ເມື່ອບໍ່ດົນມານີ້, ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ (ສນຊ) ພ້ອມຄະນະ ໄດ້ເຄື່ອນໄຫວຊຸກຍູ້ວຽກງານການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດ ຢູ່ 4 ແຂວງ ຄື: ແຂວງໄຊສົມບູນ, ແຂວງຊຽງຂວາງ, ແຂວງຫົວພັນ ແລະ ແຂວງບໍລິຄຳໄຊ.
ໃນວາລະການເຄື່ອນໄຫວ ທ່ານຮອງປະທານສູນກາງແນວລາວສ້າງຊາດ ໄດ້ເຂົ້າພົບປະຢ້ຽມຢາມທ່ານ ວັນວິໄລ ແດນພູຫຼວງ ຮອງເລຂາພັກແຂວງບໍລິຄຳໄຊ ຜູ້ຊີ້ນຳວຽກງານພັກ-ພະນັກງານ, ພົບປະ ທ່ານ ວົງສອນ ອິນປານພິມ ຮອງເລຂາພັກແຂວງໄຊສົມບູນ ຜູ້ຊີ້ນຳວຽກງານພັກ-ພະນັກງານ, ທ່ານ ບຸນໂຮມ ເທດທານີ ຮອງເລຂາພັກແຂວງປະທານສະພາປະຊາຊົນແຂວງຊຽງຂວາງ ແລະ ທ່ານ ເພີດ ມາປັນຍາ ຮອງເລຂາພັກແຂວງຫົວພັນ ຜູ້ຊີ້ນຳວຽກງານພັກ-ພະນັກງານ ເພື່ອລາຍງານຈຸດປະສົງການເຄື່ອນໄຫວເຮັດວຽກ ໃນຄັ້ງນີ້ ໃຫ້ໄດ້ຮັບຊາບ. ພ້ອມກັນນັ້ນ, ຄະນະກໍໄດ້ພົບປະ ແລະ ເຮັດວຽກກັບຄະນະກຳມະການແນວລາວສ້າງຊາດ ແລະ ພາກສ່ວນທີ່ກ່ຽວຂ້ອງຂອງ 4 ແຂວງດັ່ງກ່າວ. ພ້ອມທັງໄດ້ຮັບຟັງການລາຍງານກ່ຽວກັບຜົນງານທີ່ພົ້ນເດັ່ນ ໃນການເຄື່ອນໄຫວວຽກງານຂອງແນວລາວສ້າງຊາດ ໃນໄລຍະຜ່ານມາ, ທິດທາງແຜນການໃນຕໍ່ໜ້າ ແລະ ວຽກງານການກະກຽມກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ຢູ່ແຂວງ ແລະ ບັນດາເມືອງ ໂດຍຫຍໍ້ຈາກ ທ່ານ ບຸນຄຳ ໄຊເຍ່ຍລໍ່ວື່ ປະທານແນວລາວສ້າງຊາດແຂວງບໍລິຄຳໄຊ, ທ່ານ ເລັ່ງຊົ່ງ ຕົ່ງສີ ປະທານແນວລາວສ້າງຊາດແຂວງໄຊສົມບູນ, ທ່ານ ນາງ ບົວສີ ນາຖາວົງ ປະທານແນວລາວສ້າງຊາດແຂວງຊຽງຂວາງ ແລະ ທ່ານ ວົງເພັດ ກຽນສິງຮັກ ປະທານແນວລາວສ້າງຊາດແຂວງຫົວພັນ.
