ທ່ານ ເພັດ ພົມພິພັກ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ກ່າວຕໍ່ສື່ມວນຊົນໃນວັນທີ 5 ຕຸລານີ້ວ່າ: ການສະເຫຼີມສະຫຼອງວັນອາຫານໂລກ, ລະນຶກເຖິງ ວັນສາກົນ ແລະ ສັບປະດາແຫ່ງຊາດເພື່ອລືບລ້າງຄວາມທຸກຍາກ ທີ່ຈະ ໝູນວຽນມາ ຄົບຮອບອີກເທື່ອໜຶ່ງ ໃນປີ 2023 ນີ້ ຊຶ່ງພິທີສະເຫຼີມສະຫຼອງຢ່າງເປັນທາງການ ຈະໄດ້ຈັດຂຶ້ນໃນວັນທີ 9 ຕຸລາ 2023 ນີ້ ທີ່ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ກະຊວງກະສິກໍາ ແລະ ປ່າໄມ້ ນະຄອນຫຼວງວຽງຈັນ, ສຳລັບ ວັນອາຫານໂລກ ແມ່ນຄົບຮອບ 43 ປີ ພາຍໃຕ້ຄຳຂວັນທີ່ວ່າ: “ນ້ຳປຽບເໝືອນດັ່ງຊີວິດ, ນ້ຳ ຄືແຫຼ່ງກຳເນີດອາຫານ ຂອງພວກເຮົາ. ພວກເຮົາພ້ອມກັນກ້າວໄປ”. ສ່ວນວັນ ສາກົນ ເພື່ອລຶບລ້າງຄວາມທຸກຍາກ ແມ່ນຄົບຮອບ 31 ປີ ແລະ ສັບປະດາແຫ່ງຊາດ ຄົບຮອບ 20 ປີ ພາຍໃຕ້ຄຳຂວັນທີ່ວ່າ: “ພ້ອມກັນຈັດຕັ້ງປະຕິບັດໃຫ້ປະກົດຜົນເປັນຈິງ ເພື່ອກຽດສັກສີຂອງທຸກຄົນ”. ດັ່ງທີ່ຮູ້ນຳກັນແລ້ວວ່າ: ທົ່ວໂລກໄດ້ພົບຄວາມຫຍຸ້ງຍາກ ແລະ ສິ່ງທ້າທາຍຕ່າງໆເຊັ່ນ: ການປ່ຽນແປງສະພາບດິນຟ້າອາກາດ ກໍ່ໃຫ້ເກີດການແຜ່ລະບາດ ຂອງພະຍາດຄົນ, ພະຍາດສັດ-ພືດ ຢ່າງຕໍ່ເນື່ອງ, ເກີດມີໄພທຳມະຊາດ ທີ່ນັບມື້ນັບຮ້າຍແຮງ, ລວມທັງລາຄາສິນຄ້າ ແລະ ນ້ຳມັນເຊື້ອໄຟສູງຂຶ້ນ, ມີຄວາມຂັດແຍ່ງຕ່າງໆ ແລະ ຄວາມເຄັ່ງຕຶງໃນບາງຂົງເຂດຢູ່ໃນໂລກ ຊຶ່ງໄດ້ສືບຕໍ່ຜົນກະທົບຕໍ່ປະຊາກອນໃນໂລກ ໃນການຜະລິດ ແລະ ການເຂົ້າເຖິງສະບຽງອາຫານ ແລະ ປະສົບກັບຄວາມອຶດຫິວ ຍ້ອນບັນຫາທີ່ກ່າວມານັ້ນ.
