ຫ້ອງການ ຍທຂ ເມືອງສີສັດຕະນາກ ພັດທະນາພື້ນຖານໂຄງລ່າງຄົມມະນາຄົມ ຢ່າງຕັ້ງໜ້າ

ຫ້ອງການ ຍທຂ ເມືອງສີສັດຕະນາກ ພັດທະນາພື້ນຖານໂຄງລ່າງຄົມມະນາຄົມ ຢ່າງຕັ້ງໜ້າ

ຫ້ອງການ ຍທຂ ເມືອງສີສັດຕະນາກ ພັດທະນາພື້ນຖານໂຄງລ່າງຄົມມະນາຄົມ ຢ່າງຕັ້ງໜ້າ
ຫ້ອງການໂຍທາທິການ ແລະ ຂົນສົ່ງເມືອງສີສັດຕະນາ ນະຄອກຫຼວງວຽງຈັນ ເອົາໃຈໃສ່ວຽກງານພັດທະນາພື້ນຖານໂຄງລ່າງ ດ້ານຄົມມະນາຄົມ ຢ່າງຕັ້ງໜ້າ, ຮັບປະກັນໃຫ້ໄດ້ມາດຕະຖານ, ທົນທານ, ເຊື່ອມຈອດ, ໂລ່ງລ່ຽນ, ການສັນຈອນສະດວກວ່ອງໄວ, ແນໃສ່ໃຫ້ການພັດທະນາຕົວເມືອງ ແລະ ເທດສະບານຂອງເມືອງສີສັດຕະນາກໃຫ້ໄປຕາມນະໂຍບາຍ 6 ສ.

 

 

ໃນບົດປະກອບຄຳເຫັນ ຂອງສະຫາຍ ໜູພົນ ໂພສີ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງສີສັດຕະນາກ ຕໍ່ກອງປະຊຸມໃຫຍ່ ຄັ້ງທີ VIII ຂອງອົງຄະນະພັກເມືອງສີສັດຕະນາກ ໃນຫົວຂໍ້: ການພັດທະນາພື້ນຖານໂຄງລ່າງຕິດພັນກັບການແກ້ໄຂສະພາບນໍ້າຖ້ວມຂັງ ຢູ່ເມືອງສີສັດຕະນາກເມື່ອບໍ່ດົນມານີ້ ໂດຍໄດ້ຍົກໃຫ້ເຫັນວ່າ: ໃນໄລຍະ 5 ປີ ຜ່ານມາ ໄດ້ເອົາໃຈໃສ່ວຽກງານພັດທະນາ ພື້ນຖານໂຄງລ່າງ ດ້ານຄົມມະນາຄົມ ຢ່າງຕັ້ງໜ້າ, ຮັບປະກັນໃຫ້ໄດ້ມາດຕະຖານ, ທົນທານ, ເຊື່ອມຈອດ, ໂລ່ງລ່ຽນ, ການສັນຈອນສະດວກວ່ອງໄວ, ປອດໄພ, ແນໃສ່ໃຫ້ການພັດທະນາຕົວເມືອງ ແລະ ເທດສະບານຂອງເມືອງສີສັດຕະນາກ ໃຫ້ໄປຕາມນະໂຍບາຍ 6 ສ, ສ້າງໃຫ້ກາຍເປັນຕົວເມືອງທີ່ໜ້າຢູ່ເທື່ອລະກ້າວ ຊຶ່ງໄດ້ຖືເອົາວຽກງານກໍ່ສ້າງພື້ນຖານໂຄງລ່າງ (ກໍ່ສ້າງ, ປັບປຸງ, ຟື້ນຟູ, ສ້ອມແປງເສັ້ນທາງ) ຕິດພັນກັບການແກ້ໄຂນໍ້າຖ້ວມຂັງ ເປັນວຽກບຸລິມະສິດ ແລະ ເປັນຈຸດສຸມຂອງວຽກງານໂຍທາທິການ ແລະ ຂົນສົ່ງ ເມືອງສີສັດຕະນາກ ຊຶ່ງໄດ້ຈັດຕັ້ງປະຕິບັດຢ່າງແຂງແຮງ, ເອົາຈິງເອົາຈັງ ແລະ ໄດ້ມີການປະສານສົມທົບແໜ້ນ ກັບກະຊວງໂຍທາທິການ ແລະ ຂົນສົ່ງ, ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ, ອົງການປົກຄອງເມືອງ, ອົງການປົກຄອງບ້ານ, ການຈັດຕັ້ງທີ່ກ່ຽວຂ້ອງ, ພ້ອມທັງໄດ້ຮັບການສະໜັບສະໜູນໃຫ້ການຮ່ວມມືຈາກພາກລັດ, ປະຊາຊົນ ແລະ ສັງຄົມ ໄດ້ເປັນຢ່າງດີ ແລະ ມີຜົນສໍາເລັດຢ່າງໜ້າພໍໃຈ, ສາມາດສ້າງເງື່ອນໄຂອໍານວຍຄວາມສະດວກ ໃຫ້ແກ່ການຄົມມະນາຄົມ ແລະ ຂົນສົ່ງ, ການດໍາລົງຊີວິດຂອງພໍ່ແມ່ປະຊາຊົນບັນດາເຜົ່າ.

