ໂດຍ ສະຫາຍ ອິນທະປັນຍາ ຂຽວວົງພະຈັນ ຮອງເລຂາຄະນະພັກ ຮອງ ຫສປທ, ມີຄະນະພັກ, ບັນດາຫົວໜ້າກົມ, ຮອງກົມ, ສະມາຊິກພັກ ແລະ ພະນັກງານເຂົ້າຮ່ວມ.
ສະຫາຍ ອິນທະປັນຍາ ຂຽວວົງພະຈັນ ໄດ້ຂຶ້ນປາຖະກະຖາມູນເຊື້ອ 70 ປີ ວຽກງານຈັດຕັ້ງຂອງ ພັກ ປປ ລາວ ຊຶ່ງໄດ້ຍົກໃຫ້ເຫັນການກຳເນີດວຽກງານຈັດຕັ້ງຂອງ ພັກ ປປ ລາວ ວ່າ: ໃນວັນທີ 25 ມີນາ 1955 ຖືເປັນວັນສ້າງຕັ້ງຂະແໜງຈັດຕັ້ງຂອງພັກ ປປ ລາວ, ປີ 2025 ນີ້ ໄດ້ໝູນວຽນມາຄົບຮອບ 70 ປີ ຊຶ່ງ ບົນເສັ້ນທາງແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງຄະນະຈັດຕັ້ງ ກໍຄືຂະແໜງຈັດຕັ້ງຂອງພັກ ປປ ລາວ ທີ່ສືບທອດພາລະກິດຂອງພັກກອມມູນິດອິນດູຈີນ ຕະຫຼອດໄລຍະ 70 ປີ ຜ່ານມາ ໄດ້ຜ່ານຄວາມຫຍຸ້ງຍາກ, ສັບສົນ, ລະອິດລະອ້ຽວ ແລະ ສິ່ງທົດສອບ, ທ້າທາຍ ຫຼາຍປະການ ໃນການເຄື່ອນໄຫວ ປະຕິບັດໜ້າທີ່ ຕາມພາລະບົດບາດ, ສິດ, ໜ້າທີ່ຂອງຕົນ ເພື່ອປະກອບສ່ວນເຂົ້າໃນການນໍາພາຂອງພັກ ແຕ່ລະໄລຍະ. ຄະນະຈັດຕັ້ງສູນກາງພັກ ກໍຄືຂະແໜງຈັດຕັ້ງ ໄດ້ກຳເນີດເກີດຂຶ້ນ ໃນໄລຍະການປະຕິວັດຊາດປະຊາທິປະໄຕ, ຕໍ່ສູ້ຕ້ານການຮຸກຮານຂອງຈັກກະພັດຕ່າງດ້າວ ທັງແບບເກົ່າ - ແບບໃໝ່ ແລະ ລະບອບສັກດີນາປະຕິການລາວ; ເວລານັ້ນ, ພັກໄດ້ກຳນົດແນວທາງການເມືອງຂອງຕົນ ແມ່ນ "ສຸມໃສ່ປຸກລະດົມ ແລະ ຈັດຕັ້ງກຳລັງມະຫາຊົນ ຕໍ່ສູ້ກັບສັດຕູ ເພື່ອປົດປ່ອຍປະເທດຊາດ”. ສະນັ້ນ, ວຽກງານ ຈັດຕັ້ງກໍ່ສ້າງພັກ ກໍຄືວຽກງານປັບປຸງກົງຈັກການຈັດຕັ້ງຂອງພັກ ພາຍໃຕ້ການຊີ້ນໍາໂດຍກົງ ຂອງ ສະຫາຍ ໄກສອນ ພົມວິຫານ ເລຂາທິການໃຫຍ່ຂອງພັກ ໄດ້ເປັນເຈົ້າການຜັນຂະຫຍາຍ ແນວທາງຂອງພັກ ເປັນແນວທາງການຈັດຕັ້ງ, ເວລານັ້ນມີຊື່ເອີ້ນວ່າ: “ຫ້ອງການພະນັກງານ ທົ່ວປະເທດ” ຊຶ່ງໄດ້ຮັບການຕົກລົງສ້າງຕັ້ງ ໃນກອງປະຊຸມຄົບຄະນະ ຂອງຄະນະຊີ້ນຳສູນກາງພັກ ຄັ້ງທີ 2 (ສະໄໝທີ I) ຢູ່ເຂດທີ່ໝັ້ນຂອງການປະຕິວັດ ຖໍ້າບໍ່ຜາ, ບ້ານຄໍ້ຊຽງແມນ ຕາແສງ ຊຽງລວງ, ເມືອງວຽງໄຊ ແຂວງຫົວພັນ ພ້ອມທັງໄດ້ມີການແບ່ງງານ - ແບ່ງຄວາມຮັບຜິດຊອບ ໃນຄະນະ ນໍາພາໂດຍແມ່ນ ສະຫາຍ ໄກສອນ ພົມວິຫານ ເລຂາທິການໃຫຍ່ຂອງພັກ ໃນເວລານັ້ນ.
ຈາກນັ້ນ, ສະຫາຍ ອິນທະປັນຍາ ຂຽວວົງພະຈັນ ໄດ້ສືບຕໍ່ເຜີຍແຜ່ບົດສູນທອນພົດຂອງ ສະຫາຍ ທອງລຸນ ສີສຸລິດ ຕໍ່ພິທີສະເຫຼີມສະຫຼອງ 70 ປີ ວັນກໍ່ຕັ້ງຄະນະຈັດຕັ້ງສູນຫາງພັກ ແລະ ເຜີຍແຜ່ວັນເດັກນ້ອຍສາກົນ.
(ຂ່າວ-ພາບ: ສຳນານ)
ຄໍາເຫັນ