ອາຊຽນ ຕ້ອນຮັບຕີມໍແລັດສະເຕ ເຂົ້າເປັນສະມາຊິກປະເທດທີ 11

ຂ່າວສານຊີອາໄອລາຍງານວ່າ: ໃນວັນ​ທີ 26 ຕຸ​ລາ ຜ່ານມາ ​ຢູ່ປະເທດ​ສິງກ​ະ​ໂປ, ທ່ານ ຫຼີ​ສຽງ ນາ​ຍົກ​ລັດ​ຖ​ະ​ມົນ​ຕີ​ຈີນ​ໄດ້​ຮ່ວມກັບ​ທ່ານ ການ​ຄິມ​ຢົງ ຮອງ​ນາ​ຍົກ​ລັດ​ຖະ​ມົນ​ຕີ​ສິງ​ກະ​ໂປ ເຂົ້າ​ຮ່ວມກອງ​ປະ​ຊຸມ​ສົນ​ທະ​ນາ​ຂອງວົງ​ການ​ອຸດ​ສາ​ຫະ​ກຳ​ການ​ຄ້າ​ຈີນ-ສິງກ​ະ​ໂປ.

ວິທະຍຸກະຈາຍສຽງຫວຽດນາມລາຍງານວ່າ: ພິທີລົງນາມສົນທິສັນຍາອົງການສະຫະປະຊາຊາດວ່າດ້ວຍການຕ້ານອາດຊະຍາກຳທາງໄຊເບີ ຫົວຂໍ້ “ຕ້ານອາດຊະຍາກຳທາງໄຊເບີ - ແບ່ງປັນຄວາມຮັບຜິດຊອບ - ມຸ່ງໄປເຖິງອະນາຄົດ” ໄດ້ເປີດຂຶ້ນໃນວັນທີ 25 ຕຸລາ ຜ່ານມາ ຢູ່ນະຄອນຫຼວງຮ່າໂນ້ຍ. ເຂົ້າຮ່ວມພິທີລົງນາມມີທ່ານ ເລືອງເກື່ອງ ປະທານປະເທດຫວຽດນາມ, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ສະຫະປະຊາຊາດ, ທ່ານ ກາດາ ຟາທີ ອິສມາອິລ ວາລີ ຫົວໜ້າຝ່າຍບໍລິຫານຫ້ອງການສະຫະປະຊາຊາດກ່ຽວກັບຢາເສບຕິດ ແລະ ອາຊະຍາກຳ (UNODC), ມີຫົວໜ້າ, ການນຳບັນດາປະເທດສະມາຊິກສະຫະປະຊາຊາດ, ຜູ້ຕາງໜ້າບັນດາອົງການຈັດຕັ້ງສາກົນ. ທ່ານ ເລືອງເກື່ອງ ປະທານປະເທດຫວຽດນາມ ໄດ້ອ່ານສູນທອນພົດເປີດພິທີລົງນາມສົນທິສັນຍາຮ່າໂນ້ຍວ່າ: ບັນດາສິ່ງທ້າທາຍຂອງອາຊະຍາກຳທາງໄຊເບີ, ສົນທິສັນຍາ ຮ່າໂນ້ຍ, ເປັນສົນທິສັນຍາຫຼາຍຝ່າຍທົ່ວໂລກກ່ຽວກັບການຕ້ານອາຊະຍາກຳທາງໄຊເບີໄດ້ກຳເນີດ, ແມ່ນສິ່ງພິສູດໃຫ້ແກ່ນ້ຳໃຈສາມັກຄີ ແລະ ຄວາມເຄົາລົບກົດໝາຍ.