ການເຄື່ອນໄຫວເຮັດວຽກໃນຄັ້ງນີ້ ຄະນະໄດ້ເຜີຍແຜ່ບາງເອກະສານທີ່ສໍາຄັນ ຄື: ແຈ້ງການເລກທີ 17/ຄປຈ ກ່ຽວກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ໄລຍະ 5 ປີ 2024-2029, ມະຕິ 108/ກມສພ ວ່າດ້ວຍວຽກງານແນວໂຮມ ແລະ ວຽກງານມະຫາຊົນຂອງພັກ ໄລຍະໃໝ່, ຄໍາສັ່ງຂອງຄະນະເລຂາທິການສູນກາງພັກ ເລກທີ 19/ຄລສພ ລົງວັນທີ 30 ມິຖຸນາ 2015 ກ່ຽວກັບບຸກຄະລາກອນຂອງແນວລາວສ້າງຊາດຂັ້ນທ້ອງຖິ່ນ, ດໍາລັດເລກທີ 203/ລບ ລົງວັນທີ 4 ກໍລະກົດ 2017 ວ່າດ້ວຍຕໍ່າແໜ່ງບໍລິຫານຂອງພະນັກງານ-ລັດຖະກອນ, ດໍາລັດເລກທີ 461/ລບ ລົງວັນທີ 9 ຕຸລາ 2012 ວ່າດ້ວຍມາດຕະຖານຕຳແໜ່ງບໍລິຫານ ຂອງລັດຖະກອນ ແຫ່ງ ສປປ ລາວ. ຈາກນັ້ນ, ຜູ້ເຂົ້າຮ່ວມ ກໍໄດ້ພ້ອມກັນແລກປ່ຽນຄໍາຄິດຄໍາເຫັນຢ່າງກົງໄປກົງມາຕໍ່ບາງເນື້ອໃນຂອງເອກະສານ ແລະ ຕາມຄໍາຖາມເຈາະຈີ້້ມຂອງທ່ານຮອງປະທານສູນກາງແນວລາວສ້າງຊາດ ຕື່ມອີກ.
ທ່ານ ເຍ່ຍເກີຢ່າ ໜໍຈໍຈົງຕົວ ໄດ້ມີຄໍາເຫັນເນັ້ນຕື່ມວ່າ: ໃຫ້ແນວລາວສ້າງຊາດ ແຕ່ລະຂັ້ນ ສືບຕໍ່ເອົາໃຈໃສ່ເຊື່ອມຊຶມແນວທາງນະໂຍບາຍ ແລະ ນິຕິກຳຕ່າງໆ ຂອງພັກ, ຂອງລັດ, ຂອງແນວລາວສ້າງຊາດ ແລະ ບັນດາແຜນງານ, ໂຄງການ ແລະ ກິດຈະກຳຕ່າງໆ ທີ່ກອງປະຊຸມໃຫຍ່ຂອງແນວລາວສ້າງຊາດ ແຕ່ລະຂັ້ນໄດ້ກຳນົດ ເພື່ອກຳແໜ້ນໃຫ້ເລິກຊິ່ງ ແລະ ນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈີງ ຢ່າງແຂງແຮງ ໂດຍສະເພາະການກະກຽມດ້ານເນື້ອໃນ, ດ້ານບຸກຄະລາກອນ ແລະ ຂະບວນການ; ສືບຕໍ່ຍູ້ແຮງຈັດຕັ້ງຜັນຂະຫຍາຍຂໍ້ຕົກລົງຂອງຄະນະປະຈໍາສູນກາງແນວລາວສ້າງຊາດ ເລກທີ 388 ລົງວັນທີ 12 ກັນຍາ 2023 ວ່າດ້ວຍການຮັບຮອງຂໍ້ແຂ່ງຂັນຮັກຊາດ ແລະພັດທະນາ; ຈັດຕັ້ງຜັນຂະຫຍາຍເນື້ອໃນ 4 ການຫັນປ່ຽນ, 4 ຮ່ວມ ແລະ 