ຟີລິບປິນຂາດດຸນການຄ້າກະສິກຳຫຼຸດລົງໃນເດືອນທັນວາ 2025

11:13 10/02/2026

ຂ່າວຕ່າງປະເທດລາຍງານ ໃນວັນທີ 8 ກຸມພາ ຜ່ານມາວ່າ: ກະຊວງກະສິກຳຂອງຟີລິບປິນໄດ້ເປີດເຜີຍວ່າ, ຟີລິບປິນຂາດດຸນການຄ້າກະສິກຳຫຼຸດລົງຢ່າງຫຼວງຫຼາຍໃນເດືອນທັນວາ 2025. ເນື່ອງຈາກການສົ່ງອອກສິນຄ້າກະສິກຳເພີ່ມສູງຂຶ້ນ, ໂດຍສະເພາະແມ່ນໝາກໄມ້ເຂດຮ້ອນ ແລະ ຄຽງຄູ່ກັບການຫຼຸດລົງຂອງການນຳເຂົ້າ.

ຂໍ້ມູນຈາກສຳນັກງານສະຖິຕິແຫ່ງຊາດສະແດງໃຫ້ເຫັນວ່າ: ການສົ່ງອອກສິນຄ້າກະສິກຳຂອງຟີລິບປິນມີມູນຄ່າທັງໝົດ 884.77 ລ້ານໂດລາ ໃນເດືອນທັນວາ 2025 ຊຶ່ງກວມເອົາ 36% ຂອງການຄ້າກະສິກຳທັງໝົດ, ໃນຂະນະທີ່ການນຳເຂົ້າສິນຄ້າກະສິກຳມີມູນຄ່າ 1.55 ຕື້ໂດລາ, ຫຼື 64%. ສົ່ງຜົນເຮັດໃຫ້ຟີລິບປິນຂາດດຸນການຄ້າກະສິກຳ ມູນຄ່າ 668.35 ລ້ານໂດລາ, ຫຼຸດລົງ 27% ເມື່ອທຽບກັບເດືອນທັນວາ 2024.

ທ່ານ ຟຣານຊິສໂກ ຕິວ ລໍເຣລ ຈູເນຍ ລັດຖະມົນຕີກະຊວງກະສິກຳ ກ່າວວ່າ: ຟີລິບປິນກໍາລັງເກັບກ່ຽວຜົນປະໂຫຍດຈາກຄວາມພະຍາຍາມໃນການຂະຫຍາຍປະເພດສິນຄ້າກະສິກຳສົ່ງອອກ ແລະ ເປີດຕະຫຼາດສົ່ງອອກໃໝ່.

ນອກຈາກນັ້ນ, ເພື່ອຂະຫຍາຍຖານການສົ່ງອອກໃຫ້ກວ້າງຂຶ້ນ, ກະຊວງກະສິກຳຟີລິບປິນໄດ້ຄັດເລືອກຜະລິດຕະພັນກະສິກຳທີ່ມີມູນຄ່າສູງ ຈຳນວນ 12 ຊະນິດ ເພື່ອສົ່ງອອກໄປຍັງຕະຫຼາດໂລກເຊັ່ນ: ໝາກກ້ວຍ, ໝາກມ່ວງ, ໝາກນັດ ແລະ ໝາກທຸລຽນ, ໂດຍແນໃສ່ຕະຫຼາດອາຊີ ແລະ ເອີຣົບ ຊຶ່ງມີຄວາມຕ້ອງການສູງ ແລະ ກຳໄລສູງ.

ຄໍາເຫັນ

ຂ່າວຕ່າງປະເທດ

ເຄື່ອງດື່ມທີ່ມີລົດຊາດຫວານ ເຮັດໃຫ້ຊາວ ສ ເກົາຫຼີ ບໍລິໂພກນໍ້າຕານຫຼາຍເກີນໄປ

10/02/2026 11:12

ຂ່າວຕ່າງປະເທດລາຍງານ ໃນວັນທີ 9 ກຸມພາ ຜ່ານມາວ່າ: ບົດລາຍງານຫຼ້າສຸດຈາກອົງການຄວບຄຸມ ແລະ ປ້ອງກັນພະຍາດ ສ ເກົາຫຼີ (KDCA) ເປີດເຜີຍວ່າ: ອັດຕາສ່ວນປະຊາກອນ ສ ເກົາຫຼີ ທີ່ບໍລິໂພກນໍ້າຕານຫຼາຍເກີນໄປ ມີທ່າອ່ຽງເພີ່ມຂຶ້ນໃນຊຸມປີມໍ່ໆມານີ້, ໂດຍສ່ວນໃຫຍ່ແມ່ນຍ້ອນການບໍລິໂພກເຄື່ອງດື່ມທີ່ລົດຊາດຫວານ.

