ບໍລິສັດ ໄຟຟ້າ ຫົງສາ ຈໍາກັດ ຮ່ວມກັບ ບໍລິສັດ ເມືອງເງິນ ເອັນເຕີໄພ ຈໍາກັດ ແລະ ບໍລິສັດ ໄທອີວີ ຈໍາກັດ ຈັດພິທີສົ່ງມອບລົດຫົວລາກພະລັງງານໄຟຟ້າ ສໍາລັບຂົນສົ່ງຫີນປູນ ພາຍໃນໂຄງການໂຮງໄຟຟ້າພະລັງງານຄວາມຮ້ອນຫົງສາ ເພື່ອຕອບສະໜອງນະໂຍບາຍທາງດ້ານການຮັກສາສິ່ງແວດລ້ອມຂອງໂຄງການ ໄດ້ຈັດຂຶ້ນເມື່ອບໍ່ດົນມານີ້ ທີ່ ອາຄານຫົງຄໍາໄຊຍາຄານ ບໍລິສັດ ໄຟຟ້າ ຫົງສາ ຈໍາກັດ ເມືອງຫົງສາ ແຂວງໄຊຍະບູລີ.
ການຜະລິດກະແສໄຟຟ້າ ຂອງ ບໍລິສັດ ໄຟຟ້າ ຫົງສາ ຈໍາກັດ ຊຶ່ງເປັນສ່ວນສໍາຄັນໃນການສ້າງຄວາມໝັ້ນຄົງທາງດ້ານພະລັງງານຂອງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກໄທ. ນອກຈາກນີ້, ບໍລິສັດຍັງໃຫ້ຄວາມສໍາຄັນກ່ຽວກັບນະໂຍບາຍທາງດ້ານສິ່ງແວດລ້ອມ, ສັງຄົມ ແລະ ຄວາມເປັນທໍາໃນການປະຕິບັດງານ ຫຼື ESG (Environment, Social, and Governance) ໂດຍໄດ້ສຶກສາ ແລະ ເລີ່ມຕົ້ນໂຄງການຕ່າງໆ ທີ່ສອດຄ່ອງກັບນະໂຍບາຍດັ່ງກ່າວ ເພື່ອການດໍາເນີນງານທີ່ດີ ແລະ ມີປະສິດທະພາບໃນລະດັບສາກົນ ແລະ ເປັນທີ່ຮູ້ດີແລ້ວວ່າ ບໍລິສັດ ໄດ້ມີການດໍາເນີນງານຕາມມາດຕະຖານສາກົນ ຈົນໄດ້ຮັບການຮັບຮອງມາດຕະຖານດ້ານສິ່ງແວດລ້ອມສາກົນ ຫຼື ISO 14001 ເວີຊັ່ນ 2015 ແລະ ມາດຕະຖານການຈັດການຄວາມປອດໄພ ອາຊີວະອະນາໄມ ແລະ ສະພາບແວດລ້ອມໃນການເຮັດວຽກ ຫຼື ISO 45001 ເວີຊັ່ນ 2018 ແລະ ຍັງໄດ້ຮັບໃບປະກາດຈາກ ກົມອຸດສາຫະກໍາ ແລະ ຫັດຖະກໍາ ກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ໃຫ້ເປັນ Green Factory ແຫ່ງທໍາອິດໃນ ສປປ ລາວ ອີກດ້ວຍ ຊຶ່ງທັງໝົດນີ້ ບໍລິສັດ ໄຟຟ້າ ຫົງສາ ຈໍາກັດ ໄດ້ຢຶດໝັ້ນ ແລະ ດໍາເນີນງານໂດຍເລັ່ງເຫັນຄວາມສໍາຄັນໃນດ້ານສິ່ງແວດລ້ອມມາໂດຍຕະຫຼອດ.