ໃນຂະນະດຽວກັນ, ບັນດາໜ້າວຽກ ທີ່ໄດ້ຈັດຕັ້ງປະຕິບັດ ອັນທີ່ພົ້ນເດັ່ນເປັນຕົ້ນເສັ້ນທາງສາຍຫຼັກກໍຄືຖະໜົນທ່າເດື່ອ ໄດ້ຮັບການປັບປຸງຟື້ນຟູປູຢາງຂົ້ວ ໄດ້ 0.8 ກມ ໃນຂອບເຂດຂອງເມືອງສີສັດຕະນາກ ສຳເລັດ 100% ຫຼື ເທົ່າກັບ 12% ຂອງລວງຍາວຖະໜົນທ່າເດື່ອທັງໝົດ, ເສັ້ນທາງເຊື່ອມຕໍ່ລະຫວ່າງເສັ້ນທາງສາຍຫຼັກ ໄປຫາເສັ້ນທາງອີກເສັ້ນ ມີຈຳນວນ 43 ເສັ້ນ, ລວງຍາວ 56.9 ກມ, ໄດ້ຮັບການກໍ່ສ້າງ-ສ້ອມແປງ ຈຳນວນ 15 ເສັ້ນ, ລວງຍາວ 25.5 ກມ ເທົ່າກັບ 45% ລວມມູນຄ່າ 75,174,653,448 ກີບ ໂດຍແຫຼ່ງທຶນ ແມ່ນໄດ້ມາຈາກບ້ວງເງິນກອງທຶນທາງ, ບ້ວງເງິນເກີນແຜນຂອງນະຄອນຫຼວງວຽງຈັນ, ບ້ວງເງິນເປົ້າໝາຍສະເພາະ ແລະ ບ້ວງເງິນຮັບໃຊ້ກອງປະຊຸມສຸດຍອດອາຊຽນ ທີ່ ສປປ ລາວ ເປັນເຈົ້າພາບໃນປີ 2024, ການກໍ່ສ້າງ ແລະ ສ້ອມແປງທາງຮ່ອມໄດ້ຈັດຕັ້ງປະຕິບັດໄດ້ 12 ໂຄງການ ລວງຍາວ 7.1 ກມ ມູນຄ່າທັງໝົດ 9,911,611,011 ກີບ ທຽບໃສ່ແຜນການຂອງກອງປະຊຸມໃຫຍ່ ຄັ້ງທີ VII ຂອງອົງຄະນະພັກເມືອງທີ່ຜ່ານມາໃນການກໍ່ສ້າງທາງຮ່ອມມີຈຳນວນ 12 ເສັ້ນ, ລວງຍາວ 6.4 ກມ ເທົ່າກັບ 110% ລື່ນແຜນການ 10% ໃນນີ້ໄດ້ຮັບແຫຼ່ງທຶນແມ່ນມາຈາກບ້ວງກອງທຶນທາງ ມູນຄ່າ 3,472,517,136 ກີບ, ບ້ວງເງິນເກີນແຜນຂອງນະຄອນຫຼວງວຽງຈັນມູນຄ່າ1,867,992,593 ກີບ, ບ້ວງເງິນເກີນແຜນ ຂອງເມືອງສີສັດຕະນາກ ມູນຄ່າ 4,571,101,282 ກີບ ແລະ ປະຊາຊົນປະກອບສ່ວນຄ່າແຮງງານ ມູນຄ່າ 378,280,000 ກີບ, ພິເສດໃນປີ 2024 ໄດ້ມີໂຄງການກໍ່ສ້າງ ແລະ ປັບປຸງທາງຮ່ອມ ຂອງພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນຮ່ວມກັບກົມຊ່າງແສງ ກະຊວງປ້ອງກັນປະເທດ ທີ່ຈັດຕັ້ງປະຕິບັດ ຢູ່ເມືອງສີສັດຕະນາກ ມີຈຳນວນ 41ເສັ້ນ, ລວງຍາວທັງໝົດ: 17.6 ກມ ມູນຄ່າ 35,529,932,921 ກີບ. ສຳເລັດແລ້ວ 35 ເສັ້ນ ເທົ່າກັບ 85%, ກຳລັງສືບຕໍ່ຈັດຕັ້ງປະຕິບັດ 6 ເສັ້ນ. ໃນນັ້ນ, ໂຄງການລວງຮ່ອງລະບາຍນ້ຳສາຍຫຼັກ ແລະ ຮ່ອງນ້ຳຂ້າງທາງແມ່ນໄດ້ຖືກຈັດຕັ້ງປະຕິບັດຢ່າງເປັນຂະບວນຟົດຟື້ນເພື່ອຮັບປະກັນບໍ່ໃຫ້ມີນ້ຳຖ້ວມຂັງຕົວເມືອງໃນໄລຍະລະດູຝົນ.

