ເຈົ້າເມືອງໆລອງລົງຊຸກຍູ້ວຽກງານກໍ່ສ້າງຮາກຖານຢູ່ກຸ່ມບ້ານຜາງົວ

ຄະນະນໍາຂອງເມືອງລອງແຂວງຫຼວງນ້ຳທາ ຊຶ່ງນຳໂດຍທ່ານ ຄໍາເພັດ ຈັນທະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງໆລອງພ້ອມຄະນະໄດ້ລົງຊຸກຍູ້ວຽກງານກໍ່ສ້າງຮາກຖານການເມືອງຢູ່ກຸ່ມບ້ານຜາງົວເມື່ອບໍ່ດົນມານີ້ ໂດຍມີອໍານາດການປົກຄອງບ້ານແລະ ປະຊາຊົນພາຍໃນບ້ານເຂົ້າຮ່ວມ.
 ທ່ານ ອ້າຍຕ໋ອງ ລາຫູຊີ ກໍາມະການພັກເມືອງ ເລຂາຄະນະພັກຮາກຖານກຸ່ມບ້ານ ຜາງົວ ລາຍງານວ່າ: ກຸ່ມຜາງົວມີຄະນະພັກຮາກຖານ 5 ສະຫາຍ, ມີ 13 ໜ່ວຍພັກ,ມີ 7 ບ້ານໃຫຍ່, ມີ 582 ຫຼັງຄາເຮືອນ, 584 ຄອບຄົວ, ມີພົນລະເມືອງທັງໝົດ 3.974 ຄົນ, ຍິງ 2.064 ຄົນ, ປະກອບມີ 3 ຊົນເຜົ່າຄື: ເຜົ່າອາຄາ, ເຜົ່າລາຫູ ແລະ ເຜົ່າໄຕ໋ດອຍ, ຄະນະພັກຮາກຖານ ໄດ້ນໍາພາປະຊາຊົນຈັດຕັ້ງປະຕິບັດແນວທາງນະໂຍບາຍ, ມະຕິຄໍາສັ່ງຂອງພັກ-ລະບຽບກົດໝາຍຂອງລັດ, ເຮັດໃຫ້ພາຍໃນກຸ່ມບ້ານມີຄວາມສະຫງົບ, ເປັນລະບຽບຮຽບຮ້ອຍ ປະຊາຊົນບັນດາເຜົ່າມີຄວາມສາມັກຄີປອງດອງ ຊ່ວຍເຫຼືອເຊິ່ງກັນ,ປະຊາຊົນພາຍໃນກຸ່ມຜາງົວໄດ້ຖືເອົາການປູກຝັງ, ລ້ຽງສັດ ແລະ ເກັບເຄື່ອງປ່າຂອງດົງຂາຍເປັນອາຊິບຕົ້ນຕໍ ທົ່ວກຸ່ມມີເນື້ອທີ່ທໍາການຜະລິດທັງໝົດ 14.485 ເຮັກຕາ, ມີ 8 ບ້ານທີ່ປູກຢາງພາລາ ສາມາດເກັບກູ້ນໍ້າຢາງພາລາໄດ້ 1.557 ໂຕນ, ມີ 13 ບ້ານທີ່ປູກຊາ ສາມາດເກັບກູ້ໃບຊາໄດ້ 3,5 ໂຕນ, ມີເນື້ອທີ່ປູກມັນຕົ້ນ 670 ເຮັກຕາ, ຈັດຟາມລ້ຽງສັດຈໍານວນ 4 ຈຸດ, ມີງົວ 893 ໂຕ, ຄວາຍ385 ໂຕ, ແບ້ 1.035 ໂຕ, ມີຮ້ານຂາຍເຄື່ອງຍ່ອຍທັງໝົດ 4 ຮ້ານ, ຮ້ານກິນດື່ມ 2 ຮ້ານ, ສ້ອມແປງຫໍພັກຂອງນັກຮຽນມໍຕົ້ນກຸ່ມຜາງົວໂດຍໃຊ້ທຶນຈາກຊຸມຊົນທົ່ວກຸ່ມທັງໝົດ 29,8 ລ້ານກ່ວາກີບ,ສ້າງຫ້ອງນ້ຳໃຫ້ໂຮງໝໍນ້ອຍ 1 ຫຼັງ ມີ 2 ຫ້ອງ, ໄດ້ທຶນຈາກໂຄງການອຸຍນີເຊບ ແລະ ສົມທົບກັບທຶນຂອງຊຸມຊົນທັງມໝົດ 45 ລ້ານກີບ.
