ຮອງລັດຖະມົນຕີກະຊວງປ້ອງກັນປະເທດ ພົບປະໂອ້ລົມພະນັກງານຫຼັກແຫຼ່ງ ຢູ່ກົມໃຫຍ່ເຕັກນິກກອງທັບ

ສະຫາຍ ພົນຕີ ກົງທອງ ສຸຂະວົງ ໄດ້ມີຄຳເຫັນໂອ້ລົມເນັ້ນໃຫ້ຄະນະພັກ-ຄະນະບັນຊາແຕ່ລະຂັ້ນ ຕ້ອງໄດ້ເພີ່ມທະວີສຶກສາອົບຮົມການເມືອງ-ນຳພາແນວຄິດໃຫ້ຕໍ່ເນື່ອງ ແລະ ເລິກເຊິ່ງ, ຍົກສູງນ້ຳໃຈເສຍສະຫຼະ ເພື່ອຊາດ, ເພື່ອປະຊາຊົນ, ຫັນເອົາພະນັກງານລົງກໍ່ສ້າງຮາກຖານການເມືອງ, ເສີມຂະຫຍາຍ 3 ທາດແທ້ 6 ມູນເຊື້ອອັນດີງາມຂອງກອງທັບ, ປະຕິບັດ 7 ລະບອບ 18 ວຽກຂອງກອງທັບໃຫ້ເຂັ້ມງວດ, ປັບປຸງການກໍ່ສ້າງພັກ-ກໍ່ສ້າງພະນັກງານໃຫ້ມີຄວາມເຂັ້ມແຂງໜັກແໜ້ນ ຕິດພັນກັບການສ້າງພະນັກງານຮຸ່ນສືບທອດ ໃຫ້ມີຄຸນທາດການເມືອງໜັກແໜ້ນ, ຍົກສູງຕໍ່ໜ້າທີ່ຄວາມຮັບຜິດຊອບທີ່ໄດ້ຮັບມອບໝາຍ, ມີນ້ຳໃຈເສຍສະຫຼະ, ມີແບບແຜນວິທີເຮັດວຽກທີ່ທັນສະໄໝແບບວິທະຍາສາດ, ເຮັດວຽກລວມສູນປະຊາທິປະໄຕ, ແບ່ງວຽກໃຫ້ບຸກຄົນຮັບຜິດຊອບ, ສືບຕໍ່ເອົາໃຈ ໃສ່ປະຕິບັດລະບອບບົວລະບັດພັດເຊັດ ກວດກາອາວຸດຍຸດໂທປະກອນເຕັກນິກໃຫ້ຕໍ່ເນື່ອງຢ່າງເຂັ້ມງວດ ເພື່ອກຽມພ້ອມເຮັດສຳເລັດໜ້າທີ່, ສືບຕໍ່ວຽກງານອົບຮົມຫັດແອບ ເພື່ອຝຶກຝົນຫຼໍ່ຫຼອມກຳລັງແຮງກາຍໃຫ້ນາຍ ແລະ ພົນທະຫານມີຄວາມເຂັ້ມແຂງ, ຮັບປະກັນໄດ້ວຽກງານເຕັກນິກຮອບດ້ານໃຫ້ກອງທັບ ໂດຍສະເພາະດ້ານພາຫານະອາວຸດຍຸດໂທປະກອນເຕັກນິກ ໃຫ້ກຽມພ້ອມສູ້ຮົບຢູ່ຕະຫຼອດເວລາ ເພື່ອສ້າງໃຫ້ໄດ້ກົມກອງທີ່ມີລະບຽບແບບແຜນທັນສະໄໝ ແນໃສ່ເຮັດສຳເລັດທຸກໜ້າທີ່ວຽກງານຕາມການມອບໝາຍຂອງຂັ້ນເທິງ.

ຂ່າວ: ຄຳສອນ ພົມໄຊຍາ