ແຮງຈູງ​ໃຈ​ກ່ຽວ​ກັບ​ທັດ​ສະ​ນະ​​ຜົນ​ງານ​ການ​ບໍ​ລິ​ຫານ​ຈາກ​​​ຂໍ້​ມູນສຳ​ເນົາ​ເອ​ກະ​ສານ​ສະ​ບັບ​ໜຶ່ງ

ໃນນີ້ມີຂໍ້ປີກຍ່ອຍສາມຈຸດທີ່ໜ້າປະທັບໃຈທີ່ສຸດ.

ໜຶ່ງ: “ເຕັມໄປດ້ວຍປະຊາຊົນ” ໝາຍຄວາມວ່າປະຊາຊົນໄປຫາເພິ່ນເປັນປະຈຳໂດຍບໍ່ມີກິ່ນອາຍຂອງເຈົ້າໃຫຍ່ນາຍໂຕທີ່ວາງໂຕສູງ, ມີແຕ່ຄວາມເປັນກັນເອງແບບເປີດປະຕູເຂົ້າມາຫາໂດຍກົງເລີຍ. ຖືເອົາເລື່ອງຂອງພໍ່ແມ່ປະຊາຊົນເປັນໜ້າທີ່ຂອງຕົນຈຶ່ງຈະສາມາດກິ້ງເກືອກລີເລືອ ແລະ ເຮັດວຽກຮ່ວມກັນກັບປະຊາຊົນໄດ້.

ສອງ: “ເປັນກັນເອງແບບທຳມະຊາດທີ່ສຸດ” ຊຶ່ງເປັນທ່າທາງທີ່ບໍ່ແມ່ນເປັນການສະແດງອອກ ແລະ ທຳທ່າເຮັດຂຶ້ນ. ມີພຽງແຕ່ສະເໝີພາບ, ອ່ອນນ້ອມຖ່ອມຕົນ, ໃຫ້ກຽດ, ຈິງໃຈເທົ່ານັ້ນຈຶ່ງລົມເຂົ້າກັນໄດ້.

ສາມ: “ຍອມປະວຽກທີ່ກຳລັງເຮັດຢູ່ໄວ້ກ່ອນ”. ເລື່ອງຂອງປະຊາຊົນເປັນເລື່ອງໃຫຍ່, ແມ່ນຈັດຢູ່ອັນດັບໜຶ່ງ, ທຸ່ມເທເຫື່ອແຮງ ແລະ ສະຕິປັນຍາທັງໝົດເຂົ້າໃນການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.

ຄຳຕີລາຄາປະເມີນດັ່ງກ່າວເປັນພຽງບໍ່ເທົ່າໃດຄຳປານກັບຮູບແຕ້ມແບບງ່າຍດາຍແຜ່ນໜຶ່ງ ທີ່ວາດພາບການເວົ້ານົວຫົວມ່ວນຂອງພີ່ນ້ອງຊາວບ້ານທີ່ຢູ່ເຕັມຫ້ອງແລະຍັງມີຄົນຕັ້ງໃຈຮັບຟັງຢ່າງຈົດຈໍ່. ຈາກສິ່ງນີ້, ພວກເຮົາຈະສາມາດສຳຜັດໄດ້ຢ່າງແທ້ຈິງເຖິງສາຍພົວພັນແບບກາຍອິນຊີລະຫວ່າງພັກກັບປະຊາຊົນ, ໄດ້ສ້າງແຮງຈູງໃຈໃຫ້ແກ່ການສ້າງ ແລະ ຈັດຕັ້ງປະຕິບັດທັດສະນະອັນຖືກຕ້ອງກ່ຽວກັບຜົນງານການບໍລິຫານ.

ພະນັກງານສະມາຊິກພັກເປັນຜູ້ຮັບໃຊ້ປະຊາຊົນ. ເມື່ອເປັນຜູ້ຮັບໃຊ້ປະຊາຊົນ, ໜຶ່ງຕ້ອງເຮັດວຽກເພື່ອສ່ວນລວມ, ບໍ່ມີຈິດໃຈເພື່ອຜົນປະໂຫຍດສ່ວນຕົວ; ສອງຕ້ອງເປັນຜູ້ຮັບໃຊ້, ເດັດຂາດບໍ່ໃຫ້ມີກິ່ນອາຍຂອງເຈົ້າໃຫຍ່ນາຍໂຕ. ນັ່ງຢູ່ຂ້າງປະຊາຊົນຢ່າງທ່ຽງຕົງ, ຖືເອົາການສ້າງຄວາມຜາສຸກໃຫ້ແກ່ປະຊາຊົນ ເປັນຜົນງານການບໍລິຫານໃຫຍ່ທີ່ສຸດ, ທັດສະນະຜົນງານການບໍລິຫານແບບນີ້ຈຶ່ງແມ່ນທາດແທ້ຂອງຊາວຄອມມູນິດ.

