫຍໍ້ກ່ຽວກັບການເກັບກູ້ຜົນຜະລິດຂອງປະຊາຊົນຈາກເຈົ້າເມືອງທັງ 2 ເມືອງ, ມາຮອດປັດຈຸບັນທັງ 2 ເມືອງແມ່ນສຸມໃສ່ເກັບກູ້ສາລີຫົວອາຫານສັດ, ສໍາລັບເມືອງບໍ່ແຕນມີເນື້ອທີ່ປູກສາລີ 191,45 ເຮັກຕາ ເກັບກູ້ສໍາເລັດແລ້ວ 60%, ຂາຍໃຫ້ຜູ້ປະກອບການພາຍໃນເມືອງ ໃນລາຄາ  2.580 ກີບ/ກິໂລ, ສ່ວນເມືອງ ແກ່ນທ້າວ ມີເນື້ອທີ່ປູກສາລີ  260,80 ເຮັກຕາ, ຜົນຜະລິດໄດ້ 1.969,89 ໂຕນ, ຂາຍໃຫ້ຜູ້ປະກອບການພາຍໃນເມືອງໃນລາຄາ 2.600 ກີບ/ກິໂລ, ການຊື້-ຂາຍລະຫວ່າງຜູ້ຜະລິດ ແລະ ຜູ້ປະກອບການແມ່ນບໍ່ໄດ້ເອົາລັດເອົາປຽບກັນດ້ານລາຄາ ແລະ ຄຸນນະພາບຂອງຜົນຜະລິດກະສິກໍາ, ສ່ວນຜູ້ປະກອບການແມ່ນໄດ້ເລັ່ງສີສາລີພ້ອມທັງອົບແຫ້ງ ແລະ ເກັບມ້ຽນໄວ້ເພື່ອລໍຖ້າສົ່ງອອກໄປ ຣາຊະອານາຈັກໄທໃນເດືອນກຸມພາ ປີ 2024. 
ໂອກາດດຽວກັນ, ທ່ານ ພົງສະຫວັນ ສິດທະວົງ ກໍໄດ້ເນັ້ນໜັກໃຫ້ການນໍາຂອງທັງ 2 ເມືອງສືບຕໍ່ຊຸກຍູ້ປະຊາຊົນໃນການເກັບກູ້ສາລີ ໃຫ້ທ່ວງທັນລະດູການ ເພື່ອປ້ອງກັນບໍ່ໃຫ້ສາລີຕົກເນົ່າ, ສໍາລັບຜູ້ປະກອບການແມ່ນໃຫ້ສືບຕໍ່ເກັບຊື້ສາລີຈາກປະຊາຊົນ ແລະ ບໍ່ກົດດັນລາຄາຈາກປະຊາຊົນ ພ້ອມທັງເລັ່ງສີ, ອົບແຫ້ງ ແລະ ເກັບມ້ຽນໄວ້ໃຫ້ດີ ເພື່ອລໍຖ້າສົ່ງອອກ, ຈາກນັ້ນທີມງານຂອງທ່ານເຈົ້າແຂວງກໍໄດ້ລົງຢ້ຽມຢາມບັນດາໂຮງງານສີ ແລະ ອົບສາລີ ຂອງຜູ້ປະກອບການ. 
ຂ່າວ-ພາບ: ອຸ່ນເຮືອນ ໂພທິລັກ

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