ຫ້ອງວ່າການສໍານັກງານປະທານປະເທດເຜີຍແຜ່ວັນສ້າງຕັ້ງການທູດ

13:41 29/10/2025

ຫ້ອງວ່າການສຳນັກງານປະທານປະເທດ (ຫສປທ) ໄດ້ຈັດກອງປະຊຸມເຜີຍແຜ່ເອກະສານ ວັນສ້າງຕັ້ງການທູດລາວ 12 ຕຸລາ 1945 ຄົບຮອບ 80 ປີ ຂຶ້ນໃນວັນທີ 29 ຕຸລານີ້ ທີ່ ຫສປທ, ກອງປະຊຸມຈັດຂຶ້ນພາຍໃຕ້ການເປັນປະທານ ແລະ ກ່າວເຜີຍແຜ່ເອກະສານ ໂດຍ ສະຫາຍ ອິນທະປັນຍາ ຂຽວວົງພະຈັນ ຮອງຫົວໜ້າຄະນະບໍລິຫານງານພັກ ຫສປທ; ມີບັນດາສະຫາຍຄະນະນໍາ, ສະມາຊິກພັກ, ພະນັກງານ-ລັດຖະກອນ ພາຍໃນ ຫສປທ ເຂົ້າຮ່ວມ.

ຫອງວາການສານກງານປະທານປະເທດເຜຍແຜວນສາງຕງການທດ - image 1

ໃນການເຜີຍແຜ່ຄັ້ງນີ້, ສະຫາຍ ອິນທະປັນຍາ ຂຽວວົງພະຈັນ ໄດ້ຍົກໃຫ້ເຫັນວ່າ: ໃນໄລຍະການຕໍ່ສູ້ກູ້ຊາດ, ໂດຍສະເພາະນັບແຕ່ພັກກອມມູນິດອິນດູຈີນ ໄດ້ຮັບການສ້າງຕັ້ງຂຶ້ນ, ສາມຊາດອິນດູຈີນ ລາວ - ຫວຽດນາມ - ກໍາປູເຈຍ ໄດ້ສໍາພັນກັນເຂົ້າເປັນກ້ອນກໍາລັງສາມັກຄີ ເພື່ອຕໍ່ສູ້ກັບພວກລ່າເມືອງຂຶ້ນ ຕາມແນວທາງການເມືອງແຫ່ງລັດທິມາກ-ເລນິນ. ໃນຂະນະດຽວກັນ, ກະແສຟອງປະຕິວັດ ກໍໄດ້ເກີດຂຶ້ນຢູ່ທົ່ວໂລກ ອັນໄດ້ຮັບຜົນກະທົບຂອງສົງຄາມໂລກຄັ້ງທີ II; ກະແສຟອງດັ່ງກ່າວ, ໄດ້ເປັນສິ່ງກະຕຸ້ນເຮັດໃຫ້ການເຄື່ອນໄຫວປະຕິວັດຢູ່ພາຍໃນປະເທດເຮົາ ເລີ່ມກໍ່ຕົວເປັນຂະບວນລຸກຮືຂຶ້ນ ເພື່ອປົດປ່ອຍຊາດ. ໄລຍະດັ່ງກ່າວ, ການທູດລາວ ຈຶ່ງໄດ້ຄ່ອຍໆຂະຫຍາຍຕົວພ້ອມກັບບັນດາຂະບວນການຕໍ່ສູ້ ເພື່ອຄວາມເປັນເອກະລາດ ຊຶ່ງກາຍເປັນເຄື່ອງມືອັນສໍາຄັນໃນການເຄື່ອນໄຫວຕໍ່ສູ້, ຂົນຂວາຍ ແລະ ຍາດແຍ່ງ ກາຍເປັນອົງປະກອບໜຶ່ງ ເຮັດໃຫ້ອົງຄະນະພັກແຄວ້ນລາວ ສາມາດນໍາພາປະຊາຊົນ ຍາດໄດ້ໄຊຊະນະ ແລະ ປະກາດເອກະລາດຕໍ່ຊາວໂລກ, ພ້ອມທັງໄດ້ສ້າງຕັ້ງລັດຖະບານລາວເອກະລາດ ໂດຍໄດ້ມີຮ່າງລັດຖະທໍາມະນູນຂອງຊາດລາວຂຶ້ນ ແລະ ລັດຖະບານຊຸດທໍາອິດຂອງລາວ ກໍໄດ້ມີການຕົກລົງສ້າງຕັ້ງກອງທະຫານປະສົມ ລາວ-ຫວຽດນາມ ເພື່ອຊ່ວຍຕີຕ້ານສັດຕູພາຍນອກ ພາຍໃຕ້ການຊີ້ນໍາ-ນໍາພາ ຂອງລັດຖະມົນຕີກະຊວງການຕ່າງປະເທດລາວ ຜູ້ທໍາອິດຄື ທ່ານ ສະເດັດ ເຈົ້າສຸພານຸວົງ ຊຶ່ງເຫດການນີ້ ກືເປັນເຫດການປະຫວັດສາດອັນສໍາຄັນຂອງປວງຊົນລາວ ແລະ ຜ່ານການຄົ້ນຄວ້າ ຈຶ່ງໄດ້ຖືເອົາວັນທີ 12 ຕຸລາ 1945 ເປັນວັນກຳເນີດ “ວັນການທູດລາວ” ຢ່າງເປັນທາງການຕາມແຈ້ງການຂອງຫ້ອງວ່າການລັດຖະບານ ສະບັບເລກທີ 1102/ຫລບ.ກລຂ, ລົງວັນທີ 25 ກໍລະກົດ 20132013 ເປັນຕົ້ນມາ, ພ້ອມທັງໄດ້ກໍານົດໄວ້ໃນມາດຕາ 51 ຂອງກົດໝາຍວ່າດ້ວຍຊັ້ນນັກການທູດປີ 2020.

ສະຫາຍ ອິນທະປັນຍາ ຂຽວວົງພະຈັນ ຍັງໄດ້ຍົກໃຫ້ເຫັນຄວາມໝາຍຄວາມສຳຄັນຂອງວັນການທູດລາວ ແລະ ວັນປະກາດເອກະລາດ ທີ່ມີການພົວພັນກັນ, ພ້ອມທັງຍົກໃຫ້ເຫັນການເຄື່ອນໄຫວການຕ່າງປະເທດພາຍໃຕ້ການນໍາພາຂອງພັກ ໃນແຕ່ລະໄລຍະ ນັບແຕ່ໄລຍະປົດປ່ອຍຊາດ, ແນວທາງການຕ່າງປະເທດຫຼັງປົດປ່ອຍ ແລະ ໃນໄລຍະປ່ຽນແປງໃໝ່. ພ້ອມດຽວກັນນີ້, ກໍຍັງໄດ້ສືບຕໍ່ເຜີຍແຜ່ເອກສານລະນຶກວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຊຶ່ງໃນປີນີ້ ການຈັດງານລະນຶກວັນສາກົນເພື່ອລຶບລ້າງຄວາມທຸກຍາກຄົບຮອບ 33 ປີ (17 ຕຸລາ 1992 ຫາ 17 ຕຸລາ 2025) ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຄົບຮອບ 22 ປີ (17-24 ຕຸລາ 2003 ຫາ 17-24 ຕຸລາ 2025).

(ຂ່າວ-ພາບ: ສຸກສະຫວັນ)

ຄໍາເຫັນ

ຂ່າວວັດທະນະທຳ-ສັງຄົມ

ທິດທາງການນຳພາຂອງຄະນະພັກແຂວງວຽງຈັນ ໄດ້ຊ່ວຍເຮັດໃຫ້ບັນດາທຸລະກິດມີຄວາມໝັ້ນໃຈໃນການລົງທຶນຫຼາຍຂຶ້ນ

