ຈີ​ນ​ ສຳ​ເລັດ​ການສົ່ງ​ດາວ​ທຽມກຸ່ມ 08 ຂອງ​ກຸ່ມ​ດາວ​ທຽມອິນ​ເຕີ​ເນັດ​ວົງ​ໂຄ​ຈອນ​ຕ່ຳ​ຊ່ຽນ​ຟ່ານ ຂຶ້ນສູ່ອະຍະກາດ

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ສູນສຸຂະພາບແຫ່ງຊາດມົງໂກນໄດ້ປະກາດວ່າ, ໄດ້ເລີ່ມໃຊ້ສັນຍາລັກສຳລັບແມ່ຍິງຖືພາທົ່ວປະເທດ. ໂຄງການດັ່ງກ່າວມີຈຸດປະສົງເພື່ອເສີມຂະຫຍາຍຄວາມປອດໄພ, ການສະໜັບສະໜູນທາງສັງຄົມ ແລະ ການເປັນຢູ່ທີ່ດີສຳລັບແມ່ຍິງຖືພາ, ພ້ອມທັງຍົກສູງຄວາມຮັບຮູ້ ແລະ ຄວາມເຂົ້າໃຈໃນພື້ນທີ່ສາທາລະນະ. ໂດຍສັນຍາລັກດັ່ງກ່າວຖືກແຈກຢາຍຜ່ານສູນຄອບຄົວ ແລະ ສູນສຸຂະພາບປະຈຳເມືອງ.

ຂ່າວຕ່າງປະເທດລາຍງານ ໃນວັນທີ 1 ມິຖຸນາ ຜ່ານມາວ່າ: ມາເລເຊຍໄດ້ເລີ່ມບັງຄັບໃຊ້ຂໍ້ກຳນົດການຢັ້ງຢືນອາຍຸສຳລັບການລົງທະບຽນ ແລະ ເປີດບັນຊີສື່ສັງຄົມອອນລາຍ ເພື່ອປົກປ້ອງເດັກອາຍຸຕ່ຳກວ່າ 16 ປີຈາກໄພຂົ່ມຂູ່ທາງອອນລາຍ. ມາດຕະການນີ້ແມ່ນປະຕິບັດຕາມການບັງຄັບໃຊ້ກົດໝາຍວ່າດ້ວຍການປົກປ້ອງເດັກ ແລະ ກົດໝາຍວ່າດ້ວຍການຫຼຸດຜ່ອນຄວາມສ່ຽງ ຊຶ່ງມີຜົນບັງຄັບໃຊ້ໃນວັນທີ 1 ມິຖຸນາ ນີ້ ພາຍໃຕ້ກົດໝາຍວ່າດ້ວຍຄວາມປອດໄພທາງອອນລາຍປີ 2025 ຂອງຄະນະກໍາມະການການສື່ສານ ແລະ ມັນຕິມີເດຍແຫ່ງມາເລເຊຍ (MCMC).

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: SoftBank Group, ບໍລິສັດລົງທຶນ ແລະ ເຕັກໂນໂລຊີຂອງຍີ່ປຸ່ນ ໄດ້ເປີດເຜີຍວ່າ: ບໍລິສັດວາງແຜນທີ່ຈະພັດທະນາ ແລະ ຄຸ້ມຄອງສູນຂໍ້ມູນປັນຍາປະດິດ (AI) ໃນປະເທດຝຣັ່ງ ຊຶ່ງມີກຳລັງການຜະລິດທັງໝົດ 5 ກິກະວັດ ແລະ ມີມູນຄ່າການລົງທຶນສູງເຖິງ 75 ຕື້ເອີໂຣ (ປະມານ 87 ຕື້ໂດລາ).

