ໂຮງຮຽນສາທາລະນະສຸກວຽງຈັນ ສະຫຼຸບການເຄື່ອນໄຫວວຽກງານ ແລະ ວາງທິດທາງແຜນການຕໍ່ໜ້າ

08:26 26/12/2025

ວັນທີ 25 ທັນວານີ້ ຢູ່ທີ່ໂຮງຮຽນສາທາລະນະສຸກວຽງຈັນ ແຂວງວຽງຈັນ ໄດ້ສະຫຼຸບການເຄື່ອນໄຫວວຽກງານ ໃນສົກປີ 2024-2025 ແລະ ວາງທິດທາງແຜນການສົກປີ 2025-2026 ໂດຍການເຂົ້າຮ່ວມຂອງ ທ່ານ ບຸນເສີດ ແກ້ວປະສິດ ຫົວໜ້າກົມຈັດຕັ້ງ ກະຊວງສາທາລະນະສຸກ, ທ່ານ ສີໂຫ ແສງສະຫວ່າງ ຮອງຫົວໜ້າພະແນກສາທາລະນະສຸກແຂວງວຽງຈັນ, ມີແຂກຖືກເຊີນຈາກພາກສ່ວນກ່ຽວຂ້ອງ ແລະ ນັກສຶກສາເຂົ້າຮວມ.

