ທ່ານ ທອງສີ ອິນຈັກ ໄດ້ລາຍງານວ່າ: ໃນໄລຍະທີ່ຜ່ານມາ ຄະນະກວດກາພັກ-ລັດເມືອງໄດ້ພ້ອມກັນຄົ້ນຄ້ວາ ແລະ ເຊື່ອມຊຶມບັນດານິຕິກຳຕ່າງໆເປັນຕົ້ນແມ່ນ ກົດລະບຽບຂອງພັກສະໄໝທີ XI, ກົດໝາຍວ່າດ້ວຍກວດກາລັດ, ກົດໝາຍວ່າດ້ວຍແກ້ໄຂຄຳຮ້ອງທຸກ, ກົດໝາຍວ່າດ້ວຍການຕ້ານການສໍ້ລາດບັງຫຼວງ ແລະ ນິຕິກຳຕ່າງໆຂອງພັກ-ລັດ ເພື່ອນຳໄປເຜີຍແຜ່, ເຊື່ອມຊຶມໃຫ້ພະນັກງານ-ລັດຖະກອນ ແລະ ປະຊາຊົນບັນດາເຜົ່າທີ່ຢູ່ຮາກຖານບ້ານໃນທົ່ວເມືອງຢ່າງທົ່ວເຖິງ.
ໃນໂອກາດນີ້, ທ່ານ ວັນໄຊ ຊົ່ງຊາຢູ ກໍໄດ້ມີຄຳເຫັນພ້ອມທັງແລກປ່ຽນບາງວຽກງານຕໍ່ກັບການຈັດຕັ້ງປະຕິບັດວຽກງານກວດກາຢູ່ພາຍໃນເມືອງໃນໄລຍະຜ່ານມາ ແລະ ທ່ານໄດ້ເນັ້ນໃຫ້ພະນັກງານພາຍໃນຫ້ອງການກວດກາພັກເມືອງ ໂດຍສະເພາະກໍແມ່ນຜູ້ທີ່ຈະມາຮັບໜ້າທີ່ໃໝ່ ຈົ່ງເປັນເຈົ້າການໃນການນຳພາຈັດຕັ້ງປະຕິບັດວຽກງານກວດກາ ພ້ອມກັນແກ້ໄຂບາງບັນຫາທີ່ຍັງຄົງຄ້າງທີ່ຍົກຂຶ້ນມາໃນບົດລາຍງານເພື່ອແກ້ໄຂໃຫ້ຖືກປະເດັນ ແລະ ເຂັ້ມງວດ, ເພີ່ມທະວີຄວາມຮັບຜິດຊອບຕໍ່ວຽກງານຕິດຕາມ, ກວດກາຢ່າງແຂງແຮງ ແລະ ສ້າງເງື່ອນໄຂເຮັດໃຫ້ວຽກງານຕິດຕາມ, ກວດກາພັກມີຄວາມເຂັ້ມແຂງ ແລະ ໄດ້ຮັບການຈັດຕັ້ງປະຕິບັດຢ່າງຖືກຕ້ອງ.
(ຂ່າວ-ພາບ: ໄລພອນ ສີສົມພອນ)
ຄໍາເຫັນ