ລັດ ຈຶ່ງມີນະໂຍບາຍເປີດກວ້າງຊຸກຍູ້, ສົ່ງເສີມໃຫ້ປວງຊົນລາວ ຜະລິດເປັນສິນຄ້າ ສ້າງລາຍຮັບເຂົ້າຄອບຄົວ, ປະກອບສ່ວນເຂົ້າໃນການປົກປັກຮັກສາ,ສ້າງສາພັດທະນາປະເທດລາວໃຫ້ຫຼຸດພົ້ນຈາກສະຖານະພາບເປັນປະເທດດ້ອຍພັດທະນາ.
ທ່ານນາງ ພອນທິບ ເພຍໄຊ ເຈົ້າຂອງແຈ່ວປາແດກແຊບ ແມ່ພອນທິບ ເມືອງທ່າແຂກ ແຂວງຄໍາມ່ວນ ໃຫ້ສໍາພາດຕໍ່ຜູ້ຂຽນ ທີ່ງານຜະລິດຕະພັນລາວ 2024 ທີ່ສູນການຄ້າ ລາວ-ໄອເຕັກ ວ່າ: ເບື້ອງຕົ້ນ ນໍາຜະລິດຕະພັນເຂົ້າມາວາງຂາຍ ທີ່ໂຮງແຮມແລນມາກ ນະຄອນຫຼວງວຽງຈັນ ປະກອບມີ ແຈ່ວສູດດັ່ງເດີມ ແລະ ແຈ່ວໝາກແຂ່ນ. ຈາກນັ້ນ ໄດ້ຂະຫຍາຍຜະລິດຕະພັນອອກເລື້ອຍໆ ເພີື່ອຕອບສະໜອງກັບສັງຄົມ ທັງພາຍໃນ ແລະ ຕ່າງປະເທດ ມາເຖິງປັດຈຸບັນ ຜະລິດຕະພັນ ມີ 9 ຢ່າງ ຄື: ແຈ່ວປາແດກສູດດັ່ງເດີມ, ແຈ່ວໝາກແຂ່ນ, ແຈ່ວປາແດກຊົງເຄື່ອງ, ແຈ່ວປາແດກໜັງ, ແຈ່ງປາແດກດິບມີຕ່ອນ, ແຈ່ວຊີ້ນດາດ, ແຈ່ວຊີ້ນຈຸ່ມ, ແຈ່ວລູກຊີ້ນ, ແຈ່ວພັນປາ-ພັນໝ້ຽງ. ເລີ່ມຜະລິດທໍາອິດແມ່ນທ້າຍປີ 2018 ເປັນຕົ້ນມາ, ຜະລິດຕະພັນເປັນທີ່ຮູ້ຈັກຈາກສັງຄົມ ແມ່ນປີ 2019 ຈາກການເລີ່ມຕົ້ນມາເຖິງປັດຈຸບັນສາມາດເວົ້າໄດ້ວ່າ ການຂາຍແຈ່ວແມ່ນເປັນທີ່ພໍໃຈຫຼາຍ ຍ້ອນໄດ້ມີການຕອບຮັບຈາກສັງຄົມສະຶ ເໝີມາ, ແຈ່ວແຕ່ລະສູດ ແມ່ນໄດ້ຂາຍດີ.
