ໃນວັນທີ 18 ມັງກອນ ນີ້, ສະຫາຍພົນເອກ ຈັນສະໝອນ ຈັນຍາລາດຮອງນາຍົກລັດຖະມົນຕີລັດຖະມົນຕີກະຊວງປ້ອງກັນປະເທດພ້ອມດ້ວຍຄະນະ, ໄດ້ຕ້ອນຮັບການເຂົ້າອວຍພອນຂອງສະຫາຍ ພົນໂທ ຟຸ້ງ ຊີ ເຕີນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ພ້ອມດ້ວຍຄະນະ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20 ມັງກອນ 2024). ໃນໂອກາດທີ່ມີ ຄວາມໝາຍຄວາມສຳຄັນນີ້, ສະຫາຍ ພົນໂທ ຟຸ້ງ ຊີ ເຕີນ ໄດ້ກ່າວສະແດງຄວາມຍິນດີຊົມເຊີຍ ຕໍ່ຜົນງານ ແລະ ໄຊຊະນະອັນໃຫຍ່ຫຼວງ ທີ່ກອງທັບປະຊາຊົນລາວ ຍາດມາໄດ້ໃນຕະຫຼອດໄລຍະ 75 ປີ, ພ້ອມທັງອວຍພອນໄຊອັນປະເສີດໃຫ້ ສະຫາຍ ພົນເອກ ຈັນສະໝອນ ຈັນຍາລາດ, ພ້ອມດ້ວຍຄະນະພັກ-ຄະນະນໍາຕະຫຼອດຮອດພະນັກງານ-ນັກຮົບທົ່ວກອງທັບປະຊາຊົນລາວ ຈົ່ງມີສຸຂະພາບແຂງແຮງ, ມີຄວາມຜາສຸກ ແລະ ສືບຕໍ່ປະຕິບັດໜ້າທີ່ວຽກງານທີ່ພັກ-ລັດມອບໝາຍໃຫ້ປະສົບຜົນສໍາເລັດ, ກາຍເປັນກອງທັບທີ່ມີແບບແຜນທັນສະໄໝກ້າວຂຶ້ນຢ່າງບໍ່ຢຸດຢັ້ງ,
ໂອກາດດຽວກັນ, ສະຫາຍ ພົນເອກ ຈັນສະໝອນ ຈັນຍາລາດ ກໍໄດ້ຕາງໜ້າໃຫ້ຄະນະພັກ-ຄະນະນໍາກະຊວງປ້ອງກັນປະເທດ, ກໍຄືນາຍ ແລະ ພົນທະຫານ ສະແດງຄວາມຂອບໃຈຕໍ່ ສະຫາຍ ພົນໂທ ຟຸ້ງ ຊີ ເຕີນ ທີ່ເຫັນໄດ້ເຖິງຄວາມໝາຍ ຄວາມສໍາຄັນຂອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ອວຍພອນໄຊໃຫ້ສະຫາຍພ້ອມດ້ວຍຄະນະ ຈົ່ງມີຄວາມຜາສຸກ, ສຸຂະພາບແຂງແຮງ, ມີພາລະນາໄມສົມບູນ, ປະສົບຜົນສຳເລັດໃນໜ້າທີ່ການງານອັນມີກຽດສະຫງ່າຂອງຕົນ, ເສີມສ້າງສາຍພົວພັນຮ່ວມມື, ຄວາມສາມັກຄີມິດຕະພາບແບບພິເສດລະຫວ່າງສອງພັກ, ສອງລັດ, ເວົ້າລວມ ເວົ້າສະເພາະກໍຄືລະຫວ່າງ ສອງກອງທັບລາວ-ຫວຽດນາມໃຫ້ນັບມື້ແໜ້ນແຟ້ນຈະເລີນງອກງາມ ແລະ ໝັ້ນຄົງຂະໜົງແກ່ນໄປຊົ່ວກາລະນານ.
ຂ່າວ-ພາບ: ອານຸສອນ ສິມວົງສາ
ໂອກາດດຽວກັນ, ສະຫາຍ ພົນເອກ ຈັນສະໝອນ ຈັນຍາລາດ ກໍໄດ້ຕາງໜ້າໃຫ້ຄະນະພັກ-ຄະນະນໍາກະຊວງປ້ອງກັນປະເທດ, ກໍຄືນາຍ ແລະ ພົນທະຫານ ສະແດງຄວາມຂອບໃຈຕໍ່ ສະຫາຍ ພົນໂທ ຟຸ້ງ ຊີ ເຕີນ ທີ່ເຫັນໄດ້ເຖິງຄວາມໝາຍ ຄວາມສໍາຄັນຂອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ອວຍພອນໄຊໃຫ້ສະຫາຍພ້ອມດ້ວຍຄະນະ ຈົ່ງມີຄວາມຜາສຸກ, ສຸຂະພາບແຂງແຮງ, ມີພາລະນາໄມສົມບູນ, ປະສົບຜົນສຳເລັດໃນໜ້າທີ່ການງານອັນມີກຽດສະຫງ່າຂອງຕົນ, ເສີມສ້າງສາຍພົວພັນຮ່ວມມື, ຄວາມສາມັກຄີມິດຕະພາບແບບພິເສດລະຫວ່າງສອງພັກ, ສອງລັດ, ເວົ້າລວມ ເວົ້າສະເພາະກໍຄືລະຫວ່າງ ສອງກອງທັບລາວ-ຫວຽດນາມໃຫ້ນັບມື້ແໜ້ນແຟ້ນຈະເລີນງອກງາມ ແລະ ໝັ້ນຄົງຂະໜົງແກ່ນໄປຊົ່ວກາລະນານ.
ຂ່າວ-ພາບ: ອານຸສອນ ສິມວົງສາ
ຄໍາເຫັນ