ເຄື່ອນໄຫວຢ້ຽມຢາມດ່ານສາກົນສິນຄ້າທ່າບົກ-ທ່ານາແລ້ງ

ຮອງນາຍົກລັດຖະມົນຕີຊີ້ນຳໃຫ້ບໍລິສັດວຽງຈັນໂລຈິສຕິກພາກສຸມໃສ່ສ້າງພື້ນຖານອຸດສາຫະກໍາ-ກະສິກໍາ

ຮອງນາຍົກລັດຖະມົນຕີຊີ້ນຳໃຫ້ບໍລິສັດວຽງຈັນໂລຈິສຕິກພາກສຸມໃສ່ສ້າງພື້ນຖານອຸດສາຫະກໍາ-ກະສິກໍາ
ໃນໂອກາດລົງເຄື່ອນໄຫວຢ້ຽມຢາມດ່ານສາກົນສິນຄ້າທ່າບົກ-ທ່ານາແລ້ງ ແລະ ເຂດໂລຈິສຕິກພາກນະຄອນຫຼວງວຽງຈັນ ຫວ່າງມໍ່ມານີ້, ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີລັດຖະມົນຕີກະຊວງປ້ອງກັນປະເທດໄດ້ມີຄຳເຫັນຊີ້ນຳໃຫ້ບໍລິສັດວຽງຈັນໂລຈິສຕິກພາກ ສຸມໃສ່ສ້າງພື້ນຖານອຸດສາຫະກໍາ,

 

ກະສິກໍາໂດຍສະເພາະເອົາໃຈໃສ່ຂອດການບໍລິການ, ອໍານວຍຄວາມສະດວກໃຫ້ແກ່ການສົ່ງອອກ-ນໍາເຂົ້າສິນຄ້າ, ສຸມໃສ່ສ້າງເສດຖະກິດເປັນເຈົ້າຕົນເອງ ຕິດພັນກັບການພົວພັນຮ່ວມມືກັບຕ່າງປະເທດປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດ ກໍຄືປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ, ສືບຕໍ່ດໍາເນີນທຸລະກິດໃຫ້ເຕີບໃຫຍ່ເຂັ້ມແຂງ, ໜັກແໜ້ນ ແລະ ປະສົບຜົນສໍາເລັດໃນທຸກດ້ານ.