ການນໍາໃຊ້ລົດຫົວລາກພະລັງງານໄຟຟ້າສໍາລັບຂົນສົ່ງຫີນປູນ ຈໍານວນ 11 ຄັນ ໃນໄລຍະເລີ່ມຕົ້ນນີ້ ຈະເປັນການເລີ່ມຕົ້ນເພື່ອການສຶກສາການນໍາລົດພະລັງງານໄຟຟ້າມາທົດແທນ ແລະ ນໍາໃຊ້ພາຍໃນໂຄງການຕໍ່ໄປໃນອະນາຄົດ ແລະ ເປັນການມຸ່ງສູ່ສັງຄົມຄາບອນຕໍ່າ (Low Carbon Society) ທີ່ເປັນມິດກັບສິ່ງແວດລ້ອມ ທັງນີ້, ເພື່ອໃຫ້ສອດຄ່ອງກັບວິໄສທັດຂອງອົງກອນ ຄື: “ຜູ້ຜະລິດພະລັງງານໄຟຟ້າທີ່ດີທີ່ສຸດ ໃນ ສປປ ລາວ ດ້ວຍການດໍາເນີນງານທີ່ດີເລີດ ນໍາຄວາມສຸກມາສູ່ທຸກຄົນ”
ບໍລິສັດ ໄຟຟ້າ ຫົງສາ ຈໍາກັດ (Hongsa Power Company Limited) ດໍາເນີນທຸລະກິດພະລັງງານໄຟຟ້າ ມີຜູ້ຖືຮຸ້ນ 3 ບໍລິສັດ ໄດ້ແກ່: ບໍລິສັດ ບ້ານປູ ພາວເວີ ຈໍາກັດ (ມະຫາຊົນ), ບໍລິສັດ ຣາດກຣຸບ ຈໍາກັດ (ມະຫາຊົນ) ໂດຍເປັນບໍລິສັດລູກຂອງ ບໍລິສັດ ອາເອດຊ ອິນເຕີເນຊັນແນວ (ສິງກະໂປ) ຄໍປໍເລຊັນ ຈໍາກັດ ແລະ ລັດວິສາຫະກິດຖືຮຸ້ນລາວ ມີກໍາລັງການຜະລິດທັງໝົດ 1,878 ເມກາວັດ ພາຍໃຕ້ຊື່ທີ່ເອີ້ນກັນທົ່ວໄປວ່າ “ໂຮງໄຟຟ້າຫົງສາ” ຕັ້ງຢູ່ ເມືອງຫົງສາ ແຂວງໄຊຍະບູລີ.
ຂ່າວ-ພາບ: ໄຊຍະບູລີ
ສປສສ ເຜີຍແຜ່ກົດໝາຍວ່າດ້ວຍ ການດໍາເນີນຄະດີແພ່ງ ສະບັບປັບປຸງ
ກອງປະຊຸມເຜີຍແຜ່ກົດໝາຍວ່າດ້ວຍ ການດໍາເນີນຄະດີແພ່ງ ສະບັບປັບປຸງ ປີ 2024 ໄດ້ຈັດຂຶ້ນໃນວັນທີ 20 ສິງຫາ ນີ້ ທີ່ສານປະຊາຊົນສູງສຸດ (ສປສສ), ໂດຍການເປັນປະທານ ແລະ ເຜີຍແຜ່ ຂອງທ່ານ ຄູນ ຜາສຸກ ຮອງປະທານສານປະຊາຊົນສູງສຸດ ມີທ່ານຮອງປະທານສານພາກກາງ, ຮອງປະທານສານນະຄອນຫຼວງວຽງຈັນ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມ, ຮັກສາການຫົວໜ້າຄະນະສານແພ່ງ, ຮັກສາການຫົວໜ້າຄະນະສານປົກຄອງ ສປສສ ແລະ ບັນດາຮອງປະທານສານ, ຫົວໜ້າຄະນະສານ, ຜູ້ພິພາກສາຂອງສານພາຍໃນນະຄອນຫຼວງວຽງຈັນ ເຂົ້າຮ່ວມ.
ຄໍາເຫັນ