ຮອງຫົວໜ້າສູນປະສານງານລາວ-ຈີນ ພ້ອມດ້ວຍຄະນະ ທີ່ປະຈຳຢູ່ສູນປະສານງານ ບ້ານມອມ ເມືອງຕົ້ນເຜິ້ງແຂວງບໍ່ແກ້ວ, ເນື່ອງໃນໂອກາດ ວັນຊາດ ສປຈີນ ຄົບຮອບ 75 ປີ.
ສະຫາຍ ພົນຕີ ສາຍໃຈ ກົມມະສິດ ໄດ້ກ່າວວ່າ: ສອງຊາດ ລາວ - ຈີນ ມີຊາຍແດນຕິດຈອດກັນເປັນປະເທດບ້ານໃກ້ເຮືອນຄຽງ, ມີສາຍພູຕິດຈອດກັນ ແລະ ຄູ່ຮ່ວມມືທີ່ດີ; ສອງກອງທັບ ລາວ - ຈີນ ໄດ້ຜູກມິດຕະພາບອັນດູດດື່ມເລິກເຊິ່ງ.ໃນໂອກາດວັນຊາດ ສປຈີນ ຄົບຮອບ 75 ປີ ຂໍອວຍພອນໃຫ້ ສະຫາຍ ຮ້ອຍເອກ ກວນຢ່າລຸນ ຮອງຫົວໜ້າສູນປະສານງານລາວ-ຈີນ ພ້ອມດ້ວຍຄະນະຈົ່ງມີສຸຂະພາບແຂງແຮງ ປະສົບຜົນສຳເລັດໃນໜ້າທີ່ອັນມີກຽດສະຫງ່າ, ອວຍພອນໃຫ້ການຮ່ວມມືລະຫວ່າງສອງຊາດ, ສອງກອງທັບ ລາວ - ຈີນ, ເສີມຂະຫຍາຍການພົວພັນຮ່ວມມືໃນທຸກລະດັບ ເພື່ອຮັດແໜ້ນມູນເຊື້ອຄວາມສາມັກຄີ, ສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ໄວ້ໃຫ້ໝັ້ນຄົງຕະຫຼອດໄປ.
ສະຫາຍ ຮ້ອຍເອກ ກວນຢ່າລຸນ ໄດ້ກ່າວສະແດງຄວາມຂອບອົກຂອບໃຈຕໍ່ ສະຫາຍ ພົນຕີ ສາຍໃຈ ກົມມະສິດ ພ້ອມດ້ວຍຄະນະ ທີ່ໄດ້ນໍາເອົາຄໍາອວຍພອນອັນອົບອຸ່ນ, ໄມຕີຈິດ ມິດຕະພາບມາອວຍພອນໃນຄັ້ງນີ້, ພ້ອມທັງອວຍພອນໃຫ້ຄະນະພັກ - ຄະນະບັນຊາ, ພະນັກງານ - ນັກຮົບ ຈົ່ງມີສຸຂະພາບເຂັ້ມແຂງ, ເຮັດສໍາເລັດໜ້າທີ່ວຽກງານ. ສືບຕໍ່ຮັກສາ ແລະ ເສີມຂະຫຍາຍມິດຕະພາບ ແລະ ການພົວພັນຮ່ວມມືຊ່ວຍເຫຼືອເຊິງກັນ ແລະ ກັນ ລະຫວ່າງ ລາວ - ຈີນ, ຈີນ-ລາວ ໃຫ້ນັບມື້ກ້າວຂຶ້ນຢ່າງບໍ່ຢຸດຢັ້ງ.
(ຂ່າວ: ນາງ ນີ່ ທຳມະວົງ)
ຄໍາເຫັນ