ຈາກນັ້ນ, ຜູ້ເຂົ້າຮ່ວມກໍໄດ້ປະກອບຄໍາຄິດຄໍາເຫັນ ແລະ ຄໍາສະເໜີຕ່າງໆເປັນຕົ້ນແມ່ນການສົ່ງອອກມັນຕົ້ນ, ລາຄາມັນຕົ້ນ, ການເກັບຊື້ຊາ, ຂະຫຍາຍໂຮງຮຽນມັດທະຍົມຕອນປາຍ, ປັບປຸງເສັ້ນທາງໃຫ້ທຽວໄດ້ສອງລະດູ, ດຶງຕາຂ່າຍໄຟຟ້າເຂົ້າກຸ່ມບ້ານຜາງົວໃຫ້ປະຊາຊົນໄດ້ຊົມໃຊ້,ບັນຫາການຂັດແຍ່ງທີ່ດິນ, ການກໍານົດລາຄາສິນຄ້າ, ການສັກຢາກັນພະຍາດສັດ, ການສ້າງຕັ້ງຫ້ອງການກຸ່ມບ້ານ ປກສ ກຸ່ມ, ການຕັດຜັງເຕົ້າໂຮມບ້ານນ້ອຍໃຫ້ເປັນບ້ານໃຫຍ່ແລະບັນຫາອື່ນໆອີກ.
 ຫຼັງຈາກນັ້ນ, ພາກສ່ວນທີ່ກ່ຽວຂ້ອງຂອງເມືອງໄດ້ມີຄໍາເຫັນຊີ້ແຈງບາງບັນຫາທີ່ຕິດພັນກັບຂະແໜງການທີ່ກ່ຽວຂ້ອງພ້ອມທັງໄດ້ຮຽກຮ້ອງໃຫ້ປະຊາຊົນຈົ່ງຊ່ວຍກັນເອົາໃຈໃສ່ໃນການຕ້ານ ແລະ ສະກັດກັ້ນບັນຫາຢາເສບຕິດ, ກວດກາການລັກລອບເຂົ້າ-ອອກເມືອງທີ່ສົ່ງຜົນກະທົບຕໍ່ປະຊາຊົນ, ການອໍານວຍຄວາມສະດວກ, ການຂົນສົ່ງ, ການຊຸກເຊື່ອງ, ການແຕ່ງດອງກັບຄົນຕ່າງປະເທດທີ່ບໍ່ຖືກຕ້ອງຕາມກົດໝາຍ, ການແຕ່ງດອງແອບແຝງເຊິ່ງຕິດພັນກັບການຄ້າມະນຸດ.
     ໂອກາດດັ່ງກ່າວທ່ານ ເຈົ້າເມືອງໆລອງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງກຸ່ມບ້ານ ຜາງົວຍາດມາໄດ້, ພ້ອມທັງຮຽກຮ້ອງມາຍັງເລຂາຄະນະພັກຮາກຖານ, ອໍານາດການປົກຄອງບ້ານແຕ່ລະບ້ານ ຊີ້ນໍາໆພາປະຊາຊົນໃຫ້ມີຄວາມເຂັ້ມແຂງ, ເພີ່ມທະວີສຶກສາອົບຮົມວຽກງານການເມືອງແນວຄິດ, ເພີ່ມທະວີຄວາມສາມັກຄີພາຍໃນກຸ່ມບ້ານ ແລະ ສາມັກຄີບັນດາເຜົ່າ, ເອົາໃຈໃສ່ສືບຕໍ່ຈັດຕັ້ງວຽກງານປ້ອງກັນຊາດ, ປ້ອງກັນຄວາມສະຫງົບ, ເອົາໃຈໃສ່ຊຸກຍູ້, ສົ່ງເສີມລູກຫຼານໃຫ້ໄດ້ຮັບການສຶກສາຫຼາຍຂຶ້ນ ຕິດພັນກັບການຮັກສາຮີດຄອງປະເພນີອັນດີງາມຂອງເຜົ່າ, ໂອກາດທີ່ທ່ານ ເຈົ້າເມືອງລົງຊຸກຍຸ້ວຽກງານກໍ່ສ້າງຮາກຖານການເມືອງໃນຄັ້ງນີ້, ກໍໄດ້ລົງຢ້ຽມຢາມໂຮງຮຽນປະຖົມກຸ່ມຜາງົວ, ພົບປະໂອ້ລົມອ້າຍນ້ອງທະຫານປ້ອມຫ້ວຍລານ ແລະ ທ່າເຮືອ, ພົບປະປະຊາຊົນພາຍໃນກຸ່ມຜາງົວເຊິ່ງໄດ້ເຂົ້າຮ່ວມງານບຸນກິນຈຽງຂອງເຜົ່າອາຄາເນື່ອງໃນໂອກາດສົ່ງທ້າຍປີເກົ່າຕ້ອນຮັບປີໃໝ່ທັງໄດ້ມີການບາສີສູ່ຂັວນ ເຊິ່ງຕິດພັນກັບປີທ່ອງທ່ຽວລາວ ປີ 2024 ໃຫ້ເປັນຂະບວນຟົດຟື້ນ ແລະ ມ່ວນຊື່ນ.
      ຂ່າວ: ຈັນສຸກ ຜົນປະເສີດ