ທ່ານ ນາງ ທອງພັບ ບຸນວິໄລ ຮອງຜູ້ອຳນວຍການໂຮງຮຽນສາທາລະນະສຸກວຽງຈັນ ໄດ້ຜ່ານບົດສະຫຼຸບການເຄື່ອນໄຫວວຽກງານໃນສົກປີ 2024-2025 ແລະ ວາງທິດທາງແຜນການ ສົກປີ 2025-2026 ນີ້ ວ່າ: ປັດຈຸບັນໂຮງຮຽນສາທາລະນະສຸກວຽງຈັນ ໄດ້ສຳເລັດກໍ່ສ້າງນັກສຶກສາພະຍາບານ, ຜະດຸງຄັນໃນລະດັບຊັ້ນກາງ ແລະ ຊັ້ນສູງ ສາຍກົງຕໍ່ເນື່ອງ ແລະ ຫຼັກສູດແພດບ້ານ ທັງໝົດ 47 ລຸ້ນ ມີນັກສຶກສາທີ່ຈົບໄປແລ້ວທັງໝົດ 1,437 ຄົນ ຍິງ 1,206 ຄົນ, ອອກຮັບໃຊ້ໃຫ້ບໍລິການພໍ່ແມ່ປະຊາຊົນໃນຂົງເຂດທົ່ວປະເທດ ຕັ້ງແຕ່ສູນກາງຮອດທ້ອງຖິ່ນ ໂດຍສະເພາະໃນຂອບເຂດແຂວງວຽງຈັນ, ໄຊສົມບູນ, ບໍລິຄຳໄຊ, ໄຊຍະບູລີ, ບໍ່ແກ້ວ, ນະຄອນຫລວງ ແລະ ແຂວງອຶ່ນໆ ທັງພາກລັດ ແລະ ເອກະຊົນ. ໂຮງຮຽນ ໄດ້ເປີດສອນຫຼກສູດລະດັບຊັ້ນສູງ ແຕ່ປີ 2015 ເປັນຕົ້ນມາ ແລະ ໄດ້ປະຕິບັດການຮຽນການສອນຕາມລະບົບທີ່ຫຼກສູດກຳນົດໄວ້ ແລະ ນຳໃຊ້ຮູບແບບຂອງການສອນແບບໃໝ່ທີ່ເນັ້ນຜູ້ຮຽນເປັນສູນກາງນັກສຶກສາທີ່ເຂົ້າມາຮຽນແມ່ນປະຕິບັດລະບົບການສອບເສັງເຂົ້າຮຽນຕາມກົມຈັດຕັ້ງ ແລະ ກະຊວງສາທາລະນະສຸກກຳນົດໄວ້. ໂຮງຮຽນໄດ້ເປີດການສອນ 3 ສາຂາໃຫຍ່, ມີ 3 ຫຼັກສູດ, ມີນັກສຶກສາ 3 ຊັ້ນຮຽນ, ມີ 7 ຫ້ອງຮຽນ. ສະເພາະໃນສົກປີ 2024-2025 ນີ້ ມີນັກສຶກສາ ຈຳນວນ 170 ຄົນ ຍິງ 145 ຄົນ, ຊຶ່ງເລີ່ມເປີດການຮຽນ ການສອນຕົ້ນເດືອນ11ຂອງປີ, ໂຮງຮຽນເປີດການຮຽນການສອນທັງໝົດ 4 ຫຼັກສູດ ຄື: ວິຊາຊີບຊັ້ນສູງສາຂາພະຍາບານຕໍ່ເນື່ອງ ຮຸ່ນທີ 8 ຈຳນວນ 20 ຄົນ ຍິງ18 ຄົນ, ຮຸ່ນທີ 9 ຈຳນວນ 28 ຄົນ ຍິງ 25 ຄົນ, ຊັ້ນສູງພະຍາບານສາຍກົງ ຮຸ່ນທີ 9 ຈຳນວນ 33 ຄົນ ຍິງ 30 ຄົນ; ວິຊາຊີບຊັ້ນສູງສາຂາພະຍາບານຮຸ່ນທີ10 ຈຳນວນ 36 ຄົນ ຍິງ 29 ຄົນ. ຮຸ່ນທີ 11 ຈຳນວນ 25 ຄົນ ຍິງ 23 ຄົນ, ວິຊາຊີບຊັ້ນສູງສາຂາຜະດຸງຄັນ ຮຸ່ນທີ 9 ຍິງ 6 ຄົນ, ວິຊາຊີບຊັ້ນສູງສາຂາທັນຕະສຸຂະພິບານ ຮຸ່ນທີ 1 ຈຳນວນ 17 ຄົນ ຍິງ 9 ຄົນ. ຊຶ່ງໄດ້ເລີ່ມການຮຽນການສອນໂດຍຈັດການຮຽນ-ການສອນສົກຮຽນ ມີ 2 ພາກ ຊຶ່ງໃນພາກ 1 ມີ 20 ອາທິດ ແລະ ໄດ້ຈັດການຮຽນການສອນພາກທິດສະດີ ໃນຫ້ອງຮຽນ, ຫ້ອງຄອມພິວເຕີ, ຫ້ອງພາກສະແດງພື້ນຖານ, ຫ້ອງສະແດງແມ່ ແລະ ເດັກ. ໃນສົກປີ 2024-2025 ມີນັກສຶກສາສຳເລັດການສຶກສາມີທັງໝົດ 63 ຄົນ ຍິງ 49 ຄົນ, ມີຫຼັກສູດຊັ້ນສູງພະຍາບານສາຍກົງ ຮຸ່ນທີ 8 ຈຳນວນ 46 ຄົນ ຍິງ 32 ຄົນ, ຫຼັກສູດຊັ້ນສູງຜະດຸງຄັນສາຍກົງ ຈຳນວນ 17 ຄົນ ຍິງ 17 ຄົນ, ສະເລ່ຍຜົນການສອບເສັງ ຜ່ານສົມບູນ 100%, ໄດ້ຮັບກຽດນິຍົມ 2 ຄົນ ແລະ ໃບຍ້ອງຍໍ 30 ຄົນ.