29/10/2025 13:53

ໃນໂອກາດດໍາເນີນກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນ ຄັ້ງທີ VII ໃນລະຫວ່າງວັນທີ 15-16 ຕຸລາ ຜ່ານມາ, ທ່ານ ຄໍາໄພ ສົມຊະນະ ປະທານບໍລິສັດກຸ່ມ ຄໍາໄພຊະນະ ຈໍາກັດຜູ້ດຽວ ໄດ້ໃຫ້ສຳພາດຕໍ່ສື່ມວນຊົນວ່າ: ການເຂົ້າຮ່ວມກອງປະຊຸມຄັ້ງນີ້ ເປັນໂອກາດດີໃຫ້ພວກເຮົາໄດ້ຮັບຮູ້ທິດທາງໃໝ່ໆ ຈາກພັກ-ລັດ ໃນການພັດທະນາເສດຖະກິດທ້ອງຖິ່ນ. ໃນໄລຍະ 5 ປີ ຜ່ານມາ ພາຍໃຕ້ຄວາມເອົາໃຈໃສ່ນໍາພາ-ຊີ້ນໍາຂອງຄະນະບໍລິຫານງານພັກແຂວງ, ການຈັດຕັ້ງພັກ-ລັດທຸກຂັ້ນ ເຫັນວ່າແຂວງວຽງຈັນກໍຍັງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍຢ່າງໜັກແໜ້ນ ແລະ ເສດຖະກິດຂອງແຂວງຕະຫຼອດ 5 ປີ ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ຊຶ່ງເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການພັດທະນາດີຂຶ້ນເປັນແຕ່ລະໄລຍະ ແລະ ເຊື່ອໝັ້ນວ່າ ຄະນະບໍລິຫານງານພັກແຂວງຊຸດໃໝ່ ຈະສືບຕໍ່ຊຸກຍູ້ບັນດານັກທຸລະກິດມີຄວາມໝັ້ນໃຈໃນການລົງທຶນຫຼາຍຂຶ້ນ, ໂດຍສະເພາະໃນຂະແໜງການຜະລິດ, ການທ່ອງທ່ຽວ ແລະ ການຄ້າ. ການຮ່ວມມືລະຫວ່າງພາກລັດ ແລະ ເອກະຊົນ ແມ່ນຫົວໃຈສຳຄັນຂອງຄວາມສຳເລັດ ໃນການພັດທະນາຊີວິດການເປັນຢູ່ຂອງປະຊາຊົນ ກໍຄືການພັດທະນາເສດຖະກິດ-ສັງຄົມຢູ່ແຂວງວຽງຈັນ ໃຫ້ກ້າວໄປຂ້າງໜ້າ.

ເມືອງພຽງ ປິດການເຝິກອົບຮົມການສຳຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ V

29/10/2025 13:28

ເມືອງພຽງ ແຂວງໄຊຍະບູລີ ປິດການເຝິກອົບຮົມໃຫ້ແກ່ນັກເດີນສຳຫຼວດ ແລະ ນັກກວດກາ ໃນການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025ຂຶ້ນໃນວັນທີ 28 ຕຸລານີ້ ຢູ່ທີ່ຫ້ອງປະຊຸມໃຫຍ່ຂອງເມືອງ ໂດຍການເຂົ້າຮ່ວມຂອງທ່ານ ກອງໄຊ ໄຊຍະລາດ ຮອງປະທານຄະນະກຳມະການປົກຄອງເມືອງ ຮອງຫົວໜ້າຄະນະຊີ້ນຳສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025 ຂັ້ນເມືອງ, ມີບັນດາຄະນະຮັບຜິດຊອບຂັ້ນແຂວງ ແລະ ຂັ້ນເມືອງພ້ອມດ້ວຍນັກກວດກາ ແລະ ນັກເດີນສຳຫຼວດຂັ້ນເມືອງເຂົ້າຮ່ວມ.

ເຈົ້າແຂວງຄຳມ່ວນ ຊຸກຍູ້ການຜະລິດເຄື່ອງປັ່ນດິນເຜົາຢູ່ເມືອງໜອງບົກ

29/10/2025 13:26

ເພື່ອແນໃສ່ ໃນການອານຸລັກຮັກສາ ແລະ ສົ່ງເສີມມູນເຊື້ອທີ່ເຄີຍສືບຕໍ່ກັນມາແຕ່ດົນນານ ເປັນຕົ້ນແມ່ນການປະກອບອາຊີບສ້າງລາຍຮັບໃນການປັ້ນໝໍຫຼໍໄຫ ຂອງປະຊາຊົນບ້ານໜອງບົກ ເມືອງ ໜອງບົກ ທີ່ເຄີຍສືບທອດກັນມາຈາກລຸ້ນຕໍ່ລຸ້ນ. ດັ່ງນັ້ນ, ໃນວັນທີ 27 ຕຸລານີ້, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ພ້ອມດ້ວຍພາກສ່ວນຕ່າງໆ ທີ່ກ່ຽວຂ້ອງ ໄດ້ລົງເຄື່ອນໄຫວ ຕິດຕາມຊຸກຍູ້ການຜະລິດເຄື່ອງປັ້ນດິນເຜົາຂອງຄອບຄົວ ທ່ານ ໄວພົດ ບຸນຍັງ ຄະນະກຸ່ມຫັດຖະກໍາເຄື່ອງປັ້ນດິນເຜົາບ້ານໜອງບົກ ແຂວງຄໍາມ່ວນ.