ວິທະຍຸກະຈາຍສຽງຫວຽດນາມລາຍງານໃນວັນທີ 2 ມິຖຸນາ ຜ່ານມາວ່າ: ບົດ​ລາຍ​ງານ​ສະ​ພາບ​ການອາ​ຊີ​ຕາ​ເວັນ​ອອກ​ສ່ຽງ​ໃຕ້ ປີ 2026 (The State of Southeast Asia: 2026 Survey Report) ໂດຍ​ສະ​ຖາ​ບັນ​ຄົ້ນ​ຄວ້າ ອາ​ຊີ​ຕາ​ເວັນ​ອອກ​ສ່ຽງ​ໃຕ້ (ISEAS – Yusof Ishak Institute, Singapore) ​ປະ​ກາດ​​ຫວ່າງມໍ່ໆມານີ້ ໄດ້​ຊີ້​ໃຫ້​ເຫັນ​ວ່າ: ຫວຽດ​ນາມ ນອນ​ໃນ​ກຸ່ມ 4 ປະ​ເທດ ອາ​ຊີ​ຕາ​ເວັນ​ອອກ​ສ່ຽງ​ໃຕ້ ທີ່​​ປະ​ຊາ​ຊົນ​ໃນ​ພາກ​ພື້ນ​ນິ​ຍົມ​ເລືອກ​ເພື່ອ​ໄປ​ທ່ອງ​ທ່ຽວ, ເຮັດ​ວຽກ ແລະ ດຳ​ລົງ​ຊີ​ວິດຫຼາຍ​ທີ່​ສຸດ.

ບໍລິສັດ Sailun Group ຊຶ່ງເປັນຜູ້ຜະລິດຢາງລົດຈາກຈີນ ໄດ້ເຂົ້າຮ່ວມກອງປະຊຸມປະຈຳປີ 2026 ຂອງສະພາທຸລະກິດໂລກເພື່ອການພັດທະນາແບບຍືນຍົງ (WBCSD) ທີ່ຈັດຂຶ້ນຫວ່າງບໍ່ດົນມານີ້ ແລະ ໄດ້ນຳສະເໜີຜົນສຳເລັດຂອງຕົນໃນການຜະລິດອັດສະລິຍະດີຈີຕອນ, ນະວັດຕະກຳເຕັກໂນໂລຊີທີ່ເປັນມິດກັບສິ່ງແວດລ້ອມ ແລະ ການຫັນປ່ຽນກາກບອນຕ່ຳໃນທົ່ວລະບົບຕ່ອງໂສ້ອຸດສາຫະກຳ. ບໍລິສັດແມ່ນສະມາຊິກອຸດສາຫະກຳຢາງລົດແຫ່ງທຳອິດຂອງ WBCSD ຈາກປະເທດຈີນ.

ຂ່າວຕ່າງປະເທດລາຍງານໃນວັນທີ 31 ພຶດສະພາ ຜ່ານມາວ່າ: ກະຊວງສາທາລະນະສຸກອິນໂດເນເຊຍໄດ້ເປີດເຜີຍວ່າໄດ້ຂະຫຍາຍໂຄງການກວດສຸຂະພາບໂດຍບໍ່ເສຍຄ່າແຫ່ງຊາດ ລວມທັງການກວດຫາມະເຮັງລຳໄສ້ໃຫຍ່ ແລະ ມະເຮັງຮູທະວານ (colorectal cancer)ສຳລັບກຸ່ມທີ່ມີຄວາມສ່ຽງສູງໃນຜູ້ທີ່ມີອາຍຸ 45 ປີຂຶ້ນໄປ.

ວິທະຍຸກະຈາຍສຽງຫວຽດນາມລາຍງານໃນທ້າຍອາທິດຜ່ານມາວ່າ: ທ່ານ ເທໂດຣສ ອັດຮານອມ ກີເບຣເຢຊຸສ ຜູ້​ອຳ​ນວຍ​ການ​ໃຫຍ່​ອົງ​ການ​ອະ​ນາ​ໄມ​ໂລກ (WHO) ຮຽກ​ຮ້ອງ​ໃຫ້​ປະ​ຊາ​ຄົມ​ສາ​ກົນ ເພີ່ມ​ທະ​ວີ​ການ​​ຊ່ວຍເຫຼືອ​ສະ​ກັດ​ກັ້ນ​ການ​ແຜ່​ລະ​ບາດ​ຂອງ​ພະຍາດ​ອີໂບລາທີ່​ຮ້າຍ​ແຮງ​ຢູ່ ສປ ກົງ​ໂກ, ໃນ​ສະ​ພາບ​ການທີ່​ຈຳ​ນວ​ນ​ຜູ້​ສົງ​ໄສ​ຕິດ​ເຊື້ອ ແລະ ເສຍ​ຊີ​ວິດ​ສືບ​ຕໍ່​ເພີ່ມ​ຂຶ້ນ. ໃນ​ການ​ປະ​ຕິ​ບັດ​ງານ​ຢູ່​ນະ​ຄອນບູເນຍ ເມືອງ​ເອກ​ແຂວງອີຕູຣີ, ເຂດ​ໃຈ​ກາງ​ຂອງ​ພະຍາດ​ລະ​ບາດ​ໃນ​ປັດ​ຈຸ​ບັນ.

ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ບັນ​ດາ​ລັດ​ຖະ​ມົນ​ຕີ​ການ​ເງິນ​ຂອງ 6 ພື້ນ​ຖານ​ເສດ​ຖະ​ກິດ​ໃຫຍ່​ສຸດ ສະ​ຫະ​ພາບ​ເອີ​ຣົບ (EU) ໄດ້​ບັນ​ລຸ​ຄວາມ​ເຫັນ​ດີ​ເຫັນ​ພ້ອມ ກ່ຽວ​ກັບ​ບັນ​ດາ​ມາດ​ຕະ​ການ​ເພີ່ມ​ທະ​ວີ​ການ​ເຊື່ອມ​ໂຍງ​ເຂົ້າ​ກັບ​ຕະຫຼາດ​ການ​ເງິນ ແລະ ຊ່ວຍ​ໃຫ້​ກະ​ແສ​ເງິນ​ລົງ​ທຶນ​ຈະ​ລາ​ຈອນ​ຢ່າງ​ສະ​ດວກກວ່າ​ໃນ​ທົ່ວ​ກຸ່ມ.

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 31 ພຶດສະພາ ຜ່ານມາວ່າ: ບໍລິສັດ​ທີ່​ປຶກສາ ​ໂບສຕັນ ​ໄດ້​ເຜີ​ຍ​ແຜ່​ບົດ​ລາຍ​ງານ​ຊັບ​ສິນ​ທົ່ວ​ໂລກ​ປີ 2026 ຫວ່າງ​ມໍ່ໆ​ມາ​ນີ້ ​ໂດຍລະບຸ​ວ່າ, ນັບ​ມາ​ຮອດ​ທ້າຍ​ປີ 2025, ​ເຂດ​ບໍລິຫານ​ພິ​ເສດ ຮົງ​ກົງ ຂອງ​ຈີນ ​ໄດ້ຄຸ້ມ​ຄອງບໍລິ​ຫາ​ນຊັບ​ສິນ​ຂ້າ​ມປະ​ເທດ​ຈໍານວນ 2,950 ຕື້​ໂດ​ລາ ​ຊຶ່ງລື່ນ​ກາຍ​ປະ​ເທດສະ​ວິດເປັນຄັ້ງ​ທໍາ​ອິດ ​ແລະ ​ກາຍ​ເປັນ​ສູນ​ຄຸ້ມ​ຄອງ​ບໍລິຫານ​ຊັບ​ສິນ​ຂ້າ​ມຊາດ​ໃຫຍ່​ທີ່​ສຸດ​ຂອງ​ໂລກ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນ​ທີ 30 ພຶດ​ສະ​ພາ ຜ່ານມາ, ເນື່ອງ​ໃນ​ໂອ​ກາດການເດີນທາງ​ໄປ​ຢ້ຽມ​ຢາມ​ທາງ​ລັດ​ຖະ​ກິດ​ຢູ່ ສິງ​ກະ​ໂປ, ທ່ານ ໂຕ​ເລິມ ​ເລ​ຂາ​ທິ​ການ​ໃຫຍ່ ປະ​ທານ​ປະ​ເທດຫວຽດ​ນາມ ໄດ້​ພົບ​ປະ ແລ​ະ ແລກ​ປ່ຽນ​ກັບ​ລັດ​ຖະ​ມົນ​ຕີ​ຂັ້ນ​ສູງ, ທີ່​ປຶກ​ສາ​ອາ​ວຸ​ໂສ​ຂອງ​ພັກ​ກະ​ທຳ​ປະ​ຊາ​ຊົນ ສິງ​ກະ​ໂປ, ທ່ານ ຫຼີ​ຊຽນຫຼົງ ອະ​ດີດ​ນາ​ຍົກ​ລັດ​ຖະ​ມົນ​ຕີ ສິງກະໂປ.