ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີໄດ້ໃຫ້ກຽດເຂົ້າຮ່ວມ ແລະ ໂອ້ລົມຕໍ່ກອງປະຊຸມປຶກສາຫາລື ແລະ ຖອດຖອນບົດຮຽນ

ຮອງນາຍົກລັດຖະມົນຕີ ຊີ້ນຳວຽກຄວບຄຸມພະຍາດໄຂ້ຍຸງລາຍ

ຮອງນາຍົກລັດຖະມົນຕີ ຊີ້ນຳວຽກຄວບຄຸມພະຍາດໄຂ້ຍຸງລາຍ
ໃນວັນທີ 13 ສິງຫາຜ່ານມາ,ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີໄດ້ໃຫ້ກຽດເຂົ້າຮ່ວມ ແລະ ໂອ້ລົມຕໍ່ກອງປະຊຸມປຶກສາຫາລື ແລະ ຖອດຖອນບົດຮຽນ ກ່ຽວກັບການຈັດຕັ້ງປະຕິບັດວຽກງານກັນ ແລະ ຄວບຄຸມໄຂ້ຍຸງລາຍປີ 2024

 

ແລະ ທິດທາງຕໍ່ໜ້າໂດຍມີທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ທ່ານຮອງເຈົ້າຄອງນະຄອນຫຼວງວຽງຈັນ, ບັນດາທ່ານຮອງເຈົ້າແຂວງ, ຮອງປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ, ຜູ້ຕາງໜ້າພະແນກສາທາລະນະສຸກປະຈຳແຂວງ ແລະ ນະຄອນຫຼວງວຽງຈັນພ້ອມດ້ວຍແຂກພາຍໃນ ແລະ ຕ່າງປະເທດເຂົ້າຮ່ວມ.

ທ່ານ ບຸນແຝງ ພູມມະໄລສິດ ໄດ້ລາຍງານໂດຍຫຍໍ້ວ່າ: ກອງປະຊຸມຄັ້ງນີ້, ຈັດຂຶ້ນເພື່ອປຶກສາຫາລືຖອດຖອນບົດຮຽນ ແລະ ວາງແຜນຮ່ວມມືກັນປະຕິບັດມາດຕະການຄວບຄຸມໄຂ້ຍຸງລາຍ ໂດຍສະເພາະການທໍາລາຍແຫຼ່ງເພາະພັນຍຸງລາຍ, ການມີສ່ວນຮ່ວມຂອງຊຸມຊົນ ແລະ ອົງການປົກຄອງທ້ອງຖິ່ນໃນວຽກງານດັ່ງກ່າວ. ກອງປະຊຸມໄດ້ປຶກສາຫາລືຖອດຖອນບົດຮຽນ ການປະຕິບັດຄໍາສັ່ງຂອງທ່ານນາຍົກລັດຖະມົນຕີ ວ່າດ້ວຍການເພີ່ມທະວີມາດຕະການໃນການກັນ ແລະ ຄວບຄຸມໄຂ້ຍຸງລາຍສະບັບເລກທີ 03/ນຍ, ລົງວັນທີ 22 ກຸມພາ 2024; ພ້ອມກັນນັ້ນ ກໍໄດ້ຖອດຖອນບົດຮຽນການປະຕິບັດ 5 ປ ທີ່ກະຊວງສາທາລະນະສຸກວາງອອກຄື: ປິດຝາພາຊະນະບັນຈຸນໍ້າໃຊ້ໃນເຮືອນ ແລະ ນອກເຮືອນເພື່ອບໍ່ໃຫ້ຍຸງລາຍມາໄຂ່ໃສ່; ປ່ຽນນໍ້າໃນພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້, ຖ້ານຮອງຈອກນໍ້າ; ປ່ອຍປາຫາງນົກຍຸງເພື່ອກິນໜອນນໍ້າຍຸງລາຍ; ປັບປຸງໂດຍການອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປະ, ກະປ໋ອງ, ຢາງຕີນລົດເກົ່າທີ່ມີນ້ຳຂັງ; ປະຕິບັດໃຫ້ເປັນນິໄສເປັນປະຈໍາທຸກໆອາທິດ.

