ຮອງປະທານ ສນຊ ຕ້ອນຮັບສະມາຄົມສະຫະກອນຈາກ ສສ ຫວຽດນາມ

13:18 10/06/2025

ໃນວັນທີ 9 ມິຖຸນາ ຜ່ານມາ ນີ້, ທ່ານ ນາງ ອິນລາວັນ ແກ້ວບຸນພັນ ຮອງປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມພົບປະຂອງສະມາຄົມສະຫະກອນ ສສ ຫວຽດນາມ ຊຶ່ງນຳພາຄະນະ ໂດຍທ່ານ ນາງ ອານິດ ສີວິໄຊ ໃນນາມປະທານບໍລິສັດ ທະເວວພັດທະນາກະສິກຳຄົບວົງຈອນ ແລະ ຜະລິດຕະພັນລາວຈຳກັດ ແລະ ປະທານໂຄງການນາຕານກະສິກຳສະອາດ, ມີບັນດາຜູ້ຊ່ຽວຊານ ຈາກ ສສ ຫວຽດນາມ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.

ຮອງປະທານ ສນຊ ຕອນຮບສະມາຄມສະຫະກອນຈາກ ສສ ຫວຽດນາມ - image 1

ໃນໂອກາດນີ້, ນາງ ອານິດ ສີວິໄຊ ໄດ້ລາຍງານໃຫ້ຮູ້ວ່າ: ໂຄງການນາຕານກະສິກຳສະອາດຄົບວົງຈອນ ໄດ້ເລີ່ມຈັດຕັ້ງແຕ່ປີ 2018 ໂດຍໃຊ້ແຫຼ່ງທຶນຄອບຄົວ ຮ່ວມກັບປະຊາຊົນ ພາຍໃນບ້ານນາຕານ ເມືອງໄຊທານີ ນະຄອນຫຼວງວຽງຈັນ, ປີ 2022 ພະແນກແຜນການ ແລະ ການລົງທຶນນະຄອນຫຼວງວຽງຈັນ ໄດ້ຮ່ວມມືກັບໂຄງການຂອງບໍລິສັດ ໂດຍນໍາໃຊ້ຊ່ຽວຊານຈາກປະເທດເພື່ອນບ້ານເພື່ອທົດລອງວິໄຈການເພາະພັນກັບວິທີການລ້ຽງກຸ້ງນໍ້າຈືດ, ທົດລອງວິທີການແປຮູບຜະລິດຕະພັນກະສິກຳ ສິນຄ້າໂອດັອບ ແລະ ທົດລອງວິທີແປຮູບໝາກໄມ້ໃຫ້ໝາກ ຈຳນວນ 48 ຊະນິດ.