ຂ່າວຕ່າງປະເທດລາຍງານວ່າ: ຍານອະວະກາດຂົນສົ່ງລຸ້ນໃໝ່ HTV-X ຂອງຍີ່ປຸ່ນ ຖືກສົ່ງຂຶ້ນສູ່ອະວະກາດສຳເລັດຜົນ ຈາກສູນອະວະກາດທາເນງາຊິມະ ແຂວງຄາໂງຊິມະ ໃນເວລາ 9:00 ໂມງເຊົ້າ (ຕາມເວລາທ້ອງຖິ່ນ) ຂອງວັນທີ 26 ຕຸລາ ຜ່ານມາ. ໂດຍໄດ້ຖືກບັນທຸກຢູ່ເທິງຈະຫຼວດ H3 ໝາຍເລກ 7 ແລະ ເຂົ້າສູ່ວົງໂຄຈອນຕາມທີ່ວາງແຜນໄວ້ໃນປະມານ 14 ນາທີຕໍ່ມາ.

ວິທະຍຸກະຈາຍສຽງຫວຽດນາມລາຍງານວ່າ: ຫວຽດນາມ ແລະ ບຸນກາຣີ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ. ນີ້ແມ່ນຂໍ້ມູນໂດຍທ່ານ ໂຕເລິມ ເລຂາທິການໃຫຍ່ພັກກອມມູນິດ ຫວຽດນາມ ແລະ ທ່ານ ຣູເມນ ຣາເດວ ປະທານາທິບໍດີ ສ ບຸນກາຣີ ຍົກອອກມາໃນກອງປະຊຸມຖະແຫຼງຂ່າວພາຍຫຼັງການໂອ້ລົມສົນທະນາຂັ້ນສູງທີ່ຈັດຂຶ້ນໃນວັນທີ 23 ຕຸລາ ຜ່ານມາ ຢູ່ນະຄອນຫຼວງ Sofia ສ ບຸນກາຣີ, ເນື່ອງໃນໂອກາດການຢ້ຽມຢາມທາງລັດຖະກິດ ບຸນກາຣີ ຂອງທ່ານ ໂຕເລິມ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ.

ຂ່າວສານຊີອາໄອລາຍງານ ຫວ່າງບໍ່ດົນມານີ້ວ່າ: ທ່ານ​ ອັນ​ໂຕ​ນີ​ໂອ ກູ​ເຕີ​ເຣັ​ສ ເລ​ຂາ​ທິ​ການ​ໃຫຍ່​ອົງ​ການ​ສະ​ຫະ​ປ​ະ​ຊາ​ຊາດ​ ໄດ້ເຂົ້າຮ່ວມກອງປະຊຸມວິ​ສາ​ມັນ​ຂອງກອງປະຊຸມອຸ​ຕຸ​ນິ​ຍົມ​ໂລກ. ໃນກອງປະຊຸມ, ທ່ານໄດ້ເນັ້ນໜັກວ່າ: ວິກິດການປ່ຽນ​ແປງດິນຟ້າອາກາດກຳລັງ​ເຮັດ​ໃຫ້ໂລກໄປສູ່ຂອບ​ເຫວອັນຕະລາຍ.

ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ທ່ານ ຄາຣິມ ບາແດວີ ລັດຖະມົນຕີກະຊວງນ້ຳມັນ ແລະ ຊັບພະຍາກອນແຮ່ທາດຂອງເອຢິບ ໄດ້ລາຍງານການຄົ້ນພົບບໍ່ນ້ຳມັນ ແລະ ອາຍແກ໊ສຫຼາຍແຫ່ງໃນທະເລຊາຍຕາເວັນຕົກ ແລະ ເຂດສາມຫຼ່ຽມປາກແມ່ນ້ຳໄນ ໃນເດືອນຕຸລານີ້ ຊຶ່ງຄາດວ່າຈະເພີ່ມການຜະລິດນ້ຳມັນຫຼາຍກວ່າ 5,000 ບາເຣວຕໍ່ມື້ ແລະ ອາຍແກ໊ສ 42 ລ້ານແມັດກ້ອນຕໍ່ມື້.

