ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ບໍລິສັດ ຊີໂນ-ອາກຣີ ໂປຕາສ ຢູ່ບ້ານດົງໃຕ້ ເມືອງທ່າແຂກ ແຂວງຄໍາມ່ວນ ໃນວັນທີ ວັນທີ 1ຕຸລາ ນີ້, ໂດຍມີທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີຄະນະປະທານພາປະຊາຊົນແຂວງ ແລະ ພະແນກການກ່ຽວຂ້ອງຂັ້ນແຂວງຮ່ວມຕິດຕາມ.
ທ່ານ ຫວາງ ຈ່ຽນຕົງ ຮອງອຳນວຍການບໍລິສັດຊີໂນ-ອາກຣີ ໂປຕາສ ໄດ້ລາຍງານສະພາບລວມການເຄື່ອນໄຫວຈັດຕັ້ງປະຕິບັດ ແລະ ດຳເນີນໂຄງການ ຊຶ່ງບໍລິສັດດັ່ງກ່າວແມ່ນໄດ້ຈົດທະບຽນສ້າງຕັ້ງໃນເດືອນພຶດສະພາ 2009 ທີ່ນະຄອນຫຼວງວຽງຈັນ ເປັນບໍລິສັດລະດັບສາກົນທີ່ດຳເນີນການຂຸດຄົ້ນ, ປຸງແຕ່ ແລະ ຈໍາໜ່າຍ ເກືອໂປຕາສ. ໃນປີ 2021 ແມ່ນໄດ້ຜະລິດທົດລອງ ແລະ ກາຍເປັນໂຄງການເກືອໂປຕາສລະດັບ 1 ລ້ານໂຕນທຳອິດໃນຂົງເຂດໃໝ່ຂອງການຜະລິດເກືອໂປຕາສໃນໂລກ ຊຶ່ງຜະລິດຕະພັນເກືອໂປຕາສຂອງບໍລິສັດຊີໂນ-ອາກຣີ ແມ່ນໄດ້ສົ່ງອອກຈໍາໜ່າຍໃນຫຼາຍປະເທດເຊັ່ນ: ຈີນ, ຫວຽດນາມ, ໄທ, ອິນໂດເນເຊຍ, ມາເລເຊຍ, ອິນເດຍ, ນິວຊີແລນ ແລະ ຍີ່ປຸ່ນ, ໄດ້ສ້າງອິດທິພົນທີ່ພົ້ນເດັ່ນໃນຕະຫຼາດສາກົນ ໂດຍສະເພາະແມ່ນຕະຫຼາດເອເຊຍຕາເວັນອອກສ່ຽງໃຕ້. ປັດຈຸບັນກຳລັງການຜະລິດແມ່ນບັນລຸ 2 ລ້ານໂຕນຕໍ່ປີ, ໃນທ້າຍປີ 2023 ແມ່ນຈະບັນລຸ 3 ລ້ານໂຕນຕໍ່ປີ, ປີ 2025 ຈະບັນລຸ 5 ລ້ານໂຕນຕໍ່ປີ ແລະ ອະນາຄົດຈະບັນລຸ 10 ລ້ານໂຕນຕໍ່ປີ, ເພື່ອຕອບສະໜອງການບໍລິການຜະລິດຕະພັນທີ່ມີຄຸນນະພາບສູງໃຫ້ແກ່ອາຊີ ແລະ ທົ່ວໂລກຊຶ່ງໄດ້ຊຸກຍູ້ການສ້າງວຽກເຮັດງານທຳໃຫ້ແກ່ທ້ອງຖິ່ນ, ບໍລິສັດຍັງໄດ້ຈັດຕັ້ງດຳເນີນຫຼາກຫຼາຍກິດຈະກຳວິສາຫະກິດ ເພື່ອເສີມສ້າງທີມງານທີ່ສາມັກຄີກົມກຽວ ເພື່ອພ້ອມກັນພະຍາຍາມສູ້ຊົນໃຫ້ບັນລຸຄາດໝາຍ ໂຄງການປອດໄພ, ສີຂຽວ, ເປັນມິດກັບສິ່ງແວດລ້ອມ ແລະ ພັດທະນາຍືນຍົງ. ນອກນີ້ໃນເຂດດັ່ງກ່າວຍັງຈະໄດ້ສ້າງເປັນສວນອຸດສາຫະກຳໝູນວຽນອັດສະລິຍະ ອາຊີໂປຕາສ ສາກົນ ໂດຍຈະແບ່ງອອກເປັນ 3 ພາກສ່ວນໃຫຍ່ຄື: ສວນອຸດສາຫະກຳໂປຕາສ, ສວນອຸດສາຫະກຳອະໂປຕາສ ແລະ ເມືອງອັດສະລິຍະ, ມີເນື້ອທີ່ລວມປະມານ 2.000 ເຮັກຕາ, ຄາດຄະເນການລົງທຶນທັງໝົດ 4,31 ຕື້ໂດລາ.