ໂອກາດນີ້, ທ່ານກິແກ້ວ ໄຂຄຳພິທູນ ໄດ້ໃຫ້ກຽດໂອ້ລົມ ແລະ ຊີ້ນຳຕໍ່ກອງປະຊຸມເພື່ອສືບຕໍ່ໃຫ້ເອົາໃຈໃສ່ບາງດ້ານສຳຄັນ ເປັນຕົ້ນໃຫ້ຄະນະພັກ-ຄະນະນຳທຸກຂັ້ນ ນັບແຕ່ສູນກາງລົງຮອດທ້ອງຖິ່ນໂດຍສະເພາະກະຊວງສາທາລະນະສຸກຕ້ອງຖືສຳຄັນ ແລະ ເອົາໃຈໃສ່ໂດຍເລີ່ມຈາກການໂຄສະນາສຶກສາອົບຮົມນຳພາ-ຊີ້ນຳການວາງແຜນ ແລະ ກຽມຄວາມພ້ອມທຸກດ້ານມີມາດຕະການຄົບຊຸດໃນການກັນ, ຄວບຄຸມແກ້ໄຂການລະບາດຂອງພະຍາດໄຂ້ເລືອດອອກຕາມທິດກັນດີກວ່າແກ້, ເອົາການກັນເປັນຕົ້ນຕໍ ເອົາການແກ້ເປັນສຳຄັນໃຫ້ແກ່ປະຊາຊົນບັນດາເຜົ່າ, ທຸກພາກສ່ວນໃນສັງຄົມໄດ້ຮັບຮູ້, ເຂົ້າໃຈຢ່າງຖືກຕ້ອງຂອງຜົນຮ້າຍ, ຄວາມອັນຕະລາຍຮ້າຍແຮງຂອງພະຍາດ ຊຶ່ງກະທົບເຖິງຊີວິດ, ສຸຂະພາບ ແລະ ຊັບສິນຂອງປະຊາຊົນ ແລະ ເປັນສ່ວນໜຶ່ງກົດໜ່ວງຖ່ວງດຶງການພັດທະນາເສດຖະກິດ-ສັງຄົມຂອງປະເທດ; ໃຫ້ບັນດາຂະແໜງການ ແລະ ທ້ອງຖິ່ນເພີ່ມທະວີມາດຕະການສະກັດກັ້ນການລະບາດ, ຄວບຄຸມ ແລະ ກຽມຄວາມພ້ອມຮອບດ້ານ, ມີການແນະນຳຢ່າງລະອຽດຈະແຈ້ງກ່ຽວກັບວິທີການ ແລະ ຮູບແບບການຕ້ານພະຍາດໄຂ້ຍຸງລາຍຢ່າງທົ່ວເຖິງ ໂດຍການດຳເນີນການຈັດຕັ້ງປະຕິບັດຕາມ (5 ປ: ປິດ, ປ່ຽນ, ປ່ອຍ, ປັບປຸງ ແລະ ປະຕິບັດ) ທີ່ກະຊວງສາທາລະນະສຸກວາງອອກຢ່າງເອົາຈິງເອົາຈັງ; ສ້າງແຜນກຽມພ້ອມທາງດ້ານງົບປະມານທີ່ຈຳເປັນ (ອຸປະກອນ, ພາຫະນະ, ຢາ, ແພດໝໍ...) ໃນກໍລະນີທີ່ສຸກເສີນທີ່ອາດຈະເກີດຂຶ້ນເພື່ອຈະນຳໃຊ້ເຂົ້າໃນການຈັດຕັ້ງປະຕິບັດວຽກກັນ, ຄວບຄຸມ ແລະ ຕ້ານການລະບາດຂອງໄຂ້ຍຸງລາຍແລະ ຄວບຄຸມພະຍາດຕິດຕໍ່ອື່ນໆ ທີ່ອາດຈະເກີດຂຶ້ນໃຫ້ມີປະສິດທິຜົນ; ເອົາໃຈໃສ່ຈັດຕັ້ງການຝຶກອົບຮົມຕິດພັນກັບການອົບຮົມເຕັກນິກທາງດ້ານການແພດໃຫ້ແກ່ພະນັກງານແພດໝໍຂອງຂະແໜງການຂັ້ນແຂວງ, ຂັ້ນເມືອງ ແລະ ສຸກສາລາ ເພື່ອຍົກລະດັບຄວາມຮູ້-ຄວາມສາມາດ, ຄຸນນະພາບການປິ່ນປົວ ແລະ ຮັບປະກັນໃຫ້ການບໍລິການແກ່ປະຊາຊົນບັນດາເຜົ່າຢ່າງທົ່ວເຖິງ ແລະ ທັນການພ້ອມທັງຕິດຕາມກວດກາ ການບົ່ງມະຕິພະຍາດປະເພດຕ່າງໆ ເປັນຕົ້ນພະຍາດຕາມລະດູການທີ່ມັກເກີດຂຶ້ນເລື້ອຍໆ ໃນໄລຍະລະດູຝົນ ເປັນຕົ້ນພະຍາດໄຂ້ເລືອດອອກ, ພະຍາດຖອກທ້ອງ ແລະ ອື່ນໆ; ຖັນແຖວພະນັກງານນໍາພາຄຸ້ມຄອງທຸກຂັ້ນ, ສະມາຊິກພັກ-ພະນັກງານ, ເຈົ້າໜ້າທີ່ແພດໝໍຕ້ອງເປັນແບບເປັນຢ່າງນຳໜ້າຮ່ວມແຮງຮ່ວມໃຈປຸກລະດົມທຳລາຍແຫຼ່ງເພາະພັນຂອງຍຸງລາຍຢູ່ຕາມເຮືອນຊານບ້ານຊ່ອງ, ສໍານັກງານອົງການ, ວັດວາອາຮາມ ແລະ ສະຖານທີ່ອື່ນໆທີ່ເປັນຈຸດກຳເນີດ ແລະ ແຜ່ຂະຫຍາຍຂອງຍຸງ. ພ້ອມທັງປຸກລະດົມຂົນຂວາຍການສະໜັບສະໜູນເຂົ້າຮ່ວມຂອງທຸກພາກສ່ວນສັງຄົມໃນວຽກງານຕ້ານການລະບາດຂອງເຊື້ອພະຍາດໄດ້ຍຸງລາຍໃຫ້ເປັນຂະບວນຟົດຟື້ນ, ຕໍ່ເນື່ອງ ແລະ ເຮັດເປັນປົກກະຕິ; ໃຫ້ແຕ່ລະແຂວງ, ແຕ່ລະເມືອງ, ແຕ່ລະບ້ານ ຖືເອົາວຽກງານການສຳຫຼວດ ແລະ ທຳລາຍແຫຼ່ງເພາະພັນໜອນນໍ້າຍຸງລາຍເປັນກິດຈະກຳຫຼັກ ແລະ ເຮັດເປັນປົກກະຕິໃນເວລາລົງໄປສຳຫຼວດໜອນນໍ້າ, ຖ້າພົບເຫັນເຮືອນໃດ, ຄອບຄົວໃດ, ສະຖານທີ່ໃດມີໜອນນໍ້າ ກໍໃຫ້ເຮັດສຸຂະສຶກສາໄປພ້ອມ ແລະ ມອບໃຫ້ບ້ານເປັນເຈົ້າການໃນການຄຸ້ມຄອງ ແລະ ຕິດຕາມກວດກາ ທັງລາຍງານຂັ້ນເທິງເປັນປະຈໍາເພື່ອກັນບໍ່ໃຫ້ມີການລະບາດເກີດຂຶ້ນແລ້ວຈຶ່ງແກ້ໄຂ; ເອົາໃຈໃສ່ປັບປຸງຂອດການປະສານງານ, ແລກປ່ຽນຂໍ້ມູນຂ່າວສານໃຫ້ທັນເວລາ ແລະ ປະຕິບັດບັນດາມາດຕະການຕ່າງໆຢ່າງລະອຽດ, ກະທັດຮັດ, ເຂົ້າໃຈງ່າຍ ແລະ ມີຄາດໝາຍສູ້ຊົນອັນຈະແຈ້ງເພື່ອໃຫ້ທຸກຂະແໜງການ ແລະ ອົງການປົກຄອງທ້ອງຖິ່ນນຳໄປຈັດຕັ້ງປະຕິບັດ, ເຜີຍແຜ່ ແລະ ປຸກລະດົມໃຫ້ທົ່ວເຖິງ. ພ້ອມທັງປັບປຸງແບບແຜນນຳພາ-ຊີ້ນຳຂອງຕົນບົນຈິດໃຈທຸກວຽກຕ້ອງຊັດເຈນ, ຈະແຈ້ງ, ແບ່ງງານໃຫ້ລະອຽດ, ມອບວຽກຕ້ອງມີຄາດໝາຍສູ້ຊົນຕົວຈິງກຳນົດເວລາແຈ້ງ, ມີການກວດກາຕີລາຄາຊຸກຍູ້ວຽກງານທັນການ; ສືບຕໍ່ຂົນຂວາຍການຮ່ວມມື, ສະໜັບສະໜູນຂໍການຊ່ວຍເຫຼືອດ້ານຕ່າງໆຈາກບັນດາອົງການຈັດຕັ້ງສາກົນ ແລະ ພາກສ່ວນອື່ນໆ ເພື່ອປະກອບສ່ວນເຂົ້າໃນວຽກງານການກັນ ແລະ ຄວບຄຸມພະຍາດໄຂ້ຍຸງລາຍບໍ່ໃຫ້ມີກໍລະນີເຈັບໄຂ້ຫຼາຍ ແລະ ເສຍຊີວິດໃນທົ່ວປະເທດ.

