ຫ້ອງການການເງິນເມືອງຍົມມະລາດຕັ້ງເປົ້າໝາຍໝົດປີ 2023 ຈະເກັບລາຍຮັບໄດ້ຕາມແຜນການ

ທ່ານ ສຸກທະວີ ໄຊຍະລາດ ຫົວໜ້າຫ້ອງການການເງິນເມືອງຍົມມະລາດ ແຂວງຄໍາມ່ວນໃຫ້ຮູ້ວ່າ : ຫ້ອງການການເງິນປະຈໍາເມືອງຍົມມະລາດມີພະນັກງານທັງໝົດ 12 ຄົນ , ຍິງ 2 ຄົນ.ໃນນັ້ນຊັ້ນປະລິນຍາຕີມີ 8 ຄົນ , ຍິງ 2 ຄົນ, ຊັ້ນສູງ 4 ຄົນ .ໃນຄວາມຮັບຜິດຊອບທາງດ້ານວຽກງານຊຶ່ງປະກອບມີວຽກງານພັກ ແລະ ວຽກງານລັດ . ສໍາລັບວຽກງານພັກແມ່ນເປັນຫ້ອງການໜຶ່ງທີ່ມີໜ່ວຍພັກເອກະລາດຊຶ່ງປະກອບມີຄະນະພັກ2 ສະຫາຍ ແລະ ມີສະມາຊິກພັກທັງໝົດ 10 ສະຫາຍ . ດ້ານວຽກງານວິຊາສະເພາະແມ່ນປະກອບມີ 5 ໜ່ວຍງານ,ສະເພາະຂຶ້ນກັບສາຍການເງິນປະກອບມີໜ່ວຍງານບໍລິຫານ,ໜ່ວຍງານງົບປະ
ມານແລະ ໜ່ວຍງານຄຸ້ມຄອງຊັບສິນຂອງລັດ , ໜ່ວຍງານທີ່ຂຶ້ນກັບຫ້ອງການການເງິນແຕ່ວຽກງານວິຊາສະເພາະແມ່ນຂຶ້ນກັບສາຍຕັ້ງມີ 2 ໜ່ວຍງານຄື: ໜ່ວຍງານສ່ວຍສາອາກອນ-ທີ່ດິນ ແລະ ໜ່ວຍງານຄັງເງິນແຫ່ງຊາດປະຈໍາເມືອງ . 
     ສະພາບໃນການຈັດຕັ້ງປະຕິບັດຕໍ່ກັບວຽກງານລາຍຮັບ - ລາຍຈ່າຍຢູ່ໃນສົກປີ 2023 ຜ່ານມາຮອດປັດຈຸບັນຊຶ່ງຫ້ອງການການເງິນກໍ່ເປັນຫ້ອງການໜຶ່ງທີ່ໄດ້ຮັບຕົວເລກແຜນຈາກສາຍຕັ້ງກໍ່ຄືພະແນກການເງິນແຂວງໃນຈໍານວນທັງໝົດວຽກງານຂຸດຄົ້ນຈັດເກັບລາຍຮັບແມ່ນ 6,41 ຕື້ກວ່າກີບ . ໃນການຈັດຕັ້ງປະຕິບັດຕົວຈິງຢູ່ໃນ 11 ເດືອນຜ່ານມາສາມາດປະຕິບັດໄດ້ 11, 48 ຕື້ກວ່າກີບທຽບໃສ່ແຜນປີເທົ່າກັບ 183,62 % , ໃນນັ້ນຮັບຈາກສ່ວຍສາອາກອນ 10,8 ຕື້ກວ່າກີບທຽບໃສ່ແຜນການ 199,05 % , ຮັບຈາກຄ່າທໍານຽມພາສີທີ່ດິນແຜນການ 430 ລ້ານກີບ,ປະຕິບັດໄດ້ 358 ລ້ານກວ່າກີບ ເທົ່າກັບ 83,42 % , ລາຍຮັບຈາກການຄຸ້ມຄອງຊັບສິນຂອງລັດແຜນ 300 ລ້ານກີບ ປະຕິບັດໄດ້ 408 ລ້ານກວ່າກີບ ທຽບໃສ່ແຜນການເທົ່າກັບ 136,15 % , ຮັບຈາກລາຍຮັບວິຊາການຂອງອາກອນມີ 2 ຫ້ອງການຄື: ຫ້ອງການສາທາລະນະສຸກ ແລະ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມຊຶ່ງແຜນທັງໝົດແມ່ນ 215 ລ້ານກີບ ປະຕິບັດໄດ້ 127 ລ້ານກວ່າກີບ ເທົ່າກັບ 59,30 % , ຮັບຈາກຄ່າທໍານຽມທາງ 51 ລ້ານກີບ , ຮັບຈາກຄ່າທໍານຽມປົກກະຕິ 4 ລ້ານກວ່າກີບທຽບໃສ່ແຜນການ 30 ລ້ານກີບ ເທົ່າກັບ 14,30 % . 
