ໃນກອງປະຊຸມສຳມະນາ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງດັກລັກ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2026, ດັກລັກ ໄດ້ຕ້ອນຮັບນັກທ່ອງທ່ຽວປະມານ 5.33 ລ້ານເທື່ອຄົນ, ເພີ່ມຂຶ້ນກວ່າ 37% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ນັກທ່ອງທ່ຽວສາກົນບັນລຸ 78,500 ເທື່ອຄົນ, ເພີ່ມຂຶ້ນເກືອບ 38%.

ເມື່ອເນັ້ນໜັກເຖິງຄວາມສຳຄັນຂອງກອງປະຊຸມສຳມະນາໃນການສ້າງເຄື່ອງໝາຍການຄ້າຂອງແຂວງ, ທ່ານ ຫງວຽນເລວູ ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງ ດັກລັກ ໃຫ້ຮູ້ວ່າ: ບັນດາຄວາມຮູ້ຈາກກອງປະຊຸມຄັ້ງນີ້ຈະຊ່ວຍໃຫ້ທ້ອງຖິ່ນເປັນເຈົ້າການໃນການສ້າງບັນດາຜະລິດຕະພັນທ່ອງທ່ຽວຢູ່ທ້ອງຖິ່ນຂອງຕົນ. ສິ່ງສຳຄັນທີ່ສຸດແມ່ນພວກເຮົານຳມາຊຶ່ງສິ່ງໃດໃຫ້ແກ່ນັກທ່ອງທ່ຽວ ແລະ ເມື່ອນັກທ່ອງທ່ຽວມາຢ້ຽມຢາມເຂົາເຈົ້າຈະເກັບເອົາສິ່ງໃດໃຫ້ແກ່ຕົນເອງ ແລະ ທ້ອງຖິ່ນຈະເປັນເຈົ້າການໃນການສ້າງຈຸດນັດພົບຂອງຕົນ.