ຂ່າວ-ພາບ: ກົມປະຊາສຳພັນ ຫສນຍ

ຄໍາເຫັນ

ຂ່າວສາທະລະນະສຸກ

ອັດຕະປື ເນັ້ນການໃຫ້ບໍລິການຢອດວັກຊິນໂປລິໂອເພື່ອປົກ​ປ້ອງ​ສຸ​ຂະ​ພາບ​ເດັກ​

ອັດຕະປື ເນັ້ນການໃຫ້ບໍລິການຢອດວັກຊິນໂປລິໂອເພື່ອປົກ​ປ້ອງ​ສຸ​ຂະ​ພາບ​ເດັກ​

ທ່ານ ຄຳໝັ້ນ ສີສະໝຸດ ຫົວໜ້າພະແນກສາທາລະນະສຸກແຂວງອັດຕະປື ໃຫ້ສຳພາດຕໍ່ສື່ມວນຊົນໃນວັນທີ 18 ພະຈິກ 2026 ນີ້ວ່າ: ໃນປີ 2026 ແຂວງອັດຕະປືໄດ້ຈັດຕັ້ງການໃຫ້ບໍລິການຢອດວັກຊິນໂປລິໂອມາແລ້ວ 2 ຮອບ ໂດຍສາມາດບັນລຸຜົນໄດ້ດີ. ໃນນັ້ນ ຮອບທີ 1 ບັນລຸ 99% ແລະ ຮອບທີ 2 ບັນລຸ 101% ລື່ນແຜນການທີ່ກຳນົດໄວ້. ສຳລັບການໃຫ້ບໍລິການຢອດວັກຊິນໂປລິໂອໃນປັດຈຸບັນ ແມ່ນໄດ້ກຳນົດໃຫ້ເປັນກິດຈະກຳປົກກະຕິຂອງຂະແໜງສາທາລະນະສຸກ ໂດຍມີເປົ້າໝາຍສຳຄັນໃນການເພີ່ມອັດຕາການຄຸ້ມຄອງວັກຊິນໃຫ້ແກ່ເດັກນ້ອຍຢ່າງທົ່ວເຖິງ, ຫຼຸດຜ່ອນຄວາມສ່ຽງຈາກການແຜ່ລະບາດຂອງເຊື້ອພະຍາດ ພ້ອມທັງສ້າງຄວາມຮັບຮູ້ໃຫ້ພໍ່ແມ່ ແລະ ຜູ້ປົກຄອງ ເຫັນເຖິງຄວາມສຳຄັນຂອງການນຳພາລູກຫຼານໄປຮັບວັກຊິນຕາມກຳນົດ.
ໂຮງໝໍ 103 ແລະ ບໍລິສັດຈຳປາປະກັນໄພ ເຊັນສັນຍາຮ່ວມມືການບໍລິການປິ່ນປົວສຸຂະພາບ