ທ່ານ ຈັນທອນ ສິດທິໄຊ ປະທານບໍລິສັດວຽງຈັນໂລຈິສຕິກພາກຈຳກັດ ໄດ້ນໍາສະເໜີຄວາມເປັນມາຂອງໂຄງການໂລຈິສຕິກພາກ ຊຶ່ງໂຄງການດັ່ງກ່າວເກີດຂຶ້ນໄດ້ເນື່ອງມາຈາກລັດຖະບານລາວໄດ້ມອບໃຫ້ກຸ່ມບໍລິສັດພົງສະຫວັນ ກໍຄືບໍລິສັດພີທີແອວໂຮນດິ້ງ, ການພັດທະນາໂຄງການດັ່ງກ່າວທີ່ຕິດພັນກັບການພັດທະນາພື້ນຖານໂຄງລ່າງວ່າດ້ວຍຫັນປະເທດລາວຈາກແລນລັອກເປັນແລນລິ້ງ ກໍຄື LLL ຫຼືລາວໂລຈິສຕິກລິ້ງ. ດັ່ງນັ້ນ, ລັດຖະບານລາວ ຈຶ່ງມີໂຄງການລາວໂລຈິສຕິກລິ້ງ ຊຶ່ງປະກອບມີທ່າເຮືອຫວຸ່ງອ່າງຢູ່ພາກກາງຂອງ ສສ ຫວຽດນາມ, ລັດຖະບານລາວ ແລະ ຫວຽດນາມໄດ້ພັດທະນາໂຄງການນີ້ເພື່ອໃຫ້ລາວມີປະຕູທາງອອກສູ່ທະເລ, ໂຄງການເສັ້ນທາງລົດໄຟລາວ-ຫວຽດນາມຈາກນະຄອນຫຼວງວຽງຈັນຈຸດເຊື່ອມໂຍງເສັ້ນທາງລົດໄຟລາວ-ຈີນຢູ່ທ່າບົກ-ທ່ານາແລ້ງເຊື່ອມໂຍງໄປຈົນຮອດແຂວງຄຳມ່ວນ ເປັນແຂວງພາກກາງຂອງປະເທດລາວຊຶ່ງກົງກັນຂ້າມກັບນະຄອນພະນົມປະເທດໄທ. ຈາກນັ້ນ, ກໍຕໍ່ໄປຮອດທ່າເຮືອຫວຸ່ງອ່າງ ຈາກນະຄອນຫຼວງວຽງຈັນຮອດແຂວງຄຳມ່ວນໃຊ້ໄລຍະທາງ 300 ກິໂລແມັດ ແລະ ຈາກແຂວງຄໍາມ່ວນ ຫາທ່າເຮືອຫວຸ່ງອ່າງໄລຍະທາງ 240 ກິໂລແມັດ ຖືວ່າເປັນໄລຍະທາງທີ່ສັ້ນທີ່ສຸດ, ຖ້າສິນຄ້າຈາກພາກອີສານຂອງໄທ ແລະ ສິນຄ້າຂອງລາວຕໍ່ໄປແມ່ນໃຊ້ທ່າເຮືອຫວຸ່ງອ່າງເພື່ອອອກໄປທ່າເຮືອປາຊີຟິກ ກໍຄືໄປ ສປຈີນຕອນໃຕ້, ຍີ່ປຸ່ນ, ສເກົາຫຼື, ໄຕ້ຫວັນ, ຣັດເຊຍ ແລະ ປະເທດອື່ນໆທີ່ອອກທາງທະເລປາຊີຟິກຈະໃຊ້ເວລາສັ້ນລົງໃນການຂົນສົ່ງສິນຄ້າ. ນອກນີ້, ຍັງມີໂຄງການເຂດໂລຈິສຕິກພາກຢູ່ໃນ 3 ເຂດຄື: ຢູ່ນະຄອນຫຼວງວຽງຈັນ, ແຂວງຄໍາມ່ວນແລະ ຢູ່ປາກຊັນ ແຂວງບໍລິຄໍາໄຊ ໂດຍລັດຖະບານມອບໃຫ້ກຸ່ມບໍລິສັດພັດທະນາບັນດາໂຄງການຕ່າງໆເພື່ອຫັນວິໄສທັດຂອງລັດຖະບານໃຫ້ປະກົດຜົນເປັນຈິງ. ໃນນັ້ນ, ກຸ່ມບໍລິສັດວຽງຈັນໂລຈິສຕິກໄດ້ລົງທຶນໃນການເຮັດໂຄງການດັ່ງກ່າວໃຫ້ປະກົດຜົນເປັນຈິງ ໂດຍສະເພາະໂຄງການທ່າບົກ-ທ່ານາແລ້ງໄດ້ເຊັນສັນຍາສຳປະທານໃນເດືອນກໍລະກົດ ແລະ ໄດ້ເລີ່ມກໍ່ສ້າງເດືອນທັນວາ 2020 ແລະ ສໍາເລັດເດືອນພະຈິກ 2021 ໃຊ້ເວລາກໍ່ສ້າງ 11 ເດືອນ, ໂຄງການທ່າບົກ-ທ່ານາແລ້ງ ແລະ ວຽງຈັນໂລຈິສຕິກພາກມີເນື້ອທີ່ທັງໝົດ 418 ເຮັກຕາ ລວມມູນຄ່າການກໍ່ສ້າງ 727 ລ້ານໂດລາ ຊຶ່ງປະກອບມີ8 ເຂດຄື: ເຂດສາງເກັບມ້ຽນນໍ້າມັນ, ເຂດຜະລິດສົ່ງອອກ (ເຂດອຸດສາຫະກຳເບົາ), ເຂດໂລຈິສຕິກພາກ(ເຂດສາງສິນຄ້າ ແລະ ສາງເຢັນ), ເຂດກັກກັນພືດ-ສັດ, ເຂດການຄ້າ, ເຂດເຕັກໂນໂລຊີ, ເຂດການເງິນ, ເຂດໂຮງງານກັ່ນ ແລະ ຫຼອມຄໍາ.