ຈາກນັ້ນ, ກໍໄດ້ມອບໃບປະກາສະນິຍະບັດ ໃຫ້ແກ່ນັກສຶກສາທີ່ສຳເລັດການສຶກສາ ໃນສົກຮຽນ 2024-2025 ຈຳນວນ 63 ຄົນ ຍິງ 49 ຄົນ ໃຫ້ກຽດມອບໂດຍ ທ່ານ ບຸນເສີດ ແກ້ວປະສິດ, ພ້ອມນີ້ ຍັງໄດ້ມອບໃບຍ້ອງຍໍໃຫ້ແກ່ຄູອາຈານ, ສະຖານທີ່ຝຶກງານ ແລະ ນັກສຶກສາຜູ້ທີ່ມີຜົນງານດີເດັ່ນ.

(ແຫຼ່ງຂ່າວ: ແຂວງວຽງຈັນ)

ຄໍາເຫັນ

ຂ່າວວັດທະນະທຳ-ສັງຄົມ

ຜູ້ອໍານວຍການໃຫຍ່ ຂປລ ເນັ້ນສື່ມວນຊົນລາວຕ້ອງຫັນປ່ຽນຢ່າງຕັ້ງໜ້າໃຫ້ທັນຍຸກສະໄໝ

13/08/2026 10:10

ສື່ມວນຊົນລາວໃນຍຸກປັດຈຸບັນຕ້ອງໄດ້ຫັນປ່ຽນຢ່າງຕັ້ງໜ້າຈາກສື່ເດີມສູ່ຍຸກໃໝ່ໃຫ້ທັນຕາມຍຸກສະໄໝ ເປັນຕົ້ນຕ້ອງຮູ້ນໍາໃຊ້ເຕັກໂນໂລຊີ, ເຕັກນິກທີ່ທັນສະໄໝ, ການນໍາໃຊ້ປັນຍາປະດິດ (AI) ເຂົ້າໃນການຈັດຕັ້ງປະຕິບັດວຽກງານ ແລະ ຮູ້ປັບຕົວເຂົ້າກັບສື່ສັງຄົມອອນລາຍຕ່າງໆ ເພື່ອເຮັດໃຫ້ພາລະບົດບາດ ກໍຄືການປະຕິບັດໜ້າທີ່ໃນການໂຄສະນາເຜີຍແຜ່ຂໍ້ມູນຂ່າວສານຕ່າງໆໃຫ້ມີຄວາມວ່ອງໄວ ແລະ ທັນການ. ເພື່ອໃຫ້ສົມກັບຄໍາເວົ້າຂອງທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ທີ່ວ່າ: “ສື່ມວນຊົນແມ່ນຜູ້ປາກອອກແສງ, ຜູ້ທີ່ແທງເຖິງໃຈ, ຜູ້ສະດຸ້ງໄວເມື່ອໄດ້ອ່ານ, ຜູ້ກ້າຜ່ານອຸປະສັກ, ຜູ້ທີ່ມັກຄວາມຈິງ, ຜູ້ຍິງຖືກຕ້ອງ”.

ໜັງສືພິມກອງທັບ ເຕີບໃຫຍ່ເຂັ້ມແຂງ ແລະ ທັນສະໄໝ

13/08/2026 10:08

ທ່ານ ພັນໂທ ຄອນສະຫວັນ ໄຊຍະລາດ ຮອງຫົວໜ້າບັນນາທິການ ໜັງສືພິມກອງທັບ ໄດ້ໃຫ້ສຳພາດເນື່ອງໃນໂອກາດລະນຶກວັນສື່ມວນຊົນ ແລະ ການພິມຈໍາໜ່າຍ ຄົບຮອບ 76 ປີ (ວັນທີ 13 ສິງຫາ 1950- ວັນທີ 13 ສິງຫາ 2026) ວ່າ: ສື່ມວນຊົນ ແມ່ນເຄື່ອງມືອັນສໍາຄັນທາງດ້ານການເມືອງແນວຄິດ, ເປັນກະບອກສຽງອັນແຫຼມຄົມໃຫ້ແກ່ພັກ-ລັດ, ເປັນເຄື່ອງມືໃນການໂຄສະນາ, ປຸກລະດົມ, ສຶກສາອົບຮົມ, ຂົນຂວາຍ ແລະ ເຕົ້າໂຮມຄວາມສາມັກຄີທົ່ວປວງຊົນ, ປະກອບສ່ວນເຂົ້າໃນໄຊຊະນະລວມຂອງການປະຕິວັດ. ໃນໄລຍະຜ່ານມາ ກໍຄືປັດຈຸບັນ, ພັກ-ລັດຖະບານ ໄດ້ຖືເອົາສື່ມວນຊົນ ເປັນເຄື່ອງມືອັນສັກສິດໃນການນໍາເອົາແນວຄິດ, ທິດສະດີປະຕິວັດ, ແນວທາງນະໂຍບາຍຂອງພັກໄປສູ່ປະຊາຊົນ ແລະ ນໍາເອົາຄວາມຄິດ, ຄວາມມຸ້ງມາດປາຖະໜາຂອງປະຊາຊົນມາສ່ອງແສງໃຫ້ພັກ-ລັດຮັບຊາບ ອັນໄດ້ເຮັດໃຫ້ສາຍພົວພັນລະຫວ່າງ ພັກ-ລັດ ກັບປະຊາຊົນບໍ່ສາມາດຕັດແຍກອອກຈາກກັນໄດ້.

ເສີມຂະຫຍາຍມູນເຊື້ອສາມັກຄີ ເຕົ້າໂຮມກໍາລັງແຮງສັງລວມທົ່ວປວງຊົນລາວທັງຊາດ ເຂົ້າໃນການປົກປັກຮັກສາ ແລະ ສ້າງສາປະເທດຊາດໃຫ້ຮຸ່ງເຮືອງສີວິໄລ (ເນື່ອງໃນໂອກາດ ວັນສ້າງຕັ້ງແນວລາວສ້າງຊາດ ຄົບຮອບ 76 ປີ)

12/08/2026 15:07

ຫວນຄືນກ່ອນນີ້ 76 ປີ ຄືວັນທີ 13 ສິງຫາ 1950 ໃນກອງປະຊຸມໃຫຍ່ຜູ້ແທນແນວລາວຕໍ່ຕ້ານທົ່ວປະເທດ ທີ່ມີຜູ້ແທນເຂົ້າຮວ່ມທັງໝົດ 105 ທ່ານ. ທີ່ເປັນຕົວແທນຂອງກຳລັງປະກອບອາວຸດທຸກພາກ, ຕົວແທນບັນດາເຜົ່າ, ຊັ້ນຄົນ, ບັນດາອົງການຈັດຕັ້ງສັງຄົມ, ສາສະໜາ ເພດ-ໄວ ຈາກເຂດຕໍ່ຕ້ານ ແລະ ເຂດກວດກາຂອງຂອງສັດຕູໃນທົ່ວປະເທດ ໄດ້ເຫັນດີເປັນເອກະສັນ ປະກາດສ້າງຕັ້ງແນວໂຮມແຫ່ງຊາດໂດຍໃຫ້ຊື່ວ່າ: “ແນວລາວອິດສະຫຼະ” ປະກອບມີຄະນະກຳມະການແນວລາວອິດສະຫຼະ ຈຳນວນ 15 ທ່ານ ໂດຍແມ່ນ ສະເດັດ ເຈົ້າສຸພານຸວົງ ເປັນປະທານແນວລາວອິດສະຫຼະ.