ຄໍາເຫັນ

ຂ່າວວັດທະນະທຳ-ສັງຄົມ

ກະສິກໍາເຂັ້ມແຂງ-ເສດຖະກິດໝັ້ນຄົງ.

ກະສິກໍາເຂັ້ມແຂງ-ເສດຖະກິດໝັ້ນຄົງ.

ໂດຍ: ຣັດສະໝີ ດວງສັດຈະ ລະດູຝົນຂອງປີນີ້ແມ່ນມາໄວ ແລະ ບາງແຫ່ງພັດມາແຮງອີກ ຊຶ່ງເປັນໂອກາດທີ່ດີ ຕໍ່ພໍ່ແມ່ພີ່ນ້ອງປະຊາຊົນລາວບັນດາເຜົ່າ ໂດຍສະເພາະ ຕໍ່ຊາວກະສິກອນ ທີ່ເປັນກະດູກສັນຫຼັງຂອງຊາດ ກຳລັງສຸມໃສ່ສູ່ການຜະລິດ ເຮັດນາປີ, ສວນເຂົ້າ, ສວນມັນຕົ້ນ, ສາລີ ແລະ ພືດພັນທັນຍາຫານຕ່າງໆ ແລະ ລ້ຽງສັດນຳອີກ, ເຢີກໆ... ເດີ້ພີ່ນ້ອງ; ອີກປະມານອາທິດໜ້າ ຜູ້ຂຽນກ່າຊິລົງໄປກິນຕຳໝາກແຕງ, ຕຳໝາກຫຸ່ງຢູ່ຖຽງນາ-ຖຽງສວນນໍາພີ່ນ້ອງເຮົາເດີ້.
ກະກຽມລົງຊຸກຍູ້ເນື້ອໃນກອງປະຊຸມໃຫຍ່ອົງຄະນະພັກກະຊວງ, ອົງການ ແລະ ທ້ອງຖິ່ນ

ກະກຽມລົງຊຸກຍູ້ເນື້ອໃນກອງປະຊຸມໃຫຍ່ອົງຄະນະພັກກະຊວງ, ອົງການ ແລະ ທ້ອງຖິ່ນ

ກອງປະຊຸມປຶກສາຫາລື ສ້າງຄວາມເຂົ້າໃຈ ແລະ ເອກະພາບ ເພື່ອກະກຽມລົງຊຸກຍູ້ເນື້ອໃນກອງປະຊຸມໃຫຍ່ອົງຄະນະພັກກະຊວງ, ອົງການ ແລະ ທ້ອງຖິ່ນ ໄດ້ຈັດຂຶ້ນໃນວັນທີ 25 ມິຖຸນານີ້ ທີ່ຫ້ອງວ່າການສູນກາງພັກ, ໂດຍການເປັນປະທານຂອງ ສະຫາຍ ເພັດ ພົມພິພັກ ກໍາມະການສູນກາງພັກ ຫົວໜ້າຫ້ອງວ່າການສູນກາງພັກ, ມີບັນດາຄະນະພັກ, ບັນດາຄະນະຮັບຜິດຊອບລົງຊ່ວຍວຽກກະກຽມເນື້ອໃນກອງປະຊຸມໃຫຍ່ຂອງພັກ ຢູ່ຂັ້ນສູນກາງ ແລະ ທ້ອງຖິ່ນ ເຂົ້າຮ່ວມ.
ຊາວກະສິກອນ ບ້ານໂພນຢານາງ ປັກດໍາເຂົ້ານາປີໄດ້ 90%

