ຫວ່າງບໍ່ດົນມານີ້, ທ່ານ ຄໍາໄຫຼ ສີປະເສີດ ກໍາມະການສູນກາງພັກຮອງປະທານຜູ້ປະຈໍາການສູນກາງແນວລາວສ້າງຊາດ (ສນຊ) ພ້ອມດ້ວຍຄະນະໄດ້ເຂົ້າພົບປະທ່ານ ດາລີວັນ ພູສະຫວັນ ຄະນະປະຈໍາພັກແຂວງປະທານແນວລາວສ້າງຊາດ ແຂວງບໍ່ແກ້ວ, ມີທ່ານ ສົມພອນ ແກ້ວມະນີ ຄະນະປະຈໍາພັກແຂວງຫົວໜ້າຈັດຕັ້ງແຂວງ, ທ່ານ ບຸນມາ ສີລິປັນຍາ ຫົວໜ້າພະແນກພາຍໃນ, ບັນດາທ່ານຜູ້ຕາງໜ້າຈາກອົງການຈັດຕັ້ງມະຫາຊົນເຂົ້າຮ່ວມ ທີ່ສະໂມສອນ ອົງການພັດທະນາ ແລະ ບໍລິຫານຕົວເມືອງຂອງແຂວງເຂົ້າຮ່ວມ.
ທ່ານປະທານແນວລາວສ້າງຊາດແຂວງໄດ້ສະແດງຄວາມຮູ້ສຶກຍິນດີຕ້ອນຮັບ ແລະ ຕີລາຄາສູງຕໍ່ກັບທ່ານຮອງປະທານຜູ້ປະຈໍາການ ສນຊ ທີ່ໄດ້ລົງມາພົບປະຢ້ຽມຢາມ, ເຄື່ອນໄຫວຊຸກຍູ້ວຽກງານແນວໂຮມຢູ່ແຂວງບໍ່ແກ້ວຄັ້ງນີ້, ໂດຍສະເພາະແມ່ນວຽກງານກົງຈັກ, ບຸກຄະລາກອນ, ຕິດພັນກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ, ສະແດງຄວາມຂອບໃຈຢ່າງສູງຕໍ່ສູນກາງແນວລາວສ້າງຊາດທີ່ຍາມໃດກໍໄດ້ເປັນຫວ່ງເປັນໃຍ, ເອົາໃຈໃສ່ໃກ້ຊິດ-ຕິດແທດໃຫ້ຄວາມສໍາຄັນຕໍ່ວຽກງານແນວໂຮມຂອງແຂວງບໍ່ແກ້ວຕະຫຼອດໄລຍະຜ່ານມາ ພ້ອມກັນນັ້ນ, ຍັງໄດ້ຮັບຟັງການເຜີຍແຜ່ເອກະສານສໍາຄັນຄື: ມະຕິ 030/ກມສພ ວ່າດ້ວຍມາດຕະຖານ ຂອງພະນັກງານນໍາພາຄຸ້ມຄອງແລະ ແຈ້ງການເລກທີ 17/ຄປຈ ກ່ຽວກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ໄລຍະ 5 ປີ 2024-2029, ຄໍາສັ່ງເລກທີ 11/ຄລສພ, ວ່າດ້ວຍການຄາດຄະເນແບ່ງຄວາມຮັບຜິດຊອບ ຂອງຄະນະປະຈໍາພັກແຕ່ລະຂັ້ນ, ຂໍ້ຕົກລົງ 388/ຄປຈ ວ່າດ້ວຍ 9 ຂໍ້ແຂ່ງຂັນຮັກຊາດ ແລະ ພັດທະນາຂົງເຂດແນວລາວສ້າງຊາດ ແລະ ເອກະສານອື່ນໆທີ່ກ່ຽວຂ້ອງກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ. ນອກຈາກນັ້ນ, ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດຄໍາເຫັນຢ່າງກົງໄປກົງມາຕໍ່ວຽກງານດັ່ງກ່າວ.