ເປີດວາງສະແດງລົດໄຟຟ້າຫຼູສູ່ໂລກແຫ່ງພະລັງງານສະອາດ

29/10/2025 12:57

ໃນວັນທີ 27 ຕຸລາຜ່ານມານີ້ ທີ່ສູນ Deepal ບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ ໄດ້ຈັດພິທີເປີດວາງສະແດງລົດໄຟຟ້າຫຼູຍີ່ຫໍ້ Deepal ໂດຍແມ່ນບໍລິສັດສັນຕິພາບມໍເຕີ ເປັນຕົວແທນຈໍາໜ່າຍຢ່າງເປັນທາງການແຫ່ງທໍາອິດໃນນະຄອນຫຼວງວຽງຈັນ, ໂດຍເປັນກຽດເຂົ້າຮ່ວມຂອງທ່ານມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ, ທ່ານນາງລີຊີເສີນ ທີ່ປຶກສາສະຖານທູດຈີນປະຈຳ ສປປ ລາວ, ທ່ານ ກວນສິນ ຮອງປະທານເຂດອາຊີຕາເວັນອອກສ່ຽງໃຕ້, ພ້ອມຜູ້ຕາງໜ້າ ບໍລິສັດ ChanAnAutomobile, ບັນດາແຂກຖືກເຊີນເຂົ້າຮ່ວມ.

ຍົກສູງການພົວພັນຮ່ວມມືວຽກງານ ສນຊ ແລະ ສະຫະພັນກໍາມະບານລາວ

29/10/2025 12:52

ການພົວພັນຮ່ວມມືລະຫວ່າງສູນກາງແນວລາວສ້າງຊາດ (ສນຊ) ແລະ ສະຫະພັນກໍາມະບານລາວ ເນື້ອແທ້ເພື່ອເປັນການເສີມຂະຫຍາຍມູນເຊື້ອ ແລະ ເຕົ້າໂຮມຄວາມສາມັກຄີໃນຖັນແຖວສະມາຊິກກໍາມະບານກໍາມະກອນ ແລະ ຊາວຜູ້ອອກແຮງງານລາວບັນດາເຜົ່າໃຫ້ແໜ້ນແຟ້ນເປັນຈິດໜຶ່ງໃຈດຽວກັນ.

ປະທານຄະນະກວດກາສູນກາງພັກ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄຳມ່ວນ

29/10/2025 10:37

ວັນທີ 27 ຕຸລານີ້ ທີ່ຫ້ອງປະຊຸມເຮືອນພັກເບີ 1 ຂອງແຂວງຄໍາມ່ວນ, ທ່ານ ຄໍາພັນ ພົມມະທັດ ກຳມະການກົມການເມືອງສູນກາງພັກ ເລຂາທິການສຸນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ເຄື່ອນໄຫວພົບປະພະນັກງານການນຳຫຼັກແຫຼ່ງຂອງແຂວງຄຳມ່ວນ. ເຂົ້າຮ່ວມໃນກອງປະຊຸມຄັ້ງນີ້ມີ ທ່ານ ວັນໄຊ ພອງສະຫວັນ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຄຳມ່ວນ ພ້ອມດ້ວຍຄະນະ, ມີບັນດາຄະນະນຳຈາກພາກສ່ວນຕ່າງໆ ຂັ້ນແຂວງ, ເມືອງເຂົ້າຮ່ວມ.