ສຳລັບ 5 ປີ ຕໍ່ໜ້າ ຕາມທິດທາງແຜນການວຽກງານໂຍທາທິການ ແລະ ຂົນສົ່ງ (2025-2029) ຈະສຸມໃສ່ພັດທະນາພື້ນຖານໂຄງລ່າງ ເປັນຕົ້ນ: ຟື້ນຟູ, ສ້ອມແປງ ແລະ ກໍ່ສ້າງເສັ້ນທາງ ໃນບັນດາບ້ານທີ່ຕິດກັບຖະໜົນສາຍຫຼັກ, ສາຍເຊື່ອມຕໍ່, ທາງຮ່ອມທາງຊອຍ ໃຫ້ເປັນທາງປູເບຕົງ ແລະ ເປັນທາງປູຢາງ ໃຫ້ໄດ້ 119 ເສັ້ນ, ຄວາມຍາວທັງໝົດ 54.7 ກມ, ໃນມູນຄ່າທັງໝົດ 335,994,917,942 ກີບ,ໃນຂະນະດຽວກັນ ແຜນປີ 2025 ມີ 16 ເສັ້ນ, ມີຄວາມຍາວ 10,081 ກມ, ມູນຄ່າ 61,726,278,668ກີບ, ແຜນປີ 2026 ມີ 24 ເສັ້ນ, ມີຄວາມຍາວ 12,304 ກມ, ມູນຄ່າ 78,647,400,681 ກີບ, ແຜນປີ 2027 ມີ 25 ເສັ້ນ, ມີຄວາມຍາວ 13,306 ກມ, ມູນຄ່າ 71,346,273,443 ກີບ, ແຜນປີ 2028 ມີ 26 ເສັ້ນ, ມີຄວາມຍາວ 8,930 ກມ, ມູນຄ່າ 46,680,201,270 ກີບ ແລະ ແຜນປີ 2029 ມີ 28 ເສັ້ນ, ມີຄວາມຍາວ 10,107 ກມ, ມູນຄ່າ 75,594,763,880 ກີບ.

ຄໍາເຫັນ

ຂ່າວວັດທະນະທຳ-ສັງຄົມ

ຜ່ານຮ່າງຄູ່ມືຄຸ້ມຄອງລະບົບການເງິນເພື່ອຄວາມເປັນເອກະພາບແລະໂປ່ງໃສ

ຜ່ານຮ່າງຄູ່ມືຄຸ້ມຄອງລະບົບການເງິນເພື່ອຄວາມເປັນເອກະພາບແລະໂປ່ງໃສ

ອົງການກາແດງແຫ່ງຊາດລາວ ໄດ້ຈັດກອງປະຊຸມຜ່ານຮ່າງຄູ່ມືຄຸ້ມຄອງລະບົບການເງິນ ຂອງອົງການກາແດງແຫ່ງຊາດລາວ ໃນວັນທີ 19 ພະຈິກນີ້, ໂດຍການເປັນປະທານ ຂອງທ່ານ ຄໍາລາວັນ ຈັນທະລາວັນ ກໍາມະການສູນກາງພັກເລຂາຄະນະພັກປະທານອົງການກາແດງແຫ່ງຊາດລາວ, ເຂົ້າຮ່ວມມີບັນດາຜູ້ແທນຈາກຂັ້ນສູນກາງ ແລະ ຂັ້ນແຂວງທົ່ວປະເທດ ພ້ອມດ້ວຍຄູ່ຮ່ວມງານພັດທະນາ.
ມ​ສ ສົງແຂວງຫລວງພະບາງ ໄດ້ຮັບການຊ່ວຍ​ເຫຼືອຈາກຄະນະສາຍບຸນ ສປ ຈີນ

