ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ເຢົາປິ່ນ ປະທານສະພາການຄ້າຊາວຈີນຕ່າງດ້າວ ປະຈໍາລາວ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ເຢົາປິ່ນ ໄດ້ໃຫ້ຮູ້ວ່າ: ຄວາມຕ້ອງການປຸ໋ຍໂປຕາສ ໃນທົ່ວໂລກແມ່ນຄ່ອຍໆເພີ່ມຂຶ້ນໃນແຕ່ລະປີ, ຄວາມຕ້ອງການປະຈໍາປີ ສະເລ່ຍ 60-70 ລ້ານໂຕນ ເນື່ອງຈາກຊັບພະຍາກອນປຸ໋ຍໂປຕາສ ທີ່ກະຈາຍຕົວໃນທົ່ວໂລກບໍ່ສົມດຸນກັນ, ໃນເຂດອາຊີປາຊີຟິກ ກາຍເປັນເຂດນໍາເຂົ້າເກືອໂປຕາສຕົ້ນຕໍ (ຜະລິດເປັນ ປຸ໋ຍໂປຕາສ). ໃນນັ້ນ, ຈີນເປັນປະເທດທີ່ນຳໃຊ້ ປຸ໋ຍໂປຕາສຫຼາຍທີ່ສຸດ. ປີ 2023 ປະເທດຈີນ ໄດ້ນຳໃຊ້ປຸ່ຍໂປຕາສເປັນ 1878.66 ລ້ານໂຕນ ເຂົ້າໃນວຽກງານກະສິກຳ, ໄດ້ນຳເຂົ້າໂພແທັດຊຽມຄຣໍລາຍ (potassium chloride) 1, 157 ລ້ານໂຕນ. ປະເທດລາວ ເປັນປະເທດທີ່ອຸດົມສົມບູນໄປດ້ວຍຊັບພະຍາກອນທຳມະຊາດເກືອໂປຕາສ ໂດຍການຄາດຄະເນໃນເບື້ອງຕົ້ນ ມີປະລິມານໂພແທັດຊຽມຄຣໍລາຍ 133.62 ຕື້ໂຕນ. ການເປີດເສັ້ນທາງລົດໄຟລາວ-ຈີນ ໄດ້ສ້າງທ່າແຮງດ້ານພູມສາດ ແລະ ການຕະຫຼາດສະເພາະໃຫ້ແກ່ການພັດທະນາເກືອໂປຕາສ, ການພັດທະນາຢ່າງຮອບດ້ານສີຂຽວ ແລະ ເປັນມິດກັບສິ່ງແວດລ້ອມຂອງຊັບພະຍາກອນແຮ່ເກືອໂປຕາສ ບໍ່ພຽງແຕ່ສາມາດຕອບສະໜອງຄວາມຕ້ອງການ ຂອງຕະຫຼາດ ປຸ໋ຍໂປຕາສ ໃຫ້ການຂະຫຍາຍຕົວຂຶ້ນເທົ່ານັ້ນ, ແຕ່ຍັງຈະສົ່ງເສີມການພັດທະນາເສດຖະກິດຂອງລາວ ແລະ ເສີມຂະຫຍາຍອິດທິພົນສາກົນຂອງລາວອີກດ້ວຍ. ໃນອະນາຄົດ, ລາວຈະກາຍເປັນສູນກາງຂອງຕະຫຼາດປຸ໋ຍໂປຕາສໃນອາຊີ ແລະ ປຸ໋ຍໂປຕາສ ທີ່ຜະລິດຢູ່ໃນລາວ ສາມາດຂົນສົ່ງໂດຍກົງໄປຍັງບັນດາປະເທດ ໃນພາກພື້ນອາຊີປາຊີຟິກ ໂດຍຜ່ານເສັ້ນທາງລົດໄຟ. ປຸ໋ຍໂປຕາສຂອງລາວຈະກາຍເປັນອຸດສາຫະກໍາປຸ໋ຍໂປຕາສ ທີ່ໃຫຍ່ທີ່ສຸດ ອັນດັບ 3 ຂອງໂລກ ຖັດຈາກຣັດເຊຍ ແລະ ການາດາ.
ໂອກາດນີ້, ທ່ານ ຈັນສະແຫວງ ບຸນຍົງ ໄດ້ກ່າວວ່າ: ສປປ ລາວ ມີຊັບພະຍາກອນແຮ່ທາດທີ່ອຸດົມສົມບູນ ໂດຍສະເພາະທ່າແຮງທາງດ້ານເກືອໂປຕາສ ທີ່ມີພາຍໃນປະເທດ ເປັນຕົ້ນ ຢູ່ນະຄອນຫຼວງວຽງຈັນ, ແຂວງວຽງຈັນ, ຄຳມ່ວນ ແລະ ແຂວງສະຫວັນນະເຂດ ແຮ່ເກືອໂປຕາສເປັນແຮ່ທາດທີ່ສຳຄັນ ເພື່ອສະໜອງໃຫ້ແກ່ການພັດທະນາເປັນອຸດສາຫະກຳຕໍ່ເນື່ອງ ເປັນຕົ້ນ ແມ່ນການຜະລິດປຸ໋ຍຮັບໃຊ້ກະສິກໍາ ແລະ ເປັນສ່ວນປະກອບຂອງວັດຖຸດິບຮັບໃຊ້ໃຫ້ແກ່ອຸດສາຫະກໍາອື່ນໆ. ອີງຕາມວິໄສທັດຮອດ ປີ 2040 ແລະ ຍຸດທະສາດການພັດທະນາແຮ່ທາດ ຮອດປີ 2030 ໄດ້ກໍານົດແຜນການສ້າງໂຮງງານຜະລິດປຸ໋ຍ (NPK) ຈຳນວນ 3 ແຫ່ງ (ນະຄອນຫຼວງວຽງຈັນ 1 ແຫ່ງ ແລະ ແຂວງຄໍາມ່ວນ 2 ແຫ່ງ), ໂຮງງານຜະລິດເກືອໂບຣມ ເພີ່ມຕື່ມຢ່າງໜ້ອຍ 2 ແຫ່ງ. ປັດຈຸບັນ ລັດຖະບານ ກຳລັງສຶກສາຄົ້ນຄວ້າທ່າແຮງຂອງແຫຼ່ງວັດຖຸດິບ ທີ່ຈະມາຮັບໃຊ້ໂຮງງານ ແລະ ຄວາມເປັນໄປໄດ້ທາງດ້ານເສດຖະກິດ-ເຕັກນິກ.
ທ່ານ ຈັນສະແຫວງ ບຸນຍົງ ໃຫ້ຮູ້ອີກວ່າ: ປັດຈຸບັນ, ລັດຖະບານໄດ້ອະນຸຍາດໃຫ້ບໍລິສັດ ດຳເນີນການຊອກຄົ້ນ-ສຳຫຼວດ, ຂຸດຄົ້ນ ແລະ ປຸງແຕ່ງເກືອໂປຕາສ ທັງໝົດ 18 ບໍລິສັດ, 20 ກິດຈະການ. ໃນນັ້ນ, ບໍລິສັດທີ່ຢູ່ໃນໄລຍະຊອກຄົ້ນ-ສຳຫຼວດ 5 ບໍລິສັດ, 5 ກິດຈະການ, ກໍາລັງດໍາເນີນການສຶກສາຄວາມເປັນໄປໄດ້ ທາງດ້ານເສດຖະກິດ-ເຕັກນິກ 4 ບໍລິສັດ, 4 ກິດຈະການ, ໄດ້ຮັບອະນຸຍາດເຊັນສັນຍາຂຸດຄົ້ນ ແລະ ປຸງແຕ່ງແຮ່ເກືອໂປຕາສ ມີຈຳນວນ 9 ບໍລິສັດ, 11 ກິດຈະການ; ມີເນື້ອທີ່ທັງໝົດ 162,260 ເຮັກຕາ (ກວມເອົາ 4 ແຂວງຄື: ນະຄອນຫຼວງວຽງຈັນ, ແຂວງວຽງຈັນ, ແຂວງຄຳມ່ວນ ແລະ ແຂວງສະຫວັນນະເຂດ). ມາຮອດເດືອນກັນຍາ 2024 ສາມາດຜະລິດ ແລະ ຈຳໜ່າຍຜະລິດຕະພັນເກືອໂປຕາສ ຄຸນນະພາບ 95% ຈຳນວນ 12,22 ລ້ານໂຕນ, ມູນຄ່າ 2,95 ຕື້ໂດລາ.
(ຂ່າວ: ກິດຕາ)
ຄໍາເຫັນ