ໂອກາດດັ່ງກ່າວ, ທ່ານຮອງນາຍົກລັດຖະມົນຕີ ພ້ອມດ້ວຍຄະນະໄດ້ຢ້ຽມຊົມລານຕູ້ສິນຄ້າຊີວາຍ, ສາງຄ່ຽນຖ່າຍສິນຄ້າ ແລະ ຈຸດຄ່ຽນຖ່າຍສິນຄ້າລະຫວ່າງລາງມາດຕະຖານ ແລະ ລາງໜຶ່ງແມັດພ້ອມທັງຢ້ຽມຊົມຈຸດເຊື່ອມຕໍ່ຂົວມິດຕະພາບລາວ-ໄທແຫ່ງທີ່ 1 ຕື່ມອີກ.

ແຫຼ່ງຂ່າວ: ຂປລ

ຄໍາເຫັນ

ຂ່າວວັດທະນະທຳ-ສັງຄົມ

ເມືອງສາມັກຄີໄຊ ຕົບພະຊາຍ ໜຶ່ງໃນກິດຈະກຳສະຫຼອງປີໃໝ່ລາວ

ເມືອງສາມັກຄີໄຊ ຕົບພະຊາຍ ໜຶ່ງໃນກິດຈະກຳສະຫຼອງປີໃໝ່ລາວ

ໃນວັນທີ16 ເມສາຜ່ານມາ ທິ່ຫາດຊາຍດອນແກ້ງໄຊ ເມືອງສາມັກຄີໄຊ ແຂວງອັດຕະປື ໄດ້ມີການຈັດພິທີຕົບພະຊາຍ ໜຶ່ງໃນກິດຈະກຳສະຫຼອງປີໃໝ່ລາວເພື່ອເປັນການອານຸລັກປົກປັກຮັກສາ ວັດທະນະທໍາ ຮີດຄອງປະເພນີ ອັນດີງານຂອງຊາດລາວໃຫ້ຍືນຍົງຄົງຢູ່ ກັບຄົນລາວຕະຫຼອດໄປ,
ມວນຊົນຊາວນະຄອນ ຫຼວງພະບາງ ອັງເຊີນອົງພະບາງລົງຫົດສົງໂອກາດບຸນປີໃໝ່ລາວ

ມວນຊົນຊາວນະຄອນ ຫຼວງພະບາງ ອັງເຊີນອົງພະບາງລົງຫົດສົງໂອກາດບຸນປີໃໝ່ລາວ

ຕອນເຊົ້າ ວັນທີ່ 17 ເມສານີ້, ປະຊາຊົນລາວບັນດາເຜົ່າ ໂດຍສະເພາະ ຊາວນະຄອນ ຫຼວງພະບາງ ເມືອງມໍຣະດົກໂລກ ແຂວງຫຼວງພະບາງ ໄດ້ຈັດຕັ້ງພິທີ ອາຣາດຖະນາອົງພະບາງພຸດທະຣາວັນ,ອົງພະທີ່ສັກສິດ ອັນເປັນທີ່ເຄົາລົບນົບໄຫ້ວ ຂອງປວງຊົນລາວທັງຊາດລົງຈາກຫໍພະບາງ
ຫຼວງນ້ຳທາຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ

ຫຼວງນ້ຳທາຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ

ແຂວງຫລວງນ້ຳທາ ສ້າງຂະບວນການ ເພື່ອຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນ ກໍຄືກອງປະຊຸມໃຫຍ່ອົງຄະນະພັກແຂວງຫຼວງນໍ້າທາຄັ້ງທີ IX.ເມື່ອບໍ່ດົນມານີ້ ຢູ່ທີ່ສວນສາທາລະນະແຂວງ, ການນຳຂອງແຂວງ,ເມືອງຫຼວງນ້ຳທາ ຊຶ່ງນຳໂດຍທ່ານ ວຽງສະຫວັດ ສີພັນດອນ ເຈົ້າແຂວງຫຼວງນ້ຳ.
ການນໍາ ແຂວງຫຼວງພະບາງ ໃສ່ບາດໃນວັນບຸນປີໃໝ່ລາວ ພສ 2568