ມ​ສ ສົງແຂວງຫລວງພະບາງ ໄດ້ຮັບການຊ່ວຍ​ເຫຼືອຈາກຄະນະສາຍບຸນ ສປ ຈີນ

ພິທີມອບ - ຮັບ ອຸປະກອນການສຶກສາ ຂອງຄະນະທີມງານສາຍບຸນ ຈາກ ສປ ຈີນ ໃຫ້ແກ່ໂຮງຮຽນມັດທະຍົມສົມບູນສົງ (ມ​ສ ສົງ) ແຂວງຫຼວງພະບາງ,ໄດ້​ຈັດ​ຂຶ້ນ​ໃນ​ວັນ​ທີ 19 ພະ​ຈິກ​ຜ່ານ​ມາທີ່ ມ​ສ ດັ່ງ​ກ່າວ, ໂດຍມີ ສາທຸ ຈັນທະລິນ ຈີນນະທັມໂມ ຮອງປະທານ ອົງການພຸດທະສາສະໜາສັມພັນລາວ (ອພສ) ຫົວໜ້າກັມມາທິການສຶກສາສົງແຂວງ, ທ່ານ ຄຳຄ່ອງ ພົມມະປັນຍາ ປະທານກວດກາພັກ-ອົງການກວດກາລັດແຂວງ, ພ້ອມດ້ວຍ ຜູ້ຕາງໜ້າຈາກພະແນກການກ່ຽວຂ້ອງ ເຂົ້າຮ່ວມ.
ນາງ ອາລຸນໄຊ ພຸດທະວົງ ຈາກ ມສ ຄອນ ຊະ​ນະ​ເລີດ ການ​ປະ​ກວດ​ໝໍ​ລຳ​ສີ​ພັນ​ດອນ

ນາງ ອາລຸນໄຊ ພຸດທະວົງ ຈາກ ມສ ຄອນ ຊະ​ນະ​ເລີດ ການ​ປະ​ກວດ​ໝໍ​ລຳ​ສີ​ພັນ​ດອນ

ງານຕະຫຼາດນັດກາງຄືນຂອງ ເມືອງ​ໂຂງ ແຂວງ​ຈຳ​ປາ​ສັກ ເພື່ອສືບສານສິລະປະໝໍລຳສີພັນດອນ ພາຍໃຕ້ຄຳຂວັນ: “ມົນສະເໜ່ສີພັນດອນ ສືບສານວິຖີຊີວິດ ສ້າງສີສັນຍາມຄ່ຳຄືນ” ຕິດພັນກັບການປະກວດໝໍລຳສີພັນດອນ ໃນລະດັບໂຮງຮຽນມັດທະຍົມສົມບູນ (ມສ) ທົ່ວເມືອງໂຂງ ໄດ້​ປິດ​ລົງ​ຢ່າງຄຶກຄື້ນ ແລະ ມ່ວນຊື່ນ ໃນ​ຄ່ຳ​ຄືນ​ຂອງວັນ​ທີ 19 ພະ​ຈິກ​ຜ່ານ​ມາ ທີ່ ບ້ານ​ເມືອງ​ແສນ ຕາ​ແສງດອນ​ໂຂງ, ໂດຍມີ ທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງໂຂງ, ທ່ານ ສະເຫຼີມໄຊ ແສງສຸລິຍະວົງ ຮອງປະທານຄະນະກຳມະການປົກຄອງເມືອງ, ມີ​ພາກ​ສ່ວນ​ກ່ຽວ​ຂ້ອງ ຕະຫຼອດ​ຮອດ​ປະ​ຊາ​ຊົນ​ຊາວ​ເມືອງ​ໂຂງເຂົ້າຮ່ວມຢ່າງຫຼວງຫຼາຍ.
ແຂວງຄຳມ່ວນ ມອບ 500 ລ້ານກີບ ບູລະນະໂຮງຮຽນ ມ.ປ ທ່າແຂກ