ໂຮງໝໍ 103 ແລະ ບໍລິສັດຈຳປາປະກັນໄພ ເຊັນສັນຍາຮ່ວມມືການບໍລິການປິ່ນປົວສຸຂະພາບ

ເມື່ອບໍ່ດົນມານີ້ ທີ່ໂຮງໝໍສູນກາງ 103 ກອງທັບ, ໄດ້ເຊັນສັນຍາຮ່ວມມືການບໍລິການປິ່ນປົວສຸຂະພາບລະຫວ່າງໂຮງໝໍສູນກາງ 103 ກອງທັບ ແລະ ບໍລິສັດ ຈຳປາປະກັນໄພ ຈຳກັດ ໂດຍການລົງນາມຂອງ ສະຫາຍ ພົຈວ ສະແຫວງ ໄຊດາລາສາດ ອໍານວຍການຫົວໜ້າການທະຫານໂຮງໝໍສູນກາງ103 ກອງທັບ ແລະ ທ່ານ ເຂັມຄໍາ ອິນທະວົງ ຮອງອໍານວຍການບໍລິສັດຈຳປາປະກັນໄພຈຳກັດ, ມີຄະນະພັກ-ຄະນະອໍານວຍການໂຮງໝໍ, ຄະນະພະແນກພ້ອມດ້ວຍພະນັກງານທັງສອງຝ່າຍເຂົ້າຮ່ວມ.
ສາທາ ບໍລິການກວດສຸຂະພາບເຄື່ອນທີ່ ໃຫ້ພະນັກງານ-ລັດຖະກອນ ນັກຮຽນ-ຊາວໜຸ່ມ

ສາທາ ບໍລິການກວດສຸຂະພາບເຄື່ອນທີ່ ໃຫ້ພະນັກງານ-ລັດຖະກອນ ນັກຮຽນ-ຊາວໜຸ່ມ

ກະຊວງສາທາລະນະສຸກ ຮ່ວມກັບສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ຈັດກິດຈະກຳ “ການບໍລິການກວດສຸຂະພາບເຄື່ອນທີ່ ໃຫ້ພະນັກງານ-ລັດຖະກອນຂອງ ສຊປລ, ພະນັກງານບໍານານ ແລະ ນັກຮຽນ-ຊາວໜຸ່ມ ຂຶ້ນໃນວັນທີ 12 ພະຈິກຜ່ານມາ ທີ່ ສຊປລ, ໃຫ້ກຽດນຳພາຕາງໜ້າຈາກກະຊວງສາທາລະສຸກ ໂດຍທ່ານ ໄພວັນ ແກ້ວປະເສີດ ຮອງເລຂາຄະນະບໍລິຫານງານພັກ ຮອງລັດຖະມົນຕີກະຊວງສາທາ ລະນະສຸກ ພ້ອມດ້ວຍຄະນະ, ໂດຍມີຜູ້ຕາງໜ້າຈາກຫ້ອງການກະຊວງສາທາລະນະສຸກ, ຜູ້ອຳນວຍການໂຮງໝໍ, ພະນັກງານແພດໝໍ, ພະຍາບານ ຈາກໂຮງໝໍມະໂຫສົດ ແລະ ໃຫ້ກຽດເປັນປະທານເປີດພິທີ ໂດຍ ທ່ານ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານ ສຊປລ, ມີບັນດາຮອງເລຂາ, ຄະນະກົມ, ພະນັກງານ ສຊປລ, ພະນັກງານບໍານານ, ບັນດາບໍລິສັດໃຕ້ຟ້າການແວ່ນຮັບກວດສາຍຕາ, ນັກຮຽນ-ຊາວໜຸ່ມ ເຂົ້າຮ່ວມ.
ກອງປະຊຸມຄົບຄະນະບໍລິຫານງານພັກສາທາລະນະສຸກ ຄັ້ງທີ 4 ສະໄໝທີ X