ຄວາມຮູ້ສຶກ ຂອງທ່ານ ສົມຫວັງ ພິມມະວົງ ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ

12/08/2026 14:50

ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສປປ ລາວ ໃນວັນທີ 8 ສິງຫາ ຜ່ານມາ, ທ່ານ ສົມຫວັງ ພິມມະວົງ ຫົວໜ້າກົມປ່າໄມ້ ກະຊວງກະສິກຳ ແລະ ສິ່ງແວດລ້ອມ ໄດ້ສະແດງຄວາມຮູ້ສຶກວ່າ: ການຈາກໄປຂອງເພິ່ນ ຖືເປັນການສູນເສຍອັນໃຫຍ່ຫຼວງຕໍ່ພັກ, ລັດ, ສະພາແຫ່ງຊາດ, ປະຊາຊົນລາວທັງຊາດ ກໍຄືຄອບຄົວ ແລະ ຍາດຕິພີ່ນ້ອງຂອງເພິ່ນ.

ຮອງຫົວໜ້າກົມໃຫຍ່ເຕັກນິກກອງທັບ ເຄື່ອນໄຫວເຮັດວຽກ ຢູ່ກອງພົນທີ 2

12/08/2026 11:11

ໃນລະຫວ່າງວັນທີ 10-11 ສິງຫາ 2026 ນີ້, ສະຫາຍ ພົນຈັດຕະວາ ຄໍາແປງ ບົວລະບັດ ຮອງຫົວໜ້າກົມໃຫຍ່ເຕັກນິກກອງທັບ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກ ຢູ່ກອງພົນທີ 2, ຊຶ່ງມີສະຫາຍ ພັນເອກ ສອນເພັດ ຈັນສົມ ຫົວໜ້າການທະຫານ ກອງພົນທີ 2 ພ້ອມດ້ວຍຄະນະພັກ-ຄະນະບັນຊາກອງພົນ, ຄະນະຫ້ອງ, ພະແນກການທີ່ຂ້ອງ ແລະ ກົມກອງເຫຼົ່າຮົບເຂົ້າຮ່ວມ.

ຍທຂ ແຂວງບໍລິຄຳໄຊ ເລັ່ງແກ້ໄຂເສັ້ນທາງຫຼວງ ແລະ ທາງທ້ອງຖິ່ນ ທີ່ໄດ້ຮັບຜົນກະທົບ ຈາກໄພພິບັດທຳມະຊາດ

12/08/2026 10:26

ໃນວັນທີ 11 ສິງຫາ 206 ນີ້,ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ໂຍທາທິການ ແລະ ຂົນສົ່ງ(ຍທຂ) ພ້ອມຄະນະໄດ້ລົງຕິດຕາມເສັ້ນທາງຫຼວງແຫ່ງຊາດເລກ 8A ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ ໂດຍມີທ່ານ ບຸນລ້ຽງ ດວງສະເພົາທອງ ຮອງປະທານຄະນະກຳມະການປົກຄອງແຂວງ ບໍລິຄຳໄຊ ມີຮອງປະທານຄະນະກຳມະການປົກຄອງແຂວງຄຳມ່ວນ ແລະ ຂະແໜງການທີ່ກ່ຽວຂ້ອງ 2 ແຂວງຮ່ວມລົງຊຕິດຕາມ.

ບໍລິສັດ ພີພີເອັສທີ ກໍ່ສ້າງຂົວ-ທາງ ມອບເຄື່ອງຊ່ວຍເຫຼືອຜູ້ປະສົບໄພນ້ຳຖ້ວມ ເມືອງຍົມມະລາດ

12/08/2026 10:17

ປະທານ ບໍລິສັດ ພີພີເອັສທີ ກໍ່ສ້າງຂົວ-ທາງ ຈຳກັດຜູ້ດຽວໄດ້ນຳເອົາເຄື່ອງອຸປະໂພກ-ບໍລິໂພກໄປມອບໃຫ້ປະຊາຊົນ ຜູ້ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມຢູເມືອງຍົມມະລາດແຂວງຄຳມ່ວນ.