ແຂວງຄຳມ່ວນ ມອບ 500 ລ້ານກີບ ບູລະນະໂຮງຮຽນ ມ.ປ ທ່າແຂກ

“ທ່ານ ໄຊຊະນະ ໂຄດພູທອນ ເລຂາພັກແຂວງປະທານສະພາປະຊາຊົນແຂວງຄໍາມ່ວນ ໄດ້ມອບເງິນ 500 ລ້ານກີບ ທີ່ໄດ້ຈາກການລະດົມທຶນຈາກສັງຄົມ ໃຫ້ແກ່ໂຮງຮຽນມັດທະຍົມຕອນປາຍທ່າແຂກ ເພື່ອບູລະນະສ້ອມແປງອາຄານ ແລະ ປັບປຸງສະພາບແວດລ້ອມການຮຽນ-ການສອນ.
ຊາວໜຸ່ມແຂວງຫຼວງພະບາງ ຈັດ​ກິດ​ຈະ​ກຳບໍລິຈາກເລືອດ

ຊາວໜຸ່ມແຂວງຫຼວງພະບາງ ຈັດ​ກິດ​ຈະ​ກຳບໍລິຈາກເລືອດ

ຄະນະບໍລິຫານງານຊາວໜຸ່ມ ແຂວງຫຼວງພະບາງ ໄດ້ຈັດກິດຈະກຳ ຮັບບໍລິຈາກເລືອດແບບສະໝັກໃຈ ເພື່ອຊ່ວຍເຫຼືອສັງຄົມ, ໃນ​ວັນ​ທີ 20 ພະ​ຈິກ​ນີ້, ໂດຍມີ ທ່ານ ຄຳຫຼ້າ ລຽນປະດິດ ຮອງເລຂາຄະນະບໍລິຫານງານພັກແຂວງ, ພ້ອມດ້ວຍຄະນະບໍລິຫານງານຊາວໜຸ່ມແຂວງ, ຕາງໜ້າອົງການກາແດງແຂວງ, ພະສົງ-ສາມະເນນ ແລະສະມາຊິກຊາວໜຸ່ມ ຈາກສຳນັກງານ-ອົງການ ພາຍໃນແຂວງ ເຂົ້າຮ່ວມ.
ອັດຕະປື ເປີດນຳໃຊ້ລະ​ບົບ​ໃບເກັບ​ເງິນເອ​ເລັກ​ໂຕ​ຣ​ນິກ ແລະ ເບີກຈ່າຍງົບປະມານລັດ

ອັດຕະປື ເປີດນຳໃຊ້ລະ​ບົບ​ໃບເກັບ​ເງິນເອ​ເລັກ​ໂຕ​ຣ​ນິກ ແລະ ເບີກຈ່າຍງົບປະມານລັດ

ກະຊວງການເງິນ ຮ່ວມກັບ ອົງການປົກຄອງແຂວງອັດຕະປື ຈັດກອງປະຊຸມເຜີຍແຜ່ແນະນຳ ແລະ ເປີດນຳໃຊ້ລະບົບໃບເກັບເງິນເອເລັກໂຕຣນິກ (E-Tax Invoice) ແລະ ລະບົບຄຸ້ມຄອງແບບຟອມ ແລະ ເບີກຈ່າຍງົບປະມານພາກລັດແບບເອເລັກໂຕຣນິກ (D-Filing) ໃນວັນທີ 19 ພະຈິກຜ່ານ​ມາ ທີ່ແຂວງອັດ​ຕະ​ປື, ໂດຍມີ ທ່ານ ສາຍມະໂນລິນ ສິນບັນດິດ ຮອງຫົວ ໜ້າກົມສ່ວຍ ສາອາກອນ ກະຊວງການເງິນ, ມີທ່ານ ນາງ ໄຍຄຳ ສີຊາຊົນ ຮອງຫົວໜ້າພະແນກການເງິນແຂວງອັດຕະປື, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ
ສະມໍລບີ ໃຊ້ພະນັກງານ 280 ຄົນ ອະນາໄມໃນງານບຸນພະທາດຫຼວງ ຕະຫຼອດ 24 ຊົ່ວໂມງ