4 ເສີມສ້າງ ຕິດພັນກັບການສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ໃຫ້ເປັນຂະບວນການຟົດຟື້ນ; ຍູ້ແຮງຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນ, ສືບຕໍ່ປຸກລະດົມປະຊາຊົນໃຫ້ທຳການຜະລິດກະສິກຳ ເປັນສິນຄ້າ ຢ່າງແຂງແຮງ, ນຳໃຊ້ຜະລິດຕະພັນຂອງລາວ ແລະ ພ້ອມກັນຊ່ວຍກັນຕ້ານປະກົດການຫຍໍ້ທໍ້ຕ່າງໆ ທີ່ເກີດຂື້ນໃນສັງຄົມ.(ຂ່າວ:ສນຊ)
ໃນວາລະການເຄື່ອນໄຫວ ທ່ານຮອງປະທານສູນກາງແນວລາວສ້າງຊາດ ໄດ້ເຂົ້າພົບປະຢ້ຽມຢາມທ່ານ ວັນວິໄລ ແດນພູຫຼວງ ຮອງເລຂາພັກແຂວງບໍລິຄຳໄຊ ຜູ້ຊີ້ນຳວຽກງານພັກ-ພະນັກງານ, ພົບປະ ທ່ານ ວົງສອນ ອິນປານພິມ ຮອງເລຂາພັກແຂວງໄຊສົມບູນ ຜູ້ຊີ້ນຳວຽກງານພັກ-ພະນັກງານ, ທ່ານ ບຸນໂຮມ ເທດທານີ ຮອງເລຂາພັກແຂວງປະທານສະພາປະຊາຊົນແຂວງຊຽງຂວາງ ແລະ ທ່ານ ເພີດ ມາປັນຍາ ຮອງເລຂາພັກແຂວງຫົວພັນ ຜູ້ຊີ້ນຳວຽກງານພັກ-ພະນັກງານ ເພື່ອລາຍງານຈຸດປະສົງການເຄື່ອນໄຫວເຮັດວຽກ ໃນຄັ້ງນີ້ ໃຫ້ໄດ້ຮັບຊາບ. ພ້ອມກັນນັ້ນ, ຄະນະກໍໄດ້ພົບປະ ແລະ ເຮັດວຽກກັບຄະນະກຳມະການແນວລາວສ້າງຊາດ ແລະ ພາກສ່ວນທີ່ກ່ຽວຂ້ອງຂອງ 4 ແຂວງດັ່ງກ່າວ. ພ້ອມທັງໄດ້ຮັບຟັງການລາຍງານກ່ຽວກັບຜົນງານທີ່ພົ້ນເດັ່ນ ໃນການເຄື່ອນໄຫວວຽກງານຂອງແນວລາວສ້າງຊາດ ໃນໄລຍະຜ່ານມາ, ທິດທາງແຜນການໃນຕໍ່ໜ້າ ແລະ ວຽກງານການກະກຽມກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ຢູ່ແຂວງ ແລະ ບັນດາເມືອງ ໂດຍຫຍໍ້ຈາກ ທ່ານ ບຸນຄຳ ໄຊເຍ່ຍລໍ່ວື່ ປະທານແນວລາວສ້າງຊາດແຂວງບໍລິຄຳໄຊ, ທ່ານ ເລັ່ງຊົ່ງ ຕົ່ງສີ ປະທານແນວລາວສ້າງຊາດແຂວງໄຊສົມບູນ, ທ່ານ ນາງ ບົວສີ ນາຖາວົງ ປະທານແນວລາວສ້າງຊາດແຂວງຊຽງຂວາງ ແລະ ທ່ານ ວົງເພັດ ກຽນສິງຮັກ ປະທານແນວລາວສ້າງຊາດແຂວງຫົວພັນ.
