 |
ທ່ານ ບັນດິດ ສິງຫາທຳ ຫົວໜ້າຫ້ອງການກະສິກຳ ແລະ ສິ່ງແວດລ້ອມເມືອງ ໄດ້ລາຍງານໃຫ້ຮູ້ວ່າ: ການປູກເຂົ້ານາແຊງປະຕິບັດໄດ້ທັງໝົດ 2,529.62 ເຮັກຕາ,ທຽບໃສ່ເນື້ອທີ່ແຜນ 2,527 ເຮັກຕາ ເທົ່າກັບ 100.10%.ໃນນັ້ນ, ການປູກເຂົ້າໃນເຂດໂຄງການຊົນລະປະທານຂອງລັດມີເນື້ອທີ່ 590.40 ເຮັກຕາ, ມີ 18 ບ້ານ 21 ໂຄງການ, ມີ 440 ຄອບຄົວ ແລະ ການນໍາໃຊ້ຊົນລະປະທານຂອງປວງຊົນ ມີເນື້ອທີ່ 1,939.58 ເຮັກຕາ, ມີ 74 ບ້ານ, ມີ 1,898 ຄອບຄົວ; ສະມັດຕະພາບການຜະລິດເຂົ້ານາແຊງ 4.97 ໂຕນ/ເຮັກຕາ ສາມາດບັນລຸຜົນຜະລິດໄດ້ທັງໝົດ 12,572.21 ໂຕນ. ການປູກເຂົ້ານາປີ ທົ່ວເມືອງມີເນື້ອທີ່ນາທັງໝົດ 16,179 ເຮັກຕາ, ປະຕິບັດໄດ້ 15,693.63 ເຮັກຕາ ທຽບໃສ່ແຜນການປະຕິບັດໄດ້ 100%, ເນື້ອທີ່ນາປະເປັນເຮື້ອ 485.37 ເຮັກຕາ ເທົ່າກັບ 3% ຂອງເນື້ອທີ່ທັງໝົດ. ເນື້ອທີ່ເກັບກ່ຽວເຂົ້ານາປີທົ່ວເມືອງ ປະຕິບັດໄດ້ 15,559.81 ເຮັກຕາ ທຽບໃສ່ເນື້ອທີ່ປັກດຳທັງໝົດ ເທົ່າກັບ 99.14%,ເນື້ອທີ່ບໍ່ສາມາດເກັບກ່ຽວເຂົ້າໄດ້ 133.82 ເຮັກຕາ ເທົ່າກັບ 0.86% ຂອງເນື້ອທີ່ປັກດໍາທັງໝົດ ເນື່ອງຈາກເກີດໄພພິບັດທາງທໍາມະຊາດ (ນໍ້າຖ້ວມ), ສະມັດຕະພາບການຜະລິດນາປີ 3.79 ໂຕນ/ເຮັກຕາ, ສາມາດບັນລຸຜົນຜະລິດໄດ້ 58,971.67 ໂຕນ. ການປູກພືດປີ 2025 ເນື້ອທີ່ແຜນການ 649 ເຮັກຕາ ເຮົາສາມາດປະຕິບັດໄດ້ 680 ເຮັກຕາ ທຽບໃສ່ແຜນການ ປະຕິບັດໄດ້ 104.77% (ລື່ນແຜນ), ສາມາດບັນລຸຜົນຜະລິດໄດ້ 1,020 ໂຕນ ສ່ວນໃຫຍ່ແມ່ນປູກພືດຜັກ ແລະ ພືດຕະກຸນຖົ່ວ, ເດັ່ນກວ່າໝູ່ແມ່ນການສ້າງຕັ້ງກຸ່ມປູກຜັກເຮືອນຮົ່ມຂອງບ້ານດອນຫວດ ຊຶ່ງມີສະມາຊິກ 9 ຄອບຄົວ, ເຮືອນຮົ່ມ 8 ຫຼັງ ສາມາດປູກຜັກໄດ້ 2 ລະດູ ແລະ ສ້າງລາຍຮັບສະເລ່ຍໄດ້ 37 ລ້ານກີບ/ຄອບຄົວ ແລະ ການລ້ຽງສັດອື່ນໆກໍເພີ່ມຂຶ້ນ.
(ຂ່າວ: ພຸດທະສິນ ວົງວິໄລທອງ, ຮູບ: ຫ້ອງການກະສິກຳ ແລະ ສິ່ງແວດລ້ອມເມືອງ)
ຄໍາເຫັນ