ຊາວກະສິກອນ ບ້ານໂພນຢານາງ ປັກດໍາເຂົ້ານາປີໄດ້ 90%

ຊາວກະສິກອນ ບ້ານໂພນຢານາງ ເມືອງອຸທຸມພອນ ແຂວງສະຫວັນນະເຂດ ກໍາລັງຂຸ້ນຂ້ຽວປັກດໍາເຂົ້ານາປີຂອງຕົນເພື່ອໃຫ້ທ່ວງທັນຕາມລະດູການຜະລິດ, ຊຶ່ງມາຮອດປັດຈຸບັນແມ່ນສາມາດປັກດໍາໄດ້ແລ້ວ 90%. ທ່ານ ຄໍາສຸກ ວົງຫາຈັກ ຮອງນາຍບ້ານ ໂພນຢານາງ ໃຫ້ສໍາພາດຕໍ່ນັກຂ່າວທ້ອງຖິ່ນວ່າ: ຊາວນາ ພາຍໃນບ້ານ ໂພນຢານາງ ກໍາລັງຂຸ້ນຂ້ຽວປັກດໍາເຂົ້ານາປີໃຫ້ທ່ວງກັບສະພາບດິນຟ້າອາກາດ (ນໍ້າຝົນ) ເພາະວ່າຊາວນາບ້ານເຮົາແມ່ນອີງໃສ່ແຕ່ທໍາມະຊາດເປັນຕົ້ນຕໍ, ລະບົບຊົນລະປະທານບໍ່ມີ, ຊຶ່ງມາຮອດປັດຈຸບັນແມ່ນສາມາດປັກດໍາໄດ້ແລ້ວ 90%, ທົ່ວບ້ານມີເນື້ອທີ່ທໍາການຜະລິດເຂົ້ານາປີທັງໝົດ 968 ເຮັກຕາກວ່າ. ໃນນີ້, ມີນາຢອດ 27 ເຮັກຕາກວ່າ, ສໍາລັບແນວພັນເຂົ້າທີ່ຊາວນາ ນໍາໃຊ້ແມ່ນແນວພັນເຂົ້າປັບປຸງເປັນສ່ວນຫຼາຍ ບໍ່ວ່າຈະເປັນ ແນວພັນເຂົ້າ ທ່າສະໂນ 11, ທ່າສະໂນ 13,ທ່າດອກຄໍາ 16 ແລະ ແນວພັນເຂົ້າຈ້າວຫອມສະຫວັນ
ຈັດຊຸດຝຶກອົບຮົມວິຊາຊີບໄລຍະສັ້ນໃຫ້ນັກຮຽນ ມ4 ແລະ ມ7

ຈັດຊຸດຝຶກອົບຮົມວິຊາຊີບໄລຍະສັ້ນໃຫ້ນັກຮຽນ ມ4 ແລະ ມ7

ສູນພັດທະນາສີມືແຮງງານ ແຂວງອຸດົມໄຊ ໄດ້ຈັດຊຸດຝຶກອົບຮົມວິຊາຊີບ ໄລຍະສັ້ນ 3 ເດືອນ ໃຫ້ນັກຮຽນ ມ4 ແລະ ມ7, ໃນ 2 ສາຂາວິຊາ ຄື: ຊ່າງສ້ອມແປງ - ບໍາລຸງຮັກສາລົດຈັກ, ຊ່າງສ້ອມແປງ ແລະ ນຳໃຊ້ຄອມພິວເຕີຂັ້ນພື້ນຖານ ຂຶ້ນໃນວັນທີ 24 ມິຖຸນາຜ່ານມາ ທີ່ຫ້ອງປະຊຸມສູນດັ່ງກ່າວ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ຄຳສະພອນ ໄຊຍະວົງ ຫົວໜ້າພະແນກແຮງງານ ແລະ ສະຫວັດດີການສັງຄົມ.
ເມືອງພຽງ ປືກສາຫາລືການແຂ່ງຂັນດົນຕີ ແລະ ຂັບລຳທ້ອງຖີ່ນ

