 |
ໂອກາດນີ້, ສະຫາຍ ພັນໂທ ອິນຄຳ ຄູນປະເສີດ ຫົວໜ້າຂະແໜງອົບຮົມ ພະແນກເສນາທິການກອງພັນໃຫຍ່ 11 ໄດ້ຜ່ານບົດລາຍງານການຈັດຕັ້ງ ອົບຮົມ-ຫັດແອບ ວຽກງານການທະຫານ, ການເມືອງ, ພະລາທິການ ແລະ ເຕັກນິກ ປະຈຳ 6 ເດືອນ ຕົ້ນປີ 2026 ຂອງກອງພັນໃຫຍ່ 11 ຊຶ່ງໄດ້ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ເນື້ອໃນການຈັດຕັ້ງອົບຮົມ-ຫັດແອບ ໃນຄັ້ງນີ້, ມີບັນດາ ຂໍ້ກຳນົດ, ກົດລະບຽບຂອງກອງທັບ, ກິລາການທະຫານ, ອົບຮົມວຽກງານເສນາທິການ, ອົບຮົມສິນລະປະຍຸດທະຫານຮາບ, ຍຸດທະວິທີທະຫານຮາບ, ອົບຮົມວຽກງານພະລາທິການ ແລະ ວຽກງານເຕັກນິກ.
ໃນຕອນທ້າຍ, ສະຫາຍ ພັນເອກ ພັນສອນ ຄຳຜິວ ໄດ້ໂອ້ລົມເນັ້ນໜັກໃຫ້ເອົາໃຈໃສ່ຫັດແອບໃຫ້ມີຄວາມຊຳນິຊຳນານ, ກຳແໜ້ນເນື້ອໃນບົດຮຽນ ແລະ ທິດສະດີຫຼັກການຢ່າງເຂັ້ມງວດ, ຮັບປະກັນຄວາມປອດໄພໃນການຫັດແອບ ແລະ ນຳໃຊ້ອາວຸດ-ກະສຸນ, ບຳລຸງຮັກສາອາວຸດຍຸດໂທປະກອນ ແລະ ພາຫະນະເຕັກນິກໃຫ້ຢູ່ໃນສະພາບພ້ອມຮົບຮອບດ້ານ, ເພີ່ມທະວີຄວາມສາມັກຄີ ຮັກສາຄວາມສາມັກຄີພາຍໃນ-ພາຍນອກໃຫ້ແໜ້ນແຟ້ນ ເພື່ອຮັບປະກັນໃຫ້ການອົບຮົມ-ຫັດແອບໃນຄັ້ງນີ້ ສຳເລັດຕາມແຜນການທີ່ວາງໄວ້.
ຈາກນັ້ນ, ສະຫາຍ ພັນເອກ ພັນສອນ ຄຳຜິວ ພ້ອມດ້ວຍຄະນະ ກໍໄດ້ລົງຕິດຕາມການອົບຮົມ-ຫັດແອບ ຂອງກອງພັນໃຫຍ່ 11 ຢູ່ສະໜາມຕົວຈິງ.(ຂ່າວ:ກອງທັບ)
ຄໍາເຫັນ