ກອງປະຊຸມຄົບຄະນະບໍລິຫານງານພັກສາທາລະນະສຸກ ຄັ້ງທີ 4 ສະໄໝທີ X

ກະຊວງສາທາລະນະສຸກ ໄດ້ຈັດກອງປະຊຸມຄົບຄະນະບໍລິຫານງານພັກ ຄັ້ງທີ 4 ສະໄໝທີ X ຈັດຂຶ້ນໃນວັນທີ 10 ພະຈິກຜ່ານມາ ທີ່ກະຊວງດັ່ງກ່າວ, ໂດຍການເປັນປະທານຂອງສະຫາຍ ນາງ ໃບຄໍາ ຂັດທິຍະ ກໍາມະການສູນກາງພັກ ເລຂາຄະນະພັກ ລັດຖະມົນຕີກະຊວງສາທາລະນະສຸກ, ມີຮອງເລຂາຄະນະພັກ, ກໍາມະການປະຈໍາພັກ, ກໍາມະການຄະນະພັກກະຊວງ ແລະ ຄະນະຮັບຜິດ ຊອບ ເຂົ້າຮ່ວມ.
ສາທາ ເຊກອງ ທຳລາຍສິນຄ້າໝົດອາຍຸ ເຊື່ອມຄຸນນະພາບ

ສາທາ ເຊກອງ ທຳລາຍສິນຄ້າໝົດອາຍຸ ເຊື່ອມຄຸນນະພາບ

ພະແນກສາທາລະນະສຸກແຂວງເຊກອງ ຈັດພິທີທຳລາຍສິນຄ້າໝົດອາຍຸ ເຊື່ອມຄຸນນະພາບ ຂຶ້ນໃນວັນທີ 5 ພະຈິກຜ່ານມາ, ທີ່ ພະແນກສາທາລະນະສຸກແຂວງ ໂດຍມີທ່ານ ນາງ ລຳພັນ ໄຊຄຳມີ ຫົວໜ້າພະແນກສາທາ ລະນະສຸກແຂວງ, ມີຄະນະກຳມະການລົງກວດກາ ຕິດຕາມ ແລະ ຊຸກຍູ້ ພ້ອມດ້ວຍພະນັກງານຂະແໜງອາຫານ ແລະ ຢາ ເຂົ້າຮ່ວມ.
ຈໍາປາສັກ ຈັດກິດຈະກຳຜ່າຕັດປິ່ນປົວແກ່ນຕາຂຸ້ນການກຸສົນ​

ຈໍາປາສັກ ຈັດກິດຈະກຳຜ່າຕັດປິ່ນປົວແກ່ນຕາຂຸ້ນການກຸສົນ​

ສະມາຄົມແພດຕາລາວ ແລະ ສະມາຄົມວິຖີຊີວິດຊົນນະບົດແບບຍືນຍົງ ຮ່ວມກັບໂຮງໝໍແຂວງຈໍາປາສັກ ຈັດກິດຈະກຳຜ່າຕັດປິ່ນປົວແກ່ນຕາຂຸ້ນການກຸສົນ​ ໃນວັນທີ​ 31​ ຕຸລາ​ -​ 1 ພະຈິກ​ 2026​ ເພື່ອຟື້ນຟູສາຍຕາ, ເພີ່ມໂອກາດໃນການເບິ່ງເຫັນ ແລະ ຍົກລະດັບຄຸນນະພາບຊີວິດຂອງຜູ້ເປັນພະຍາດແກ່ນຕາຂຸ້ນ​ ໃຫ້ນັບມື້ດີຂຶ້ນ.
ໂຮງໝໍມິດຕະພາບ ສະຫຼອງວັນພະຍາດເສັ້ນເລືອດສາກົນ