ອິນເດຍ ເສີມສ້າງຄວາມສາມາດຂອງອຸດສາຫະກຳຊິບ

10/02/2026 11:11

ຂ່າວຕ່າງປະເທດລາຍງານ ໃນວັນທີ 8 ກຸມພາ ຜ່ານມາວ່າ: ບົດຄວາມທີ່ເຜີຍແຜ່ຫວ່າງມໍ່ໆມານີ້, ໂດຍສຳນັກງານປະຊາສຳພັນ (PIB) ຊຶ່ງເປັນອົງການປະຊາສຳພັນຂອງລັດຖະບານອິນເດຍລະບຸວ່າ: ອິນເດຍວາງແຜນທີ່ຈະມີຄວາມສາມາດໃນການອອກແບບ ແລະ ຜະລິດຊິບໃຫ້ພຽງພໍຕໍ່ຄວາມຕ້ອງການພາຍໃນປະເທດເຖິງເກືອບ 70-75% ພາຍໃນປີ 2029.

ປະກາດຜົນການເລືອກຕັ້ງສະພາຕ່ຳຍິ່ປຸ່ນ, ພັກລັດຖະບານປະສົມໄດ້ຮັບບ່ອນນັ່ງເກີນເຄິ່ງໜຶ່ງ

10/02/2026 11:10

ຂ່າວສານຊີອາໄອລາຍງານໃນວັນທີ 9 ກຸມພາ ຜ່ານມາວ່າ: ອີງຕາມຜົນການນັບຄະແນນສຽງຫຼ້າສຸດໃນການເລືອກຕັ້ງສະພາຕ່ຳຍີ່ປຸ່ນທີ່ຈັດຂຶ້ນໃນວັນທີ 8 ກຸມພາ ຜ່ານມານີ້, ພັກລັດຖະບານປະສົມທີ່ປະກອບດ້ວຍ ພັກເສລີປະຊາທິປະໄຕ ແລະ ພັກຟື້ນຟູຍີ່ປຸ່ນ ໄດ້ຮັບບ່ອນນັ່ງຜູ້ແທນເກີນເຄິ່ງໜຶ່ງ.

ຈີນ ແລະ ອາຊຽນ ແມ່ນຄູ່ການຄ້າທີ່ໃຫຍ່ທີ່ສຸດຂອງກັນ ແລະ ກັນ 6 ປີລຽນຕິດ

10/02/2026 11:09

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ໃນເວລາໃຫ້ສຳພາດ, ທ່ານ ສູນີງໆ ປະທານຄະນະກຳມະການການຮ່ວມມືດ້ານອຸດສາຫະກຳຂອງສັນຍາການພົວພັນຄູ່ຮ່ວມເສດຖະກິດຮອບດ້ານໃນພາກພື້ນ ຫຼື RCEP ຫົວໜ້າຜູ້ຊ່ຽວຊານດ້ານການຄ້າລະຫວ່າງຈີນ-ອາຊຽນ ກ່າວວ່າ: ຈີນຄອງຖານະທີ່ເປັນຄູ່ການຄ້າໃຫຍ່ອັນດັບໜຶ່ງຂອງອາຊຽນປັນເວລາ 17 ປີລຽນຕິດແລ້ວ, ສ່ວນອາຊຽນກໍເປັນຄູ່ການຄ້າໃຫຍ່ອັນດັບໜຶ່ງຂອງຈີນເປັນເວລາ 6 ປີລຽນຕິດ. ໂດຍສະເພາະ, ໃນປີ 2025, ຍອດມູນຄ່າການຄ້າຂາເຂົ້າ-ຂາອອກລະຫວ່າງຈີນ-ອາຊຽນບັນລຸ ຫຼາຍກວ່າ 1,000 ຕື້ໂດລາ, ເພີ່ມຂຶ້ນ 7.4%.

