ເດັກນ້ອຍເກີດໃໝ່ 75 ລ້ານຄົນໃນປີຜ່ານມາ

13:06 04/01/2024

ຂ່າວຕ່າງປະເທດລາຍງານ ເມື່ອບໍ່ດົນມານີ້, ສຳນັກງານສະຖິຕິແຫ່ງຊາດອາເມຣິກາໄດ້ເປີດເຜີຍບົດລາຍງານໂດຍລະບຸວ່າໃນປີ 2023 ທົ່ວໂລກມີອັດຕາປະຊາກອນເກີດໃໝ່ເພີ່ມຂຶ້ນປະມານ 75 ລ້ານ ຄົນ ຊຶ່ງຈະສົ່ງຜົນໃຫ້ໃນປີ 2024 ປະຊາກອນໂລກບັນລຸຫຼັກ 8.000 ລ້ານຄົນເປັນຄັ້ງທຳອິດຢູ່ທີ່ 8.019.876.189 ຄົນ.
ເຖິງຢ່າງໃດກໍຕາມ, ອັດຕາປະຊາກອນເກີດໃໝ່ໃນປີນີ້ຍັງຖືວ່າຢູ່ໃນລະດັບຕ່ຳໂດຍເພີ່ມຂຶ້ນບໍ່ເຖິງ 1% ແລະ ຄາດວ່າໃນປີ 2024 ທຸກໆວິນາທີຈະມີເດັກເກີດໃໝ່ໂດຍສະເລ່ຍທີ່ 4,3 ຄົນ ແລະ ມີຜູ້ເສຍຊີວິດສະເລ່ຍທີ່ 2 ຄົນທົ່ວ. ຂະນະທີ່ອັດຕາປະຊາກອນເກີດໃໝ່ໃນອາເມຣິການັ້ນຂະຫຍາຍຕົວພຽງ 0,53% ຫຼື ເພີ່ມຂຶ້ນພຽງ 1,7 ລ້ານຄົນໃນປີນີ້ ຊຶ່ງຈະເຮັດໃຫ້ອາເມຣິກາເລີ່ມຕົ້ນປີໃໝ່ 2024 ກັບຈຳນວນປະຊາກອນທັງໝົດ 335,8 ລ້ານຄົນໃນປະເທດ. ທັງນີ້, ສຳນັກງານສະຖິຕິຂອງອາເມຣິກາລະບຸວ່າ ຍັງເປັນເລື່ອງຍາກທີ່ຈະປະເມີນໂຕເລກປະຊາກອນໂລກໄດ້ຢ່າງແນ່ນອນຊັດເຈນ ເພາະມີຄວາມບໍ່ແນ່ນອນຈາກແຫຼ່ງທີ່ມາຂອງຂໍ້ມູນໃນຫຼາຍບ່ອນ ໂດຍໃນຫຼາຍປະເທດທີ່ມີປະຊາກອນຈຳນວນຫຼາຍເຊັ່ນ ອິນເດຍ ແລະ ໄນຈີເຣຍບໍ່ມີການສຳຫຼວດສຳມະໂນປະຊາກອນເກີນ 10 ປີແລ້ວ ແລະ ອີກຫຼາຍປະເທດກໍຍັງຂາດລະບົບທະບຽນປະຊາກອນ ແລະ ລະບົບສະຖິຕິສຳຄັນທີ່ບັນທຶກການເກີດ ແລະ ການເສຍຊີວິດໃນກຸ່ມປະເທດເຫຼົ່ານີ້. ທ່ານ ວິນລຽມ ເຟຣ ນັກປະຊາກອນສາດແຫ່ງສະຖາບັນບຣູກກິງລະບຸວ່າ ດ້ວຍອັດຕາການຂະຫຍາຍຕົວຂອງປະຊາກອນເກີດໃໝ່ທີ່ຊ້າລົງແບບນີ້ຈຶ່ງຄາດວ່າ ຈະເຮັດໃຫ້ພາຍໃນທ້າຍທົດສະວັດນີ້ຈະເປັນທົດສະວັດທີ່ອັດຕາເດັກນ້ອຍເກີດໃໝ່ຂະຫຍາຍຕົວຕ່ຳທີ່ສຸດໃນປະຫວັດສາດຂອງອາເມຣິກາ ໂດຍຄາດວ່າ ຈະມີອັດຕາການຂະຫຍາຍຕົວສະເລ່ຍ ໃນ10 ປີນີ້ບໍ່ເຖິງ 4% ລະຫວ່າງປີ 2020-2030.