ດ້ານລາຍຈ່າຍຫ້ອງການການເງິນເມືອງແມ່ນຮັບແຜນລາຍຈ່າຍທັງໝົດຈາກສາຍຕັ້ງກໍ່ຄືພະແນກການເງິນແຂວງຈໍານວນ 12,83 ຕື້ກວ່າກີບ ປະຕິບັດໄດ້ຕົວຈິງຮອດເດືອນ 11 /2023 ເທົ່າກັບ 12,81 ຕື້ກວ່າກີບ ເທົ່າກັບ 100,19 % . ໃນນັ້ນແມ່ນໄດ້ຈ່າຍເປັນພາກເງິນເດືອນ,ພາກເງິນນະໂຍບາຍ,ພາກເງິນບໍລິຫານປົກກະຕິ , ພາກເງິນບໍລິຫານວິຊາການ ,ພາກຈ່າຍເງິນດັດສົມສົ່ງເສີມ ແລະ ຈ່າຍເງິນຈົດຮັບ-ຈົດຈ່າຍພາສີທີ່ດິນ . ສະຫຼຸບແລ້ວວຽກງານລາຍຈ່າຍແມ່ນປະຕິບັດໄດ້ເກືອບ 100 % .
ສໍາລັບວຽກງານທີ່ພົ້ນເດັ່ນໃນການຈັດຕັ້ງປະຕິບັດໃນໄລຍະຜ່ານມາຖືວ່າລາຍຮັບຢູ່ໃນເມືອງຍົມມະລາດຈຸດເດັ່ນກວ່າໝູ່ແມ່ນອີງໃສ່ພື້ນຖານຕົວຈິງຖືວ່າມີໜ້ອຍກ່ຽວກັບພື້ນຖານຈຸລະວິສາຫະກິດສະເລ່ຍແລ້ວພື້ນຖານຈຸລະວິສາຫະກິດລາຍຮັບແມ່ນຢູ່ໃນລະດັບ 50 ລ້ານລົງມາແມ່ນບໍ່ມີການເສຍພັນທະ.ປັດຈຸບັນແມ່ນໄດ້ຈາກພັນທະອາກອນເເງິນເດືອນພະນັກງານຂອງບໍລິສັດໄຟຟ້ານໍ້າເທີນ 2 ສະເລ່ຍແລ້ວເດືອນໜຶ່ງແມ່ນຢູ່ໃນລະຫວ່າງປະມານ 700-800 ກວ່າລ້ານກີບຊຶ່ງຖືວ່າເປັນທ່າແຮງໃຫຍ່ຢູ່ພາຍໃນເມືອງຍົມມະລາດ.ສາຍເຫດທີ່ເຮັດໃຫ້ການເກັບລາຍຮັບບໍ່ໄດ້ຕາມແຜນບາງພາກສ່ວນເປັນຕົ້ນແມ່ນວຽກງານການຈັດເກັບລາຍຮັບຈາກຄ່າທໍານຽມພາສີທີ່ດິນຄື: 1.ຍ້ອນເນື້ອທີ່ດິນພາຍໃນເມືອງທີ່ທາງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມໄດ້ມອບໃນແຕ່ລະທ້າຍປີຖືວ່າມີຈໍານວນໜ້ອຍເຮັດອັດຕາທີ່ຄູນໃສ່ແຕ່ລະປະເພດດິນບໍ່ເຖິງແຜນທີ່ຂັ້ນເທິງໄດ້ມອບໝາຍໃຫ້, 2. ຍ້ອນເກີດຈາກບັນຫາທີ່ດິນມີຄວາມຂັດແຍ້ງເຮັດໃຫ້ປະຊາຊົນທີ່ຊົມໃຊ້ດິນນັ້ນຂາດການປະກອບສ່ວນ ,ນອກຈາກນັ້ນການຈັດຕັ້ງທີ່ມີສ່ວນຮັບຜິດຊອບພາຍໃນບ້ານແມ່ນຍັງບໍ່ທັນມີຄວາມເຂັ້ມແຂງເທົ່າທີ່ຄວນ,3. ດິນຢູ່ບ່ອນໜຶ່ງແຕ່ເຈົ້າຂອງດິນຢູ່ໜຶ່ງເຮັດໃຫ້ມີຄວາມຫຍຸ້ງຍາກໃນການຈັດເກັບລາຍຮັບພາສີທີ່ດິນ . 
