ອັດຕາເຂົ້າໂຮງຮຽນອະນຸບານແມ່ນ 92.9%, ເພີ່ມຂຶ້ນ 28.4% ເມື່ອທຽບໃສ່ໄລຍະກ່ອນຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນເມື່ອປີ 2012. ປີ 2025, ນະໂຍບາຍຍົກເວັ້ນຄ່າຮຽນປີໜຶ່ງກ່ອນເຂົ້າໂຮງຮຽນປະຖົມ ໄດ້ນຳເອົາຜົນປະໂຫຍດໃຫ້ແກ່ເດັກນ້ອຍ 14,000,000 ຄົນ.
ກ່ຽວກັບການສຶກສາພາກບັງຄັບ, ບົນພື້ນຖານທີ່ 2,895 ເມືອງໃນທົ່ວປະເທດຈີນໄດ້ມີຄວາມດຸ່ນດ່ຽງໂດຍພື້ນຖານ, ໃນທ້າຍປີ 2025, ມີ 19.8% ຄື: 572 ເມືອງໄດ້ບັນລຸຄວາມດຸ່ນດ່ຽງທີ່ມີຄຸນນະພາບດີ.
ອັດຕາເຂົ້າໂຮງຮຽນມັດທະຍົມປາຍແມ່ນ 92%, ເພີ່ມຂຶ້ນ 7% ເມື່ອທຽບໃສ່ໄລຍະກ່ອນຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນເມື່ອປີ 2012, ເດັກນ້ອຍຫຼາຍກວ່າເກົ່າມີໂອກາດເຂົ້າໂຮງຮຽນມັດທະຍົມປາຍ.
ໃນໄລຍະຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14 ລະຫວ່າງປີ 2021-2025, ການສຶກສາຊັ້ນສູງໄດ້ສົ່ງຜູ້ມີຄວາມຮູ້ຄວາມສາມາດທັງໝົດ 55,000,000 ຄົນໃຫ້ແກ່ສັງຄົມ, ອັດຕາເຂົ້າໂຮງຮຽນຊັ້ນສູງເພີ່ມຈາກບໍ່ຮອດ 30% ໃນໄລຍະກ່ອນຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນໃນເມື່ອປີ 2012 ຂຶ້ນຮອດຫຼາຍກວ່າ 60% ໃນປັດຈຸບັນ, ກໍຄືເພີ່ມຂຶ້ນຫຼາຍກວ່າ 1 ເທົ່າ.
ໂຕເລກສະຖິຕິເຫຼົ່ານີ້ສະແດງໃຫ້ເຫັນວ່າ: ຈີນມີການບຸກທະລຸໃໝ່ໃນການສະໜອງການບໍລິການສາທາລະນະດ້ານການສຶກສາທີ່ໃຫ້ຜົນປະໂຫຍດຢ່າງທົ່ວເຖິງ ແລະມີຄຸນນະພາບດີ. ອັດຕາທົ່ວເຖິງ ແລະຕົວຊີ້ວັດສຳຄັນດ້ານການສຶກສາຂັ້ນພື້ນຖານໄດ້ລື່ນກາຍລະດັບສະເລ່ຍຂອງປະເທດທີ່ມີລາຍຮັບປານກາງ ແລະສູງຢ່າງຮອບດ້ານ, ໃນນັ້ນ, ການສຶກສາກ່ອນເຂົ້າໂຮງຮຽນປະຖົມ ແລະການສຶກສາພາກບັງຄັບບັນລຸລະດັບສະເລ່ຍຂອງປະເທດທີ່ມີລາຍຮັບສູງ.
ຄໍາເຫັນ