ໂຮງໝໍມິດຕະພາບ ສະຫຼອງວັນພະຍາດເສັ້ນເລືອດສາກົນ

ພະແນກລະບົບເສັ້ນເລືອດ ແລະ ສະໝອງ ໂຮງໝໍມິດຕະພາບ (150 ຕຽງ) ໄດ້ຈັດພິທີສະເຫຼີມ ສະຫຼອງວັນພະຍາດເສັ້ນເລືອດສາກົນ ພາຍໃຕ້ຫົວຂໍ້: ຮູ້ທັນ, ປ້ອງກັນໄດ້, ມາໂຮງໝໍໄວ ເປັນຫົວໃຈຂອງການປິ່ນປົວພະຍາດເສັ້ນເລືອດສະໝອງ ຈັດຂຶ້ນໃນວັນທີ 28 ຕຸລານີ້ ທີ່ໂຮງໝໍດັ່ງກ່າວ ໂດຍການເປັນກຽດເຂົ້າຮ່ວມຂອງທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບ, ມີທ່ານ ໃສສະຫວາດ ແກ້ວສົດໃສ ຫົວໜ້າພະແນກລະບົບປະສາດ ແລະ ສະໝອງ, ມີບັນດາຜູ້ໃຫ້ການສະໜັບສະໜູນ, ແພດໝໍ, ປະຊາຊົນ, ແຂກຖືກເຊີນເຂົ້າຮ່ວມ.
ອົງການກາແດງແຫ່ງຊາດລາວ ລົງຊ່ວຍເຫຼືອຜູ້ປະສົບໄພຢູ່ສະຫວັນນະເຂດ ແລະ ສາລະວັນ

ອົງການກາແດງແຫ່ງຊາດລາວ ລົງຊ່ວຍເຫຼືອຜູ້ປະສົບໄພຢູ່ສະຫວັນນະເຂດ ແລະ ສາລະວັນ

ໃນລະຫວ່າງວັນທີ 20-23 ຕຸລາ ຜ່ານມາ, ທ່ານ ຄຳລາວັນ ຈັນທະລາວັນ ກໍາມະການສູນກາງພັກ ປະທານອົງການກາແດງແຫ່ງຊາດລາວ ໄດ້ນໍາພາຄະນະລົງມອບເຄື່ອງຊ່ວຍເຫຼືອບັນເທົາທຸກໃຫ້ແກ່ປະຊາຊົນຜູ້ທຸກຍາກທີ່ໄດ້ຮັບຜົນກະທົບຈາກໄພນໍ້າຖ້ວມໃນ 11 ບ້ານຄື: ບ້ານດົງໝາກໄຟ, ຊຽງໄຄ, ດ້າງສະຫວັນ, ແກ້ງແວງ, ບຶງເຊ, ຫາດຊາຍສູງ, ກ້າງປາ, ຜັກເຜືອກ, ສະກອງ, ສົມສະອາດ ແລະ ຫ້ວຍແຮ່ຂອງເມືອງໄຊບູລີ ແຂວງສະຫວັນນະເຂດ ແລະ 7 ບ້ານຄື: ບ້ານດອນໝາກເກືອ, ໜອງແສງ, ດອນແດງ, ໂຮງສາຍທອງ, ນາໂພສີ, ປາກສະນົມ ແລະ ບ້ານປາກຕາພານ ຂອງເມືອງລະຄອນເພັງ ແຂວງສາລະວັນ ໂດຍໄດ້ລົງພື້ນທີ່ແຈກຢາຍຊຸດເຄື່ອງຈຳນວນ 10 ລາຍການເຊັ່ນ: ໝີ່, ປາກະປ໋ອງ, ເກືອ, ນ້ຳມັນພືດ, ເຂົ້າໜຽວ, ສະບູ, ຢາ ແລະ ແປງຖູແຂ້ວ, ຜ້າອະນາໄມ, ແຟັບ ແລະ ອື່ນໆເ ພື່ອແບ່ງເບົາຄວາມຫຍຸ້ງຍາກ ແລະ ຊ່ວຍເຫຼືອບັນເທົາທຸກໃຫ້ປະຊາຊົນຈໍານວນ 266 ຄອບຄົວ, ລວມເປັນມູນຄ່າທັງໝົດ 327 ລ້ານກວ່າກີບ.
ຄໍາມ່ວນ ສະຫຼຸບວຽກງານຕ້ານເອດ ແລະ ພຕພ ປະຈໍາປີ 2026