ວິທະຍຸກະຈາຍສຽງຫວຽດນາມລາຍງານວ່າ: ກອງປະຊຸມເຈົ້າໜ້າທີ່ຂັ້ນສູງ ອາຊຽນ (SOM) ແລະ ບັນດາວາລະກອງປະຊຸມກະກຽມ ໄດ້ເປີດຂຶ້ນໃນວັນທີ 23 ຕຸລາ ຜ່ານມາ ຢູ່ນະຄອນຫຼວງກົວລາລຳເປີ ປະເທດມາເລເຊຍ. ນີ້ແມ່ນກອງປະຊຸມສ້າງປະຖົມປັດໄຈໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມທີ່ກ່ຽວຂ້ອງ ຊຶ່ງຄາດວ່າຈະຈັດຂຶ້ນຢູ່ຫໍປະຊຸມ ກົວລາລຳເປີ ປະເທດມາເລເຊຍ ໃນວັນທີ 26 – 28 ຕຸລາ ນີ້. ດ້ວຍຫົວຂໍ້ “ກວມລວມ ແລະ ຍືນຍົງ”.

ຂ່າວສານຊີອາໄອລາຍງານໃນວັນທີ 23 ຕຸລາ ຜ່ານມາວ່າ: ກອງ​ປະ​ຊຸມ​ຄົບ​ຄະ​ນະ​ຄັ້ງ​ທີ 4 ຂອງ​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ​ສະ​ໄໝ​ທີ 20 ໄດ້​ຈັດຂຶ້ນ​ຢູ່​ນະ​ຄອນຫຼວງ​ປັກ​ກິ່ງ​ ຂອງ​ຈີນ ​ລະ​ຫວ່າງວັນ​ທີ 20-23 ຕຸ​ລາ ຜ່ານມາ, ໂດຍກົມ​ກ​ານ​ເມືອງ​ສູນ​ກາງ​ພັກ​ກອມ​ມູ​ນິດ​ຈີນ​ເປັນ​ປະ​ທານກອງ​ປະ​ຊຸມ​ດັ່ງ​ກ່າວ. ທ່ານ ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງພັກ​ກອມ​ມູ​ນິດ​ຈີນ​ໄດ້​ກ່າວ​ຄຳ​ປາ​ໄສ​ອັນ​ສຳ​ຄັນ.

ຂ່າວຕ່າງປະເທດລາຍງານ ໃນວັນທີ 22 ຕຸລາ ຜ່ານມາວ່າ: ກະຊວງ​ຄົມມະນາຄົມ​ອິນ​ໂດ​ເນ​ເຊຍ​ປະກາດ​ວ່າ, ລັດຖະບານ​ຈະ​ຫຼຸດລາຄາປີ້ຍົນ​ພາຍ​ໃນ​ປະ​ເທດ​ລົງ​ເຖິງ 14% ກ່ອນເຖິງ​ວັນ​ບຸນ​ຄຣິສມາດ​ ແລະ ​ປີ​ໃໝ່ ​ເພື່ອ​ຊ່ວຍ​ແບ່ງ​ເບົາ​ພາລະ​ຄ່າ​ເດີນທາງຂອງປະຊາຊົນ. ໂດຍລວມມີປີ້ໂດຍສານຊັ້ນປະຢັດສໍາລັບຖ້ຽວບິນພາຍໃນປະເທດທີ່ອອກເດີນທາງລະຫວ່າງວັນທີ 22 ທັນວາ 2025 ແລະ ວັນທີ 10 ມັງກອນ 2026.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 21 ຕຸລາ ຜ່ານມາ, ທ່ານນາງ ທາກະອິຈິ ຊານາເອະ ນາຍົກລັດຖະມົນຕີຄົນໃໝ່ ຍີ່ປຸ່ນ ຖະແຫຼງວ່າ, ຈະຊີ້ນໍາບັນດາເຈົ້າໜ້າທີ່ລັດຖະບານຮຽບຮຽງບ້ວງກະຕຸ້ນເສດຖະກິດໂດຍໄວ ເພື່ອແນໃສ່ຮັບມືກັບສະພາບການຄ່າຄອງຊີບເພີ່ມຂຶ້ນ.