ວັນທີ 1 ມິຖຸນາ 2024 ໂຄງການຂອງພວກເຮົາໄດ້ດຳເນີນການທົດລອງລົງປູກພືດພັນຕ່າງໆ ເປັນຕົ້ນ: ຕົ້ນໝາກກ້ຽງໃຫຍ່ (ໝາກພຸກ) ຈຳນວນ 1,200 ຕົ້ນ, ຕົ້ນອະງຸ່ນຂຽວ 1,000 ຕົ້ນ, ຕົ້ນອະງຸ່ນແດງ 1,000 ຕົ້ນ, ຕົ້ນດອກທ່ຽນລີ່ 1,000 ຕົ້ນ, ຕົ້ນໝາກນອດ ແລະ ຕົ້ນໝາກພ້າວ ຈຳນວນ 300 ຕົ້ນ, ຕົ້ນໝາກສີດາ 1,000 ຕົ້ນ, ຕົ້ນໝາກນາວ 100 ຕົ້ນ, ຕົ້ນຫົວສີໄຄຍີ່ປຸ່ນ 500 ຕົ້ນ ພ້ອມຜັກຄົວເຮືອນຊະນິດຕ່າງໆ, ໃນນັ້ນພວກເຮົາຍັງໄດ້ປູກຜັກສະໝຸນໄພຄື: ຜັກຕົ້ນຫອມຝຣັ່ງ ເປັນຜັກທີ່ມີລາຄາສູງເປັນທີ່ຕ້ອງການຂອງຕະຫຼາດໃນຫຼາຍພາກພື້ນອາຊີ ໂດຍສະເພາະປະເທດຍີ່ປຸ່ນ ແລະ ປະເທດຈີນ. ຜ່ານການທົດລອງພາຍໃນໄລຍະ 1 ປີທີ່ຜ່ານມາເຫັນວ່າຜົນຜະລິດແມ່ນດີ ມີຄຸນນະພາບປອດສານ ໂດຍການນຳໃຊ້ເຕັກນິກວິທີການເຮັດກະສິກໍາຈາກຊ່ຽວຊານຫວຽດນາມເຫັນວ່າທາງໂຄງການສາມາດປູກ ແລະ ເກັບກ່ຽວຜົນຜະລິດໄດ້ໄວຂຶ້ນສອງເທົ່າໂດຍບໍ່ໃຊ້ເຄມີເລັ່ງທຽບກັບການຜະລິດທີ່ຜ່ານມາ. ໃນເດືອນມິຖຸນາ 2025 ນີ້ ທາງບໍລິສັດ ແລະ ຝ່າຍກຸ່ມສະຫະກອນໄດ້ເລີ່ມລົງມືເຮັດການຜະລິດຄົບວົງຈອນ ເລີ່ມຕົ້ນຄືການປູກໝາກໄມ້ໃຫ້ໝາກຄື: ໝາກນ໋ອດຫວານ ຈຳນວນ 10 ເຮັກຕາ ໂດຍຄາດຄະເນວ່າພາຍໃນ 3-4 ເດືອນສາມາດເກັບກ່ຽວຜົນຜະລິດໄດ້. ນອກຈາກທາງໂຄງການຈະຮ່ວມມືກັບຊ່ຽວຈາກປະເທດຫຽດນາມແລ້ວ ໂຄງການຍັງໄດ້ຮັບເຊີນຈາກອົງການຈັດຕັ້ງສາກົນເປັນຕົ້ນ ອົງການ INFOFISH ຊຶ່ງເປັນໜຶ່ງໃນອົງການພາຍໃຕ້ FAO ຫຼື Food and Agriculture Organization ເປັນອົງການລະຫວ່າງປະເທດດ້ານຂ່າວສານການຕະຫຼາດ ແລະ ບໍລິການເຜີຍແຜ່ດ້ານເຕັກນິກຂອງ ສິນຄ້າສັດນໍ້າ ແລະ ກະສິກໍາການປະມົງ ແຫ່ງອາຊີ ແລະ ປາຊີຟິກໃຫ້ເຂົ້າຮ່ວມການປະຊຸມ ໃນຖານະຜູ້ສັງເກດການເປັນໜຶ່ງໃນໂຄງການຕົວແທນຈາກປະເທດລາວ ທີ່ທາງອົງການໄດ້ໃຫ້ການສະໜັບສະໜູນດ້ານວິຊາການ ແລະ ເຊື່ອມໂຍງການຜະລິດການຈໍາໜ່າຍ ພ້ອມທັງຍັງໄດ້ເຊື້ອເຊີນໂຄງການເຮົາເຂົ້າຮ່ວມພາຄີ ແຕ່ເນື່ອງຈາກວ່າຍັງມີຂໍ້ຫຍຸ້ງຍາກຫຼາຍຢ່າງ ເປັນຕົ້ນໂຄງການນີ້ແມ່ນໂຄງການເອກະຊົນທັງໝົດ ດັ່ງນັ້ນຈຶ່ງຕ້ອງມີພາກລັດຊ່ວຍຊີ້ແນະໃຫ້ທິດທາງ ຈຶ່ງຈະພາໃຫ້ເກີດຜົນສຳເລັດ.