ຄໍາມ່ວນ ສະຫຼຸບວຽກງານຕ້ານເອດ ແລະ ພຕພ ປະຈໍາປີ 2026

ກອງປະຊຸມສະຫຼຸບ ການຈັດຕັ້ງປະຕິບັດວຽກງານຕ້ານເອດ ແລະ ພຕພ ປະຈໍາປີ 2026 ແລະ ຂໍການສະໜັບໜູນຈາກຄະນະກໍາມະການຕ້ານເອດຂັ້ນແຂວງ-ຂັ້ນເມືອງ ລວມເຖິງບັນດາຄູ່ຮ່ວມງານພາຍໃນແຂວງ ແລະ ທິດທາງແຜນການປີ 2027 ຢູ່ແຂວງຄໍາມ່ວນ ໄດ້ຈັດຂຶ້ນໃນວັນທີ 22 ຕຸລາຜ່ານມາ, ທີ່ ພະແນກສາທາ ລະນະສຸກແຂວງ ໂດຍການເປັນປະທານຮ່ວມຂອງທ່ານ ສຸລິວັນ ເພັງໄຊ ຜູ້ຮັບຜິດຊອບ ແລະ ປະສານງານໂຄງການ AHF ປະຈໍາລາວ, ທ່ານ ບົວທອງ ສີມະໂນວົງ ຫົວໜ້າສູນຕ້ານເອດ ແລະ ພຕພ ກະຊວງສາທາ ລະນະສຸກ, ທ່ານ ແສງທອງ ເສີມລໍາວັນ ຮອງຫົວໜ້າພະແນກສາທາລະນະສຸກແຂວງ ພ້ອມດ້ວຍຄູ່ຮ່ວມງານ ເຂົ້າຮ່ວມ.
ໂຮງໝໍເມືອງໂຂງ ສະຫຼຸບວຽກງານ 9 ເດືອນຕົ້ນປີ ແລະ ວາງແຜນ 3 ເດືອນທ້າຍປີ 2026

ໂຮງໝໍເມືອງໂຂງ ສະຫຼຸບວຽກງານ 9 ເດືອນຕົ້ນປີ ແລະ ວາງແຜນ 3 ເດືອນທ້າຍປີ 2026

ວັນທີ 1 ຕຸລາ 2026 ນີ້, ໂຮງໝໍເມືອງໂຂງ ແຂວງຈຳປາສັກ ໄດ້ເປີດກອງປະຊຸມທົບທວນຄືນການຈັດຕັ້ງປະຕິບັດວຽກງານໄລຍະ 9 ເດືອນຕົ້ນປີ ແລະ ວາງແຜນການ 3 ເດືອນທ້າຍປີ 2026. ໂດຍ ມີທ່ານ ໜູແສງ ຜຸຍບັນດິດ ຄະນະປະຈຳພັກເມືອງ ຮອງປະທານຄະນະກຳມະການປົກຄອງເມືອງ, ທ່ານ ຄຳສວຍ ຊາພິຈິດ ກຳມະການພັກເມືອງ ຫົວໜ້າຫ້ອງການສາທາລະນະສຸກເມືອງ, ມີຄະນະຈັດຕັ້ງເມືອງ, ຕາແສງດອນໂຂງ, ຄະນະອຳນວຍການໂຮງໝໍ, ຫົວໜ້າ-ຮອງຫົວໜ້າໜ່ວຍງານ, ແພດ-ໝໍ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ເພີ່ມເຕີມ