ໄພພິບັດຖໍ້າຖ້ວມ ສົ່ງຜົນກະທົບຕໍ່ປະຊາຊົນ17 ບ້ານຂອງເມືອງຍົມມະລາດ

12/08/2026 10:02

ສະພາບໄພພິບັດນໍ້າຖ້ວມຢູ່ເມືອງຍົມມະລາດແຂວງຄໍາມ່ວນ ພວມຢູ່ໃນສະຖານະການໜ້າເປັນຫ່ວງ ພາຍຫຼັງເກີດຝົນຕົກໜັກຕິດຕໍ່ກັນ ເຮັດໃຫ້ລະດັບນໍ້າເຊບັ້ງໄຟ, ນໍ້າຍົມ ແລະ ນໍ້າສາຂາຕ່າງໆ ເພີ່ມສູງຂຶ້ນຢ່າງວ່ອງໄວ ສົ່ງຜົນກະທົບຕໍ່ຊີວິດການເປັນຢູ່ຂອງປະຊາຊົນໃນຫຼາຍພື້ນທີ່.

ພີພີເອັສທີ ກໍ່ສ້າງຂົວ-ທາງ ມອບເຄື່ອງຊ່ວຍເຫຼືອໃຫ້ຜູ້ປະສົບໄພນ້ຳຖ້ວມ ເມືອງຍົມມະລາດ

11/08/2026 16:02

ໃນວັນທີ 11 ສິງຫາ 2026 ຢູ່ທີ່ເມືອງຍົມມະລາດແຂວງຄຳມ່ວນໄດ້ມີພິທີມອບ-ຮັບເຄື່ອງຊ່ວຍເຫຼືອເພື່ອບັນເທົາທຸກໃຫ້ແກ່ປະຊາຊົນຜູ້ປະສົບໄພນ້ຳຖ້ວມຢູ່ເມືອງຍົມມະລາດ. ເປັນກຽດມອບໂດຍທ່ານ ພອນປະເສີດ ປະທານ ບໍລິສັດ ພີພີເອັສທີ ກໍ່ສ້າງຂົວ-ທາງ ຈຳກັດຜູ້ດຽວ ແລະ ເປັນກຽດຮັບໂດຍ ທ່ານ ເຫຼັງຄຳ ໄຊຄໍາຜັນ ເລຂາຄະນະບໍລິຫານງານພັກເມືອງຍົມມະລາດ, ໂດຍການເຂົ້າຮ່ວມເປັນສັກຂີພະຍານຂອງບັນດາທ່ານການນຳຈາກແຂວງ ,ເມືອງ ແລະ ພາກສ່ວນທີ່ກ່ຽວຂ້ອງ .

ກອງບັນຊາການທະຫານແຂວງບໍ່ແກ້ວ ສໍາເລັດການອົບຮົມ-ຫັດແອບ ຍິງເປົ້າໝາຍດ້ວຍລູກປືນແທ້

11/08/2026 14:13

ວັນທີ 10 ສິງຫາ 2026 ນີ້, ກອງບັນຊາການທະຫານແຂວງບໍ່ແກ້ວ ໄດ້ສໍາເລັດການອົບຮົມ-ຫັດແອບ ຍິງເປົ້າໝາຍດ້ວຍລູກປືນແທ້ ໃຫ້ແກ່ຄູອາສາເຂົ້າເປັນລັດຖະກອນປ້ອງກັນຊາດ ຊຸດທີ I ປະຈຳປີ 2026, ໂດຍມີ ສະຫາຍ ພັນໂທ ຈອມມະນີ ແພງຄຳມີ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງບໍ່ແກ້ວ, ມີຄະນະພັກ-ຄະນະບັນຊາ, ພະແນກການທີ່ກ່ຽວຂ້ອງ, ຄະນະອໍານວຍການໂຮງຮຽນການທະຫານທ້ອງຖິ່ນແຂວງ, ຄູ-ອາຈານ ແລະ ນັກເຝິກອົບຮົມ ເຂົ້າຮ່ວມ.

ເພີ່ມເຕີມ