ໃນໂອກາດນີ້ ທ່ານຮອງປະທານສະພາແຫ່ງຊາດ ພ້ອມດ້ວຍບັນດາທ່ານທີ່ຮ່ວມຕິດຕາມ ຍັງໄດ້ມີຄໍາເຫັນ ແລະ ຕີລາຄາສູງຕໍ່ຜົນງານການເຄື່ອນໄຫວດຳເນີນທຸລະກິດຂອງໂຄງການ ໂດຍສະເພາະແມ່ນການຊຸກຍູ້ສົ່ງເສີມການສ້າງວຽກເຮັດງານທຳໃຫ້ແກ່ແຮງງານລາວໃນທ້ອງຖິ່ນ ລວມເຖິງການປະກອບສ່ວນຊ່ວຍເຫຼືອສັງຄົມໃນດ້ານຕ່າງໆ ເປັນຕົ້ນພັດທະນາດ້ານພື້ນຖານໂຄງລ່າງຕ່າງໆໃຫ້ແກ່ບັນດາບ້ານໃນເຂດໂຄງການ, ການປະກອບສ່ວນພັດທະນາເສດຖະກິດ-ສັງຄົມຂອງລັດຖະບານ ກໍຄືແຂວງຄໍາມ່ວນ. ນອກນີ້ຍັງໄດ້ສະເໜີໃຫ້ບໍລິສັດ ຊ່ວຍຊຸກຍູ້ສົ່ງເສີມໃນການປະກອບສ່ວນສ້າງພື້ນຖານໂຄງລ່າງຂອງແຂວງທີ່ມີຄວາມຈໍາເປັນ ເປັນຕົ້ນການປະກອບສ່ວນປັບປຸງສ້ອມແປງເສັ້ນທາງ, ການຊຸກຍູ້ໃຫ້ບໍລິສັດຂອງລາວ ໄດ້ມີສ່ວນຮ່ວມໃນການພັດທະນາໂຄງການຕ່າງໆຂອງບໍລິສັດ ເພື່ອສ້າງຄວາມເຂັ້ມແຂງໃຫ້ແກ່ບັນດາບໍລິສັດຂອງລາວ, ການຊຸກຍູ້ໃຫ້ພໍ່ແມ່ປະຊາຊົນທຳການຜະລິດກະສິກຳ ເພື່ອສະໜອງຜົນຜະລິດໃຫ້ແກ່ໂຮງງານ ລວມເຖິງກິດຈະກຳຕ່າງໆ ເພື່ອສ້າງລາຍຮັບທີ່ໝັ້ນຄົງໃຫ້ແກ່ປະຊາຊົນໃນເຂດໂຄງການ ແລະ ເຂດອື່ນໆຂອງແຂວງຄໍາມ່ວນ. ພ້ອມນີ້ຄະນະຂອງທ່ານຮອງປະທານສະພາແຫ່ງຊາດ ຍັງໄດ້ເດີນທາງໄປກາບໄຫວ້ ແລະ ຊົມພິພິທະພັນ ທີ່ອະນຸສອນປະທານໂຮ່ຈິມິນ ຢູ່ບ້ານຊຽງຫວາງ ເມືອງໜອງບົກ.