ສຳລັບທ່ານ ສີຈິ້ນຜິງ ແມ່ນໄດ້ປະຕິບັດຕົວຈິງດັ່ງຄຳເວົ້າດັ່ງກ່າວຂອງເພິ່ນເອງ, ຍົກຕົວຢ່າງ, ຕອນເຮັດວຽກຢູ່ເມືອງເຈີ້ງຕິ້ງ ແຂວງເຫີເປີຍ, ທ່ານ ສີຈິ້ນຜິງໄດ້ແບກລົດຖີບລຸຍຂ້າມນ້ຳຮູໂຖເພື່ອໄປຢາມເຮືອນປະຊາຊົນເຂດຊົນນະບົດ; ຕອນເຮັດວຽກຢູ່ນະຄອນເຊ້ຍເມີນ ແຂວງຟູຈ້ຽນ, ເວລາລົງຮາກຖານ, ເພິ່ນຈັບຈອກທີ່ເປີເປື້ອນຄາບຊາດື່ມນ້ຳໂດຍກົງເລີຍ; ຕອນເຮັດວຽກຢູ່ເຂດນິງເຕີ ແຂວງຟູຈ້ຽນ, ເພິ່ນນຳໜ້າໄປເກັບກຳຊອກຮູ້ຂໍ້ມູນຢູ່ບ່ອນຫ່າງໄກສອບຫຼີກທີ່ສຸດ,ຈົນຊາວບ້ານກ່າວຍ້ອງເພິ່ນວ່າ: “ເປັນເຈົ້າໜ້າທີ່ການນຳໃຫຍ່ທີ່ສຸດທີ່ເຄີຍໄປເຖິງທ້ອງຖິ່ນນັ້ນ”… ຈາກສາຍສຳພັນອັນລຽບງ່າຍທີ່ຢາກຊ່ວຍປະຊາຊົນໂດຍສະເພາະແມ່ນຊາວກະສິກອນ, ຮອດນ້ຳໃຈອັນເລິກເຊິ່ງທີ່ຖືເອົາເລື່ອງຂອງປະຊາຊົນເປັນເລື່ອງຂອງຕົນເອງ, ຕະຫຼອດຮອດສາຍໃຍຜູກພັນກັບປະຊາຊົນທີ່ “ບໍ່ຄິດເພື່ອຕົນເອງບໍ່ເຮັດໃຫ້ປະຊາຊົນຜິດຫວັງ”, ລ້ວນແຕ່ສະແດງໃຫ້ເຫັນເຖິງຄວາມຫ່ວງໃຍຢ່າງເລິກເຊິ່ງຕໍ່ປະຊາຊົນທີ່ອອກຈາກໃຈຈິງ.

ດ້ວຍຄວາມຈິງໃຈ, ຄວາມກະຕືລືລົ້ນຈົນກະທັ້ງຄວາມດູດດື່ມເພື່ອເຂົ້າເຖິງປະຊາຊົນ, ຮັບໃຊ້ປະຊາຊົນ, ຈຶ່ງຈະສາມາດຊອກເຫັນຄວາມຮຽກຮ້ອງຕ້ອງການຂອງປະຊາຊົນຢ່າງຖືກຕ້ອງ ແລະ ສ້າງຜົນງານທີ່ເປັນປະໂຫຍດຕໍ່ປະຊາຊົນ.

ທ່ານ ສີຈິ້ນຜິງ ໄດ້ຊີ້ອອກວ່າ: “ການສ້າງ ແລະ ຈັດຕັ້ງປະຕິບັດທັດສະນະອັນຖືກຕ້ອງກ່ຽວກັບຜົນງານການບໍລິຫານເປັນໜ້າທີ່ໄລຍະຍາວຢ່າງໜຶ່ງທີ່ຈຳເປັນຕ້ອງມຸ່ງໝັ້ນສູ້ຊົນຢ່າງບໍ່ລົດລະ.” ພະນັກງານສະມາຊິກພັກກອມມູນິດຈີນທຸກຄົນສາມາດນຳເອົາ “ຄຳຕີລາຄາປະເມີນຂອງການຈັດຕັ້ງພັກຕໍ່ທ່ານ ສີຈົ້ງຊວິ່ນ”ສະບັບດັ່ງກ່າວ ມາປຽບທຽບໃສ່ອຸດົມການແຕ່ຫົວທີ, ຊອກໃຫ້ເຫັນຈຸດອ່ອນແລະຖາມໃຈຕົນເອງວ່າ: ຂ້ອຍໃກ້ຊິດກັບປະຊາຊົນປານໃດ? ຄຳຕີລາຄາປະເມີນຕໍ່ຂ້ອຍເອງຈະເປັນແນວໃດ?.

ບົດໂດຍ: ວິທະຍຸ, ໂທລະພາບສູນກາງຈີນ (CMG)