ດ້ວຍເຫດນັ້ນ, ທາງໂຄງການຂອງພວກເຮົາຈຶ່ງສະເໜີມາຍັງພາກລັດ ເພື່ອຊ່ວຍຊີ້ນຳ-ນໍາພາໃຫ້ພວກເຮົາກ້າວໄປສູ່ຄວາມສໍາເລັດໃນການຜະລິດກະສິກຳເປັນເຄື່ອງບໍລິໂພກ ເພື່ອຫຼຸດຜ່ອນການນໍາເຂົ້າ ແລະ ສົ່ງເສີມການບໍລິໂພກອາຫານທີ່ມີຄຸນນະພາບ, ພ້ອມທັງຊຸກຍູ້ສົ່ງເສີມການຮ່ວມມືກັບກຸ່ມສະຫະ ກອນ ສສ ຫວຽດນາມ ໃຫ້ສຳເລັດຕາມແຜນການ ແລະ ເປົ້າໝາຍທີ່ວາງໄວ້.

(ຂ່າວ-ຮູບ: ລີ)

ຄໍາເຫັນ

ຂ່າວການຮ່ວມມື

ທ່ານ ຈາຕຸລົງ ບົວສີສະຫວັດ ທູດລາວຄົນໃໝ່ປະຈຳ ນິວຊີແລນ

12/09/2025 15:13

ໃນວັນທີ 10 ກັນຍາ ຜ່ານມາ ທີ່ ທໍານຽບລັດຖະບານ ທີ່ ນະຄອນຫຼວງແວວລິງຕັນ, ທ່ານ ຈາຕຸລົງ ບົວສີສະຫວັດ ໄດ້ຍື່ນສານຕາຕັ້ງ ຕໍ່ ທ່ານ ນາງ ແດມ ຊິນດີ ຄີໂຣ ຜູ້ສຳເລັດຣາຊະການ ແຫ່ງ ເຄືອຈັກກະພົບ ນິວຊີແລນ ເພື່ອປະຕິບັດໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ເຄືອຈັກກະພົບ ນິວຊີແລນ ໂດຍມີສໍານັກງານຕັ້ງຢູ່ນະຄອນຫຼວງແຄນເບີຣາ ປະເທດອົສຕຣາລີ.

ສຳເລັດຊຸດຝຶກອົບຮົມວຽກງານການພິມ ການຈັດພິມ ແລະ ການຈໍາໜ່າຍ

12/09/2025 15:05

ຊຸດຝຶກອົບຮົມດ້ານວຽກງານການພິມ ການຈັດພິມ ແລະ ການຈໍາໜ່າຍໄດ້ປິດລົງໃນວັນທີ 11 ກັນຍາ ນີ້ ທີ່ສູນອົບຮົມແມ່ຍິງລາວ ເປັນກຽດເຂົ້າຮ່ວມມີທ່ານ ວັນສີ ກົວມົວ ຮອງລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ (ວທ), ທ່ານ ຫງ້ວຽນ ຫງວຽນ ຫົວໜ້າກົມຈັດພິມ, ການພິມ ແລະ ຈໍາໜ່າຍ ກະຊວງວັດທະນະທໍາກິລາ ແລະ ທ່ອງທ່ຽວ ສສ ຫວຽດນາມ, ມີຫົວໜ້າກົມ, ຜູ້ຕາງໜ້າຈາກກົມກອງ, ຜູ້ອໍານວຍການສໍານັກພິມ, ໂຮງພິມ, ປະທານສະມາຄົມ, ຜູ້ປະກອບການພາກລັດ ແລະ ວິສາຫະກິດ ພ້ອມດ້ວຍສໍາມະນາກອນ ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມການເຊື່ອມໂຍງພະລັງງານໂລກ ປີ 2025

