ໃນກໍລະນີທີ່ອົງການສະຫະປະຊາຊາດກຳລັງຄົ້ນຄວ້າພິຈາລະນາລວມ ອົງການສະຫະປະຊາຊາດກອງທຶນສໍາລັບປະຊາກອນ ແລະ ອົງການສະຫະປະຊາຊາດເພື່ອແມ່ຍິງ ເຂົ້າເປັນອົງການໜຶ່ງ, ຈີນເຫັນວ່າ: ການປະຕິຮູບຄວນຕອບສະໜອງກັບຄວາມຮຽກຮ້ອງຕ້ອງການຂອງປະເທດທີ່ສະເໜີແຜນການລວມຕົວ ແລະ ເພື່ອຮັບປະກັນໃຫ້ສອງອົງການດັ່ງກ່າວມອບສິດຢ່າງຄົບຖ້ວນ, ປະກອບສ່ວນເຂົ້າໃນການຊຸກຍູ້ປະເທດກຳລັງພັດທະນາຈັດຕັ້ງປະຕິບັດເປົ້າໝາຍການພັດທະນາແບບຍືນຍົງໃຫ້ເປັນຮູບປະທຳ. ຈີນສະແດງຄວາມຊົມເຊີຍຕໍ່ບົດລາຍງານການປະເມີນຜົນການລວມຕົວໃນເບື້ອງຕົ້ນ, ແຕ່ເນັ້ນໜັກວ່າ ໃນການປະຕິຮູບໂຄງສ້າງອົງການສະຫະປະຊາຊາດ, ເມື່ອປະຕິຮູບພາກສ່ວນໃດໜຶ່ງຈະກະທົບເຖິງອົງການເຄືອຂ່າຍທັງໝົດ, ສະນັ້ນ ຕ້ອງລົງເລິກຄົ້ນຄວ້າ ແລະ ປຶກສາຫາລືຢ່າງກວ້າງຂວາງເພື່ອຫຼີກລ່ຽງບໍ່ໃຫ້ເຮັດແບບຟ້າວຟັ່ງເກີນໄປ.
ກ່ຽວກັບການປະຕິຮູບໃນຂົງເຂດເຕັກໂນໂລຊີ ແລະ ຂໍ້ມູນ, ຈີນສະໜັບສະໜູນການປັບປຸງຍົກລະດັບພື້ນຖານໂຄງລ່າງເຕັກໂນໂລຊີຂໍ້ມູນຂ່າວສານຂອງທົ່ວລະບົບ, ສ້າງຕັ້ງເວທີແບ່ງປັນຂໍ້ມູນເປັນເອກະພາບກັນ ແລະ ຍົກສູງປະສິດທິພາບການປະສານສົມທົບລະຫວ່າງອົງການເຄືອຂ່າຍຕ່າງໆ.
ຄໍາເຫັນ