(ຂ່າວ: ກອງຄຳ)
ທ່ານ ຫວາງ ຈ່ຽນຕົງ ຮອງອຳນວຍການບໍລິສັດຊີໂນ-ອາກຣີ ໂປຕາສ ໄດ້ລາຍງານສະພາບລວມການເຄື່ອນໄຫວຈັດຕັ້ງປະຕິບັດ ແລະ ດຳເນີນໂຄງການ ຊຶ່ງບໍລິສັດດັ່ງກ່າວແມ່ນໄດ້ຈົດທະບຽນສ້າງຕັ້ງໃນເດືອນພຶດສະພາ 2009 ທີ່ນະຄອນຫຼວງວຽງຈັນ ເປັນບໍລິສັດລະດັບສາກົນທີ່ດຳເນີນການຂຸດຄົ້ນ, ປຸງແຕ່ ແລະ ຈໍາໜ່າຍ ເກືອໂປຕາສ. ໃນປີ 2021 ແມ່ນໄດ້ຜະລິດທົດລອງ ແລະ ກາຍເປັນໂຄງການເກືອໂປຕາສລະດັບ 1 ລ້ານໂຕນທຳອິດໃນຂົງເຂດໃໝ່ຂອງການຜະລິດເກືອໂປຕາສໃນໂລກ ຊຶ່ງຜະລິດຕະພັນເກືອໂປຕາສຂອງບໍລິສັດຊີໂນ-ອາກຣີ ແມ່ນໄດ້ສົ່ງອອກຈໍາໜ່າຍໃນຫຼາຍປະເທດເຊັ່ນ: ຈີນ, ຫວຽດນາມ, ໄທ, ອິນໂດເນເຊຍ, ມາເລເຊຍ, ອິນເດຍ, ນິວຊີແລນ ແລະ ຍີ່ປຸ່ນ, ໄດ້ສ້າງອິດທິພົນທີ່ພົ້ນເດັ່ນໃນຕະຫຼາດສາກົນ ໂດຍສະເພາະແມ່ນຕະຫຼາດເອເຊຍຕາເວັນອອກສ່ຽງໃຕ້. ປັດຈຸບັນກຳລັງການຜະລິດແມ່ນບັນລຸ 2 ລ້ານໂຕນຕໍ່ປີ, ໃນທ້າຍປີ 2023 ແມ່ນຈະບັນລຸ 3 ລ້ານໂຕນຕໍ່ປີ, ປີ 2025 ຈະບັນລຸ 5 ລ້ານໂຕນຕໍ່ປີ ແລະ ອະນາຄົດຈະບັນລຸ 10 ລ້ານໂຕນຕໍ່ປີ, ເພື່ອຕອບສະໜອງການບໍລິການຜະລິດຕະພັນທີ່ມີຄຸນນະພາບສູງໃຫ້ແກ່ອາຊີ ແລະ ທົ່ວໂລກຊຶ່ງໄດ້ຊຸກຍູ້ການສ້າງວຽກເຮັດງານທຳໃຫ້ແກ່ທ້ອງຖິ່ນ, ບໍລິສັດຍັງໄດ້ຈັດຕັ້ງດຳເນີນຫຼາກຫຼາຍກິດຈະກຳວິສາຫະກິດ ເພື່ອເສີມສ້າງທີມງານທີ່ສາມັກຄີກົມກຽວ ເພື່ອພ້ອມກັນພະຍາຍາມສູ້ຊົນໃຫ້ບັນລຸຄາດໝາຍ ໂຄງການປອດໄພ, ສີຂຽວ, ເປັນມິດກັບສິ່ງແວດລ້ອມ ແລະ ພັດທະນາຍືນຍົງ. ນອກນີ້ໃນເຂດດັ່ງກ່າວຍັງຈະໄດ້ສ້າງເປັນສວນອຸດສາຫະກຳໝູນວຽນອັດສະລິຍະ ອາຊີໂປຕາສ ສາກົນ ໂດຍຈະແບ່ງອອກເປັນ 3 ພາກສ່ວນໃຫຍ່ຄື: ສວນອຸດສາຫະກຳໂປຕາສ, ສວນອຸດສາຫະກຳອະໂປຕາສ ແລະ ເມືອງອັດສະລິຍະ, ມີເນື້ອທີ່ລວມປະມານ 2.000 ເຮັກຕາ, ຄາດຄະເນການລົງທຶນທັງໝົດ 4,31 ຕື້ໂດລາ.
