ຂ່າວລະບຸວ່າ: ຜູ້ຊ່ຽວຊານທີ່ກ່ຽວຂ້ອງເຫັນວ່າ, ປັດຈຸບັນເປັນເດືອນຕຸລາທີ່ເປັນໄລຍະມີການຜະ ລິດຢ່າງຟົດຟື້ນ, ຄຽງຄູ່ກັບນະໂຍບາຍຕ່າງໆເພື່ອຊຸກຍູ້ການເຕີບໂຕຂອງລັດໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ, ຕະຫຼາດສິນຄ້າລາຍໃຫຍ່ຈະສືບຕໍ່ຮັກສາການເຄື່ອນໄຫວຢ່າງໝັ້ນທ່ຽງ ແລະ ມີທ່າອ່ຽງດີຂຶ້ນຕື່ມອີກ. ພ້ອມກັນນັ້ນຍັງຕ້ອງຮັບຮູ້ວ່າ ການຟື້ນຟູເສດຖະກິດໃນຂອບເຂດທົ່ວໂລກຍັງຄົງຜະເຊີນໜ້າກັບສິ່ງທ້າທາຍຕ່າງໆ ເຊັ່ນ: ການເມືອງພູມີພາກ, ຄວາມຂັດແຍ້ງດ້ານການຄ້າ ແລະ ອື່ນໆ, ຄວາມຕ້ອງການທີ່ມີປະສິດທິພາບຂອງບາງຂະແໜງການຍັງບໍ່ພຽງພໍ. ຖ້າຢາກປັບປຸງທ່າອ່ຽງການຟື້ນຟູດີຂຶ້ນຂອງເສດຖະກິດ, ຍັງຕ້ອງເພີ່ມທະວີການດັດສົມເສດຖະກິດມະຫາພາກຕື່ມອີກ, ສຸມໃສ່ການກະຕຸ້ນຄວາມມີຊີວິດຊີວາດ້ານການປະດິດສ້າງໃໝ່ຂອງວິສາຫະກິດ ແລະ ປ່ອຍກຳລັງບົ່ມຊ້ອນດ້ານຄວາມຕ້ອງການພາຍໃນ.
ໄພນ້ຳຖ້ວມຢູ່ໄທເຮັດໃຫ້ມີຜູ້ເສຍຊີວິດ 24 ຄົນ
ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ຝົນຕົກໜັກຢ່າງຕໍ່ເນື່ອງເຮັດໃຫ້ເກີດໄພນ້ຳຖ້ວມຢູ່ປະເທດໄທ, ໃນວັນທີ 30 ກັນຍາ ຜ່ານມາ, ກົມປະຊາສຳພັນ ສຳນັກນາຍົກລັດຖະມົນຕີໄທໄດ້ອອກຂ່າວໂດຍລະບຸວ່າ, ໄພນ້ຳຖ້ວມເທື່ອນີ້ໄດ້ເຮັດໃຫ້ມີຜູ້ເສຍຊີວິດ 24 ຄົນ, ຫຼາຍລ້ານຄົນປະສົບໄພ, ກະທົບເຖິງນະຄອນຫຼວງບາງກອກ ແລະ ອີກ 31 ແຂວງ.
ຄໍາເຫັນ