ສະມໍລບີ ໃຊ້ພະນັກງານ 280 ຄົນ ອະນາໄມໃນງານບຸນພະທາດຫຼວງ ຕະຫຼອດ 24 ຊົ່ວໂມງ

ບໍລິສັດ ສະມໍລບີ ໄດ້ກະກຽມກໍາລັງພະນັກງານຈໍານວນ 280 ຄົນ ພ້ອມອຸປະກອນ ແລະ ພາຫະນະຮັບໃຊ້ວຽກງານອະນາໄມ, ເກັບມ້ຽນ ແລະຂົນສົ່ງຂີ້ເຫຍື້ອພາຍໃນງານບຸນນະມັດສະການພະທາດຫຼວງວຽງຈັນ ປີ 2026 ໂດຍໄດ້ຈັດກໍາລັງພະນັກງານປະຈໍາການຕະຫຼອດ 24 ຊົ່ວໂມງ ເພື່ອຮັກສາສະພາບແວດລ້ອມພາຍໃນງານບຸນໃຫ້ສະອາດງາມຕາ ແລະ ເປັນລະບຽບຮຽບຮ້ອຍ.
ຄະນະຈັດຕັ້ງສູນກາງພັກ ມອບອຸປະກອນໄອທີໃຫ້ 38 ຕາແສງ ທົ່ວແຂວງສາລະວັນ

ຄະນະຈັດຕັ້ງສູນກາງພັກ ມອບອຸປະກອນໄອທີໃຫ້ 38 ຕາແສງ ທົ່ວແຂວງສາລະວັນ

ຄະນະຈັດຕັ້ງສູນກາງພັກ ມອບອຸປະກອນໄອທີໃຫ້ຄະນະກຳມະການປົກຄອງຕາແສງ 38 ຕາແສງ ທົ່ວແຂວງສາລະວັນ ປະກອບມີ ປີ່ນເຕີ 38 ເຄື່ອງ, ແທັບເລັດ 38 ເຄື່ອງ ແລະ ຄອມພິວເຕີແລັບທັອບ 38 ເຄື່ອງ, ລວມທຸກລາຍການທັງໝົດ 114 ເຄື່ອງ.
ສາລະວັນວາງເປົ້າໝາຍສ້າງຄອບຄົວພົ້ນທຸກ 5 ພັນກວ່າຄອບຄົວ

ສາລະວັນວາງເປົ້າໝາຍສ້າງຄອບຄົວພົ້ນທຸກ 5 ພັນກວ່າຄອບຄົວ

ແຂວງ​ສາ​ລະ​ວັນໄດ້​ຈັດກອງປະຊຸມເຜີຍແຜ່ ວາລະແຫ່ງຊາດ ວ່າດ້ວຍ ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນວັນທີ 18 ພະຈິກຜ່​ານ​ມາທີ່ສະໂມສອນແຂວງ, ໂດຍການເປັນປະທານຂອງ ທ່ານ ປະເດີມພອນ ສົນທະນີ ຮອງເລຂາພັກແຂວງ, ປະທານຄະນະກໍາມະການປົກຄອງແຂວງ ທັງເປັນຫົວໜ້າຄະນະຊີ້ນໍາການຈັດຕັ້ງປະຕິບັດ ວາລະແຫ່ງຊາດຂັ້ນແຂວງ, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ກອງປະຊຸມສະໄໝສາມັນເທຶ່ອທີ2 ຂອງສະພາປະຊາຊົນແຂວງໄຊຍະບູລີຊຸດທີ V

ກອງປະຊຸມສະໄໝສາມັນເທຶ່ອທີ2 ຂອງສະພາປະຊາຊົນແຂວງໄຊຍະບູລີຊຸດທີ V

ກອງປະຊຸມສະໄໝສາມັນເທຶ່ອທີ 2 ຂອງສະພາປະຊາຊົນແຂວງໄຊຍະບູລີຊຸດທີ V ໄດ້ເປີດ​ຂຶ້ນ​ໃນວັນທີ 19 ພະຈິກ 2026 ທີ່ແຂວງໄຊ​ຍະ​ບູ​ລີ,ພາຍໃຕ້ການເປັນປະທານຂອງທ່ານເພັງນິລັນຄໍາພັນເພັງກໍາມະການສູນກາງພັກເລຂາພັກແຂວງປະທານສະພາປະຊາຊົນແຂວງໄຊຍະບູລີ,ມີທ່ານດວງຕາໄຊວຸດປະທານຄະນະກໍາມະການປົກຄອງແຂວງ, ມີບັນດາການນຳ, ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ່7, ສະມາຊິກສະພາປະຊາຊົນແຂວງແລະພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ເພີ່ມເຕີມ