ເມືອງພຽງ ປືກສາຫາລືການແຂ່ງຂັນດົນຕີ ແລະ ຂັບລຳທ້ອງຖີ່ນ

ກອງປະຊຸມປືກສາຫາລືກະກຽມການແຂ່ງຂັນດົນຕີ ແລະ ຂັບລຳທ້ອງຖີ່ນພື້ນເມືອງລາວ 3 ເມືອງກາງຂອງແຂວງໄຊຍະບູລີ ແລະ ການກະກຽມຮັບຮອງພະເຈົ້າໂອຍ ວັດສີມຸງຄຸນ ໄຊຍະຣາມ ບ້ານນາບວມ ເມືອງພຽງ ເປັນມໍລະດົກທ້ອງຖີ່ນຂັ້ນແຂວງໄດ້ຈັດຂຶ້ນໃນວັນທີ 24 ມິຖຸນາຜ່ານມາ ທີ່ຫ້ອງປະຊຸມຫ້ອງວ່າການເມືອງ ໂດຍການເປັນກຽດເຂົ້າຮ່ວມຂອງທ່ານ ນາງ ດາວັນ ພະວົງຈິດ ຮອງເລຂາພັກເມືອງ ຜູ້ຊີ້ນຳວຽງານການເມືອງແນວຄິດ ວຽກງານພັກພະນັກງານ.
ການຕຳນິສົ່ງຂ່າວ ຄືແວ່ນແຍງທີ່ປະເສີດ

ການຕຳນິສົ່ງຂ່າວ ຄືແວ່ນແຍງທີ່ປະເສີດ

ໂດຍຣັດສະໝີ ດວງສັດຈະ. ການຕຳນິຕິຊົມ ຫຼື ການສົ່ງຂ່າວ ເຊິ່ງກັນ ແລະ ກັນ ມີບົດບາດສຳຄັນຫຼາຍ ໃນລະບົບການເມືອງປະຊາທິປະໄຕ ປະຊາຊົນ ພາຍໃຕ້ການນຳພາຂອງພັກ ອັນໄດ້ກາຍເປັນຫົວຂໍ້ທີ່ສຳຄັນ ໃນລະບອບສ່ອງແສງລາຍງານ ໂດຍຖືເອົາການຕຳນິຕິຊົມ ເປັນແວ່ນແຍງທີ່ໃສແຈ້ງ, ເປັນກະຈົກສ່ອງເງົາ-ສ່ອງເຮົາ ຫຼື ເປັນມະໂຫສົດ ທີ່ຄອຍປ້ອງກັນແລະປິ່ນປົວພະຍາດ ແນວຄິດທີ່ຜິດເຂວອອກຈາກລະບຽບກົດໝາຍ, ວັດທະນະທຳ,ຈັນຍາບັນ-ຈັນຍາທຳ...
ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ

ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ

ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດເພື່ອພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ການສັນຈອນໄປມາມີຄວາມສະດວກສະບາຍ ຕິດພັນກັບໂຄງ ການພັດທະນາດັ່ງກ່າວ, ທາງໂຄງການຈຶ່ງໄດ້ມີການສຶກສາສຳຫຼວດຕໍ່ຜົນກະທົບຂອງຕົ້ນໄມ້ທີ່ຢູ່ລຽບເສັ້ນທາງຖະໜົນເສດຖາທິຣາດໄປພ້ອມໆກັນ ຊຶ່ງລ້ວນແຕ່ເປັນຕົ້ນໄມ້ທີ່ສູງໃຫຍ່ມີອາຍຸ 100 ປີ. ດັ່ງນັ້ນ, ຈຶ່ງໄດ້ມີການຕັດຮອນງ່າໄມ້, ຟື້ນຟູຮາກຕົ້ນໄມ້ ເພື່ອບໍາລຸງຮັກສາຕົ້ນໄມ້ໃຫ້ມີຄວາມສວຍງາມ ແລະ ຍືນຍົງ ເພື່ອຄວາມປອດໄພຂອງປະຊາຊົນໃນການສັນຈອນໄປມາ.
ມອບເງິນຊຸກຍູ້ກອງປະຊຸມໃຫຍ່ອົງຄະນະພັກນະຄອນໄກສອນ 55 ລ້ານກີບ