ການນໍາ ແຂວງຫຼວງພະບາງ ໃສ່ບາດໃນວັນບຸນປີໃໝ່ລາວ ພສ 2568

ຕອນເຊົ້າຂອງວັນທີ 16 ເມສາຜ່ານມາເປັນວັນຂຶ້ນປີໃໝ່ລາວ ກົງກັບມື້ແຮມ 4 ຄໍ່າ ເດືອນ 5 ພສ2567 ຢູ່ໜ້າວັດແສນສຸຂາຣາມ ນະຄອນ ຫຼວງພະບາງ ແຂວງຫຼວງພະບາງໄດ້ມີການໃສ່ບາດແດ່ພະສົງ-ສາມະເນນ ຕາມຮີດຄອງປະເພນີ,
ຮອງນາຍົກລັດຖະມົນຕີ ເຂົ້າຮ່ວມພິທີປິດບັ້ນຝຶກອົບຮົມ “ໃຕ້ຝຸ່ນ-2025”

ຮອງນາຍົກລັດຖະມົນຕີ ເຂົ້າຮ່ວມພິທີປິດບັ້ນຝຶກອົບຮົມ “ໃຕ້ຝຸ່ນ-2025”

ໃນຕອນເຊົ້າວັນທີ 10 ເມສາ 2025, ສະຫາຍ ພົນເອກ ຈັນສະໝອນ ຈັນຍາລາດ ຮອງປະທານ ຜູ້ປະຈຳການຄະນະກຳມະການປ້ອງກັນຊາດ-ປ້ອງກັນຄວາມສະຫງົບສູນກາງ ຮອງນາຍົກລັດຖະມົນຕີ ໄດ້ໃຫ້ກຽດເຂົ້າຮ່ວມພິທີປິດບັ້ນຝຶກອົບຮົມການທະຫານໄລຍະສັ້ນ ພາຍໃຕ້ຫົວຂໍ້ “ໃຕ້ຝຸ່ນ-2025” ຂອງກໍາລັງຕີພິເສດກອງທັບປະຊາຊົນລາວ,
ກະຊວງ ອຄ ເຜີຍແຜ່ເຊື່ອມຊຶມ ກ່ຽວກັບ ການປັບປຸງກົງຈັກການຈັດຕັ້ງ

ກະຊວງ ອຄ ເຜີຍແຜ່ເຊື່ອມຊຶມ ກ່ຽວກັບ ການປັບປຸງກົງຈັກການຈັດຕັ້ງ

ໃນວັນທີ 9 ເມສາ ນີ້, ກະຊວງອຸດສາຫະກໍາ ແລະ ການຄ້າ (ອຄ) ເປີດກອງປະຊຸມ ເຜີຍແຜ່ເຊື່ອມຊຶມ ກ່ຽວກັບ ການປັບປຸງກົງຈັກການຈັດຕັ້ງ ຂຶ້ນທີ່ຫໍປະຊຸມແຫ່ງຊາດ ໂດຍການເປັນປະທານຂອງ ທ່ານ ຄຳພັນ ພົມມະທັດ ປະທານຄະນະກວດກາສູນກາງພັກ ແລະ ອົງການກວດກາແຫ່ງລັດ, ຄະນະຮັບຜິດຊອບປັບປຸງກົງຈັກການຈັດຕັ້ງ, ຜູ້ຊີ້ນຳການໂຮມກະຊວງພະລັງງານ ແລະ ບໍ່ແຮ່ ເຂົ້າກັບ ກະຊວງ ອຄ,
ລົງກວດກາຈັດສັນຄວາມບໍ່ເປັນລະບຽບຮຽບຮ້ອຍໃນຕະຫຼາດເມືອງໄຊທານີ

