ອົງການໄອຍະການປະຊາຊົນສູງສຸດ(ອອປສ) ໄດ້ຈັດກອງປະຊຸມປຶກສາຫາລືການສ້າງຕັ້ງອົງການໄອຍະການປະຊາຊົນ ປະຈຳເຂດເສດຖະກິດພິເສດສາມຫຼ່ຽມຄໍາ ແຂວງບໍ່ແກ້ວ ຂຶ້ນໃນວັນທີ 5 ມັງກອນ ຜ່ານມາ, ທີ່ ອອປສ ໃຫ້ກຽດເຂົ້າຮ່ວມມີທ່ານ ບຸນທັນ ບຸນທະວິໄລ ຮອງຫົວໜ້າອອປສ, ທ່ານ ພົນຕີ ຄຳກິ່ງ ຜຸຍຫຼ້າມະນີວົງ ຮອງລັດຖະມົນຕີກະຊວງປ້ອງກັນຄວາມສະຫງົບ(ປກສ), ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ພ້ອມດ້ວຍແຂກຖືກເຊີນທີ່ກຽວຂ້ອງເຂົ້າຮ່ວມ.
ຈຸດປະສົງເພື່ອຈັດຕັ້ງປະຕິບັດດຳລັດຂອງທ່ານນາຍົກລັດຖະມົນຕີ ສະບັບເລກທີ 359/ນຍ, ລົງວັນທີ 22 ພະຈິກ 2023 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງອົງການຄຸ້ມຄອງ-ບໍລິຫານເສດຖະກິດສາມຫຼ່ຽມຄຳ ແລະ ແຈ້ງການຂອງກະຊວງພາຍໃນ ສະບັບເລກທີ 356/ພນ, ລົງວັນທີ 29 ທັນວາ 2023. ໃນກອງປະຊຸມຜູ້ເຂົ້າຮ່ວມໄດ້ແລກປ່ຽນ ແລະ ປະກອບຄຳຄິດຄຳເຫັນຢ່າງກົງໄປກົງມາ ແລະ ໄດ້ເປັນເອກະພາບກັນທາງດ້ານຫຼັກການໃນການສ້າງຕັ້ງອົງການໄອຍະການປະຊາຊົນ ປະຈຳເຂດເສດຖະກິດພິເສດສາມຫຼ່ຽມຄໍາ ແຂວງບໍ່ແກ້ວ ໂດຍອີງໃສ່ພາລະບົບບາດ, ສິດ ແລະ ໜ້າທີ່ໆກົດໝາຍກຳນົດໄວ້ ແລະ ເຫັນດີນຳເອົາບັນຫາດັ່ງກ່າວລາຍງານຕໍ່ຂັ້ນເທິງຕໍ່ໄປ.
ຂ່າວ:ອານຸສັກ
ຄໍາເຫັນ