12/09/2025 14:56

ກອງປະຊຸມການເຊື່ອມໂຍງພະລັງງານໂລກປີ 2025 ໄດ້ຈັດຂຶ້ນໃນວັນທີ 9 ກັນຍາ ຜ່ານມາ ທີ່ຫໍປະຊຸມແຫ່ງຊາດ ທີ່ນະຄອນຫຼວງປັກກິ່ງ ສປ ຈີນ ຊຶ່ງກອງປະຊຸມຄັ້ງນີ້ເປັນຄັ້ງທີ 7 ຈັດໂດຍອົງການຮ່ວມມືພັດທະນາການເຊື່ອມໂຍງພະລັງງານລະດັບໂລກ ຮ່ວມກັບອົງການພັດທະນາແຫ່ງສະຫະປະຊາຊາດ, ຄະນະກໍາມະການເສດຖະກິດ ແລະ ສັງຄົມ ສໍາລັບອາເມຣິກາ ແລະ ຄາລີບຽນ, ຄະນະກຳມະການເສດຖະກິດ ແລະ ສັງຄົມສຳລັບອາຊີ-ປາຊີຟິກ, ອົງການອຸດສາຫະກຳສະຫະປະຊາຊາດ, ອົງການເຄືອຂ່າຍແນວທາງແກ້ໄຂການພັດທະນາແບບຍືນຍົງຂອງສະຫະປະຊາຊາດ ແລະ ອົງການພະລັງງານ ອາເມຣິກາ ລາຕິນ. ໂດຍໃຫ້ກຽດເຂົ້າຮ່ວມຂອງທ່ານ ຫານ ເຈິ້ງ (Han Zheng) ຮອງປະທານປະເທດແຫ່ງ ສປ ຈີນ ແລະ ທ່ານຊິ່ນ ປ້າວອັນ (Xin Baoan) ປະທານອົງການພັດທະນາ ແລະ ການຮ່ວມມືລະຫວ່າງການເຊື່ອມຕໍ່ພະລັງງານທົ່ວໂລກ ປະທານສະພາໄຟຟ້າ ແຫ່ງ ສປຈີນ, ພາຍໃຕ້ຫົວຂໍ້ “ເຊື່ອມໂຍງພະລັງງານໂລກ ເພື່ອຕອບສະໜອງໄຟຟ້າທົ່ວໂລກດ້ວຍພະລັງງານສະອາດ”, ໂດຍມີແຂກພາຍໃນ ແລະ ຕ່າງປະເທດເຂົ້າຮ່ວມຫຼາຍກວ່າ 100 ປະເທດ. ໃນນັ້ນມີຕາງໜ້າຈາກກະຊວງອຸດສາຫະກຳ ແລະ ການຄ້າຂອງ ສປປ ລາວ ເຂົ້າຮ່ວມອີກດ້ວຍ.

ກອງປະຊຸມວິຊາການໃນຂະແໜງການທະນາຄານ

12/09/2025 14:34

ໃນວັນທີ 11 ກັນຍາ ນີ້ ທີ່ໂຮງແຮມຄຣາວພາຊາ ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມວິຊາການຂະແໜງການທະນາຄານ ພາຍໃຕ້ການເປັນປະທານກ່າວເປີດກອງປະຊຸມໂດຍທ່ານ ນາງ ບຸນຄຳ ວໍລະຈິດ ຜູ້ວ່າການ ທຫລ ຊຶ່ງມີທ່ານຮອງຜູ້ວ່າການ ທຫລ, ບັນດາທ່ານຈາກບັນດາກະຊວງ, ທະນາຄານພັດທະນາອາຊີ ແລະ ອົງການຈັດຕັ້ງສາກົນ, ທະນາຄານທຸລະກິດ, ສະຖາບັນການເງິນ, ຜູ້ໃຫ້ບໍລິການໃນການຊຳລະ ແລະ ວິຊາການທີ່ກ່ຽວຂ້ອງ ເຂົ້າຮ່ວມ.