ທ່ານ ຄຳໄຫຼ ສີປະເສີດ ໄດ້ສະແດງຄວາມຊົມເຊີຍຕໍ່ຄະນະນໍາຂອງແຂວງທີ່ໄດ້ເອົາໃຈໃສ່ໃນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ໂດຍສະເພາະແມ່ນກະກຽມດ້ານເນື້ອໃນ, ບຸກຄະລາກອນຢ່າງລະອຽດ ແລະ ທ່ານຍັງເນັ້ນຕື່ມວ່າເພື່ອເປັນການຍົກສູງບົດບາດ ແລະ ເພີ່ມທະວີຄວາມສາມາດໃນການນໍາພາ ຂອງແນວລາວສ້າງຊາດແຕ່ລະຂັ້ນໃຫ້ມີຄວາມເຂັ້ມແຂງ, ແນໃສ່ໃຫ້ຄະນະປະຈໍາພັກແຂວງ, ຄົ້ນຄວ້າປະກອບບຸກຄະລາກອນຜູ້ທີ່ຈະມາເປັນການນໍາ ຂອງແນວລາວສ້າງຊາດແຕ່ລະຂັ້ນ ຖືກຕ້ອງຕາມມາດຖານ ແລະ ເງື່ອນໄຂ ພ້ອມທັງຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາ ຂອງອົງການແນວລາວສ້າງຊາດ ນັບແຕ່ນີ້ ຫາ ປີ 2029 ໃນນີ້ໃຫ້ເອົາໃຈໃສ່ຍູ້ແຮງຂະບວນການເຕົ້າໂຮມຄວາມສາມັກຄີປະຊາຊົນບັນດາເຜົ່າ, ສາສະໜາ, ຊັ້ນຄົນ ໃຫ້ມີຄວາມສາມັກຄີປອງດອງ, ມີຄວາມສະຫງົບ, ປອດໄພ, ເປັນລະບຽບຮຽບຮ້ອຍ, ເຂົ້າຮ່ວມການແກ້ໄຂໄກ່ເກ່ຍບັນຫາປະກົດການຫຍໍ້ທໍ້ຕ່າງໆ; ສ້າງຂະບວນການຂໍ່ານັບຮັບຕ້ອນວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ, ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ເອົາໃຈໃສ່ຍູ້ແຮງຂະບວນການສ້າງຄອບຄົວ ແລະ ບ້ານສາມັກຄີປອງດອງໃຫ້ເປັນຂະບວນການຟົດຟື້ນໃນຂອບເຂດທົ່ວປະເທດ.
(ຂ່າວ-ພາບ: ສຸວັນລີ)
ທ່ານປະທານແນວລາວສ້າງຊາດແຂວງໄດ້ສະແດງຄວາມຮູ້ສຶກຍິນດີຕ້ອນຮັບ ແລະ ຕີລາຄາສູງຕໍ່ກັບທ່ານຮອງປະທານຜູ້ປະຈໍາການ ສນຊ ທີ່ໄດ້ລົງມາພົບປະຢ້ຽມຢາມ, ເຄື່ອນໄຫວຊຸກຍູ້ວຽກງານແນວໂຮມຢູ່ແຂວງບໍ່ແກ້ວຄັ້ງນີ້, ໂດຍສະເພາະແມ່ນວຽກງານກົງຈັກ, ບຸກຄະລາກອນ, ຕິດພັນກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ, ສະແດງຄວາມຂອບໃຈຢ່າງສູງຕໍ່ສູນກາງແນວລາວສ້າງຊາດທີ່ຍາມໃດກໍໄດ້ເປັນຫວ່ງເປັນໃຍ, ເອົາໃຈໃສ່ໃກ້ຊິດ-ຕິດແທດໃຫ້ຄວາມສໍາຄັນຕໍ່ວຽກງານແນວໂຮມຂອງແຂວງບໍ່ແກ້ວຕະຫຼອດໄລຍະຜ່ານມາ ພ້ອມກັນນັ້ນ, ຍັງໄດ້ຮັບຟັງການເຜີຍແຜ່ເອກະສານສໍາຄັນຄື: ມະຕິ 030/ກມສພ ວ່າດ້ວຍມາດຕະຖານ ຂອງພະນັກງານນໍາພາຄຸ້ມຄອງແລະ ແຈ້ງການເລກທີ 17/ຄປຈ ກ່ຽວກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ໄລຍະ 5 ປີ 2024-2029, ຄໍາສັ່ງເລກທີ 11/ຄລສພ, ວ່າດ້ວຍການຄາດຄະເນແບ່ງຄວາມຮັບຜິດຊອບ ຂອງຄະນະປະຈໍາພັກແຕ່ລະຂັ້ນ, ຂໍ້ຕົກລົງ 388/ຄປຈ ວ່າດ້ວຍ 9 ຂໍ້ແຂ່ງຂັນຮັກຊາດ ແລະ ພັດທະນາຂົງເຂດແນວລາວສ້າງຊາດ ແລະ ເອກະສານອື່ນໆທີ່ກ່ຽວຂ້ອງກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ. ນອກຈາກນັ້ນ, ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດຄໍາເຫັນຢ່າງກົງໄປກົງມາຕໍ່ວຽກງານດັ່ງກ່າວ.
ທ່ານ ຄຳໄຫຼ ສີປະເສີດ ໄດ້ສະແດງຄວາມຊົມເຊີຍຕໍ່ຄະນະນໍາຂອງແຂວງທີ່ໄດ້ເອົາໃຈໃສ່ໃນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ໂດຍສະເພາະແມ່ນກະກຽມດ້ານເນື້ອໃນ, ບຸກຄະລາກອນຢ່າງລະອຽດ ແລະ ທ່ານຍັງເນັ້ນຕື່ມວ່າເພື່ອເປັນການຍົກສູງບົດບາດ ແລະ ເພີ່ມທະວີຄວາມສາມາດໃນການນໍາພາ ຂອງແນວລາວສ້າງຊາດແຕ່ລະຂັ້ນໃຫ້ມີຄວາມເຂັ້ມແຂງ, ແນໃສ່ໃຫ້ຄະນະປະຈໍາພັກແຂວງ, ຄົ້ນຄວ້າປະກອບບຸກຄະລາກອນຜູ້ທີ່ຈະມາເປັນການນໍາ ຂອງແນວລາວສ້າງຊາດແຕ່ລະຂັ້ນ ຖືກຕ້ອງຕາມມາດຖານ ແລະ ເງື່ອນໄຂ ພ້ອມທັງຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາ ຂອງອົງການແນວລາວສ້າງຊາດ ນັບແຕ່ນີ້ ຫາ ປີ 2029 ໃນນີ້ໃຫ້ເອົາໃຈໃສ່ຍູ້ແຮງຂະບວນການເຕົ້າໂຮມຄວາມສາມັກຄີປະຊາຊົນບັນດາເຜົ່າ, ສາສະໜາ, ຊັ້ນຄົນ ໃຫ້ມີຄວາມສາມັກຄີປອງດອງ, ມີຄວາມສະຫງົບ, ປອດໄພ, ເປັນລະບຽບຮຽບຮ້ອຍ, ເຂົ້າຮ່ວມການແກ້ໄຂໄກ່ເກ່ຍບັນຫາປະກົດການຫຍໍ້ທໍ້ຕ່າງໆ; ສ້າງຂະບວນການຂໍ່ານັບຮັບຕ້ອນວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ, ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ເອົາໃຈໃສ່ຍູ້ແຮງຂະບວນການສ້າງຄອບຄົວ ແລະ ບ້ານສາມັກຄີປອງດອງໃຫ້ເປັນຂະບວນການຟົດຟື້ນໃນຂອບເຂດທົ່ວປະເທດ.
(ຂ່າວ-ພາບ: ສຸວັນລີ)
ຄໍາເຫັນ