ລົງກວດກາຈັດສັນຄວາມບໍ່ເປັນລະບຽບຮຽບຮ້ອຍໃນຕະຫຼາດເມືອງໄຊທານີ

ພະເເນກອຸດສະຫະກໍາເເລະການຄ້ານະຄອນຫຼວງວຽງຈັນ ສົມທົບກັບອົງການປົກຄອງເມືອງໄຊທານີ ລົງເຄື່ອນໄຫວກວດກາຈັດສັນຄວາມບໍ່ເປັນລະບຽບຮຽບຮ້ອຍ ເເລະ ປຸກລະດົມຜູ້ປະກອບການຫ້າມສວຍໂອກາດຂຶ້ນລາຄາສິນຄ້າຕາມລໍາພັງໃຈໃນໂອກາດສະເຫຼີມສະຫຼອງສົ່ງທ້າຍປີເກົ່າ2567ຕ້ອນຮັບປີໃໝ່ລາວ2568 ຢູ່ຕະຫຼາດລາວ ບ້ານສະພັງມຶກ ນະຄອນຫຼວງວຽງຈັນ
ສະຖານກົງສູນໃຫຍ່ລາວ ປະຈໍາ ຣາຊະອານາຈັກໄທ ສະເຫຼີມສະຫຼອງບຸນປີໃໝ່ລາວ

ສະຖານກົງສູນໃຫຍ່ລາວ ປະຈໍາ ຣາຊະອານາຈັກໄທ ສະເຫຼີມສະຫຼອງບຸນປີໃໝ່ລາວ

ເນື່ອງໃນໂອກາດສົ່ງທ້າຍປີເກົ່າພ.ສ. 2567ແລະຕ້ອນຮັບປີໃໝ່ພ.ສ. 2568ທີ່ຈະມາເຖິງນີ້, ສະຖານກົງສູນໃຫຍ່ແຫ່ງສປປລາວທີ່ ຈັງຫວັດຂອນແກ່ນຣາຊະອານາຈັກໄທໄດ້ຈັດພິທີບາສີສູ່ຂວັນແລະສະເຫຼີມສະຫຼອງເນື່ອງໃນໂອກາດດັ່ງກ່າວຂຶ້ນ ໃນຕອນຄໍ່າຂອງວັນທີ8ເມສາ ຜ່ານມາ
ບໍລິສັດສາຍສົ່ງໄຟຟ້າແຫ່ງຊາດລາວ  ເຂົ້າວາງພວງມາລາໄວ້ອາໄລເຖິງ ສະຫາຍ ພົນເອກ ຄຳໄຕ ສີພັນດອນ

ບໍລິສັດສາຍສົ່ງໄຟຟ້າແຫ່ງຊາດລາວ ເຂົ້າວາງພວງມາລາໄວ້ອາໄລເຖິງ ສະຫາຍ ພົນເອກ ຄຳໄຕ ສີພັນດອນ

ໃນວັນທີ 5 ເມສາ ຜ່ານມານີ້ ທີ່ຫໍປະຊຸມແຫ່ງຊາດ, ທ່ານ ຫຼິນລຸ້ຍ ປະທານບໍລິສັດສາຍສົ່ງໄຟຟ້າແຫ່ງຊາດລາວ ພ້ອມຄະນະ ໄດ້ເຂົ້າວາງພວງມາລາ ໄວ້ອາໄລເຖິງ ສະຫາຍ ພົນເອກ ຄໍາໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ ອະດີດປະທານປະເທດແຫ່ງ ສປປ ລາວ.
ຄວາມເປັນມາຂອງປູ່ເຍີຍ່າເຍີ

ຄວາມເປັນມາຂອງປູ່ເຍີຍ່າເຍີ

ໂດຍ: ອາພຸດເດດ ປູ່ເຍີ ຍ່າເຍີ ຫຼືບາງສະໄໝຮຽກວ່າປູ່ສັງຂະສາ ຍ່າສັງຂະສີ ຫຼືເທວະດາຫຼວງ ຊຶ່ງພະເຈົ້າຟ້າງຸ່ມມະຫາຣາດໄດ້ຊົງປະດິດສະຖານແຕ່ງຕັ້ງຂຶ້ນໃນປີກ່າໃສ້ ຈ.ສ 715 ຂຶ້ນເປັນພະເສື້ອເມືອງ.
ເພີ່ມເຕີມ