 |
ຈຸດປະສົງໃນການເຄື່ອນໄຫວເຮັດວຽກຂອງທ່ານ ຮອງລັດຖະມົນຕີ ແລະ ຄະນະຄັ້ງນີ້ ກໍເພື່ອຊຸກຊູ້, ຕິດຕາມ, ກວດກາ, ຖອດຖອນບົດຮຽນ ແລະ ຊອກຫາວິທີແກ້ໄຂ, ປ້ອງກັນ ຕໍ່ບັນຫາທີ່ເກີດຂຶ້ນ ໃນຂົງເຂດອຸດສາຫະກຳ ແລະ ການຄ້າໂດຍສະເພາະກໍຄືການຈັດຕັ້ງປະຕິບັດວຽກງານປະຈໍາປີ2026, ຂອງພະແນກອຸດສາຫະກຳ ແລະ ການຄ້າແຂວງຄໍາມ່ວນ, ໃນການຈັດຕັ້ງປະຕິບັດບັນດານິຕິກຳ ຕ່າງໆ ເປັນຕົ້ນ: ມະຕິ, ຄຳສັ່ງ, ດຳລັດ, ຂໍ້ຕົກລົງ, ລະບຽບແລະ ບັນດາ ຂໍ້ກຳນົດ ດ້ານວິຊາສະເພາະຂອງກະຊວງອຸດສາຫະກຳ ແລະ ການຄ້າ ໄດ້ວາງອອກ ວ່າໄດ້ຮັບການຈັດຕັ້ງປະຕິບັດ ຜັນຂະຫຍາຍເຂົ້າສູ່ວຽກງານຕົວຈິງ ແລະ ມີຜົນສຳເລັດຄືແນວໃດ. ເພື່ອເປັນການເກັບກຳຂໍ້ມູນສະພາບ ແລະ ຮັບຟັງການລາຍງານ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃນຂົງເຂດອຸດສາຫະກຳ ແລະ ການຄ້າ ປະຈຳປີ 2006, ພ້ອມທັງ ຮັບຟັງທິດທາງແຜນການໃນປີຕໍ່ໄປ, ເພື່ອເປັນບ່ອນອີງໃຫ້ແກ່ສູນກາງ ໃນການສັງລວມ ປະເມີນຜົນ ແລະ ຊ່ວຍກຳນົດທິດທາງ. ພ້ອມກັນນັ້ນ ກໍເພື່ອປຶກສາຫາລື ແລະ ແລກປ່ຽນບົດຮຽນທາງດ້ານວິຊາການ ກ່ຽວກັບວຽກງານກວດກາລັດ ລະຫວ່າງ ສູນກາງ ແລະ ທ້ອງຖິ່ນ ທັງແລກປ່ຽນບົດຮຽນ ກ່ຽວກັບການນຳພາ-ຊີ້ນຳ ຂອງຄະນະກວດກາ ພັກ-ລັດ ຂັ້ນແຂວງ ຕໍ່ກັບການເຄື່ອນໄຫວວຽກງານຂອງພະແນກອຸດສາຫະກຳ ແລະ ການຄ້າ ໃຫ້ມີຄວາມເຂັ້ມແຂງຕື່ມ.
ນອກນັ້ນ, ຍັງໄດ້ ລົງໄປຢ້ຽມຢາມ ແລະ ເກັບກຳຂໍ້ມູນຢູ່ພາກສະໜາມ ຢູ່ບັນດາໂຄງການ ທີ່ ສຳຄັນ ຕ່າງໆ ເພື່ອສ້າງຄວາມເຂັ້ມແຂງໃຫ້ຂະແໜງກວດກາລັດ ໃນຂັ້ນທ້ອງຖິ່ນ ໂດຍສະເພາະ ການຊຸກຊູ້, ຕິດຕາມ, ກວດກາ, ການເກັບກຳຂໍ້ມູນ, ບັນດາສະພາບການ, ຮັບຟັງຫາງສຽງສັງຄົມ ແລະ ການເກັບກຳບັນດາພຶດຕິກຳທີ່ເປັນການສໍ້ລາດບັງຫຼວງ ໃນຂະແໜງອຸດສາຫະກຳ ແລະ ການຄ້າ ທີ່ຢູ່ໃນຄວາມຮັບຜິດຊອບຂອງຂະແໜງ ອຸດສາຫະກຳ ແລະ ການຄ້າ ແຂວງ, ເພື່ອລາຍງານຄະນະພັກ, ຄະນະພະແນກ ພ້ອມກັນ ຊອກຫາວິທີສະກັດກັ້ນ ແລະ ປ້ອງກັນ ໃຫ້ຖືກຕ້ອງຕາມລະບຽບກົດໝາຍ.
ຂ່າວ: ແຂວງຄຳມ່ວນ
ຄໍາເຫັນ