ການເຄື່ອນໄຫວເຮັດວຽກໃນຄັ້ງນີ້ ຄະນະໄດ້ເຜີຍແຜ່ບາງເອກະສານທີ່ສໍາຄັນ ຄື: ແຈ້ງການເລກທີ 17/ຄປຈ ກ່ຽວກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ໄລຍະ 5 ປີ 2024-2029, ມະຕິ 108/ກມສພ ວ່າດ້ວຍວຽກງານແນວໂຮມ ແລະ ວຽກງານມະຫາຊົນຂອງພັກ ໄລຍະໃໝ່, ຄໍາສັ່ງຂອງຄະນະເລຂາທິການສູນກາງພັກ ເລກທີ 19/ຄລສພ ລົງວັນທີ 30 ມິຖຸນາ 2015 ກ່ຽວກັບບຸກຄະລາກອນຂອງແນວລາວສ້າງຊາດຂັ້ນທ້ອງຖິ່ນ, ດໍາລັດເລກທີ 203/ລບ ລົງວັນທີ 4 ກໍລະກົດ 2017 ວ່າດ້ວຍຕໍ່າແໜ່ງບໍລິຫານຂອງພະນັກງານ-ລັດຖະກອນ, ດໍາລັດເລກທີ 461/ລບ ລົງວັນທີ 9 ຕຸລາ 2012 ວ່າດ້ວຍມາດຕະຖານຕຳແໜ່ງບໍລິຫານ ຂອງລັດຖະກອນ ແຫ່ງ ສປປ ລາວ. ຈາກນັ້ນ, ຜູ້ເຂົ້າຮ່ວມ ກໍໄດ້ພ້ອມກັນແລກປ່ຽນຄໍາຄິດຄໍາເຫັນຢ່າງກົງໄປກົງມາຕໍ່ບາງເນື້ອໃນຂອງເອກະສານ ແລະ ຕາມຄໍາຖາມເຈາະຈີ້້ມຂອງທ່ານຮອງປະທານສູນກາງແນວລາວສ້າງຊາດ ຕື່ມອີກ.
ທ່ານ ເຍ່ຍເກີຢ່າ ໜໍຈໍຈົງຕົວ ໄດ້ມີຄໍາເຫັນເນັ້ນຕື່ມວ່າ: ໃຫ້ແນວລາວສ້າງຊາດ ແຕ່ລະຂັ້ນ ສືບຕໍ່ເອົາໃຈໃສ່ເຊື່ອມຊຶມແນວທາງນະໂຍບາຍ ແລະ ນິຕິກຳຕ່າງໆ ຂອງພັກ, ຂອງລັດ, ຂອງແນວລາວສ້າງຊາດ ແລະ ບັນດາແຜນງານ, ໂຄງການ ແລະ ກິດຈະກຳຕ່າງໆ ທີ່ກອງປະຊຸມໃຫຍ່ຂອງແນວລາວສ້າງຊາດ ແຕ່ລະຂັ້ນໄດ້ກຳນົດ ເພື່ອກຳແໜ້ນໃຫ້ເລິກຊິ່ງ ແລະ ນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈີງ ຢ່າງແຂງແຮງ ໂດຍສະເພາະການກະກຽມດ້ານເນື້ອໃນ, ດ້ານບຸກຄະລາກອນ ແລະ ຂະບວນການ; ສືບຕໍ່ຍູ້ແຮງຈັດຕັ້ງຜັນຂະຫຍາຍຂໍ້ຕົກລົງຂອງຄະນະປະຈໍາສູນກາງແນວລາວສ້າງຊາດ ເລກທີ 388 ລົງວັນທີ 12 ກັນຍາ 2023 ວ່າດ້ວຍການຮັບຮອງຂໍ້ແຂ່ງຂັນຮັກຊາດ ແລະພັດທະນາ; ຈັດຕັ້ງຜັນຂະຫຍາຍເນື້ອໃນ 4 ການຫັນປ່ຽນ, 4 ຮ່ວມ ແລະ 4 ເສີມສ້າງ ຕິດພັນກັບການສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ໃຫ້ເປັນຂະບວນການຟົດຟື້ນ; ຍູ້ແຮງຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນ, ສືບຕໍ່ປຸກລະດົມປະຊາຊົນໃຫ້ທຳການຜະລິດກະສິກຳ ເປັນສິນຄ້າ ຢ່າງແຂງແຮງ, ນຳໃຊ້ຜະລິດຕະພັນຂອງລາວ ແລະ ພ້ອມກັນຊ່ວຍກັນຕ້ານປະກົດການຫຍໍ້ທໍ້ຕ່າງໆ ທີ່ເກີດຂື້ນໃນສັງຄົມ.(ຂ່າວ:ສນຊ)
ຄໍາເຫັນ