ໃນໂອກາດນີ້ ທ່ານຮອງປະທານສະພາແຫ່ງຊາດ ພ້ອມດ້ວຍບັນດາທ່ານທີ່ຮ່ວມຕິດຕາມ ຍັງໄດ້ມີຄໍາເຫັນ ແລະ ຕີລາຄາສູງຕໍ່ຜົນງານການເຄື່ອນໄຫວດຳເນີນທຸລະກິດຂອງໂຄງການ ໂດຍສະເພາະແມ່ນການຊຸກຍູ້ສົ່ງເສີມການສ້າງວຽກເຮັດງານທຳໃຫ້ແກ່ແຮງງານລາວໃນທ້ອງຖິ່ນ ລວມເຖິງການປະກອບສ່ວນຊ່ວຍເຫຼືອສັງຄົມໃນດ້ານຕ່າງໆ ເປັນຕົ້ນພັດທະນາດ້ານພື້ນຖານໂຄງລ່າງຕ່າງໆໃຫ້ແກ່ບັນດາບ້ານໃນເຂດໂຄງການ, ການປະກອບສ່ວນພັດທະນາເສດຖະກິດ-ສັງຄົມຂອງລັດຖະບານ ກໍຄືແຂວງຄໍາມ່ວນ. ນອກນີ້ຍັງໄດ້ສະເໜີໃຫ້ບໍລິສັດ ຊ່ວຍຊຸກຍູ້ສົ່ງເສີມໃນການປະກອບສ່ວນສ້າງພື້ນຖານໂຄງລ່າງຂອງແຂວງທີ່ມີຄວາມຈໍາເປັນ ເປັນຕົ້ນການປະກອບສ່ວນປັບປຸງສ້ອມແປງເສັ້ນທາງ, ການຊຸກຍູ້ໃຫ້ບໍລິສັດຂອງລາວ ໄດ້ມີສ່ວນຮ່ວມໃນການພັດທະນາໂຄງການຕ່າງໆຂອງບໍລິສັດ ເພື່ອສ້າງຄວາມເຂັ້ມແຂງໃຫ້ແກ່ບັນດາບໍລິສັດຂອງລາວ, ການຊຸກຍູ້ໃຫ້ພໍ່ແມ່ປະຊາຊົນທຳການຜະລິດກະສິກຳ ເພື່ອສະໜອງຜົນຜະລິດໃຫ້ແກ່ໂຮງງານ ລວມເຖິງກິດຈະກຳຕ່າງໆ ເພື່ອສ້າງລາຍຮັບທີ່ໝັ້ນຄົງໃຫ້ແກ່ປະຊາຊົນໃນເຂດໂຄງການ ແລະ ເຂດອື່ນໆຂອງແຂວງຄໍາມ່ວນ. ພ້ອມນີ້ຄະນະຂອງທ່ານຮອງປະທານສະພາແຫ່ງຊາດ ຍັງໄດ້ເດີນທາງໄປກາບໄຫວ້ ແລະ ຊົມພິພິທະພັນ ທີ່ອະນຸສອນປະທານໂຮ່ຈິມິນ ຢູ່ບ້ານຊຽງຫວາງ ເມືອງໜອງບົກ.
(ຂ່າວ: ກອງຄຳ)
ຄໍາເຫັນ