ເຈົ້າຂອງແຈ່ວປາແດກແຊບ ແມ່ພອນທິບ ກ່າວຕື່ມວ່າ: ດີໃຈຫຼາຍທີ່ໄດ້ນໍາເອົາຜະລິດຕະພັນແຈ່ວປາແດກແຊບ ເຂົ້າມາຂາຍ ໃນງານຜະລິດຕະພັນລາວ 2024 ແມ່ນມີຄວາມສະດວກ, ສະບາຍຫຼາຍ ຍ້ອນວ່າ ການນໍາໄດ້ໃຫ້ການຊຸກຍູ້ ແລະ ສົ່ງເສີມ ໃຫ້ປວງຊົນລາວ ອອກແຮງງານຜະລິດເປັນສິນຄ້າ ຊົມໃຊ້ພາຍໃນ ແລະ ສົ່ງອອກຂາຍທັງພາຍໃນ ແລະ ຕ່າງປະເທດ. ໃນແຕ່ລະວັນ ຜະລິດແຈ່ວອອກຂາຍຢ່າງໜ້ອຍ 200 - 300 ກະປຸກ ຫຼື ວ່າຜະລິດຫຼາຍກວ່ານັ້ນ ຕາມການສັ່ງຈ່ອງຂອງລູກຄ້າ, ຜະລິດໃນແຕ່ລະວັນ ແມ່ນ 40 - 60 ກິໂລ. ຈໍາໜ່າຍທີ່ທ່າແຂກ 9 ສາຂາ, ຢູ່ທີ່ຊີພີ ຫຼັກ 20, ຊີພີປາກຊັນ, ຊີພີເຊໂນ, ຊີພີແຂວງວຽງຈັນ ທີ່ບ້ານວຽງຄໍາ, ຊີພີໂພນສີນວນ ນະຄອນຫຼວງວຽງຈັນ, ມີວາງຂາຍທີ່ມິນິມາກກ໊ອກໆ, ໂຊກໄຊ 12 ສາຂາ, ຊີພີ 7 ສາຂາ. ຄຽງຄູ່ກັບການສົ່ງຂາຍ ແລະ ເປັນທີ່ນິຍົມຂອງສັງຄົມລາວຢູ່ພາຍໃນປະເທດແລ້ວ ທີ່ຕ່າງປະເທດ ຍັງສັ່ງຈ່ອງຕື່ມອີກ ຄື: ໄທ, ຫວຽດນາມ, ອາເມຣິກາ, ຈີນ ແລະ ຝຣັ່ງ ມີທັງຂາຍແບບອັອບລາຍ ແລະ ແບບອອນລາຍ. ຜະລິດຕະພັນດັ່ງກ່າວ ຂາຍໃນລາຄາສົ່ງ ແລະ ຍ່ອຍ ລາຄາເລີ່ມຕົ້ນ 36 ພັນກີບ/ກ່ອງ (ສັ່ງ 20 ກ່ອງຂຶ້ນເມືອ), ລາຄາຂາຍຍ່ອຍ 45 ພັນກີບ/ກ່ອງ ແລະ ເພື່ອເປັນການສົ່ງເສີມ ການມີວຽກເຮັດງານທໍາຂອງຊາວສວນ ຈຶ່ງນໍາໃຊ້ວັດຖຸດິບ ໂດຍຊື້ນໍາປະຊາຊົນ ເມືອງຄູນຄໍາ, ໄດ້ເລືອກເອົາວັດຖຸດິບທີ່ດີ ຊຶ່ງໄດ້ແກ່ຫົວຜັກທຽມ, ຫົວຜັກບົວ, ໝາກເຜັດແຫ້ງໜ່ວຍທີ່ງາມ ເພື່ອຮັບປະກັນຄວາມສະອາດຕໍ່ຜູ້ບໍລິໂພກເປັນສໍາຄັນ.
ໃນແຜນການຕໍ່ໜ້າໃກ້ໆນີ້ ຈະເພີ່ມການຜະລິດ ແລະ ຂະຫຍາຍຜະລິດຕະພັນອອກໄປໃຫ້ໄດ້ເຖິງ 18 ແຂວງໃນຂອບເຂດທົ່ວປະເທດ ເພື່ອຄວາມສະດວກສະບາຍ ຂອງລູກຄ້າທຸກໆທ່ານໄດ້ເຂົ້າເຖິງ, ເຈົ້າຂອງແຈ່ວປາແດກແຊບ, ແມ່ພອນທິບ ກ່າວຕື່ມວ່າ: ເພື່ອຢາກໃຫ້ຜະລິດຕະພັນແຈ່ວທຸກສູດ ເກັບໄວ້ກິນດົນ ເມື່ອທ່ານເປີດຝາອອກ ຖ້າວ່າຈະກິນໃນປະລິມານເທົ່າໃດ ກໍຕັກອອກມາ ຫາກວ່າກິນບໍ່ໝົດ ກໍບໍ່ຄວນເອົາໄວ້ໃນກ່ອງຄືນເດັດຂາດ ຖ້າຫາກວ່າເອົາໄວ້ຄືນ ຈະເຮັດໃຫ້ແຈ່ວບູດໄວ. ຍ້ອນວ່າແຈ່ວທຸກສູດ ບໍ່ໄດ້ໃສ່ສານກັນບູດ. ຖ້າວ່າ ທ່ານໃດມີຄວາມສົນໃຈຢາກຊື້ໄປກິນ ຫຼື ຊື້ໄປຂາຍຍ່ອຍ ຕິດຕໍ່ທີ່ເບີ 020 55828699, 020 52707778, 030 5050729 ໃນໂມງລັດຖະການ.
ຄໍາເຫັນ