ຈຸດປະສົງ: ເພື່ອການໂຮມຊຸມນຸມ 2 ວັນດັ່ງກ່າວໃຫ້ມີຄວາມໝາຍຄວາມສຳຄັນ, ເພື່ອເປັນການປູກຈິດສຳນຶກ ແລະ ສ້າງຄວາມຮັບຮູ້ ໃຫ້ປະຊາຊົນທົ່ວໂລກໄດ້ເຂົ້າໃຈເຖິງຄວາມທຸກຍາກ ແລະ ໄພອຶດຫິວ ແລະ ຍັງເປັນການສ້າງແຮງຈູງໃຈໃຫ້ທຸກຄົນມີຄວາມສາມາດບືນຕົວອອກຈາກຄວາມທຸກຍາກ ແລະ ໄພອຶດຫິວ. ພ້ອມທັງເປັນການສ້າງຄວາມຮັບຮູ້ ແລະ ຮຽກຮ້ອງໃຫ້ທຸກພາກສ່ວນ ໃຫ້ມີສ່ວນຮ່ວມໃນການຜະລິດສະບຽງອາຫານ ໃຫ້ມີປະສີດທິພາບ ແລະ ຍືນຍົງ.
ຈຸດປະສົງ: ເພື່ອການໂຮມຊຸມນຸມ 2 ວັນດັ່ງກ່າວໃຫ້ມີຄວາມໝາຍຄວາມສຳຄັນ, ເພື່ອເປັນການປູກຈິດສຳນຶກ ແລະ ສ້າງຄວາມຮັບຮູ້ ໃຫ້ປະຊາຊົນທົ່ວໂລກໄດ້ເຂົ້າໃຈເຖິງຄວາມທຸກຍາກ ແລະ ໄພອຶດຫິວ ແລະ ຍັງເປັນການສ້າງແຮງຈູງໃຈໃຫ້ທຸກຄົນມີຄວາມສາມາດບືນຕົວອອກຈາກຄວາມທຸກຍາກ ແລະ ໄພອຶດຫິວ. ພ້ອມທັງເປັນການສ້າງຄວາມຮັບຮູ້ ແລະ ຮຽກຮ້ອງໃຫ້ທຸກພາກສ່ວນ ໃຫ້ມີສ່ວນຮ່ວມໃນການຜະລິດສະບຽງອາຫານ ໃຫ້ມີປະສີດທິພາບ ແລະ ຍືນຍົງ.
ເນື່ອງໃນໂອກາດວັນອາຫານໂລກ ຄົບຮອບ 43 ປີ, ວັນສາກົນ ເພື່ອລຶບລ້າງຄວາມທຸກຍາກ ຄົບຮອບ 31 ປີ ແລະ ສັບປະດາແຫ່ງຊາດ ຄົບຮອບ 20 ປີ ທີ່ຈະຈັດພິທີສະເຫຼີມສະຫຼອງຢ່າງເປັນທາງການ ນີ້. ຮຽກຮ້ອງມາຍັງບັນດາທ່ານ ທົ່ວພັກທົ່ວລັດ ທົ່ວປວງຊົນລາວທັງຊາດ ຕະຫຼອດຮອດບັນດາຄູ່ຮ່ວມພັດທະນາຕ່າງໆ ຢູ່ ສປປ ລາວ ຈົ່ງພ້ອມກັນເປັນເຈົ້າການສະເຫຼີມສະຫຼອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກປີນີ້ ໃຫ້ເປັນຂະບວນຟົດຟື້ນ, ມີຄວາມເປັນລະບຽບຮຽບຮ້ອຍ ແລະ ໃຫ້ປະສົບຜົນສຳເລັດຕາມລະດັບຄາດໝາຍ ກໍຄືການຮ່ວມກັນເຮັດວຽກ ເພື່ອໃຫ້ຫຼຸດພົ້ນອອກຈາກຄວາມທຸກຍາກ ແລະ ທຸກຄົນສາມາດເຂົ້າເຖິງໂພຊະນາການໄດ້ທຸກສະຖານທີ່.
ຂ່າວ-ພາບ: ພັດ ລໍວັນໄຊ
ຂ່າວ-ພາບ: ພັດ ລໍວັນໄຊ
ຄໍາເຫັນ