ພິທີໂຮມຊຸມນຸມ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20 ມັງກອນ 2024) ໄດ້ຈັດຂຶ້ນໃນວັນທີ 19 ມັງກອນ ນີ້ ທີ່ຫໍປະຊຸມແຫ່ງຊາດ; ໂດຍມີສະຫາຍ ທອງລຸນ ສີສຸລິດເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ມີບັນດາທ່ານການນໍາ, ອະດີດການນໍາ ພັກ-ລັດ, ແຂກຖືກເຊີນ, ພະນັກງານ-ນັກຮົບ ໃນທົ່ວກອງທັບເຂົ້າຮ່ວມ.
ໃນພິທີຜູ້ເຂົ້າຮ່ວມໄດ້ຮັບຊົມວິດີໂອມູນເຊື້ອ ຂອງກອງທັບປະຊາຊົນລາວ, ການສະແດງສີລະປະ, ຮ້ອງເພງ ແລະ ລະຄອນສັ້ນ ທີ່ສະແດງເຖິງການກໍາເນີດເຕີບໃຫຍ່ຂະຫຍາຍຕົວ ຂອງກອງທັບປະຊາຊົນລາວ ຕະຫຼອດໄລຍະ 75 ປີ. ໃນໂອກາດທີ່ມີຄວາມໝາຍສໍາຄັນສະຫາຍ ທອງລຸນ ສີສຸລິດ ໄດ້ເປັນກຽດກ່າວສູນທອນພົດ ຕໍ່ພິທີສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ວ່າ: ກ່ອນການກຳເນີດ ກໍາລັງປະກອບອາວຸດ ກ່ອນນີ້ 75 ປີນັ້ນ ແມ່ນເຫດການສໍາຄັນປະຫວັດສາດ ຂອງຊາດລາວຍຸກໃໝ່, ທັງເປັນບາດລ້ຽວທີ່ມີຄວາມໝາຍສໍາຄັນ ສໍາລັບການເຕີບໃຫຍ່ເຂັ້ມແຂງ ແລະ ຕັດສິນໄຊຊະນະ ຂອງຂະບວນການປະຕິວັດຢູ່ປະເທດເຮົາ ພາຍໃຕ້ການຊີ້ນໍາ-ນໍາພາຮອບດ້ານ, ເດັດຂາດ, ໂດຍກົງ ຂອງພັກ. ການກໍ່ຕັ້ງກອງທັບ ໃນວັນທີ 20 ມັງກອນ 1949 ນັ້ນ ມັນໄດ້ເປັນມັດໄຟນ້ອຍໆໜຶ່ງທີ່ເປັນຈຸດເລີ່ມຂອງທວນໄຟ ທີ່ມີລັດສະໝີເປັ່ງປະກາຍອອກ ແລະ ກາຍເປັນທວນໄຟ ທີ່ບໍ່ສະເພາະແຕ່ບໍ່ມີເວລາດັບມອດເທົ່ານັ້ນ ແຕ່ໄດ້ແຜ່ກະຈາຍເປັນວົງກວ້າງໃຫຍ່ໄພສານ ຈົນສາມາດດັບມອດຄວາມໂຫດຮ້າຍປ່າເຖື່ອນທີ່ມີຢູ່ໃນປະເທດຊາດໄດ້ຢ່າງສິ້ນເຊີງ, ຖ້າທົບທວນຄືນ ເສັ້ນທາງກ້າວເດີນຂອງກອງທັບ ນັ້ນອາດເວົ້າໄດ້ວ່າ: ໃນແລກເລີ່ມຂອງການສ້າງຕັ້ງກອງທັບ ໄດ້ເລີ່ມຈາກສອງຝາມືເປົ່າ, ກຳລັງພົນໜ້ອຍຢູ່ແລ້ວ, ການປະກອບອາວຸດຍຸດໂທປະກອນກໍເກືອບບໍ່ມີ, ຖ້າມີກໍມີແບບປະຖົມປະຖານ ແລະ ຂາດເຂີນທີ່ສຸດ, ການຕໍ່ສູ້ຈຶ່ງໄດ້ເລີ່ມຈາກການໃຊ້ຮູບການເຄື່ອນໄຫວແບບກອງໂຄສະນາປະກອບອາວຸດ ດ້ວຍຍຸດທະການລັດຕີ, ຫຼອນຕີ ຍາດເອົາອາວຸດຂອງສັດຕູ ຈົນມີນິຍາຍເລື່ອງສັ້ນ ທີ່ສ່ອງແສງເຖິງເຫດການຄວາມເປັນຈິງ ເຫດການໜຶ່ງໃນຫຼາຍເຫດການ ຂອງວິທີທາງຕໍ່ສູ້ຂອງນັກຮົບໃນເວລານັ້ນ ຊຶ່ງຂຽນໂດຍ ທ່ານ ຄໍາມາ ພົມກອງ ທີ່ມີຊື່ວ່າ: “ໃຊ້ເຂົ້າຕົ້ມ ຈີ້ເອົາປືນ”ເປັນຕົ້ນ. ເຖິງວ່າຈຸດເລີ່ມຈະອ່ອນນ້ອຍປານໃດກໍຕາມ, ແຕ່ວ່າການປະຕິບັດພາລະກິດຂອງກອງທັບຊໍ້າພັດໄດ້ຮັບການສະໜັບສະໜູນ, ອຸ້ມຊູຊ່ວຍເຫຼືອ ແລະ ເຂົ້າຮ່ວມ ນັບມື້ນັບກວ້າງຂວາງຈາກມະຫາຊົນ ຈຶ່ງເຮັດໃຫ້ກຳລັງປະກອບອາວຸດ ເຕີບໃຫຍ່ເຂັ້ມແຂງຂຶ້ນຢ່າງໄວວາ ແລະ ເປັນແມ່ແຮງປຸກລະດົມຊຸກຍູ້ຂະບວນການຕໍ່ສູ້ຂອງປະຊາຊົນ ໃຫ້ເຕີບໃຫຍ່ຂະຫຍາຍຕົວເປັນກ້າວໆມາ. ກອງທັບຈຶ່ງສາມາດເປັນກອງກຳລັງຫຼັກແຫຼ່ງແກ່ນສານ ຂອງກຳລັງການເມືອງປະຕິວັດ; ເປັນກອງກຳລັງທີ່ມີອຸດົມການ, ມີມານະຈິດປະຕິວັດອັນເດັດດ່ຽວ ແລະ ມີເປົ້າໝາຍສູ້ຮົບທີ່ສູງສົ່ງຈະແຈ້ງ, ຍາມໃດກໍຕິດແທດກັບຮາກຖານປະຊາຊົນ, ຢຶດໝັ້ນ ແລະ ເສີມຂະຫຍາຍທາດແທ້ປະຊາຊົນ, ທັງເຮັດໜ້າທີ່ຕີສັດຕູ, ທັງສ້າງຄວາມສະໜິດຕິດພັນກັບປະຊາຊົນ, ໂຄສະນາປຸກລະດົມຂົນຂວາຍປະຊາຊົນ ກໍ່ສ້າງຮາກຖານການປະຕິວັດ, ເປີດກວ້າງຖານທີ່ໝັ້ນຂອງການປະຕິວັດ ນັບມື້ນັບກວ້າງຂວາງອອກ. ກອງທັບເຮົາມີມູນເຊື້ອຂອງການເພີ່ມພູນຜະລິດຜົນ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ຈາກນັ້ນ, ຈຶ່ງໄດ້ຮັບການປັບປຸງ ແລະ ພັດທະນາໃຫ້ເຕີບໃຫຍ່, ເຂັ້ມແຂງຂຶ້ນທັງທາງດ້ານຈຳນວນ ແລະ ຄຸນນະພາບ, ກາຍເປັນກອງທັບທີ່ມີຫຼາຍກົມກອງເຫຼົ່າຮົບທີ່ມີຄວາມສາມາດ ແລະ ມີຄວາມສໍານິຊຳນານ ດ້ານສີລະປະຍຸດ-ຍຸດທະວິທີ ແລະ ການນໍາໃຊ້ອາວຸດນາໆຊະນິດ ທີ່ທັນສະໄໝຂຶ້ນ, ຈຶ່ງເປັນກຳລັງແຮງສູ້ຮົບ ທີ່ຍິ່ງຕີກໍຍິ່ງໄດ້ໄຊຊະນະ, ຍິ່ງຕີກໍຍິງເຕີບໃຫຍ່, ຍິ່ງຕີກໍຍິ່ງເຂັ້ມແຂງ-ອົງອາດກ້າແກ່ນຂຶ້ນຢ່າງບໍ່ຢຸດຢັ້ງ.ນັບແຕ່ມື້ສ້າງຕັ້ງກອງທັບປະຊາຊົນລາວມາຮອດປັດຈຸບັນ ການເວລາໄດ້ໝູນວຽນໄປ 75 ປີແລ້ວ, ແຕ່ວິລະກຳອັນລ້ຳເລີດ, ຜົນງານ, ການຕໍ່ສູ້ມີໄຊຂອງກອງທັບ ຍາມໃດກໍຍັງສົດໆຮ້ອນໆ ແລະ ຝັງເລິກຢູ່ໃນຊີວິດຈິດໃຈຂອງພວກເຮົາ ແລະ ຮຸ່ນຄົນສືບທອດ ຕະຫຼອດໄປ.
ສໍາລັບການຈັດພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຄັ້ງນີ້ ຍັງເປັນການລະນຶກເຖິງວັນປະຫວັດສາດທີ່ມີຄວາມໝາຍ-ສໍາຄັນ ຂ້າພະເຈົ້າ ຕາງໜ້າໃຫ້ພັກ-ລັດ, ແນວລາວສ້າງຊາດ ແລະ ກອງທັບປະຊາຊົນລາວ ສະແດງຄວາມຍ້ອງຍໍ ສັນລະເສີນ ແລະ ຄວາມກະຕັນຍູຮູ້ບຸນຄຸນຢ່າງເລິກເຊິ່ງ ຕໍ່ຜົນງານການອຸທິດອັນໃຫຍ່ຫຼວງ ຂອງບັນດາອະດີດການນໍາພັກ-ລັດ, ພະນັກງານ, ນັກຮົບ, ວິລະຊົນແຫ່ງຊາດ, ນັກຮົບແຂ່ງຂັນ, ຕໍ່ຜູ້ເສຍອົງຄະ ແລະ ຄອບຄົວຂອງຜູ້ເສຍສະຫຼະຊີວິດ ເພື່ອໄຊຊະນະ ແລະ ຜົນສຳເລັດຂອງກອງທັບ ກໍຄື ຂອງຊາດ ແລະ ການປະຕິວັດ.
ຂ່າວ-ພາບ: ຍຸພິນທອງ-ບຸນຕອມ
ໃນພິທີຜູ້ເຂົ້າຮ່ວມໄດ້ຮັບຊົມວິດີໂອມູນເຊື້ອ ຂອງກອງທັບປະຊາຊົນລາວ, ການສະແດງສີລະປະ, ຮ້ອງເພງ ແລະ ລະຄອນສັ້ນ ທີ່ສະແດງເຖິງການກໍາເນີດເຕີບໃຫຍ່ຂະຫຍາຍຕົວ ຂອງກອງທັບປະຊາຊົນລາວ ຕະຫຼອດໄລຍະ 75 ປີ. ໃນໂອກາດທີ່ມີຄວາມໝາຍສໍາຄັນສະຫາຍ ທອງລຸນ ສີສຸລິດ ໄດ້ເປັນກຽດກ່າວສູນທອນພົດ ຕໍ່ພິທີສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ວ່າ: ກ່ອນການກຳເນີດ ກໍາລັງປະກອບອາວຸດ ກ່ອນນີ້ 75 ປີນັ້ນ ແມ່ນເຫດການສໍາຄັນປະຫວັດສາດ ຂອງຊາດລາວຍຸກໃໝ່, ທັງເປັນບາດລ້ຽວທີ່ມີຄວາມໝາຍສໍາຄັນ ສໍາລັບການເຕີບໃຫຍ່ເຂັ້ມແຂງ ແລະ ຕັດສິນໄຊຊະນະ ຂອງຂະບວນການປະຕິວັດຢູ່ປະເທດເຮົາ ພາຍໃຕ້ການຊີ້ນໍາ-ນໍາພາຮອບດ້ານ, ເດັດຂາດ, ໂດຍກົງ ຂອງພັກ. ການກໍ່ຕັ້ງກອງທັບ ໃນວັນທີ 20 ມັງກອນ 1949 ນັ້ນ ມັນໄດ້ເປັນມັດໄຟນ້ອຍໆໜຶ່ງທີ່ເປັນຈຸດເລີ່ມຂອງທວນໄຟ ທີ່ມີລັດສະໝີເປັ່ງປະກາຍອອກ ແລະ ກາຍເປັນທວນໄຟ ທີ່ບໍ່ສະເພາະແຕ່ບໍ່ມີເວລາດັບມອດເທົ່ານັ້ນ ແຕ່ໄດ້ແຜ່ກະຈາຍເປັນວົງກວ້າງໃຫຍ່ໄພສານ ຈົນສາມາດດັບມອດຄວາມໂຫດຮ້າຍປ່າເຖື່ອນທີ່ມີຢູ່ໃນປະເທດຊາດໄດ້ຢ່າງສິ້ນເຊີງ, ຖ້າທົບທວນຄືນ ເສັ້ນທາງກ້າວເດີນຂອງກອງທັບ ນັ້ນອາດເວົ້າໄດ້ວ່າ: ໃນແລກເລີ່ມຂອງການສ້າງຕັ້ງກອງທັບ ໄດ້ເລີ່ມຈາກສອງຝາມືເປົ່າ, ກຳລັງພົນໜ້ອຍຢູ່ແລ້ວ, ການປະກອບອາວຸດຍຸດໂທປະກອນກໍເກືອບບໍ່ມີ, ຖ້າມີກໍມີແບບປະຖົມປະຖານ ແລະ ຂາດເຂີນທີ່ສຸດ, ການຕໍ່ສູ້ຈຶ່ງໄດ້ເລີ່ມຈາກການໃຊ້ຮູບການເຄື່ອນໄຫວແບບກອງໂຄສະນາປະກອບອາວຸດ ດ້ວຍຍຸດທະການລັດຕີ, ຫຼອນຕີ ຍາດເອົາອາວຸດຂອງສັດຕູ ຈົນມີນິຍາຍເລື່ອງສັ້ນ ທີ່ສ່ອງແສງເຖິງເຫດການຄວາມເປັນຈິງ ເຫດການໜຶ່ງໃນຫຼາຍເຫດການ ຂອງວິທີທາງຕໍ່ສູ້ຂອງນັກຮົບໃນເວລານັ້ນ ຊຶ່ງຂຽນໂດຍ ທ່ານ ຄໍາມາ ພົມກອງ ທີ່ມີຊື່ວ່າ: “ໃຊ້ເຂົ້າຕົ້ມ ຈີ້ເອົາປືນ”ເປັນຕົ້ນ. ເຖິງວ່າຈຸດເລີ່ມຈະອ່ອນນ້ອຍປານໃດກໍຕາມ, ແຕ່ວ່າການປະຕິບັດພາລະກິດຂອງກອງທັບຊໍ້າພັດໄດ້ຮັບການສະໜັບສະໜູນ, ອຸ້ມຊູຊ່ວຍເຫຼືອ ແລະ ເຂົ້າຮ່ວມ ນັບມື້ນັບກວ້າງຂວາງຈາກມະຫາຊົນ ຈຶ່ງເຮັດໃຫ້ກຳລັງປະກອບອາວຸດ ເຕີບໃຫຍ່ເຂັ້ມແຂງຂຶ້ນຢ່າງໄວວາ ແລະ ເປັນແມ່ແຮງປຸກລະດົມຊຸກຍູ້ຂະບວນການຕໍ່ສູ້ຂອງປະຊາຊົນ ໃຫ້ເຕີບໃຫຍ່ຂະຫຍາຍຕົວເປັນກ້າວໆມາ. ກອງທັບຈຶ່ງສາມາດເປັນກອງກຳລັງຫຼັກແຫຼ່ງແກ່ນສານ ຂອງກຳລັງການເມືອງປະຕິວັດ; ເປັນກອງກຳລັງທີ່ມີອຸດົມການ, ມີມານະຈິດປະຕິວັດອັນເດັດດ່ຽວ ແລະ ມີເປົ້າໝາຍສູ້ຮົບທີ່ສູງສົ່ງຈະແຈ້ງ, ຍາມໃດກໍຕິດແທດກັບຮາກຖານປະຊາຊົນ, ຢຶດໝັ້ນ ແລະ ເສີມຂະຫຍາຍທາດແທ້ປະຊາຊົນ, ທັງເຮັດໜ້າທີ່ຕີສັດຕູ, ທັງສ້າງຄວາມສະໜິດຕິດພັນກັບປະຊາຊົນ, ໂຄສະນາປຸກລະດົມຂົນຂວາຍປະຊາຊົນ ກໍ່ສ້າງຮາກຖານການປະຕິວັດ, ເປີດກວ້າງຖານທີ່ໝັ້ນຂອງການປະຕິວັດ ນັບມື້ນັບກວ້າງຂວາງອອກ. ກອງທັບເຮົາມີມູນເຊື້ອຂອງການເພີ່ມພູນຜະລິດຜົນ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ຈາກນັ້ນ, ຈຶ່ງໄດ້ຮັບການປັບປຸງ ແລະ ພັດທະນາໃຫ້ເຕີບໃຫຍ່, ເຂັ້ມແຂງຂຶ້ນທັງທາງດ້ານຈຳນວນ ແລະ ຄຸນນະພາບ, ກາຍເປັນກອງທັບທີ່ມີຫຼາຍກົມກອງເຫຼົ່າຮົບທີ່ມີຄວາມສາມາດ ແລະ ມີຄວາມສໍານິຊຳນານ ດ້ານສີລະປະຍຸດ-ຍຸດທະວິທີ ແລະ ການນໍາໃຊ້ອາວຸດນາໆຊະນິດ ທີ່ທັນສະໄໝຂຶ້ນ, ຈຶ່ງເປັນກຳລັງແຮງສູ້ຮົບ ທີ່ຍິ່ງຕີກໍຍິ່ງໄດ້ໄຊຊະນະ, ຍິ່ງຕີກໍຍິງເຕີບໃຫຍ່, ຍິ່ງຕີກໍຍິ່ງເຂັ້ມແຂງ-ອົງອາດກ້າແກ່ນຂຶ້ນຢ່າງບໍ່ຢຸດຢັ້ງ.ນັບແຕ່ມື້ສ້າງຕັ້ງກອງທັບປະຊາຊົນລາວມາຮອດປັດຈຸບັນ ການເວລາໄດ້ໝູນວຽນໄປ 75 ປີແລ້ວ, ແຕ່ວິລະກຳອັນລ້ຳເລີດ, ຜົນງານ, ການຕໍ່ສູ້ມີໄຊຂອງກອງທັບ ຍາມໃດກໍຍັງສົດໆຮ້ອນໆ ແລະ ຝັງເລິກຢູ່ໃນຊີວິດຈິດໃຈຂອງພວກເຮົາ ແລະ ຮຸ່ນຄົນສືບທອດ ຕະຫຼອດໄປ.
ສໍາລັບການຈັດພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຄັ້ງນີ້ ຍັງເປັນການລະນຶກເຖິງວັນປະຫວັດສາດທີ່ມີຄວາມໝາຍ-ສໍາຄັນ ຂ້າພະເຈົ້າ ຕາງໜ້າໃຫ້ພັກ-ລັດ, ແນວລາວສ້າງຊາດ ແລະ ກອງທັບປະຊາຊົນລາວ ສະແດງຄວາມຍ້ອງຍໍ ສັນລະເສີນ ແລະ ຄວາມກະຕັນຍູຮູ້ບຸນຄຸນຢ່າງເລິກເຊິ່ງ ຕໍ່ຜົນງານການອຸທິດອັນໃຫຍ່ຫຼວງ ຂອງບັນດາອະດີດການນໍາພັກ-ລັດ, ພະນັກງານ, ນັກຮົບ, ວິລະຊົນແຫ່ງຊາດ, ນັກຮົບແຂ່ງຂັນ, ຕໍ່ຜູ້ເສຍອົງຄະ ແລະ ຄອບຄົວຂອງຜູ້ເສຍສະຫຼະຊີວິດ ເພື່ອໄຊຊະນະ ແລະ ຜົນສຳເລັດຂອງກອງທັບ ກໍຄື ຂອງຊາດ ແລະ ການປະຕິວັດ.
ຂ່າວ-ພາບ: ຍຸພິນທອງ-ບຸນຕອມ
ຄໍາເຫັນ