ກວດຄວາມພ້ອມກຽມຝຶກຊ້ອມຮ່ວມລາວ-ຣັດເຊຍ

12/09/2025 14:29

ໃນວັນທີ 10 ກັນຍາ ຜ່ານມາ, ສະຫາຍ ພົນຈັດຕະວາ ກົງທອງ ສຸຂະວົງ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ ພ້ອມຄະນະ ແລະ ສະຫາຍ ພັນເອກ ໂຣມັນ ໂກວາເລັນໂກ ທີ່ປຶກສາທູດຝ່າຍທະຫານແຫ່ງ ສ ຣັດເຊຍ ປະຈໍາ ສປປ ລາວ ໄດ້ເຄື່ອນໄຫວກວດກາຄວາມພ້ອມຢູ່ພາກສະໜາມ ເພື່ອກະກຽມຫັດແອບຝຶກຊ້ອມຮ່ວມລາວ-ຣັດເຊຍ ພາຍໃຕ້ລະຫັດ “ລາໂຣດສ 2025” ທີ່ຈະໄດ້ຈັດຂຶ້ນຢູ່ສະໜາມຫັດແອບວິທະຍາຄານນາຍທະຫານບົກກົມມະດຳ.

ສາຍການບິນ Vietjet ລາຍງານຜົນການກວດສອບບັນຊີການເງິນ

11/09/2025 10:19

ສາຍການບິນ Vietjet ໄດ້ເຜີຍແຜ່ບົດລາຍງານການກວດສອບບັນຊີການເງິນສໍາລັບເຄິ່ງປີທໍາອິດ ຂອງປີ 2025, ໂດຍລາຍງານການເຕີບໃຫຍ່ທີ່ໂດດເດັ່ນ ແລະ ເສີມສ້າງຄວາມເຂັ້ມແຂງໃນຖານະສາຍການບິນທີ່ກໍາລັງຂະຫຍາຍຕົວໃນລະດັບສາກົນ. ນອກຈາກນີ້, ສາຍການບິນດັ່ງກ່າວຍັງໄດ້ປະກາດເສັ້ນທາງບິນໃໝ່ ໂດຍມີຖ້ຽວບິນກົງເຊື່ອມຕໍ່ລະຫວ່າງນະຄອນໂຮ່ຈິມິນ ຊຶ່ງເປັນສູນກາງທາງດ້ານເສດຖະກິດຂອງຫວຽດນາມກັບນະຄອນຫຼວງມານີລາຂອງຟີລິບປິນ ຊຶ່ງມີກຳນົດເປີດໃຫ້ບໍລິການໃນເດືອນພະຈິກ. ສໍາລັບນັກທ່ອງທ່ຽວຊາວລາວ, ເສັ້ນທາງບິນໃໝ່ນີ້ຈະອຳນວຍຄວາມສະດວກໃນການເດີນທາງລະຫວ່າງ ສປປ ລາວ ແລະ ປະເທດຟີລິບປິນ ໄດ້ສະດວກຂຶ້ນ ຜ່ານການເຊື່ອມຕໍ່ຖ້ຽວບິນຂອງສາຍການບິນ Vietjet.