  ທ່ານ ໃຫ້ຮູ້ຕື່ມວ່າ: ສ່ວນແຜນທີ່ຈະຈັດຕັ້ງປະຕິບັດໃນເດືອນ 12 / 2023 ຊຶ່ງໄດ້ປິດສູນໂມງໃນວັນທີ 29 ທັນວາ 2023 ສະຫຼຸບແລ້ວດ້ານວຽກງານລາຍຮັບແຕ່ລະລາຍຮັບຖືວ່າຈະສາມາດໃຫ້ບັນລຸ 100 % ເປັນຕົ້ນໃນທ້ານເດືອນທັນວານີ້ແມ່ນເລັ່ງໃສ່ຄ່າທໍານຽມທາງ , ຄ່າທໍານຽມພາສີທີ່ດິນ . ດ້ານວຽກງານລາຍຈ່າຍຖືວ່າໄດ້ຈ່າຍຕາມແຜນທີ່ທາງພະແນກການເງິນແຂວງໄດ້ແບ່ງປັນໃຫ້ຊຶ່ງຢູ່ໃນເມືອງແມ່ນມີ2 ຫ້ອງການທີ່ໄດ້ຜ່ານແຜນເງິນເດືອນ ແລະ ມີ 6 ຫ້ອງການທີ່ໄດ້ຜ່ານແຜນເງິນບໍລິຫານ ແລະ ເງິນດັດສົມສົ່ງເສີມເຊິ່ງເດືອນເງິນມີ 2 ຫ້ອງການຄື: ຫ້ອງການສາທາລະນະສຸກ ແລະ ຫ້ອງການສຶກສາທິການ-ກິລາທີ່ໄດ້ຜ່ານແຜນໃບອະນຸມັດ ແລະ ຈົດຮັບ-ຈົດຈ່າຍໂອນເຂົ້າບັນຊີຊຶ່ງຢູ່ໃນເມືອງບັນດາ 6 ຫ້ອງການຂຶ້ນກັບແມ່ນໄດ້ຈ່າຍຜ່ານລະບົບເອທີເອັມ .
ດ້ານການນໍາໃຊ້ເຄື່ອງມືເຂົ້າໃນການປະຕິບັດວຽກງານເດັ່ນກວ່າໝູ່ແມ່ນວຽກງານສ່ວຍສາອາກອນໂດຍສະເພາະການນໍາໃຊ້ລະບົບ TAX RIST ທີ່ທັນສະໄໝ 100 % ສ່ວນຢູ່ໃນທ້າຍປີນີ້ ຫຼື ຕົ້ນປີ 2024 ທາງໜ່ວຍງານຂອງຂະແໜງສ່ວຍສາອາກອນປະຈໍາແຂວງແມ່ນຈະໄດ້ລົງມາຝຶກອົບຮົມໃຫ້ສ່ວຍສາອາກອນຂອງເມືອງວ່າດ້ວຍການປ້ອນຂໍ້ມູນວຽກງານຈ່າຍພາສີທີ່ດິນເຂົ້າລະບົບທັນສະໄໝທົດລອງຈະໃຫ້ໄດ້ປະມານ1-2ບ້ານເພື່ອໃຫ້ເປັນບົດຮຽນໃນການຈັດຕັ້ງປະຕິບັດຕໍ່ໄປ .ຂ່າວ-ພາບ : ແດງສະຫວັດ ແສນພານິດ .