ພິທີໂຮມຊຸມນຸມ ສະເຫຼີມສະຫຼອງ ວັນສ້າງຕັ້ງ ແຂວງໄຊສົມບູນ ຄົບຮອບ 10 ປີ (ວັນທີ 13 ທັນວາ 2013- 13 ທັນວາ 2023) ໄດ້ຈັດຂຶ້ນໃນວັນທີ 8 ມັງກອນ ຜ່ານມາທີ່ແຂວງໄຊສົມບູນໂດຍມີ ທ່ານ ພົທ ທອງລອຍ ສິລິວົງ ກຳມະການສູນກາງພັກຮອງລັດຖະມົນຕີກະຊວງປ້ອງກັນປະເທດ, ມີ ທ່ານ ພອຍຄຳ ຮຸ່ງບຸນຍວງ ເລຂາພັກແຂວງເຈົ້າແຂວງໄຊສົມບູນ, ມີການນໍາຂັ້ນສູງຈາກສູນກາງ, ການນໍາ 5 ແຂວງ, ພ້ອມດ້ວຍ ການນຳຈາກແຂວງເຊີນລາ ແລະ ແຂວງບັກຢ່າງ ສສຫວຽດນາມ, ມີແຂກຖືກເຊີນແລະພາກສ່ວນກ່ຽວຂ້ອງເຂົ້າຮ່ວມ.
ທ່ານ ພອຍຄຳ ຮຸ່ງບຸນຍວງ ໄດ້ກ່າວວ່າ: ຕະຫຼອດໄລຍະ 10 ປີ ຜ່ານມາ ອົງຄະນະພັກ, ອົງການປົກຄອງ ແຂວງໄຊສົມບູນ ໄດ້ເອົາໃຈໃສ່ພັດທະນາແຂວງ ຢ່າງຕັ້ງໜ້າ ໂດຍຖືເອົາການສຶກສາອົບຮົມ ເຕົ້າໂຮມຄວາມສາມັກຄີປອງດອງເປັນວຽກງານກົກ, ຖືເອົາວຽກງານຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດ, ແກ້ໄຂຄວາມທຸກຂອງປະຊາຊົນ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ເປັນບັນຫາຕັດສິນ, ຖືເອົາການພັດທະນາເສດຖະກິດເປັນໃຈກາງ ໂດຍສະເພາະແມ່ນສຸມໃສ່ກໍ່ສ້າງຕົວເມືອງ ແລະ ການພັດທະນາພື້ນຖານໂຄງລ່າງທາງດ້ານເສັ້ນທາງຄົມມະນາຄົມ ມາຮອດປີ 2019 ລັດຖະບານໄດ້ອອກດຳລັດ 414/ລບ ເພື່ອສຸມໃສ່ພັດທະນາ ແຂວງໄຊສົມບູນ ໂດຍສຸມໃສ່ພັດທະນະຕາມ 5 ທ່າແຮງຂອງແຂວງ ເຊັ່ນ: ດ້ານກະສິກຳ, ທ່ອງທ່ຽວ, ໄຟຟ້າ, ບໍ່ແຮ່ ແລະ ເປັນໃຈກາງ ເຮັດໃຫ້ແຂວງ ໄດ້ຮັບການພັດທະນາຢ່າງຮອບດ້ານ, ເສດຖະກິດຂອງແຂວງຂະຫຍາຍຕົວຢ່າງວ່ອງໄວ ຖ້າທຽບໃສ່ປີ 2014 ຕອນສ້າງຕັ້ງແຂວງໃໝ່ໆເຫັນວ່າລື່ນຫຼາຍເທົ່າຕົວ, ບັນຫາພົ້ນເດັ່ນທີ່ສຸດ ແມ່ນສາມາດຮັບປະກັນສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍດີ, ປະຊາຊົນບັນດາເຜົ່າໄດ້ມີຄວາມຕື່ນຕົວສູງຂຶ້ນກວ່າເກົ່າ ເປັນເຈົ້າການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ເຂົ້າຮ່ວມວຽກງານ ປກຊ-ປກສ, ເປັນເຈົ້າການທຳການຜະລິດປູກຝັງ-ລ້ຽງສັດ, ຄ້າຂາຍ, ເຮັດການບໍລິການ ແລະ ອື່ນໆ ເພື່ອປັບປຸງຍົກລະດັບຊີວິດການເປັນຢູ່ຂອງຕົນເອງໃຫ້ດີຂຶ້ນເທື່ອລະກ້າວ ເຮັດໃຫ້ເສດຖະກິດຂະຫຍາຍຢ່າງຕໍ່ເນື່ອງ, ໝັ້ນທ່ຽງ ສະເລ່ຍບໍ່ຫລຸດ 7% ຕໍ່ປີ. ສະເພາະປີ 2023 ຄາດຄະເນຂະຫຍາຍຕົວໃນລະດັບ 7,5%, ລວມຍອດຜະລິດຕະພັນພາຍໃນ (GDP) ບັນລຸໄດ້ 2.300 ກວ່າຕື້ກີບ, ສະເລ່ຍຕໍ່ຫົວຄົນປະມານ 23 ລ້ານກວ່າກີບ/ຄົນ/ປີ, ການຈັດເກັບລາຍຮັບເຂົ້າງົບປະມານ ເພີ່ມຂຶ້ນທຸກໆປີ.