ຄໍາເຫັນ

ຂ່າວຕ່າງປະເທດ

ຊາວອົສຕຣາລີເກືອບເຄິ່ງໜຶ່ງ ຕົກເປັນເຫຍື່ອຂອງອາຊະຍາກຳທາງໄຊເບີ

15/08/2025 10:09

ຂ່າວຕ່າງປະເທດລາຍງານວ່າ: ສະຖາບັນອາຊະຍາກຳຂອງອົສຕຣາລີ (AIC) ເປີດເຜີຍບົດລາຍງານໃນວັນທີ 14 ສິງຫາ ຜ່ານມາລະບຸວ່າ, ເກືອບເຄິ່ງໜຶ່ງຂອງຜູ້ໃຊ້ອິນເຕີເນັດໄດ້ຕົກເປັນເຫຍື່ອຂອງອາຊະຍາກຳທາງໄຊເບີ ໃນໄລຍະ 12 ເດືອນຜ່ານມາ.

ໄຟປ່າໃນເອີຣົບ ຮ້າຍແຮງກວ່າຄ່າສະເລ່ຍ 2 ເທົ່າ

15/08/2025 10:06

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ສູນຄົ້ນຄວ້າຮ່ວມຂອງຄະນະກຳມາທິການເອີຣົບເປີດເຜີຍວ່າ, ລະດູໄຟປ່າໃນເອີຣົບໄດ້ເຜົາທຳລາຍເນື້ອທີ່ທັງໝົດ 439,568 ເຮັກຕາ ແລ້ວ ໃນປີ 2025 ຊຶ່ງຫຼາຍກວ່າຄ່າສະເລ່ຍໄລຍະ 19 ປີ ໃນໄລຍະດຽວກັນກວ່າສອງເທົ່າ. ໂດຍສະຖິຕິດັ່ງກ່າວນີ້ກວມເອົາໄຟປ່າຂະໜາດໃຫຍ່ກວ່າ 30 ເຮັກຕາ ທີ່ກວດພົບໂດຍສູນຄຸ້ມຄອງເຫດສຸກເສີນ Copernicus ຂອງສະຫະພາບເອີຣົບ.

ອິນໂດເນເຊຍ ຈັດສົ່ງນໍ້າມັນເຊື້ອໄຟເຮືອບິນຜະລິດຈາກນໍ້າມັນປຸງແຕ່ງອາຫານ

15/08/2025 10:05

ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ທ່ານ ໂກກິ ມູຣາຊາ ຮອງປະທານບໍລິຫານຂອງບໍລິສັດພະລັງງານອິນໂດເນເຊຍ (PT Pertamina) ເປີດເຜີຍວ່າ: ບໍລິສັດໄດ້ຈັດສົ່ງນໍ້າມັນເຊື້ອໄຟເຮືອບິນທີ່ຜະລິດຈາກນ້ຳມັນປຸງແຕ່ງອາຫານທີ່ໃຊ້ແລ້ວງວດທຳອິດ.

