ທ່ານ ລິນຈ້ຽນ ກ່າວວ່າ: ສະຖານະການຢູ່ພາກພື້ນຕາເວັນອອກກາງໃນປັດຈຸບັນນີ້ສົ່ງຜົນກະທົບຕໍ່ຄວາມໝັ້ນຄົງດ້ານພະລັງງານຂອງໂລກ, ຄວາມສະດວກຂອງຕ່ອງໂສ້ການຜະລິດ, ການສະໜອງ ແລະ ລະບຽບການຄ້າສາກົນ.ປະເທດທີ່ກ່ຽວຂ້ອງຄວນຢຸດຕິການເຄື່ອນໄຫວທາງການທະຫານໃນທັນທີເພື່ອປ້ອງກັນບໍ່ໃຫ້ຄວາມບໍ່ໝັ້ນຄົງໃນພາກພື້ນສົ່ງຜົນກະທົບຕໍ່ການພັດທະນາເສດຖະກິດຂອງໂລກຕື່ມອີກ. ຈີນຍິນດີເພີ່ມທະວີການປະສານງານກັບປະຊາຄົມໂລກ, ເພື່ອພ້ອມກັນຮັບມືກັບບັນຫາຄວາມໝັ້ນຄົງດ້ານພະລັງງານ.
ສີລັງກາ ປັບໃໝລົດໂດຍສານ 80 ຄັນ ຍ້ອນເກັບຄ່າໂດຍສານເກີນກຳນົດ
ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ໂຣຮານາ ວັດເທດ ຫົວໜ້າໜ່ວຍກວດກາລົດໂດຍສານເຄື່ອນທີ່ຂອງຄະນະກຳມະການຂົນສົ່ງແຫ່ງຊາດສີລັງກາ ໄດ້ເປີດເຜີຍວ່າ, ຈາກການກວດກາລົດໂດຍສານ ຈຳນວນ 680 ຄັນ ລະຫວ່າງວັນທີ 8-18 ເມສາ ຜ່ານມາ ພົບວ່າມີລົດໂດຍສານ ຈຳນວນ 80 ຄັນ ຄິດຄ່າໂດຍສານເກີນກຳນົດທີ່ອະນຸຍາດໃນລະຫວ່າງງານບຸນປີໃໝ່ຂອງຊາວສິງຫົນ ແລະ ທະມິນ ຊຶ່ງເປັນວັນພັກທີ່ສຳຄັນທີ່ສຸດຂອງສີລັງກາ ຈຶ່ງໄດ້ມີການປັບໃໝລົດໂດຍສານເຫຼົ່ານີ້.
ຄໍາເຫັນ