ຄຳມ່ວນ - ນະຄອນພະນົມ ຮ່ວມມືໃນ 8 ບັນຫາສໍາຄັນ

11/09/2025 09:58

ກອງປະຊຸມ ຄະນະກໍາມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ - ໄທ ຄັ້ງທີ 14 ລະຫວ່າງ ແຂວງຄຳມວນ ສປປ ລາວ ແລະ ຈັງຫວັດນະຄອນພະນົມ ຣາຊະອານາຈັກໄທ ຈັດຂຶ້ນໃນວັນທີ 10 ກັນຍານີ້ ທີ່ເຮືອນພັກເລກ 1 ແຂວງຄໍາມ່ວນ ສປປ ລາວ. ຄະນະຜູ້ແທນ ຝ່າຍແຂວງຄໍາມ່ວນນໍາໂດຍ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ປະທານຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນຂອງແຂວງ, ຝ່າຍຈັງຫວັດນະຄອນພະນົມ ນໍາໂດຍ ທ່ານ ປຣາດຍາ ອຸ່ນເພັດວະຣາກອນ ຜູ້ວ່າຣາຊະການຈັງຫວັດນະຄອນພະນົມ ປະທານຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນຈັງຫວັດນະຄອນພະນົມ, ມີຕາງໜ້າກົງສູນໃຫຍ່ ສປປ ລາວ ປະຈໍາຂອນແກ່ນ ແລະ ກົງສູນໃຫຍ່ ຣາຊະອານາຈັກໄທ ປະຈໍາສະຫວັນນະເຂດ, ພ້ອມດ້ວຍຜູ້ແທນສອງຝ່າຍເຂົ້າຮ່ວມ.

ທ່ານ ພູໂຂງ ສີສຸລາດ ຍື່ນສານຕາຕັ້ງຕໍ່ ປະທານາທິບໍດີ ສ ອາເມລິກາ

11/09/2025 09:51

ໃນຕອນເຊົ້າຂອງວັນທີ 5 ກັນຍາ ຜ່ານມາ ທີ່ ທໍານຽບຂາວ, ທ່ານ ພູໂຂງ ສີສຸລາດ ໄດ້ເຂົ້າຍື່ນສານຕາຕັ້ງຕໍ່ທ່ານ ໂດໂນ ທຣຳ ປະທານາທິບໍດີ ແຫ່ງ ສະຫະລັດ ອາເມຣິກາ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສະຫະລັດອາເມຣິກາ ຄົນໃໝ່ ຊຶ່ງມີສຳນັກງານການທູດຕັ້ງຢູ່ນະຄອນຫຼວງວໍຊິງຕັນ, ດີຊີ (Washington, D.C.)

ທູດລາວ ຍື່ນສານຕາຕັ້ງຕໍ່ ປະທານາທິບໍດີ ຝຣັ່ງ

11/09/2025 09:48

ໃນຕົ້ນເດືອນກັນຍາ ນີ້ ທີ່ ທຳນຽບປະທານາທິບໍດີ ແຫ່ງ ສາທາລະນະລັດ ຝຣັ່ງ ນະຄອນຫຼວງປາຣີ, ທ່ານ ກາລະມຸງຄຸນ ສຸພານຸວົງ ໄດ້ເຂົ້າຍື່ນສານຕາຕັ້ງ ຕໍ່ທ່ານ ແອມມານູຍແອນ ມາຄຣົງ (Emmanuel MACRON) ປະທານາທິບໍດີ ແຫ່ງ ສາທາລະນະລັດ ຝຣັ່ງ ເພື່ອດຳລົງຕຳແໜ່ງເປັນເອກອັກຄະຖະທູດວິສາມັນ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ປະເທດ ສາທາລະນະລັດ ຝຣັ່ງ.

ທ່ານຮອງນາຍົກລັດຖະມົນຕີ ຕ້ອນຮັບຜູ້ຊ່ວຍເລຂາທິການໃຫຍ່ ອົງການ ສປຊ

11/09/2025 09:46

ໃນຕອນເຊົ້າວັນທີ 10 ກັນຍາ ນີ້ ທີ່ສຳນັກງານນາຍົກລັດຖະມົນຕີ, ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນາງ ການນີ ວິຍາຣາຈາ (Ms. KanniWignaraja) ຜູ້ຊ່ວຍເລຂາທິການໃຫຍ່ ອົງການສະຫະປະຊາຊາດ ຜູ້ອໍານວຍການພາກພື້ນອາຊີ-ປາຊີຟິກ ຂອງອົງການສະຫະປະຊາຊາດ ເພື່ອການພັດທະນາ (UNDP) ພ້ອມດ້ວຍຄະນະ.

ເພີ່ມເຕີມ