ກະຊວງການເງິນຈີນຈັດສັນງົບປະມານ 1 ຕື້ 146 ລ້ານຢວນ ໃນການຕ້ານໄພ ແລະ ກູ້ໄພການຜະລິດກະສິກຳ

15/08/2025 10:03

ຂ່າວສານຊີອາໄອລາຍງານວ່າ: ນັກຂ່າວໄດ້ຮັບຂໍ້ມູນຈາກກະຊວງການເງິນຈີນວ່າ, ຫວ່າງມໍ່ໆມານີ້, ກະຊວງການເງິນຈີນຮ່ວມກັບກະຊວງກະສິກຳ ແລະ ຊົນນະບົດຈີນ ໄດ້ຈັດສັນງົບປະມານຈາກສູນກາງມູນຄ່າ 1 ຕື້ 146 ລ້ານຢວນເຂົ້າໃນການຕ້ານໄພ ແລະ ກູ້ໄພດ້ານການຜະລິດກະສິກຳ ເພື່ອສະໜັບສະໜູນ 13 ແຂວງ ທີ່ເປັນແຫຼ່ງຜະລິດທັນຍາຫານຕົ້ນຕໍໃນການປະຕິບັດນະໂຍບາຍ “ສີດເທື່ອໜຶ່ງຊຸກຍູ້ຫຼາຍລາຍການ” ສຳລັບທັນຍາຫານໃນລະດູໃບໄມ້ຫຼົ່ນ, ອອກແຮງຢ່າງສຸດຂີດເພື່ອເຮັດວຽກງານປ້ອງກັນ, ຫຼຸດຜ່ອນໄພ ແລະ ຊຸກຍູ້ຜົນຜະລິດຢ່າງໝັ້ນທ່ຽງໃຫ້ດີ.

ໄຟໄໝ້ປ່າຮຸ່ນແຮງຢູ່ເກຣັກ ແລະ ແອັດສະປາຍ

14/08/2025 11:32

ຂ່າວຕ່າງປະເທດລາຍງານໃນວັນທີ 13 ສິງຫາ ຜ່ານມາວ່າ: ໄຟໄໝ້ປ່າຫຼາຍຈຸດກຳລັງແຜ່ລາມໃນຫຼາຍປະເທດພາກໃຕ້ຂອງເອີຣົບ, ໂດຍສະເພາະແມ່ນເກຼັກ ແລະ ແອັດສະປາຍ ຕ້ອງອົບພະຍົບປະຊາຊົນຫຼາຍພັນຄົນ. ໃນຂະນະທີ່ນັກວິທະຍາສາດເຕືອນວ່າ: ພາວະໂລກຮ້ອນເຮັດໃຫ້ຄື້ນຄວາມຮ້ອນຮຸ່ນແຮງຂຶ້ນ ແລະ ເພີ່ມຄວາມສ່ຽງຕໍ່ວິກິດການໄຟ ໄໝ້ປ່າໃນພາກໃຕ້ຂອງເອີຣົບ.

ເນປານ ຈະອະນຸຍາດໃຫ້ປີນພູໂດຍບໍ່ເສຍເງິນ

14/08/2025 11:31

ຂ່າວຕ່າງປະເທດລາຍງານໃນວັນທີ 12 ສິງຫາ ຜ່ານມາວ່າ: ເນປານ ຈະອະນຸຍາດໃຫ້ປີນພູຫິມາໄລ 97 ໜ່ວຍໄດ້ໂດຍບໍ່ເສຍເງິນເປັນເວລາ 2 ປີ ເພື່ອຊຸກຍູ້ການທ່ອງທ່ຽວຢູ່ເຂດຫ່າງໄກສອກຫຼີກ.

ອິນໂດເນເຊຍ ພົບນັກລົງທຶນສ່ວນໃຫຍ່ໃນຕະຫຼາດຫຸ້ນ ອາຍຸຕໍ່າກວ່າ 30 ປີ

14/08/2025 11:30

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການບໍລິການທາງດ້ານການເງິນຂອງອິນໂດເນເຊຍ ລາຍງານວ່າ: ນັກລົງທຶນຂະໜາດນ້ອຍໃນຕະຫຼາດຫຼັກຊັບອິນໂດເນເຊຍ (IDX) ຫຼາຍກວ່າເຄິ່ງໜຶ່ງມີອາຍຸຕໍ່າກວ່າ 30 ປີ. ໂດຍຈໍານວນນັກລົງທຶນຂະໜາດນ້ອຍທັງໝົດມີປະມານ 17.57 ລ້ານຄົນ ເມື່ອນັບຮອດວັນທີ 8 ສິງຫາ ຜ່ານມາ, ໂດຍເພີ່ມຂຶ້ນ 2.7 ລ້ານຄົນ ຫຼື 18.15% ເມື່ອທຽບໃສ່ປີຜ່ານມາ.