ທ່ານ ຟ້າມມິງຈິງ ສະເໜີ JCCI ໜູນຊ່ວຍວິສາຫະກິດຫວຽດນາມ

10/02/2026 11:08

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ກຸມພາ ຜ່ານມາ, ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ໄດ້ມີການເຮັດວຽກກັບການນຳບັນດາວິສາຫະກິດທີ່ຂຶ້ນກັບຫ້ອງການການຄ້າ ແລະ ອຸດສາຫະກຳ ຍີ່ປຸ່ນ (JCCI), ໂດຍການເປັນຫົວໜ້າຄະນະຂອງ ທ່ານ ເຄອິຕະ ອິຊິອິ ປະທານຄະນະກຳມະການເສດຖະກິດຍີ່ປຸ່ນ - ແມ່ນໍ້າຂອງ ທັງເປັນ CEO ກຸ່ມບໍລິສັດ Itochu. ທ່ານນາຍົກລັດຖະມົນຕີຫວຽດນາມ ຕີລາຄາສູງການຮ່ວມມື ແລະ ການປະກອບສ່ວນອັນລ້ຳຄ່າຂອງ JCCI ກໍຄືຄະນະກຳມະການເສດຖະກິດຍີ່ປຸ່ນ - ແມ່ນໍ້າຂອງ ໃນການຊຸກຍູ້ການພົວພັນລະຫວ່າງສອງປະເທດ, ເປັນຂົວເຊື່ອມຕໍ່ຊ່ວຍບັນດາວິສາຫະກິດຍີ່ປຸ່ນ ສືບຕໍ່ເປີດກວ້າງການລົງທຶນໃນຫວຽດນາມ.

ປີໃໝ່ຫາກໍເລີ່ມຕົ້ນ, ຈີນໄດ້ສົ່ງຄຳເຊື້ອເຊີນອີກຄັ້ງເພື່ອ “ຮ່ວມກັນຊົມໃຊ້ຕະຫຼາດ ຂະໜາດໃຫຍ່”

09/02/2026 13:43

ຂ່າວສານຊີອາໄອລາຍງານວ່າ: ອາຫານແຊບທີ່ຫຼາກຫຼາຍໄດ້ເລີ່ມຕົ້ນການເດີນທາງແຫ່ງລົດຊາດ, ເຂດສະເພາະ ເຄື່ອງສຳອາງໄດ້ເຕົ້າໂຮມຍີ່ຫໍ້ດັງຕ່າງໆ, ສິນຄ້າຍອດນິຍົມຈາກປະເທດຕ່າງໆ ໄດ້ເປີດຕົວພ້ອມກັນ ແລະ ອື່ນໆ. ໃນວັນທີ 4 ກຸມພາ ຜ່ານມານີ້, ໃນກິດຈະກຳຮອບທຳອິດປີ 2026 ພາຍໃຕ້ຫົວຂໍ້ “ຮ່ວມກັນຊົມໃຊ້ຕະຫຼາດຂະໜາດໃຫຍ່·ສົ່ງອອກປະເທດຈີນ”, ນັກວິຈານໄດ້ສຳຜັດກັບສະເໜ່ຂອງສິນຄ້ານຳເຂົ້າທີ່ມີຄຸນນະພາບດີຈາກ ປະເທດຕ່າງໆ.

