ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ຢ້ຽມຢາມ ບັນດາກ້ອນກຳລັງສວນສະໜາມ

ໃນນີ້ປະກອບ ມີກ້ອນກຳລັງສວນສະໜາມກອງທັບປະຊາຊົນລາວ, ສປ ຈີນ ແລະ ຣາຊາອານາຈັກກຳປູເຈຍ.

ໂອກາດນີ້, ສະຫາຍ ພົນໂທ ຫງວຽນ ວັນ ເງ້ຍ ກໍໄດ້ຕາງໜ້າພັກ-ລັດກໍຄືປະຊາຊົນຫວຽດນາມ ສະແດງຄວາມຍິນດີຕ້ອນຮັບຢ່າງອົບອຸ່ນຕີລາຄາສູງຕໍ່ການເຂົ້າຮ່ວມພິທີສະເຫຼີມສະຫຼອງວັນປົດປ່ອຍພາກໃຕ້ຫວຽດນາມຄົບຮອບ 50 ປີ ເຕົ້າໂຮມປະເທດຊາດເປັນເອກະພາບ ຂອງບັນດາກ້ອນກຳລັງກອງທັບປະຊາຊົນລາວ, ສປ ຈີນ ແລະ ຣາຊາອານາຈັກກຳປູເຈຍ ໃນຄັ້ງນີ້ ພ້ອມອວຍພອນໄຊໃຫ້ບັນດາກ້ອນກຳລັງແຕ່ລະປະເທດຈົ່ງມີສຸຂະພາບເຂັ້ມແຂງ ພ້ອມກັນເຮັດສຳເລັດໜ້າທີ່ ທີ່ ພັກ-ລັດກໍຄືປະຊາຊົນຊາວຫວຽດນາມມອບໝາຍໃຫ້ຢ່າງຈົບງາມ.

ໂອກາດດຽວກັນ, ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານ ກອງພັນໃຫຍ່ 11 ຫົວໜ້າຄະນະຊີ້ນຳກ້ອນກຳລັງກອງທັບປະຊາຊົນລາວ ກໍສະແດງຄວາມຂອບໃຈ ແລະ ພາກພູມໃຈເປັນຢ່າງຍິ່ງ ທີ່ໄດ້ນໍາພາກ້ອນກຳລັງສວນສະໜາມ ຕາງໜ້າໃຫ້ແກ່ກອງທັບປະຊາຊົນລາວ ເຂົ້າຮ່ວມເດີນຂະບວນສວນສະໝາມໃນໂອກາດສະເຫຼີມສະຫຼອງວັນປົດປ່ອຍພາກໃຕ້ຫວຽດນາມ, ເຕົ້າໂຮມ ປະເທດຊາດຫວຽດນາມ ຄົບຮອບ 50 ປີ ໃນຄັ້ງນີ້ ຊຶ່ງເປັນເຫດການປະຫວັດສາດທີ່ສໍາຄັນໜຶ່ງ, ແມ່ນໄຊຊະນະຂອງພັກ-ລັດ, ກອງທັບ ແລະ ປະຊາຊົນຫວຽດນາມບັນດາເຜົ່າ ໃນການຕໍ່ສູ້ຕ້ານຈັກກະພັດຜູ້ຮຸກຮານ, ແມ່ນໝາກຜົນອັນໃຫ່ຍຫຼວງໃນພາລະກິດປົດປ່ອຍຊາດ, ປົກປັກຮັກສາ ປະເທດຊາດ ໂດຍແມ່ນພັກກອມມູນິດຫວຽດນາມ ແລະ ປະທານໂຮ່ຈິມິນ, ພ້ອມທັງ ອວຍພອນໃຫ້ສາຍພົວພັນມິດຕະພາບລາວ-ຫວຽດນາມ, ຫວຽດນາມ-ລາວ ຈົ່ງໝັ້ນຄົງຂະໜົງແກ່ນຕະຫຼອດການລະນາ.