ມອບເງິນຊຸກຍູ້ກອງປະຊຸມໃຫຍ່ອົງຄະນະພັກນະຄອນໄກສອນ 55 ລ້ານກີບ

ໂຮງງານຜະລິດນ້ຳດື່ມ ແລະ ນ້ຳກ້ອນໂລມາຄຳ ໄດ້ມອບເງິນປະກອບສ່ວນຊຸກຍູ້ກອງປະຊຸມໃຫຍ່ຂອງອົງຄະນະພັກ ນະຄອນໄກສອນພົມວິຫານ ຄັ້ງທີ lX ທີ່ຈະໄຂຂຶ້ນໃນລະຫວ່າງວັນ 26-27 ມິຖຸນານີ້, ເພື່ອຮັບໃຊ້ເຂົ້າໃນວຽກງານຕ່າງໆໃນການກະກຽມກອງປະຊຸມໃຫຍ່ໃຫ້ມີຜົນສຳເລັດຕາມແຜນການທີ່ວາງໄວ້. ພິທີມອບ-ຮັບເງິນຄັ້ງນີ້, ໄດ້ຈັດຂຶ້ນໃນວັນທີ 24 ມິຖຸນານີ້ ທີ່ໂຮງງານຜະລິດນ້ຳດື່ມ ແລະ ນ້ຳກ້ອນໂລມາຄຳ ໂດຍການກ່າວມອບຂອງທ່ານ ເກຍ ອູ໊ສິດທິເດດ ວິລະຊົນແຮງງານແຫ່ງຊາດ ເຈົ້າຂອງໂຮງງານ ແລະ ກ່າວຮັບໂດຍທ່ານ ຄຳຜຸຍ ສີບຸນເຮືອງ ກຳມະການພັກແຂວງ ຮັກສາການເລຂາພັກນະຄອນ ຮັກສາການເຈົ້ານະຄອນໄກສອນພົມວິຫານ ພ້ອມຄະນະ.
ແຂວງວຽງຈັນ ເຜີຍແຜ່ຜົນກອງປະຊຸມວຽກງານກວດກາທົ່ວປະເທດ ປະຈໍາປີ 2024

ແຂວງວຽງຈັນ ເຜີຍແຜ່ຜົນກອງປະຊຸມວຽກງານກວດກາທົ່ວປະເທດ ປະຈໍາປີ 2024

ເມື່ອບໍ່ດົນມານີ້ ຢູ່ສະໂມສອນເມືອງທຸລະຄົມ ແຂວງວຽງຈັນ ໄດ້ຈັດກອງປະຊຸມເຜີຍແຜ່ຜົນສໍາເລັດຂອງກອງປະຊຸມວຽກງານກວດກາທົ່ວປະເທດ ປະຈໍາປີ 2024 ໂດຍການເປັນປະທານຂອງ ສະຫາຍ ຈິດຕະວົງ ສີສົງຄາມ ຮອງປະທານຄະນະກວດກາພັກແຂວງວຽງຈັນ.
ແກ່ນທ້າວ ເຜີຍແຜ່ ລະບົບຄຸ້ມຄອງສາງພາສີ ທີ່ທັນສະໄໝ

ແກ່ນທ້າວ ເຜີຍແຜ່ ລະບົບຄຸ້ມຄອງສາງພາສີ ທີ່ທັນສະໄໝ

ໃນວັນທີ 23 ມິຖຸນາຜ່ານມານີ້, ຢູ່ທີ່ຫ້ອງປະຊຸມດ່ານສາກົນຂົວມິດຕະພາບນໍ້າເຫືອງ ເມືອງແກ່ນທ້າວ ແຂວງໄຊຍະບູລີ ໄດ້ຈັດກອງປະຊຸມເຜີຍແຜ່ ການນໍາໃຊ້ລະບົບຄຸ້ມຄອງສາງພາສີທັນສະໄໝໃຫ້ເຈົ້າໜ້າທີ່ດ່ານພາສີສາກົນຂົວມິດຕະພາບນໍ້າເຫືອງ ແລະ ດ່ານພາສີສາກົນພູດູ່ ຂຶ້ນ, ໂດຍການເປັນກຽດເຂົ້າຮ່ວມຂອງທ່ານ ຫຸມພັນ ວົງສາ ຫົວໜ້າດ່ານພາສີສາກົນຂົວມິດຕະພາບນໍ້າເຫືອງ.
ເພີ່ມເຕີມ