ກອງປະຊຸມໃຫຍ່ຜູ້ແທນພະສົງທົ່ວແຂວງໄຊຍະບູລີ ສະໄໝທີ V

29/10/2025 10:23

ໃນຕອນເຊົ້າວັນທີ 28 ຕຸລານີ້ ຢູ່ທີ່ຫໍປະຊຸມໃຫຍ່ຂອງແຂວງໄຊຍະບູລີ ໄດ້ຈັດກອງປະຊຸມໃຫຍ່ຜູ້ແທນພະສົງທົ່ວແຂວງໄຊຍະບູລີ ສະໄໝທີ V ພາຍໃຕ້ການເປັນປະທານຂອງພະອາຈານ ບຸນທຽນ ພຸດທະວະໂຣ ກໍາມະການສູນກາງອົງການພຸດທະສາສະໜາສໍາພັນ ແຫ່ງ ສປປ ລາວ ປະທານພຸດທະສາສະໜາສໍາພັນລາວແຂວງໄຊຍະບູລີ, ມີພະອາຈານໃຫຍ່ ອ່ອນແກ້ວ ສິດທິວົງ ຜູ້ຊ່ວຍປະທານ ສູນກາງອົງການພຸດທະສາສະໜາສໍາພັນລາວ, ທ່ານ ເພັງນິລັນ ຄໍາພັນເພັງ ປະທານສະພາປະຊາຊົນແຂວງໄຊຍະບູລີ ແລະ ພາກສ່ວນກ່ຽວຂ້ອງທົ່ວແຂວງ ເຂົ້າຮ່ວມ.

ພິທີແນະນຳລົດໄຟຟ້າຫຼູ ສູ່ໂລກແຫ່ງພະລັງງານສະອາດ

28/10/2025 16:08

ໃນວັນທີ 27 ຕຸລາ ນີ້ ທີ່ສູນ Deepal ບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ ໄດ້ຈັດພິທີແນະນຳລົດໄຟຟ້າຫຼູ Deepal ສູ່ໂລກແຫ່ງພະລັງງານສະອາດ, ໂດຍເປັນກຽດເຂົ້າຮ່ວມ ຂອງ ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ, ທ່ານ ນາງ ລີຊີເສີນ ທີ່ປຶກສາສະຖານທູດຈີນປະຈຳ ສປປ ລາວ, ທ່ານ ກວນ ສິນ ຮອງປະທານເຂດອາ ຊີຕາເວັນອອກສ່ຽງໃຕ້, ພ້ອມຜູ້ຕາງໜ້າບໍລິສັດ Chan An Automobile, ບັນດາແຂກຖືກເຊີນເຂົ້າ ຮ່ວມ.

ກຸ່ມບໍລິສັດ ສຽນເສີງ ສະໜັບສະໜູນ ທີມນັກກິລາເຕະບານ ນວ 500 ລ້ານກີບ

28/10/2025 15:58

ກຸ່ມບໍລິສັດ ສຽນເສີງ ຈຳກັດ ສະໜັບສະໜູນທີມນັກກິລາເຕະບານ ທີມຍິງ-ຊາຍ ແລະ ຟຸດຊໍ ເຈົ້າພາບນະຄອນຫຼວງວຽງຈັນ (ນວ) 500 ລ້ານກີບ ກຽມເຂົ້າຮ່ວມສ້າງຜົນງານໃນການແຂ່ງຂັນງານມະຫະກຳກິລາແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນ ເກມ 2025 ຈະຈັດຂຶ້ນ ລະຫວ່າງວັນທີ 15-25 ພະຈິກ 2025 ນີ້.

ສກລ ສະຫວັນນະເຂດ ມີເງິນສະສົມກອງທຶນຊ່ວຍເຫຼືອຊຶ່ງກັນ ແລະ ກັນ 20 ກວ່າຕື້ກີບ

28/10/2025 15:52

ສະຫາຍ ຄຳເກິ່ງ ສຸດທິເດດ ກຳມະການພັກແຂວງ ປະທານສະຫະພັນກຳມະບານແຂວງສະຫວັນນະເຂດ ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ກ່ຽວກັບບົດລາຍງານການເມືອງຂອງຄະນະບໍລິຫານງານສະຫະພັນ ກໍາມະບານແຂວງສະໄໝທີ VIII ຕໍ່ກອງປະຊຸມໃຫຍ່ຜູ້ແທນສະຫະພັນກຳມະບານແຂວງສະຫວັນນະເຂດຄັ້ງທີ IX ໃນໂອກາດທີ່ເຂົ້າຮ່ວມກອງປະຊຸມໃຫຍ່ຜູ້ແທນກໍາມະບານທົ່ວປະເທດ ຄັ້ງທີ IX ໂດຍສະຫາຍໄດ້ໃຫ້ຮູ້ວ່າ:

ເພີ່ມເຕີມ