ນັກຄົ້ນຄວ້າອົສຕຣາລີ ສຳເລັດການກວດພະຍາດຕັບອັກເສບບີຈາກປາຍນິ້ວມື

09/02/2026 13:12

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ສະຖາບັນ Kirby ທີ່ມະຫາວິທະຍາໄລ New South Wales ໃນປະເທດອົສຕຣາລີໄດ້ລາຍງານການທົດລອງທີ່ສາມາດກວດວິນິດໄສ DNA ຂອງໄວຣັດຕັບອັກເສບບີດ້ວຍວິທີເຈາະເລືອດຈາກປາຍນິ້ວມືເປັນຄັ້ງທຳອິດຂອງໂລກ ຊຶ່ງການກວດທີ່ຈຸດດູແລຄົນເຈັບນີ້ສາມາດໃຫ້ຜົນພາຍໃນໜຶ່ງຊົ່ວໂມງ ແລະ ສາມາດປະຕິບັດໄດ້ໃນຄລີນິກທ້ອງຖິ່ນ ໂດຍມີຄວາມແມ່ນຍຳທຽບເທົ່າກັບການກວດຫ້ອງທົດລອງມາດຕະຖານ. ອີກທັງຊ່ວຍລຶບລ້າງບັນຫາຄວາມຊັກຊ້າທີ່ເກີດຈາກການສົ່ງກວດຫ້ອງທົດລອງແບບດັ້ງເດີມ ແລະ ເພີ່ມໂອກາດການເຂົ້າເຖິງການກວດຄັດກອງໃນເຂດຫ່າງໄກສອກຫຼີກ ແລະ ພື້ນທີ່ທີ່ມີຊັບພະຍາກອນຈຳກັດ.

ຮອດປີ 2030 ພະລັງງານໝູນວຽນ ແລະ ພະລັງງານນິວເຄລຍ ຈະສະໜອງໄຟຟ້າເຄິ່ງໜຶ່ງຂອງໂລກ

09/02/2026 13:11

ຂ່າວສານຊີອາໄອລາຍງານວ່າ: ຫວ່າງມໍ່ມານີ້, ອົງການພະລັງງານສາກົນ ໄດ້ເຜີຍແຜ່ບົດລາຍງານໂດຍຄາດຄະເນວ່າ: ນັບແຕ່ນີ້ໄປຮອດປີ 2030, ຈັງຫວະການເຕີບໂຕດ້ານຄວາມຕ້ອງການພະລັງງານໃນທົ່ວໂລກຈະຫຼາຍກວ່າ 3.5%. ເມື່ອຮອດປີ 2030, ອັດຕາສ່ວນຂອງພະລັງງານໝູນວຽນ ແລະ ພະລັງງານນິວເຄລຍຈະເພີ່ມຂຶ້ນເປັນ 50% ຂອງພະລັງງານໄຟຟ້າທົ່ວໂລກ.

ຟີລິບປິນລົງທຶນ 5 ລ້ານໂດລາ ເພື່ອຂະຫຍາຍຟາມຜັກທີ່ທົນຕໍ່ສະພາບອາກາດ

09/02/2026 13:10

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ກະຊວງກະສິກຳຟີລິບປິນໄດ້ລາຍງານການຈັດສັນງົບປະມານຫຼາຍກວ່າ 5 ລ້ານໂດລາພາຍໃນປີ 2026 ສຳລັບຂະຫຍາຍການປູກພືດທີ່ມີມູນຄ່າສູງ, ທົນທານຕໍ່ສະພາບອາກາດ ແລະ ເພື່ອຄວບຄຸມລາຄາສິນຄ້າກະສິກຳທີ່ຜັນຜວນ ເນື່ອງຈາກການສະ ໜອງໄດ້ຖືກຢຸດສະງັກຍ້ອນສະພາບອາກາດຜັນຜວນ.

ສິ່ງພິມຂອງຍີ່ປຸ່ນກຳລັງຕົກຢູ່ໃນວິດການທີ່ຮ້າຍແຮງ

09/02/2026 13:09

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຍອດຂາຍປຶ້ມ ແລະ ວາລະສານໃນຮູບແບບເປັນຫົວໃນຍີ່ປຸ່ນຫຼຸດລົງ 4.1% ເມື່ອທຽບກັບປີກ່ອນ ເປັນ 964.7 ຕື້ເຢນ ໃນປີ 2025, ຖືວ່າເປັນການຫຼຸດລົງຕໍ່າກວ່າ 1 ພັນຕື້ເຢນ ເປັນຄັ້ງທຳອິດໃນຮອບ 50 ປີ. ເຖິງແມ່ນວ່າຈະລວມກັບຍອດຂາຍດີຈີຕອນແລ້ວ, ຍອດຂາຍປຶ້ມ ແລະ ວາລະສານໂດຍລວມກໍຍັງຫຼຸດລົງເປັນປີທີ 4 ຕິດຕໍ່ກັນໃນປີ 2025, ໂດຍຫຼຸດລົງ 1.6% ເປັນປະມານ 1.55 ພັນຕື້ເຢນ.

ເພີ່ມເຕີມ