ໃນຂະນະທີ່ການລົງທຶນພາຍໃນ ແລະ ຕ່າງປະເທດ ປັດຈຸບັນມີ 111 ໂຄງການ (ສະເພາະໂຄງການທີ່ ແຂວງຄຸ້ມຄອງ), ມູນຄ່າການລົງທຶນ 400 ຕື້ກີບ ແລະ 593 ລ້ານໂດລາ, ປັດຈຸບັນ ທົ່ວແຂວງຍັງມີຄອບຄົວທຸກຍາກປະມານ 2.000 ກວ່າຄອບຄົວ, ມີບ້ານພັດທະນາ 19 ບ້ານ ແລະ ວຽກງານດ້ານອື່ນໆ ກໍໄດ້ມີການຈັດຕັ້ງປະຕິບັດ ແລະ ມີຜົນສໍາເລັດ.
ໃນພິທີຜູ້ຕາງໜ້າຈາກ ສສ ຫວຽດນາມ ໄດ້ຂຶ້ນມີຄຳເຫັນໃນພິທີ ຊຶ່ງໄດ້ສະແດງຄວາມຊົມເຊີຍຕໍ່ການພັດນາແຂວງໄຊສົມບູນ ໃນໄລຍະຜ່ານມາ, ພ້ອມທັງຈະສືບຕໍ່ຮັດແໜ້ນສາຍພົວພັນຮ່ວມແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ລັດ ຫວຽດນາມ-ລາວ ໃຫ້ນັບມື້ເຂົ້າສູ່ລວງເລິກ ແລະ ແຕກດອກອອກຜົນ.
ຂ່າວ-ພາບ: ພຸດທະສອນ ເວດສະວົງ
ທ່ານ ພອຍຄຳ ຮຸ່ງບຸນຍວງ ໄດ້ກ່າວວ່າ: ຕະຫຼອດໄລຍະ 10 ປີ ຜ່ານມາ ອົງຄະນະພັກ, ອົງການປົກຄອງ ແຂວງໄຊສົມບູນ ໄດ້ເອົາໃຈໃສ່ພັດທະນາແຂວງ ຢ່າງຕັ້ງໜ້າ ໂດຍຖືເອົາການສຶກສາອົບຮົມ ເຕົ້າໂຮມຄວາມສາມັກຄີປອງດອງເປັນວຽກງານກົກ, ຖືເອົາວຽກງານຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດ, ແກ້ໄຂຄວາມທຸກຂອງປະຊາຊົນ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ເປັນບັນຫາຕັດສິນ, ຖືເອົາການພັດທະນາເສດຖະກິດເປັນໃຈກາງ ໂດຍສະເພາະແມ່ນສຸມໃສ່ກໍ່ສ້າງຕົວເມືອງ ແລະ ການພັດທະນາພື້ນຖານໂຄງລ່າງທາງດ້ານເສັ້ນທາງຄົມມະນາຄົມ ມາຮອດປີ 2019 ລັດຖະບານໄດ້ອອກດຳລັດ 414/ລບ ເພື່ອສຸມໃສ່ພັດທະນາ ແຂວງໄຊສົມບູນ ໂດຍສຸມໃສ່ພັດທະນະຕາມ 5 ທ່າແຮງຂອງແຂວງ ເຊັ່ນ: ດ້ານກະສິກຳ, ທ່ອງທ່ຽວ, ໄຟຟ້າ, ບໍ່ແຮ່ ແລະ ເປັນໃຈກາງ ເຮັດໃຫ້ແຂວງ ໄດ້ຮັບການພັດທະນາຢ່າງຮອບດ້ານ, ເສດຖະກິດຂອງແຂວງຂະຫຍາຍຕົວຢ່າງວ່ອງໄວ ຖ້າທຽບໃສ່ປີ 2014 ຕອນສ້າງຕັ້ງແຂວງໃໝ່ໆເຫັນວ່າລື່ນຫຼາຍເທົ່າຕົວ, ບັນຫາພົ້ນເດັ່ນທີ່ສຸດ ແມ່ນສາມາດຮັບປະກັນສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍດີ, ປະຊາຊົນບັນດາເຜົ່າໄດ້ມີຄວາມຕື່ນຕົວສູງຂຶ້ນກວ່າເກົ່າ ເປັນເຈົ້າການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ເຂົ້າຮ່ວມວຽກງານ ປກຊ-ປກສ, ເປັນເຈົ້າການທຳການຜະລິດປູກຝັງ-ລ້ຽງສັດ, ຄ້າຂາຍ, ເຮັດການບໍລິການ ແລະ ອື່ນໆ ເພື່ອປັບປຸງຍົກລະດັບຊີວິດການເປັນຢູ່ຂອງຕົນເອງໃຫ້ດີຂຶ້ນເທື່ອລະກ້າວ ເຮັດໃຫ້ເສດຖະກິດຂະຫຍາຍຢ່າງຕໍ່ເນື່ອງ, ໝັ້ນທ່ຽງ ສະເລ່ຍບໍ່ຫລຸດ 7% ຕໍ່ປີ. ສະເພາະປີ 2023 ຄາດຄະເນຂະຫຍາຍຕົວໃນລະດັບ 7,5%, ລວມຍອດຜະລິດຕະພັນພາຍໃນ (GDP) ບັນລຸໄດ້ 2.300 ກວ່າຕື້ກີບ, ສະເລ່ຍຕໍ່ຫົວຄົນປະມານ 23 ລ້ານກວ່າກີບ/ຄົນ/ປີ, ການຈັດເກັບລາຍຮັບເຂົ້າງົບປະມານ ເພີ່ມຂຶ້ນທຸກໆປີ.
ໃນຂະນະທີ່ການລົງທຶນພາຍໃນ ແລະ ຕ່າງປະເທດ ປັດຈຸບັນມີ 111 ໂຄງການ (ສະເພາະໂຄງການທີ່ ແຂວງຄຸ້ມຄອງ), ມູນຄ່າການລົງທຶນ 400 ຕື້ກີບ ແລະ 593 ລ້ານໂດລາ, ປັດຈຸບັນ ທົ່ວແຂວງຍັງມີຄອບຄົວທຸກຍາກປະມານ 2.000 ກວ່າຄອບຄົວ, ມີບ້ານພັດທະນາ 19 ບ້ານ ແລະ ວຽກງານດ້ານອື່ນໆ ກໍໄດ້ມີການຈັດຕັ້ງປະຕິບັດ ແລະ ມີຜົນສໍາເລັດ.
ໃນພິທີຜູ້ຕາງໜ້າຈາກ ສສ ຫວຽດນາມ ໄດ້ຂຶ້ນມີຄຳເຫັນໃນພິທີ ຊຶ່ງໄດ້ສະແດງຄວາມຊົມເຊີຍຕໍ່ການພັດນາແຂວງໄຊສົມບູນ ໃນໄລຍະຜ່ານມາ, ພ້ອມທັງຈະສືບຕໍ່ຮັດແໜ້ນສາຍພົວພັນຮ່ວມແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ລັດ ຫວຽດນາມ-ລາວ ໃຫ້ນັບມື້ເຂົ້າສູ່ລວງເລິກ ແລະ ແຕກດອກອອກຜົນ.
ຂ່າວ-ພາບ: ພຸດທະສອນ ເວດສະວົງ
ຄໍາເຫັນ