ກອງປະຊຸມລັດຖະມົນຕີກະສິກຳ ຈີນ - ຍີ່ປຸ່ນ - ສ ເກົາຫຼີ

14/08/2025 11:29

ຂ່າວສານຊີອາໄອລາຍງານໃນວັນທີ 13 ສິງຫາ ຜ່ານມາວ່າ: ຫວ່າງມໍ່ໆມານີ້, ກອງປະຊຸມລັດຖະມົນຕີກະຊວງກະສິກຳຈີນ - ຍີ່ປຸ່ນ - ສ ເກົາຫຼີ ຄັ້ງທີ 4 ໄດ້ຈັດຂຶ້ນຢູ່ນະຄອນອິນຊອນ ປະເທດ ສ ເກົາຫຼີ. ໂດຍມີລັດຖະມົນຕີກະຊວງກະສິກຳຈາກສາມປະເທດ ແລະ ທ່ານອື່ນໆເຂົ້າຮ່ວມກອງປະຊຸມ.

ຫວຽດນາມ ພັດທະນາຮອບດ້ານເສດຖະກິດ - ສັງຄົມ ບັນດາເຜົ່າສ່ວນໜ້ອຍ ແລະ ເຂດພູດອຍ

14/08/2025 11:28

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 13 ສິງຫາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມທົ່ວປະເທດ ສະຫຼຸບໂຄງການປະຕິບັດເປົ້າ ໝາຍແຫ່ງຊາດ ພັດທະນາເສດຖະກິດ - ສັງຄົມ ເຂດປະຊາຊົນບັນດາເຜົ່າສ່ວນໜ້ອຍ ແລະ ເຂດພູດອຍ ໄລຍະ 2021 – 2025 ແລະ ກຳນົດທິດທາງເນື້ອໃນໄລຍະ 2026 – 2030. ກອງປະຊຸມໄດ້ຈັດຂຶ້ນແບບເຊິ່ງໜ້າຢູ່ສຳນັກງານລັດຖະບານ ສົມທົບກັບແບບທາງໄກໂດຍເຊື່ອມຕໍ່ກັບ 34 ແຂວງ, ນະຄອນ ໃນທົ່ວປະເທດ.

OECD ເຕືອນ ຂີ້ເຫຍື້ອພລາສຕິກໃນອາຊີຈະເພີ່ມຂຶ້ນ 70% ພາຍໃນປີ 2050

11/08/2025 13:25

ຂ່າວຕ່າງປະເທດລາຍງານ ໃນວັນທີ 10 ສິງຫາ ຜ່ານມາວ່າ: ບົດລາຍງານສະບັບຫຼ້າສຸດຂອງອົງການຮ່ວມມືທາງເສດຖະກິດ ແລະ ການພັດທະນາ (OECD) ເປີດເຜີຍວ່າ, ຂີ້ເຫຍື້ອພລາສຕິກທີ່ຮົ່ວໄຫຼອອກສູ່ສິ່ງແວດລ້ອມໃນອາຊີຕາເວັນອອກສ່ຽງໃຕ້, ລວມທັງຈີນ, ຍີ່ປຸ່ນ, ແລະ ສ ເກົາຫຼີ ອາດຈະເພີ່ມຂຶ້ນເກືອບ 70% ໃນປີ 2050 ເມື່ອທຽບໃສ່ປີ 2022 ຖ້າບໍ່ມີມາດຕະການທີ່ມີປະສິດທິຜົນ.

ເພີ່ມເຕີມ